ئەڤرۆ نیوز،زنار تۆڤی:
ژێدەرێن روژنامەڤانی خویاکرن کو بەرپرسێن ریال مەدرید ئەگەر و ھوکارێن بەرپرسێ ئێکێ يێ شکەستن و ئاست خرابیا ڤی وەرزی یێ ریالێ ئاشکرا کریە.
ئەو ژێدەر دبێژن: بەرپرسێن یانا شاھانە وەسا دیاردکەن کو ئەگەرێن سەرەکی یێن ئاست خرابی و شکەستنا یا نەیا وان د ڤی وەرزی دا جوڤانی ماوری راھێنەرێ جەستەیی یێ وێ یانێ یە، ئەو ئەگەر بوویە بۆ زوربوونا ھنگافتنێن یاریزان و وەستیانێ و ھەستکرنا وان ب دل نە رحەتیێ.
روژناما مارکا ئاشکراکریە بەرپرسێن یانێ ژ دوخێ جەستەیێ یاریزانان نەدرازینە و ب تایبەتی د چەندین یاریێن بۆری یێن وێ یانێ و ئەو دبێژن ئەو راھێنەرە بەرپرسە ژ شیانێن جەستەیی یێن یاریزانان و نەشیایە ب دورستی ئەرکێ خو بجه، بینیت.
بەرپرسێن یانێ دبێژن: ھنگافتنێن یاریزانێن یانێ و ب تایبەتی ھنگافتنێن ماسۆلکان ڤەدگەرینن بۆ خرابیا ئامادەکرنا جەستەیێ یاریزانان و ژ بەر ھندێ ئەو دبێژن ھەمی بەرپرسیارەتی دکەڤیتە ستوویێ جاڤانی ماوری، لەورا د کومبوونا داھاتی یا بەرپرسێن ریالێ نووچەیێ دوورخستنا وی ژ ئەرکێ وی دێ ھێتە راگەھاندن.

ئەڤرۆ:
بریارە ئه‌ڤرۆ تیما تەپا پێ یا یانا دھۆک یاریا خوە یا دویێ ژ کوما دویێ یا قوناغا بژارە یا خولا عیراقێ یا تەپا پێ بۆ یانێن پلا نایاب بەرامبەر یانا نەفت جنوب بکەت ل دەمژمێر چار و نیڤی ئێڤاری ل یاریگەھا بەسرا یا نێڤدەولەتی.
د ڤێ کومێ دا یانا دھۆک ل رێزا دویێ دھێت ب خالەکێ ئەوا یانا جەویە سەرکێشیا وێ دکەت ب سێ خالان و ڤێ یاریێ ھەتا رادەیەکێ مەزن گرنگیا خوە بۆ یانا دھۆک ھەیە ژبەرکو پێدڤی سەرکەفتنێ یە، ھەکە بڤێت بەردەوامیێ بدەتە ھەڤرکیا خولێ.
بەری ڤێ یاریێ یاریکەرێ تیما تەپا پێ یا یانا دھۆک کامیران خالد د داخویانیەکێ دا بۆ رۆژناما ئەڤرۆ دیارکر د ڤی دەمی دا گڤاشتنەکا زور ل سەر تیمێ ھەیە ژ بەرکو دوھی یاریا دووماھیا خولا ھەرێما کوردستانێ ھاتیە کرن و دووڤ دا بەر ب بەسرا چین و رۆژا شەمبی یاریا خوە ل گەل یانا نەفت جنوب کەن و یاریکەر حەتا رادەکی تووشی وەستیانێ بوینە، لێ بۆ ڤێ یاریێ دێ ھەمی شیانێن ھێنە مەزاختن ھەر چ نەبیت تووشی خوسارەتیێ نەبین و زێدەتر مفای ژ وان یاریا وەرگرین یێن ل یاریگەھا مە دھێنەکرن و ھەمی یاریکەر د بەرھەڤن بۆ ڤێ یاریێ سەرەرای وێ چەندێ کو یانا نەفت جنوب خودان ھژمارەکا زور یا یاریکەرێن خودان شیانە ل سەر ئاستێ عیراقێ.
بەرامبەر عودەی تالب گۆلچیێ یانا نەفت ئەلجنوب بۆ رۆژناما ئەڤرۆ گۆت: د یاریا بوری دا تیما مە بۆ قوربانا بریارێن دادڤانی یێن خەلەت، لێ بۆ ڤێ یاریێ دێ قەرەبویا خوسارەیتا یاریا بەرامبەر جەویە کەین و یانا دھۆک نوکە ھژمارەکا یاریکەرێن گەنج پشکداریێ دکەن و ڤان یاریکەران و ئاستێ وان د خولا عیراقێ دا باشتر ژ خولا ھەرێمێ ژ بەر کو ڤان یاریکەرا حەزا وێ چەندێ ھەیە ھەبونا خوە دیار بکەن ل سەر ئاستێ عیراقێ، لەورا ب یاریەکا ب ساناھی نابیت و پێدڤیە ب ھشیاری سەرەدەریێ ل گەل یانا دھۆک بکەین.

ئه‌ڤرۆ نيوز، قه‌يس ئيسماعيل:

بریارە ئەڤرۆ دەمژمێر ٢:٣٠ یانا سێمێل میھڤانداریا یانا سیروانی نوێ بکەت د چارچوڤێ یاریێن گەرا شەشێ ژ قووناغا ئێکێ یا خولا پلا ئێک یا کوردستانێ، یانا سێمێلی دێ ھەول دەت مفا ژ شیانێن یاریکەرێن خوە و پشتەڤانیا جەماوەرێ خوە بۆ تومارکرنا سەرکەفتنی ل سەر یانا سیروانی نوێ وەرگریت و چاڤێ وێ ل یاریا سەرکێشا خولێ سولاڤ د گەل ھەلۆ بیت ئەگەر خوسارەت بوو دبیت بجیتە رێزا ئێکێ ب ھەڤرا د گەل یانا گارە ئەگەر وێ یانێ ژی سەرکەفتن تومارکر ل سەر یانا ئالا ل یاریگەھا وێ.
ل دۆر ڤێ یاریێ بەھزاد جاڤشین راھێنەرێ تیمێ دبێژێت: ھەر ژ دەستیکی مە دزانی ئاریشا دارایی یا ھەیی، بەلێ مە کرنگێ پێ نەدا و مە کار ل سەر پێشکێشکرنا ئاستەکێ جوان و سەرکەفتنێ کر و ئەڤرۆدێ بۆ سێ خالێن یاریێ کەین و تیما مە یاری بۆ یاریێ ئاستێ وێ بلندتر لێ دھێت و ئەڤی تشتی بۆ خەمخوریا یاریکەرێن خوە دزڤرینم کو خەمخورێن وەرزشا سێمێلێ نە و ب وریەکا بلند دێ ڤێ یارێ کەن و یا کرنگ ل دەف مە سەرکەفتنە و کەیفخوشیا جەماورەێ یانا سێمێلێ.
دلوڤان تیجر گولجیێ یانا سێمێلێ گۆت: یاریەکا گرنگە د ناڤبەرا تیما مە و سیروانی نوێ دا، ب تایبەت سەرکێشا خۆلێ ب جوداھیا خالەکێ ژ مە پێشکەفتیترە و چاڤەرێ پشتەڤانیا جەماوەرێ خوینە د یاریا ئەڤرۆ دا و یاری دەرگەھەکە بۆ سەرکێشیا خولێ.
ل دووماھیێ کاپتنێ یانێ غەریب حەسەن دبینیت یاریا وان یا ب ساھانی نینە و سێ خالێن یاریێ دێ تیمێ بەرەف پلێن پێشیێ بەن و دێ ھەمی شیانێن خوە مەزێخن بۆ سەرکەفتنێ ب مفا وەرگرتن ژ یاریگەھا خوە و جەماورەێ خوە سەرەرایی وێ ئاریشا دارایی کو ھەتا نوکە یاریکەرێن یانا سێمێلێ چ مووچە و گرێبەست وەرنەگرتینە.