ھەولێر، قائید میرۆ:
وەزارەتا چاندنێ یا حوکمەتا ھەرێما کوردستانێ دیارکر کو ژبلی سلێمانیێ چو حالەتێن ئەنفلۆەنزا مریشکا ل ھەولێر و دھۆکێ نەھاتینە تۆمارکرن.

ماجد دەباغ، رێڤەبەرێ راگەھاندنا وەزارەتا چاندنێ و ژێدەرێن ئاڤێ یا حوکمەتا ھەرێما کوردستانێ بۆ ئەڤرۆ نیۆز گۆت: “ل سێ گوندێن سەر ب پارێزگەھا سلێمانیێ ڤه‌ حالەتێن ئەنفلۆەنزا مریشکا پەیدابوویە و ھاتینە تۆمارکرن، بەلێ ل سنورێ ھەولێر و دھۆکێ چو حالەت نەھاتینە تۆمارکرن”.

ماجد گۆتژی: “حوکمەتا ھەرێما کوردستانێ ب رێیا لیژنا بلندا بەرەنگاربوونا ئەنفلۆەنزا مریشکا کار بۆ رێگریکرن ل بەرفرەھبوونا ئەڤی پەرسیڤی دگریت و ھەموو بەرھەڤیەک بۆ ھاتینەکرن”.

ئه‌ڤرۆ:

خوارنا تیشتێ کارێن مەژی و زانینێ باش دکەت و ھەتا نیشانێن تاقیکرنا ژی باشتر لێ دکەت، ئەو زارۆیێن تێشتێ دخون ل قوتابخانێ ھەستا وان باشترە و پلا داھێنانا وان زێدەترە و ئارامترن ژ زارۆیێن دیتر، ئەو زارۆیێن تێشتێ نەخوون، ھەردەم ھزر ل خوارنێ دکەن و ئەو دبیتە ئەگەرێ ژ دەستدانا زێدە یا شەکرێ و روینان.
ڤەکولین ئاماژە ب وێ چەندێ ددەن کو خوارنا تێشتێ کارێن مێشکی و فێربوونێ ژی باشتر لێ دکەت و ھەتا ل تاقیکرنا ژی باشتر بەرسڤ دھێنە دان. ئێک ژ ڤەکولینان دیارکریە کو خوارنا تێشتێ بۆ ھەموو ئەندامێن خێزانێ یا ب مفایە و ب تایبەت بۆ زارۆ و سنێلەیانن ژبەرکو ئەو بەردەوام د وەرارێ دانە، دشیاندایە تێشت یا سڤک بیت و ئەو کەسێن ب لەز بۆ چوونا ل سەر کارێ خوە، دشێن تشتەکێ بلەز ژی ئامادەبکەن و نوشدار شیرەتان دکەن کو تێشت ژ پرۆتینی یا پێکھاتی بیت ل گەل کەرستەیێن کاربوھیدری و نشایێ و تێشتەکا ب ڤی رەنگی رێکێ نادەت ئاستێ شەکرێ گەلەک دابەزیت بۆ دەمێ چەند دەمژمێرەکا، ھاتنە خوارا ئاستێ شەکرێ رامانا ھاتنە خوارا ھێزا کاری ددەت، ل گەل دیاربوونا ئێشانێن زکی و سەرئێشانێ.
خوارنا تێشتێ مرۆڤی پتر ھشیاردھێلیت و مروڤ پتر دشێت ھزرێن خوە بکەت و ھاریکارە بۆ چارەکرنا ئاریشەیان و بیردانکێ چالاک دکەت، ڤەکولین ئاماژە ب وێ چەندێ ددەن کو خوارنا تێشتێ کارێ مێشکی باش دکەت و پالپشتیێ بۆ فێربوونێ دکەت و ئاستێ زانستی بلند دکەت و نیشانێن برسیبوونێ و وەستیانێ کێم دکەت و تێشت پشکەکە ژ سستەمێ خوارنا ھەڤسەنگ و مەترسیا نەخوشیان کێم دکەت و دبیتە رێگر کو زارۆ ژ قوتابخانێ نەڤەرەڤیت و کارێن باشتر ل قوتابخانێ بدەستڤەدئینیت.
ئەو زارۆیێن تێشتێ دخوون ھەستەکا باشتر ھەیە و پلا داھێنانا وان باشترە و ئارامیا وان دپارێزیت و ھێزەکا باشتر ھەیە بۆ چالاکیێن لەشی و ئەو پتر د ھاریکارن کو ھەڤبەندیا وی ل گەل ھەڤالێن بھێزتر بیت.