ئه‌ڤرۆ نيوز:

پشتی دەستپێەکەکا نەباش دخولا عیراقێ دا تیما تەپا پێ یا یانا زاخۆ ھاتیە دیتن، شیا جارەکادی ھەلویستی خوە باش بکەت ودەست ب ھەڤرکیێ بکەت ب تابەتی پشتی راکرنا سزای ل سەر جەماوەری و گوھورینا ریڤەبەرێ تیمێ و شیان ژدەرڤەی یاریگەھا خوە سەرکەفتنەکا گرنگ ل سەر یانا سیناعە توماربکەت، شارەزایێن وەرزشی وەسا دەنە دیارکرن ب گوھورینا ریڤەبەری ئەنجام باش بون.
شروڤەکارەکێ یاریا تەپا پێ ئازاد عجیلی ئاشکراکر راکربونا سزای ل سەر جەماوەری ئەگەرەکی سەرەکی یێ باشبونا ئەنجامانە و پشتی و خالا سەرەکی یا چەندین سالە کێماسی تێدا ھەی و ھاتیە چارەکرن ھیلا بەرەڤانیێ یە و گەلەکا بھێزە، لێ ھەتا نوکە ئاریشە ل ھێلا ھێرشبرنی ھەیە و پیدیڤە ریڤەبەری تیمی ھاریکاربا راھێنەری چونکە راھێنەر بیانی یە و ئەرکی رێڤەبەرێ تیمی نە ب تنێ برینا بلیتا وگرتنا ئوتیلایە، بەلکو دڤێت گەلەک ھاریکاربیت و تیما بەرامبەر بۆ راھێنەری شروڤە بکەت.
جاسم حاجی کاپتنێ تیما ژاخۆ ژلایێ خوەڤە دبیژیت: ل دەستپێکی ژی ئەم دباشبوین، لێ ئەف سالە سێ چاریکیت یاریکەرا ھاتینە گوھورین و تیمەکا نوی دروست بویە و لیک تیگەھشتنا یاریکەرا نەبو و دگەل ئیک نەدگونجان، ھەر چەندە چەند یاریێن ھەڤالینی ھاتنە کرن لێ تێرا ڤێ داخوازیێ نەدبوون و ونەبونا ھێرشبەرەکی گولکەر و نوکە راھێنەرێ مە زێدەتر راھینانا ل سەر ھێلا ھێرشبرنێ دکەت چونکە دەلیڤە دھێنە ژدەست دان.
شروڤەکاری یاریا تەپا پێ ل زاخۆ عەبدولرەحمان سوبحی دیار کر مو عەلی وەھیب بتنێ ل دناف تیمی دا تێکدان دکر و نەشیا ئەو مەرەما کارگێریا یانێ ڤیای ب گەھینت کو ھاریکاریا راھێنەرێ رومانی بکەت و وەسا ھزر دکر کو راھێنەری دێ شکەستنێ ئینت و ئەو دێ چھێ وی گرت، چونکو زاخۆ یاریکەرین باش ھەنە و دێ ناڤێ خوە ل زاخۆ دیار کەن، لێ نەشیا ڤێ چەندێ بکەت و ئەگەرێ سەرەکی یێ ئەنجامین باش گوھورینا ریڤەبەرێ تیمێ بو چونکو کارتیکرنەکا نێگەتیڤ ل تیمی کر و بەر ب ھەڤرکیێ بر تایبەتی پشتی سەرکەفتن ل سەر شورتە تومارکری و ئاریشا ھێرشبرنێ ل زاخۆ یامای چونکە گولین مە نە برێکا ھێرشبرنا ھاتینە تومارکرن.

ئەڤرۆ نيوز:
پشتی ب دووماھی ھاتنا یاریا یانا دھۆک بەرامبەر یانا کارەبا ئەوا ب خوسارەتیا یانا دھۆک ب دووماھی ھاتی ب گۆلەکێ بێ بەرامبەر و ب ڤێ چەندێ ھەلویستێ یانێ ب زەحمەت کەفتن کو نوکە ل رێزێن دووماھیێ دھێت، لێ تشتێ سەیر ئەو پشتی یاری ب دوماھی ھاتی سائیر جەسام بو کەنالەکێ راگەھاندنێ دبێژیت یاریکەرێن یانا دھۆک یێن پلە دونە و یاری ل خولا عیراقێ نەکریە!
لدەستپێکێ رەخنەگرێ وەرزشی قاسم سالح بۆ رۆژناما ئەڤرۆ گوت: نە بتنێ یاریکەرێن دھۆکێ پلە دونە بەلکو ھەمی یاریکەرێن عیراقێ پلە دونە و یاریکەرێن دھۆک چو ژ یێن دی کیمتر نینن، لێ گونەھا راھێنەری نینە چونکو پێنگاڤا کارگێریا دھۆک ھاڤیتی باشی و خرابیێن خو ھەنە و نابیت تو ب جارەکێ یاریکەرێن بیانی دووربێخی و ھەمی پێکھاتی بکەیە یاریکەرێن نافخوی چونکو مە ئەو بنیاتێ وەرزشی نینە کو بشێن خوە لسەر راگرن و بدیتنا من ب ڤان ئەنجامان دێ تیم دابەزیت، ژبەرکو یاریکەرێن دھۆک نەشێن زێدەتر پێشکێشکەن و ئەڤە ئاستێ وانە و یا وەرزێ بوەری ھاتیە کرن پشت گەرمیا تیمێ بو ب وان خالێن دەستپێکێ بوو بەری یاریکەرێن بیانی تیمێ بجە بھێلن، لەورا دبینم رەوشا یانێ یا مەترسیدارە.
زێدەتر ناڤبری دیارکر کو یانا دھۆک چو بنەمایێن یانا نەماینە، چونکو ھەکە نەشێن دو یاریکەران بکرن، یان مووچێن یاریکەران بدەنێ، یان شاندەکێ ب رێک و پێک بھنێرنە دەرڤە، نوزانم چو یانەیە بڤی شێوەی و دیارکر کو گونەھا یاریکەرێن ڤێ تیمێ ھەمیێ ل ستویێ کارگێریا یانێ یە، کو خوە دایە دەستێ ھندەک کەسا و چو ژ وەرزشێ نوزانن و ب چاڤەکێ کێم وەرزشێ دبینن، لەورا پێدڤیە جھێ خوە ڤالاکەن دا مێژوویا خوە یا پاقژ ب پارێزن و ئەو کەسێن سوزێن پشتەڤانیکرنێ داینێ یان بلا پشتەڤانیێ بکەت یان بلا بھێلیت کارگێری دەستا ژ کارێ خوە بەردەن، ژبەرکو بتنێ نوکە کارگێریا یانێ یا ب ئاریشان ڤە و چارەسەرکرنا وان و بڤێ چەندێ ژی ئێدی یاریکەر ھیڤی و ئومێدێن چو تشتا نەماینە.
ھەر ل دور ڤێ چەندێ و ئاستێ یانا دھۆک ب گشتی رۆژنامەڤانێ وەرزشی عیماد بەکری بۆ رۆژناما ئەڤرۆ گوت: ئاستێ یانا دھۆک ل ڤی وەرزی جھێ مەندەھووشیا ھەمی جەماوەر و پشتەڤانا یە و ھەتا نوکە خرابترین ئاست پێشکێشکریە و نەشیایە وەک وەرزێ بوری خوە نیشان بدەت کو تیمەکا بھێز بوو و گیانێ سەرکەفتنێ لنک یاریکەران ھەبوو .
زێدەتر ناڤبری دیارکر کو ل وەرزێ بوری پەیوەندیێن یاریکەران ب راھێنەری بھێزبوون و ئارمانجەک ھەبوو کو خوە دیاربکەن چو ژ یاریکەرێن دەرڤەی پارێزگەھێ کێمتر نینن و ئەڤ چەندە ژی بو ھەموو چاڤدێران دیارکر، لێ ل وەرزێ ئەڤ سالە سەرەرای وێ چەندێ کو ھەمان یاریکەرن و چەندەکێن دی ل خوە زێدەکرینە لێ ب شێوێ وەرزێ بوری ناھێنە دیتن و بڤێ چەندێ ھەر کەسەک دزانیت کا ئەگەر کیە.

ئه‌ڤرۆنیوز:كاروان باعه‌درى:
ئلیاس سانسار كورده‌كى ئێزدیه‌ خه‌لكێ كوردستانا باكوره‌ نها ئاكنجیێ ئه‌لمانیا و باژێرێ هانۆڤه‌رێ یه‌ و ئیك ژ پاله‌وانێن مه‌زنێن جیهانییه‌ ب ماراسونا نێڤده‌وله‌تى و چه‌ندین جامێن جیهانى ب ده‌ست خۆ ڤه‌ ئیناینه‌ ل سه‌ر ئاستێ نێڤده‌وله‌تی.
سانسارى نها هه‌موو ریكۆردین جیهانى شكاندینه‌ و بۆ جارا 10 یه‌ دبیته‌ ئێكه‌مێ جیهانێ و د غاردانێن 30 كیلۆمه‌ترى یا دریژ و ل نێزیك دێ به‌شدارى د پیشبركیا نیڤ ده‌وله‌تى یا ئه‌فریفیا یا ماراسۆنێ دا كه‌ت