ئەڤرۆ نیۆز، ھەژار مەعروف:
یانا نورشپینگ یا سویدی پێنگاڤەکا مەزن ھاڤێت بوو ب دەستڤە برنا ناسناڤێ خۆلا پلا نایاب یا سوید پشتی ئەڤرۆ شیای سەرکەفتنەکا گرنگ ل سەر یانا مالمو ھەلگرا ناسناڤێ وەرزێ بوری توماربکەت ب دو گولان بێ بەرامبەر، ب ڤێ سەرکەفتنێ نورشپینگ خالێن خوە گەھاندنە ٦٦ خالان و ژ دو یاریێن بھێت ژ خۆلا سوید پێدڤی سێ خالانە بۆ مسوگەرکرنا ناسناڤێ خۆلێ.
ھەژی گوتنێ یە دناڤا پێکھاتیێ یانا نورشپینگ یاریکەرەکێ کورد ل گەل ھەیە ئەوژی کورێ باژێریچ سلێمانیێ راویژ لاوان فەرھاد کو د زوربەیا یاریان دا وەکو یاریکەرەکێ یەدەگ پشکداری ل گەل تیمێ کری یە

ئەڤرۆ نیۆز:
نیڤا ئێکێ ژ یاریا ھەردو یانێن چێلسی و لیڤەرپول د خۆلا پرم لیگا ئینگلیزی ب وەکھەڤیا ھەردو تیمان ب دووماھی ھات، دەستپێکێ تیما چێلسی ب گۆلا یاریکەرێ خوە یێ بەرازیلی رامیرێز پێشکەڤت ل دقیقا چارێ و ل دەمێ زێدەکری یێ نیڤا ئێکێ ستَرا یانا لیڤەرپول یێ بەرازیلی کوتینھوی گۆلا وەکھەڤیێ بوو تیما خوە تومارکر.

ئەڤرۆ نیۆز، ھەژار مەعروف:
ئێکەتیا تەپا پیێ یا عیراقێ دەرگەھێ ئینانا یاریکەران بوو ڤەگوھاستنێن زفستانی دەست نیشانکر کو بریارە ٩-١١-٢٠١٥ دەرگەھێ ئینانا یاریکەرێن نافخوی و پیشەکار بھێتە ڤەکرن.
شەھاب ئەحمەد ئەندامێ لژنەیا بەریکان بوو مالپەرێ ئێکەتیا تەپا پیێ یا عیراقی دیارکری یە ئەوان ل سەر رازەمەندیا ئێکەتیا تەپا پیێ یا فیفا دەرگەھێ ئینانا یاریکەران ھەیڤەکی بەری ماوێ وێ یێ دروست ئینایە پێش ژبەرکو ھژمارەکا یانێن عیراقێ داخوازی ژ ئێکەتیا عیراقێ کر بوو .
ناڤبری ئاماژە ب وێ چەندێ ژی کر ھەر ژ رۆژا ٩-١١-٢٠١٥ ھەتا ١٥- ١٢ – ٢٠٠١٥ یانێن پشکدار دێ ماڤ ھەبیت ھەڤبەستێ ل گەل یاریکەرێن نافخوی و پیشەکار ئیمزابکەن.

ئەڤرۆ نیۆز:
د دێربیا ڤێ حەفتیێ ژ خۆلا پرم لیگا ئینگلیزی تیما تەپا پیێ یا چێلسی ھەتا نوکە ژ نیڤا ئێکێ یا پێشکەڤتی یە ل سەر یانا لیڤەرپول ب گولەکێ بێ بەرامبەر ،  گولا چێلسی ژلایێ یاریکەرێ وێ  یێ بەرازیلی رامیرێز سانتوس ل دەقیقا چارێ ھاتیە تومارکرن.

ئەڤرۆ نیۆز، ھەژار مەعروف:
دەستەیا کارگێریا یانا ئارارات گەھشتە رێککەفتنێ ل گەل راھێنەرێ یانا ھەولێرێ یێ وەرزێ بوری سەمەد جەوھەر بوو وەرگرتنا ئەرکێ راھێنەریا تیما ئارارات دخۆلا کوردستانێ دا بوو وەرزێ نوو .
ژێدەرەکێ نێزیک ژ یانا ئارارات بۆ مالپەرێ ئەڤرۆ نیۆز دیارکر ئەو گەھشتی نە رێککەفتنێ ل گەل راھێنەرێ ناڤبری بریارە سوباھی ب فەرمی ئەرکێ راھێنەریا تیما ئارارات وەربگرت و ئێکەم یەکا راھێنانی سوباھی ب سەرپەرشتیا وی بھێتەکرن بوو خوبەرھەڤکرن بوو یاریێن خۆلا کوردستانێ بو وەرزێ نوو یێ خۆلێ.

ئەڤرۆ نیۆز:
رۆژناما دایلی ستار یا ئینگلیزی دیارکری یە ھەردو یانێن ئەرسنال و مانشێستەر یوناید ھەڤرکیا ئێک د کەن بوو دەستڤە ئینانا شیانێن یاریکەرێ گەنج یێ یانا بەرشلونا بات سێرجی یێ ٢٠ سالی ئەوێ ل دووماھی یاریا کاسا شاھێ ئیسپانیا دا وەکو یاریکەرەکێ سەرەکی یاری کری و شیای ئاستەکێ بلند پێشکێش بکەت .
ھەمان رۆژنامە دیارکری یە ھەردو یانێن ئینلگیزی نوکە گرنگیەکا مەزن دایە ئەڤی یاریکەری بەردەوام دیڤچوونا یاریێن ڤی یاریکەری کەن .

ئەڤرۆ نیۆز:
ژێدەرێن وەرزشی ل ئەورپا وەسا دیارکری یە دەستەیا کارگێریا یانا بەرشلونا ھزر ل ئینانا یاریکەرێ ھەلبژارتیێ ئیسپانیا و یانا چێلسی دی کوستا کری یە ل ڤەگوھاستنێن ھاڤینا بھێت.
رۆژناما دیلی ئاکسپرس یا ئینگلیزی دیارکری یە راھێنەرێ یانا بەرشلونا لویس ئەنریکی داخوازی ژ دەستەیا کارگێریا یانێ کری یە ھەڤبەست ل گەل دی کوستا بھێتە ئیمزاکرن بوو وەرزێ بھێت بوو ب ھێز ئێخستنا ھێلا ھێرشبەریا یانا کەتەلونی .