ئه‌ڤرۆ نيوز:
رێباز حه‌ملان وه‌زيرێ دارايى و ئابوورى ل حوكمه‌تا هه‌رێما كوردستانێ راگه‌هاندبوو كو بڕياره سوبه‌هى رۆژا دوشه‌مبى 11ى چريا ئێكێ يا 2015 مووچێ هه‌يڤا تيرمه‌هێ يێ مامۆستايان بهێته به‌لاڤكرن، به‌لێ هه‌تا نوكه چو پێزانينێن دروست ل به‌ر ده‌ست نينن.
به‌رپرسێ په‌يوه‌ندى و راگه‌هاندنێ ل وه‌زاره‌تا دارايى و ئابووريا حوكمه‌تا هه‌رێما كوردستانێ بۆ باسنيوز راگه‌هانديه: هه‌تا نوكه چو پێزانينێن ل به‌ر ده‌ست نينن، كا دێ سوبه‌هى رۆژا دوشه‌مبى مووچێ مامۆستايان هێته دان يان نه”.
ئه‌ڤرۆ نيوز:
نڤيسينگه‌ها راگه‌هاندنێ حه‌يده‌ر عه‌بادى، سه‌رۆك وه‌زيرێن عيراقێ، به‌ياننامه‌ك به‌لاڤكر و تێدا هاتيه: “حه‌يده‌ر عه‌بادى سه‌رۆك وه‌زيرێن عيراقێ، داخوازێ ژ حوكمه‌تا هه‌رێمێ و لايه‌نێن سياسى دكه‌ت، هه‌موو شيانان بێخنه كار بۆ پاراستنا ئه‌من و ئاسايشا هه‌رێمێ دا كو كاودانان باشتر لێ بكه‌ن”.
ئاماژه ب وێ چه‌ندێ ژى كر، پێدڤيه ب دانوستاندن و گه‌نگه‌شا دستوورى، كێشان چاره بكه‌ن و خوه دوور بكه‌ن ژ ب بكارئينانا هێزێ.
هه‌ڤده‌م حه‌يده‌ر عه‌بادى، دلته‌نگيا خوه ده‌ربڕيه كو ژ ئه‌گه‌رێ وان توندوتيژيان د ماوێ چه‌ند رۆژێن بۆرى دا دروست بووينه، داخوازێ ژى دكه‌ت رێزێ ل مافێ خونيشاندانێن ئاشتيانه بگرن و ئاسايشێ و سه‌روه‌ت و سامانێ وه‌لاتيان ب پارێزن.
ئەڤرۆ نیۆز، قائید میرۆ
دەمەکی بەری نوکە ھژمارەکا گەنج و سنێلەیێن گۆڕان بارەگەھێ لقا ١٢ یا پارتی ل ھەلەبچە دۆر پێچکریە و بزاڤێن سوتنا لقێ دکەن.
ژێدەرەکی دناڤا لقا دوازدەیا پارتی ب ئەڤرۆ نیۆز راگەھاند” پشتی ئەڤرۆ مامۆستایێن ئاینی ھاتینە لقێ گەرەنتی دایە پارتی دێ بارەگەھێ وان ھێنە پاراستن و چو خۆنیشاندان بۆسەر لقێ پارتی ناھێنەکرن.
ژێدەری گۆتژی” بەلێ دەمەکی بەری نوکە ھژمارەکا زۆرا گەنج و سنێلا ھاتینە بەردەرگەھێ لقێ و دخوازن لقێ کۆنتڕۆلبکەن، بەلێ ژلایێ ھێزێن ئەمنی رێکپێناھێتەدان، پتریا وانژی سەر ب بزاڤا گۆڕانن و ئێکەتیێ دەست تێدا ھەیە.
ئەڤرۆنیۆز، سالار دۆسکی:
پەیڤدارێ دەستەیا گەشت و گوزارێ ل حوکمەتا ھەرێما کوردستانێ ئاشکراکر کو ئالوزی و خونیشادانێن نوکە ھەر دو پارێزگەھا سلێمانیێ و ھەلەبچە گرتین دێ بیتە ھوکارێ کێم بوونا گەشتیاران بۆ ھەرێما کوردستانێ. نادر روستی پەیڤدارێ دەستەیا گەشت و گوزارێ ل حوکمەتا ھەرێما کوردستانێ بۆ ئەڤرۆ نیۆزگۆت: ئالوزیێن نوکە ھەر دو پارێزگەھێن سلێمانیێ و ھەلەبچە گرتی دێ بیتە ھوکارێ کێم بوونا گەشتیاران بۆ ھەرێما کوردستانێ و ئەڤە دەمەکی دا کو پتر گەشتیارێ کوردستانێ یێ ناڤەراست و باشورێ عیراقێ بووینە. روستی گۆت ژی: ھەموو پێشبینی بەر ب وێ چەندێ دچوون کو ئەڤان شەش ھەیڤێن دووماھیێ ل ئەڤ سالە رێژا گەشتیاران زێدەتر لێ بھێت ژ سالا بوری، لێ ئەگەر کاودان بڤی رەنگی بیت دبیت پێشبینیێن مە وەکی مە ھزر کری نە دەرکەڤن.
ئەڤرۆنیۆز، سالار دۆسکی:
پەیڤدارێ وەزارەتا ئەوقاف و کارۆبارێن ئاینی ل حوکمەتا ھەرێما کوردستانێ و پشتی چێبوونا ئالوزیان ل ھەر دو پارێزگەھێن سلێمانی و ھەلەبچە پەیامەک پێشکێشی زانایێن ئاینی کر. سەردار قوربانی پەیڤدارێ وەزارەتا ئەوقاف و کارۆبارێن ئاینی ل حوکمەتا ھەرێما کورستانێ دپەیجێ خوە سێ تایبەتێ فەیسبووکی دا پەیمامەک بۆ ئاراستەیی زانایێن ئاینی کر و تێدا خواست رۆلێ خوە بگێرن یێ جاران و ھەر دەم رۆلێ زانایێن ئاینی پشکا شێری بوویە. قوربانی د ھەمان پەیام دا گۆتیە، وەزارەتا ئەوقاف و کارۆبارێن ئاینی ل حوکمەتا ھەرێما کوردستانێ سەرجەم مامۆستایێن ئاینی ل کوردستانێ راسپاردێت کو رابن ب رۆلێ خوەیێ ئیجابیێ جاران و رۆلێ خوە بگێرن ،بۆ پاراستنا گیانێ و برایەتیێ دناڤبەرا ھەموو پێکھات و تەڤایا گەلێ مە دا، کا چەوا زانایێن ئاینی رۆژێن سەخت و دژوار زانایێن ئاینی رۆلێن ھەرە باش گێراینە و پشکا شێری یا رۆلێن ھەرە کاریگەر یا زانایێن ئاینی بوو.
ئه‌ڤرۆ نیوز:
شانا هه‌لویێن هه‌والگریا سه‌ر ب وه‌زاره‌تا ناڤخو یا عیراقێ راگه‌هاند كو ئه‌ڤرۆ فرۆكێن شه‌ركه‌ر یێن عیراقێ ل ده‌مێ چوونا ئه‌بوبه‌كر به‌غداى بۆ پشكداریكرن د كومبوونه‌كێ دا، ترومبێلێن ئه‌بوبه‌كر به‌غدایى ل ده‌ڤه‌را كه‌رابله یا سه‌ر ب قه‌زا ئه‌نبار كرینه ئامانج، به‌لێ چاره‌نڤیسێ به‌غدادى و ژمارا كوشتیا چه‌كدارێن داعش دیار نه‌بوویه.
ئه‌ڤرۆ نیوز:
وه‌زاره‌تا پێشمه‌رگه‌ى د به‌یاننامه‌كێ دا داخواز دكه‌ت كو د خونیشاناندا په‌نا بۆ كارێن توندوتیژیێ نه‌هێته كرن و دیاركریه” توندوتیژیێ د خونیشادانان دا بكار نه‌ئینن، نابیت پێشمه‌رگێ د سه‌نگه‌ران دا، دلى وى ل دیف خێزان و كه‌س و كار و زارۆیێن وى را بیت.
وه‌زاره‌تا پێشمه‌رگه‌ى داخواز ژ چین و توێژ و لایه‌نێن سیاسى كریه كو ب ره‌نگه‌كێ ل سه‌ر خو و ئاشتیانه و ب رێكێن قانوونى داخوازا مافێن خوه بكه‌ن و دویر ژ توندوتیژیێ و هێرش كرنا سه‌ر باره‌گا و جهێن گشتى.
ئه‌ڤرو نیوز ،بارزان مزوورى
خالد ئه‌مین، خودانێ كو چه‌ند چێله‌كا ل ده‌ڤه‌را ئه‌تروش خودان دكه‌ت، بو مالپه‌رێ ئه‌ڤرو نیوز دیار كر كو ئه‌ڤه هه‌شت روژه چێلێن ده‌ڤه‌رێ توشى نه‌خوشیه‌كێ بوینه و ده‌ڤ و لێڤێن وان كول بوینه و چێل بێهێز دبیت و نه‌شێن عه‌له‌ف و خارنێ ژى بخون و روژ ب روژ لاواز دبن ،
ناڤبرى دیار كر كو هه‌ر گونده‌كێ ده‌ڤه‌را ئه‌تروش پتر ژ 100 چێل هه‌نه ژبلى گولكێن وان هه‌موو توشى ڤێ نه‌خوشیێ بوینه ب تایبه‌ت ئه‌ڤ نه‌خوشیه ل ده‌سپێكێ ل گوندێ مێرسیدا گرتیه به‌ره‌ڤ گوندێن ده‌وروبه‌ر چوینه و یا ڤه‌گره ب ئێكجارى هه‌موو چێل گرتینه.
د عیماد، رێڤه‌به‌رێ فیرته‌نه‌ریا قه‌سروك بو مالپه‌رێ ئه‌ڤرو نیوز دیار كر كو حه‌تا نها خودانێن وان چێلا سه‌ره‌دانامه‌ن ه‌كریه مه پێزانین ل سه‌ر نین.
ناڤبرى گوت :مه دكتورێن شه‌هره‌زا و زیره‌ك هه‌نه، مه ده‌رمانێن باش هه‌نه ئه‌گه‌ر ب وان ده‌رمانێن مه هه‌ین نه‌خوشیا وان نه‌چو ده‌رمانێن باشتر دێ بو دابین كه‌ین.
بۆ زاانین پتر ژ 700 سه‌رێن چێلا ل ده‌ڤه‌را ئه‌تروش هه‌نه،
ئەڤرۆ نیۆز، قائید میرۆ
گورەی زانیاریێن دەست ئەڤرۆ نیۆز کەفتی بزاڤا گۆڕان دێ ل کابینا حوکمەتێ ھێتە دەرکرن و حوکمەتەکا بێی گۆڕان دێ ھێتە چێکرن
ژێدەرەکێ ئاگەھدار بۆ ئەڤرۆ نیۆز دیارکر، بزاڤا گۆڕان ھەر ژدەستپێکا نەشیا خوە دناڤا حوکمەتێ دا رابگریت و دەست ئالۆزیانکریە، لەوڕا دێ بزاڤا گۆڕان ل حوکمەتێ ھێتە دەرکرن.
ژێدەری کو نەڤیا ناڤێ بھێتە بەلافکرن گۆتژی” نوکە کار یێ دھێتەکرن گۆڕان ل حوکمەتێ بھێتە دۆرخستن و دێ حوکمەتەکا نوو بێی پشکداریا گۆڕان ھێتە پێک ئینان.
ئەڤرۆ نیۆز، قائید میرۆ
پەرلەمانتارەکێ پارتی دیموکراتی کوردستان دیارکر، زەحمەتە پەرلەمان دڤێ رەوشێ دا بشێت کۆمبوونێ بکەت.
نازم کەبیر، پەرلەمانتارێ پارتی لپەرلەمانێ کوردستانێ ب ئەڤرۆ نیۆز راگەھاند” بڕیارە سبەی پەرلەمانێ کوردستانێ کۆمبوونەکێ ئەنجامبدەت و تێدا ژبلی ڤەخواندن بۆ پڕۆژە قانوونا پەیڕەوێ نافخۆیێ پەرلەمانی دانوستان لدۆر رەوشا نوکەیا ھەرێما کوردستانێ و ئالۆزیێن دەڤەرا سلێمانیێ بھێنەکرن.
نازمی گۆتژی” بەلێ ئەز پێشبینی دکەم ئەف کۆمبوونا سبە یا پەرلەمانی نەھێتە ئەنجامدان و سەر نەگریت، ژبەرکو رەوش یا ئالۆزە و رێڤەچوونا کۆمبوونێ دڤێ رەوشێ دا یا ب زەحمەتە.
نيشاندان