ئەڤرۆ نیۆز، قائید میرۆ:
تەرمێ سەرکردەیەکێ داعش ل باژێڕێ رومادی گەھشتە باژێڕێ مووسل و ژێدەرەکی ژى ئاشکرا کر کو ئەف سەرکردێ داعش شيره‌تكارێ ئەبوبەکر بەغدادیە.

ژێدەرەکێ ئاگەھدار بۆ مالپەڕێ ئەڤرۆ نیۆز راگەھاند: “ئەڤرۆ رۆژا ئه‌ينى رێكه‌فتى 22ى گۆلانا 2015ێ تەرمێ سەرکردەیەکێ گرۆپا تیرۆرستیا داعش ب ناڤێ عەدنان لەتیف حەمید یێ بەرنیاس ب ئەبو موھەنەد کو شيره‌تكارێ ئەبوبەکر بەغدادی خەلیفەیێ داعشە گەھشتە باژێڕێ مووسل و ھاتە ڤەشارتن”.
ژێدەری کو نەڤیا ناڤێ وی بھێتە بەلافکرن دا زانين كو عەدنان لەتیف شيره‌تكارێ بەغدادی ل سەر رژێما بەرێ یا بەعس پلەیا موقەدەم ھەبوویە و بەری چەند رۆژان ل شەڕ و پێکدادانەکا ناڤبەرا داعش و فیرقەیا زێڕین یا سوپایێ عێراقێ ل پارێزگەھا رومادی ھاتیە کوشتن”.

ئەڤرو نیوز،بارزان مزووری:
ژێدەرەکى ژ چەکدارێن رێکخراوا ئازاد ل ناڤ باژێرێ مووسل بۆ ئەڤرۆ نیوز ئاشکرا کر کو دوھی رۆژا پێنجشه‌مبى رێكه‌فتى 21ى گۆلانا 2015ێ ل نێزیک دەمژمێر 3:00 ئیڤاری فرۆکەیێن ھەڤپەیمانان ماوێ 30 خولەکا بارەگایێن چەکدارێن تیرورستێن داعش ل دەڤەرا “الرفاعی” ل نێزیک پرا سێ ل ناڤ باژێرێ مووسل بوردومان کرن د ئەنجام دا 80 چەکدارێن تیرورستێن داعش ھاتنه‌ کوشتن و برینداركرن و د گەل تێکشکاندنا 10 ترومبێلێن ھەرمه‌ر یێن نھا کەفتینە د دەستێن داعش دا.
دیار کر ژى کو داعش نوكه‌ چووبوو د وان ئاڤاهيان ڤه‌ و خه‌لكێ وان تاخان ده‌ركربوو و خێزان و كه‌سوكارێن خوه‌ لێ بنه‌جهـ كربوون.
وی ژێدەتر زێدەتر گۆت: “داعش گەلەک چەکەکێ مەزن د ناڤ مووسل کۆم کربوو گەلەک ژ وی چەکی د ڤان دو روژان دا ژ لایێ فرۆکەیان ڤه‌ ھاتە ناڤبرن”.

ئه‌ڤرۆ نيوز:

لژنا په‌رله‌مانى يا تايبه‌ت ب ڤه‌كۆلينێ دكه‌ڤتنا مووسل دا راگه‌هاند كو پێدڤيه‌ د سێ رۆژێن داهاتى دا ئه‌ندامێن لژنێ پرسيارێن گرێدايى هه‌ردو جێگرێن سه‌رۆك كۆمارى، نورى مالكى و ئوسامه‌ نوجێفى و سه‌رۆكێ هه‌رێما كوردستانێ مه‌سعود بارزانى به‌رهه‌ڤ كه‌ن.

ئه‌ندامێ لژنێ عه‌باس خه‌زاعى راگه‌هاند: “سه‌رۆكاتيا لژنێ ئه‌ندامێن لژنا ڤه‌كۆلينێ د كه‌فتنا مووسل دا ئاگه‌هداركرينه‌ كو پرسيارێن تايبه‌ت يێن په‌يوه‌ندى ب نورى مالكى و ئوسمامه‌ نوجێفى و مه‌سعود بارزانى ڤه‌ هه‌ين د ماوێ سێ رۆژێن داهاتى دا، ژێك ڤاڤێرن و بۆ لايه‌نێن شۆله‌ژێ ره‌وانه‌ بكه‌ن”.

گۆتژى: “لژنه‌ دێ چاڤه‌رێ به‌رسڤان بيت ژ وان هه‌رسێ به‌رپرسان ل دۆر ئه‌وان پرسيارێن دێ ل دۆر كه‌فتنا موووسل ژێ هێنه‌ كرن”.

پشتى كه‌فتنا مووسل د ده‌ستێ داعش دا و دروستبوونا گه‌له‌ك گه‌نگه‌شێ ل سه‌ر ئه‌گه‌رێ كه‌فتنا مووسل، جڤاتا نوونه‌رێن عيراقێ ل هه‌يڤا ئێك يا ئه‌ڤ ساله‌ لژنه‌ بۆ ڤه‌كۆلينێ ژ په‌رله‌مانتاران پێك ئينايه‌ و هه‌تا نوكه‌ چه‌ندين كه‌س چووينه‌ به‌ر سينگێ ڤێ لژنێ و بڕياره‌ ب گۆره‌يى ڤێ داخۆيانيێ لێپرسين ل گه‌ل هه‌ر ئێك ژ نورى مالكى يێ سه‌رۆك وه‌زيرێ به‌رێ و فه‌رماندێ به‌رێ يێ گشتيێ هێزێن چه‌كدار و ئوسمامه‌ نوجێفى جێگرێ سه‌رۆك كۆمارى و سه‌رۆكێ هه‌رێما كوردستانێ مه‌سعود بارزانى بهێته‌ كرن.