ئه‌ڤرۆ نیوز:
مه‌سرور بارزانى راوێژكارێ جڤاتا ئاسایشا هه‌رێما كوردستانێ راگه‌هاند كو ده‌ستهه‌لاتا سلێمانیێ یا خه‌مسار بوویه د پاراستنا ئه‌ندام و باره‌گایێن پارتى دیموكراتى كوردستان.
د چه‌ند تویتاندا ل تور جڤاكى یا تویته‌ر، مه‌سرور بارزانى راوێژكارێ جڤاتا ئاسایشا هه‌رێما كوردستانێ راگه‌هاندیه: ده‌لاستهه‌لاتدارێن سلێمانیێ ب پلا ئێكێ به‌رپرسن ل شكه‌ستنا وان ل پاراستنا باره‌گا و ئه‌ندامێن پارتى .
مه‌سرور بارزانى دیاركریه ژى: هێرشكرنه سه‌ر باره‌گایێن پارتى ل ده‌مه‌كێ دایه كو ئه‌ندامێن ڤێ حزبێ د شه‌رێ دژى داعشدانه و ئه‌ڤ هێرشه خزمه‌تا به‌رژه‌وه‌ندیێن دوژمنێ كوردستانێ دكه‌ت.
ئه‌ڤرۆ نیوز:
په‌یڤدارێ ئه‌نجومه‌نێ سه‌ركردایه‌تیا پارتى دیموكراتى كوردستان ل سلێمانیێ، ئاماژه ب وێ یه‌كێ كر كو وان هنده‌ك باره‌گایێن خوه یێن راده‌ستى هێزێن ئێمناهیێ كر.
فارس نەورۆڵی په‌یڤدارێ ئه‌نجومه‌نێ سه‌ركردایه‌تیا پارتى دیموكراتى كوردستان ل سلێمانیێ راگه‌هاند: هه‌ستكرن ب به‌رپرسایه‌تیێ و بۆ وێ یه‌كێ خوێن نه‌هێته رێتن و برین زێده‌تر كویر نه‌بن، مه هنده‌ك باره‌گایێن خوه ته‌سلیمى هێزێن ئه‌منى كرن، ژبه‌ر كو ئه‌م ژ موعاناتێن خه‌لكى تێدگه‌هین.
ئه‌ڤرۆ نیوز:
به‌رپرسێ لقێ 12 یێ پارتى ل هه‌له‌بجه د كونفرانسه‌كێ رۆژنامه‌ڤانى دا ئه‌ڤرۆ راگه‌هاند” بزاڤا گوران به‌رپرسا ئێكێ یه ل وان هێرشێن بۆ سه‌ر باره‌گایێن پارتى دیموكراتى كوردستان دهێنه كرن و ئه‌وێن ئاژاوێ ل ناڤ خونیشادانان دكه‌ن یێن به‌رنیاسن و پارتى رێ ب وان نه‌دا یێن تێهنیێن خوینێ و ل سه‌ر فه‌رمانا سه‌رۆكایه‌تیا پارتى مه باره‌گایێن خوه دائێخستن بۆ وێ یه‌كێ د پاراستى بین ل خوێنرێشتنێ.
به‌رپرسێ لقێ 12 یێ پارتى ل هه‌له‌بجه دياركر كو خونیشاده‌ران خوه به‌ره‌ك ژى نه‌هاڤێته باره‌گایێ گۆڕان.
ئه‌ڤرۆ نیوز:
سه‌رۆك وه‌زیرێن فره‌نسا راگه‌هاند: قه‌یرانا سوریا دێ ب رێیا كومكرنا ئوپوزسیون و ده‌ستهه‌لاتێ بیت و دبێژیت” نابیت ئه‌و چاره‌سه‌ریه ب رێیا ئه‌سه‌د بیت.
مانویل فالس سه‌رۆك وه‌زیرێن فره‌نسا ددیداره‌كێ دا بۆ كه‌نالێ ئه‌لعه‌ره‌بیه گوت” چاره‌سه‌ریا قه‌یرانا سووریا ب تنێ دێ ب رێگا كومكرنا ده‌ستهه‌لات و ئوپوزسیونێ بیت و نابیت ب رێكا ئه‌سه‌د بیت، و پێدڤیه ئیران و توركیا و رووسیا د دانوستاندنێن تایبه‌ت ب سوریا پشكدار ببن.
ئه‌ڤرۆ نیوز، ئه‌كره‌م ئیبراهیم
ئه‌ڤرو پشتى نیڤرو به‌رێز فه‌رهاد ئه‌مین ئه‌تروشى پارێزگه‌رێ دهوكێ كومبونه‌كا به‌رفره‌ه دگه‌ل هه‌مى لایه‌نێن سیاسى ل پارێزگه‌ها دهوكێ گرێدا ,
به‌راهیێ پارێزگه‌رێ دهوكێ ئاماژه كره وان رویدانێن نه خوازراو یێن ل سنورێ پارێزگه‌ها سلێمانیێ رویداین و كارتێكرنا وان رویدانا ل سه‌ر ئایندێ هه‌رێما كوردستانێ و پروسا وێ یا دیموكراسى و دیار كر كو ئارمانج ژڤێ كومبونێ ئه‌وه هه‌فكاریه‌كا ته‌مام دنافبه‌را پارێزگه‌هێ و هه‌مى لایه‌نێن سیاسى دا په‌یدا بیت و رێك بهێته گرتن ل هه‌مى ره‌نگێن توند و تیژیێ و خرابكاریێ و ئه‌ف كومبونه بوهندێ یه ره‌وشا ئاراما پارێزگه‌هێ بهێته پاراستن و چ ده‌لیڤه نه‌هێته دان كو تیكدان ل پارێزگه‌هێ بهێته كرن و داخازیا هاریكارى و هه‌فكاریا هه‌مى لایه‌نا كر بو پاراستن و ئارامیا پارێزگه‌هێ ,,
هه‌روه‌سا پارێزگه‌رێ دهوكێ گوت : رێكێ ناده‌ین چ لایه‌نێ بیت بزاڤێ بكه‌ت ئارامیا پارێزگه‌هێ تێك بده‌ت ,
دلایه‌كێ دیێ هه‌ڤدیتنێ دا پارێزگه‌رێ دهوكێ دیار كر كو نوكه ل سنورێ پارێزگه‌ها دهوكێ رێژه‌كا مه‌زن یا ئاواره و په‌نابه‌را هه‌یه و بارێ پارێزگه‌ها دهوكێ گه‌له‌ك گرانه و ژلایه‌كێ دیڤه مه‌زنترین سنورى دگه‌ل تیرورستان هه‌یه ,,, پارێزگه‌رێ دهوكێ گوهداریا لایه‌نێن سیاسى یێن به‌رهه‌ڤ بوى كر و هه‌مى لایه‌ن دگه‌ل پاراستنا ئێك رێزیا كوردستانێ بون و نه دگه‌ل ڤان ره‌نگه كریارێن خرابكارى بون ئه‌وێن ل سنورێ پارێزگه‌ها سلێمانیێ هاتینه كرن و چه‌ندین پێشنیار بو ئارامكرنا ره‌شا نوكه هاتنه دیار كرن ,,
ل دیماهیێ دبرێس كونفراسه‌كى دا پارێزگه‌رێ دهوكێ سوپاسیا هه‌مى لایه‌نێن سیاسى یێن سنورێ پارێزگه‌ها دهوكێ كر بو حازر بونا وان و دیار كر كو ژبه‌ر ئه‌و ره‌شا نه‌خوش یا هه‌رێما كوردستانێ و تایبه‌تى پارێزگه‌ها سلێمانیێ هه‌ى و هیڤى خواست كو ئه‌و ره‌ش بهێته كونترول كرن ب زوى ترین وه‌خت داكو خولك دل ره‌حه‌ت ببیته ڤه و گوت : ئه‌ز دبیژم ره‌وشا مه یا سیاسى و ئابورى و یا ئه‌منى یا هندێ نینه ئه‌ف جوره كێشه بهێنه كرن و بخوش حالى ڤه هه‌مى لایه‌نێن سیاسى دل ته‌نگن ل سه‌ر ڤان رویدانێن رویداى ل قه‌لادزى و سه‌ید صادق و باژێركێن دى یێن سنورێ پارێزگه‌ها سلێمانیێ و هه‌مى لایه‌ن هیڤى خازن ئه‌ف جوره كێشه و ئالوزیه ل سنورێ پارێزگه‌ها دهوكێ نه رویده‌ن و ئارامى و ئاسایش بهێته پاراستن و سه‌ر و مالێ خه‌لكێ و سامانێ گشتى و باره‌گایێن حزبى هه‌مى بهێته پاراستن ,,
دیسان پارێزگه‌رێ دهوكێ سوپاسیا جه‌ماوه‌رێ دهوكێ ل هه‌مى قه‌زا و باژێركێن سه‌رب پارێزگه‌هێ ڤه كر كو هاریكار بوینه دگه‌ل ده‌زگایێن ئه‌منى و دگه‌ل ئیدارێ ژبو هندێ ره‌وش یا ئارام بیت ,,
هه‌روه‌سا پارێزگه‌رێ دهوكێ ئاماژه كره وێ كومبونا شه‌ڤا 9 /10 – 10 – 2015 یا لژنا ئه‌منى و دیار كر كو دكومبونێ دا هه‌مى ده‌زگایێن ئه‌منى ب كه‌ڤنه دئاماده باشیێ دا ژبو ئاراستنا هه‌مى باره‌گایێن حزبى ل سنورێ پارێزگه‌هێ دیسان ده‌زگایێن ئیدارى و جهێت ستراتیژى بهێنه پاراستن داكو چ كێشه نه‌كه‌ڤنه ڤێ پارێزگه‌هێ ,,دیسان پارێزگه‌رى دیار كر سه‌روكێ هه‌رێما كوردستانێ و سه‌روكێ حكومه‌تا هه‌رێمێ ئێكسه‌ر په‌یوه‌ندى ب جه‌نابێ وى كریه داكو هه‌مى شیانا بێخنه دكارى دا بو پاراستنا ئارامى و ته‌ناهیا پارێزگه‌هێ و باره‌گایێن حزبا بهێنه پاراستن ,, هه‌روه‌سا پارێزگه‌رێ دهوكێ دیار كر كو لایه‌نێن ئاماده‌بوى دكومبونێ داخاز كریه ئاماژه ب چه‌ند خاله‌كا بهێته دان ئه‌وژى :
یا ئێكێ هه‌مى لایه‌نێن سیاسى هاریكار بن دگه‌ل ئیدارى و ده‌زگایێن ئه‌منى و پشته‌ڤانیێ بكه‌ن و جه‌ماوه‌رێ خویێ حزبى و كادرێن خو ئاگه‌هدار ربكه‌ن نابیت ئه‌ف جوره خو پێشاندانه ناهێنه قه‌بیل كرن و رێك بو ناهێته دان و هه‌مى لایه‌نێن سیاسى كارێن تیكدانى ل سنورێ سلێمانیێ ئیدانه كرن و ئه‌ف چه‌نده رامانى هندێ ناده‌ت كو ئه‌م رێكێ ناده‌ین خو نیشاندان بهێته كرن مافى خو نیشاندانا مافه‌كێ ره‌وایه و مافه‌كێ یاسایى یه و ب یاسا هاتیه دان به‌لى ئه‌م ب ئاشكه‌را دبیژین كو ئه‌ف جوره خوو پێشاندانێن هاتینه كرن ل سنورێ پارێزگه‌ها سلێمانیێ ئه‌م رێكێ ناده‌ین ل پارێزگه‌هێ ئه‌ف ره‌نگێن خو ئێًشاندانا بهێنه كرن داكو ئایش و ئارامیا پارێزگه‌هێ تێك نه‌چیت و داخاز ژ خه‌لكى پارێزگه‌هێ كر داكو سه‌ر و مالى وان ب پارێزین ,,
دیسان داخازێ ژ ده‌زگایێن راگه‌هاندنێ دكه‌ین كو هاریكار بن بو هندێ وه‌زع ئارام ببیت و پێكڤه وه‌زعى ئارام بكه‌ین ,, راسته راگه‌هاندن گرنگه لێ هنده‌ك راگه‌هاند كار و هنده‌ك ده‌زگایێن راگه‌هاندنێ روله‌كێ نیگه‌تیڤ دبینن دڤان كاودانانا دا ,,
ل دیماهیێ پارێزگه‌رێ دهوكێ ب ناڤێ هه‌مى لایه‌نێن سیاسى یێن حازر بوى سلا ڤ بو هه‌مى پێشمه‌گێ قاره‌مان راوه‌نه‌كرن و چاڤێ وان ماچ كرن و گوت هیڤى دارم هه‌مى لایه‌ن پێكڤه به‌رپرسانه سه‌ره‌ده‌ریێ دگه‌ل ڤێ ره‌وشێ بكه‌ین و گوت هه‌ر ئێك ژمه خو دانیته جهێ وى پێشمه‌رگه‌ى ئه‌وێ دسه‌نگه‌رى دا و ببینیت ناف باژێرێن مه ئالوزى و نه‌خوشى تێدا هه‌یه ئه‌و پێشمه‌رگه دێ چاوا شێت به‌رگریێ ژمه كه‌ن و هه‌كه خودێ نه‌كه‌ت ئه‌ف پێشمه‌رگه به‌روكێن شه‌رى به‌رده‌ن و ره‌وش یا هندێ نینه و ئه‌م هه‌مى دزانین بودجه و موجه ژلایێ مالكى و حكومكه‌تا به‌غدا هاتیه برین و ئه‌ڤه فاكه‌رى سه‌ره‌كى یێ ڤێ ره‌شێ یه و دبیت فاكته‌رێن هه‌رێمى و ده‌ره‌كى ژى هه‌بن ,,
ل دیماهیا پرێس كونفرانسى دا پارێزگه‌رێ دهوكێ دیار كر كو هێله‌كا گه‌رم دنافبه‌را خودا وه‌كو ئیداره و هه‌مى لایه‌نێن سیاسى دا ڤه‌كه‌ین داكو بشێن ئاگه‌هدار بین ژ ره‌وشا هه‌مى لایه‌نێن سیاسى و هه‌مى هه‌فال هاریكارن بو هندێ پێكڤه كار بكه‌ین بو كونترول كرنا وه‌زعى ده‌ڤه‌رێ ,,
ئەڤرۆ نیۆز، قائید میرۆ:
پۆلیسێن پارێزگەھا ھەولێرێ رەتکر بارەگەھێ سەرەکیێ بزاڤا گۆڕان ھاتبیتە کۆنتڕۆلکرن و دیارکر، ھێزێن ئەمنی بەردەوامن لپاراستنا بارەگەھێن گۆڕان.
موقەدەم کاروان خۆشناو، پەیڤدارێ پۆلیسێن ھەولێرێ ب ئەڤرۆ نیۆز راگەھاند” پشتی ئالۆزیا شەڤا بۆری ل قەلادزێ چێبووی ھێزێن ئەمنیێن باژێڕێ ھەولێرێ بۆ پاراستنا بارەگەھێ مەکۆیا بزاڤا گۆڕان گەھشتنە بارەگەھێ بزاڤا گۆڕان و ئەف زانیاریێن بەحسێ کۆنتڕلکرنا بارەگەھێ گۆڕان ل ھەولێرێ دکەن چو راستی بۆنینە.
کاروانی گۆتژی” ھەتا نوکە رەوشا ھەولێرێ یا ئارامە و چو خۆنیشاندان و ئالۆزی نینە، ھەروەسا ھێزێن پۆلیسان ھەتا دەمێ پێدڤی دێ بارەگەھێن بزاڤا گۆڕان ھێنە پاراستن و ھێزێن ئەمنی دێ زێرەڤانیێ لێ کەن.
ئه‌ڤرۆ نيوز:
پارتى ديموكراتى كوردستان ل قه‌لادزێ دێ سكالا قانوونى ل سه‌ر هاوسه‌ر پشده‌رى، ئه‌ندامێ جڤاتا پارێزگه‌ها سلێمانيێ ل سه‌ر فراكسيۆنا گۆڕان تۆمار كه‌ت.
جۆتيا گه‌يلانى، كارگێرێ ناوچا قه‌دزێ يا پارتى ديموكراتى كوردستان راگه‌هاند: ژ ئه‌گه‌رێ وێ چه‌ندێ كو د خونيشاندانا دوهى رۆژا ئه‌ينى رێكه‌فتى 9ى چريا ئێكێ يا 2015ێ ل قه‌لادزێ، هاوسه‌ر پشده‌رى رۆله‌كێ نه‌رێنى هه‌بوو، سوبه‌هى رۆژا ئێكشه‌مبى ل گه‌ل ڤه‌بوونا ده‌وامێ، دێ سكالا قانوونى ل سه‌ر ناڤبرى تۆمار كه‌ن.
گه‌يلانى بۆ رووداو گۆتژى: “ئه‌وى ئه‌ندامێ جڤاتا پارێزگه‌ها سلێمانيێ، هاندانا وه‌لاتيان كريه كو روويێ خونيشاندانێ بۆ به‌ر ده‌رگه‌هێ باره‌گايێ پارتى بگوڕن”.
رووداو به‌لاڤكريه ژى كو ئه‌وان په‌يوه‌ندى ب هاوسه‌ر پشده‌رى ژى كر، به‌لێ به‌رسڤا په‌يوه‌نديا وان نه‌دايه.
د خونيشاندانا 9ى چريا ئێكێ دا ل قه‌لادزێ توندۆتيژى كه‌فته ناڤ و ژ ئه‌گه‌رێ وێ چه‌ندێ دو كه‌س هاتنه كوشتن و 18 كه‌س ژى بريندار بوون.
ئه‌ڤرۆ نيوز:
ل قەزا سەید سادق بارەگەھی َلیژنا ناوچا پارتی دیموکراتی بتەمامی ھاتیە دۆرپێچکرن و ھژمارەک دخوازن بارەگەھێ پارتی بسوژن، بەلێ ژلایێ بارەگەھێ پارتی تەقە دھێتەکرن.
جەمیل شەمێرانی، رۆژنامەڤانێ پارتی ل پارێزگەھا ھەلەبجە بۆ ئەڤرۆ نیۆز راگەھاند” سپێدەھیا ئەڤرۆ ل سەنتەرێ پارێزگەھا ھەلەبجە و قەزا سەید سادق و ناحیا سیروان خۆنیشاندان ھاتنە دەسپێکرن و ل قەزا سەید سادق خۆنیشاندەران بەر ھاڤێتنە بارەگەھێ لیژنا ناوچا پارتی و ژلایێ ھێزێن ئەمنی رێگری لێھاتیەکرن.
شەمێرانی گۆتژی” ل ناحیا سیروانژی خۆنیشاندەران رێیا سەرەکیا پارێزگەھا ھەلجە بۆ سلێمانیێ گرتیە و لیژنا ناوچا پارتی یا سەید سادق بۆ رێگریکرن ل سووتنا بارەگەھێ لیژنێ تەقەی بسەر خۆنیشاندەران دکەن.
ئەڤرۆ نیۆز، قائید میرۆ:
لایەنێن سیاسی ل پارێزگەھا ھەلەبچە کۆمبوونەکا ب لەز ئەنجامدان و گەرەنتی داینە پارتی دیموکراتی کوردستان بارەگەھێن پارتی دێ پارستینە لھەر ھێرشەکێ.
ژێدەرەکێ پارتی دیموکراتی کوردستان ل پارێزگەھا ھەلەبجە بۆ ئەڤرۆ نیۆز راگەھاند” دگەل ئالۆزبوونا رەوشا دەڤەرێ و ئەنجامدانا خۆنیشاندانان، لایەنێن سیاسیێن پارێزگەھا ھەلەبجە کۆمبوونەکا بلەز ئەنجامداینە و تێدا گەرەنتی ب پارتی دیموکراتی کوردستان ھاتیەدان، کو دێ بارەگەھێن لقا ١٢ یا ھەلەبجە و لیژنێن ناوچێن پارتی ل ھێرشێن خۆنیشاندەران پاراستی بن.
ژێدەری دیارکر، کو قایمقامێ قەزا ناڤەندا ھەلەبجەیژی فەرمان ب ھێزێن ئەمنی کریە تەقەی ل خۆنیشاندەران نەکەن و بشێوەیەکێ تەنا خۆنیشاندان بۆ بەلافکرنا موچەی بھێنەکرن، چونکە ھەلەبجە پارێزگەھا ئاشتیێ یە.
نيشاندان