ئه‌ڤرۆ نيوز:
ئه‌ڤرۆ بڕياره ل ده‌مژمێر 9:45 ده‌قيقه ياريا گه‌را چوونێ ژ قووناغا پێش دووماهيا شامپيۆن ليگ بهێته كرن، د ياريا هاتنێ دا ل ياريگه‌ها يۆڤانتۆس، ريال
مه‌دريد ب گۆله‌كێ به‌رامبه‌ر دو گۆلان خوساره‌ت ببوو و پێدڤى ب سه‌ركه‌فتنێ يه د ڤێ ياريێ دا ب گۆله‌كا پاقژ يان ژى ئه‌نجامه‌كێ ب جوداهيا دو گۆلان هه‌كه هات و يۆڤانتۆس گۆله‌ك تۆماركر.
پێكهاتيێ ريال مه‌دريد:
پێكهاتيێ يۆڤانتۆس:
ئه‌ڤرۆ نيوز:
سوبه‌هى سه‌رۆكێ حوكمه‌تا هه‌رێما كوردستانێ و جێگرێ وى و هنده‌ك ژ وه‌زيرێن حوكمه‌تا هه‌رێما كوردستانێ، دێ چنه په‌رله‌مانێ كوردستانێ و ل گه‌ل سه‌رۆكاتيا په‌رله‌مانى و سه‌رۆكێ فراكسيۆنان كۆم بن ده‌رباره‌يى رێكه‌فتنا هه‌ولێر و به‌غدا دانوستاندنێ كه‌ن.
ب گۆره‌يى پرسا په‌ترۆل و بودجه و ل سه‌ر كێشێن ناڤبه‌را هه‌ولێر و به‌غدا و پابه‌ندنه‌بوونا به‌غدا ب رێكه‌فتنا د ناڤبه‌را هه‌رێما كوردستانێ و ناڤه‌ندى دا، سوبه‌هى وه‌ڤده‌كێ بلندێ حوكمه‌تا هه‌رێما كوردستانێ ب سه‌رۆكاتيا نێچيرڤان بارزانى سه‌رۆكێ حوكمه‌تا هه‌رێما كوردستانێ و قوباد ته‌له‌بانى جێگرێ سه‌رۆكێ حوكمه‌تێ و ب هه‌ڤالنيا هژماره‌كا وه‌زيرێن تايبه‌تمه‌ند د ڤى وارى دا، دێ چنه په‌رله‌مانێ كوردستانێ.
ب گۆره‌يى نوچه‌كێ مالپه‌رێ په‌رله‌مانێ كوردستانێ، بڕياره شاندێ حوكمه‌تێ، ل گه‌ل ده‌سته‌يا سه‌رۆكاتيا په‌رله‌مانى و سه‌رۆكێن فراكسيۆنێن ناڤا په‌رله‌مانى كۆم ببيت و ئاماده‌بوونا سه‌رۆكێ لژنێن كاروبارێن قانوونى و دارايى و كاروبارێن ئابوورى و وه‌به‌رهێنان و پێشه‌سازى و وزه و ژێده‌رێن سرۆشتى ل په‌رله‌مانى كۆم بن.
ئامانجا كۆمبوونێ، وه‌رگرتنا بۆچوونا په‌رله‌مانێ كوردستانێ يه، ل سه‌ر رێكه‌فتنا د ناڤبه‌را هه‌ولێر و به‌غدا دا و ئێكبوونا هه‌لويستێ هه‌موو لايه‌نان دا كو هه‌ر بڕيار و پێنگاڤه‌كا داهاتى ب هه‌لويسته‌كێ نشتيمانى و ئێكده‌نگى بيت.
ئه‌ڤرۆ نيوز:
ئه‌ڤرۆ ل هه‌ولێر ب سه‌رۆكاتيا سه‌رۆكێ حوكمه‌تا هه‌رێما كوردستانێ نێچيرڤان بارزانى كۆمبوونا نوونه‌رێن كوردان ل به‌غدا و حوكمه‌تا هه‌رێما كوردستانێ برێڤه‌چوو و تێدا گه‌هشتنه چه‌ند خالان كو ئه‌ڤێن ل خوارێ نه:
1- ل گه‌ل پابه‌ندبوونا حوكمه‌تا هه‌رێما كوردستانێ ب هنارتنا بڕا پێدڤى يا په‌ترۆلێ ب گۆره‌يى رێكه‌فتن و قانوونا بودجه‌يى يا سالا 2015ێ، ب مخابنى ڤه د به‌رامبه‌ر دا حوكمه‌تا فيدرال پابه‌ندنه‌بوويه ب هنارتنا شايسه‌يێن دارايى يێن هه‌رێما كوردستانێ و ئه‌ڤه ژى د ده‌مه‌كى دا كو بارگرانيه‌كا مه‌زن كه‌فتيه ستوويێ دارايا هه‌رێما كوردستانێ ژ ئه‌گه‌رێ بڕينا پشكا بودجێ سالا 2014ێ و شه‌رى دژى تيرۆرێ و هه‌بوونا زێده‌تر ژ مليۆن و پێنج سه‌د هزار ئاواره و په‌نابه‌ران و ده‌رهاڤێتنا وان حهوكمه‌تا فيدرال ب گرنگى ڤه نه وه‌رگرتيه.
2- كۆمبوونێ ته‌كست ل سه‌ر به‌رده‌وامبوون بۆ چاره‌كرنا كێشه و پرسان د رێيا دانوستاندنێ و ل گه‌ل حوكمه‌تا فيدرال كر.
3- حوكمه‌تا هه‌رێما كوردستانێ ب رێكه‌فتنێ و ب قانوونا بودجا سالا 2015ێ يا عيراقا فيدرال يا پابه‌نده، به‌لێ هه‌كه ديالۆك و دانوستاندن ل گه‌ل حوكمه‌تا فيدرال نه‌گه‌هشته ئه‌نجامان و حوكمه‌تا فيدرال يا رژد بوو ل سه‌ر پێشێلكرنا قانوونا بودجێ و شايستێن دارايى يێن هه‌رێما كوردستانێ نه‌هنارتن، حوكمه‌تا هه‌رێما كوردستانێ ب پشت به‌ستن ب بڕگا 3 ژ ماددێ 11 يێ قانوونا بودجێ ل سالا 2015ێ و ب گۆره‌يى قانوونا ژماره 5 يا سالا 2013ێ يا په‌رله‌مانێ كوردستانێ، رێ و چاره‌يێن دى دێ گرنه به‌ر بۆ دابينكرنا بودجێ پێدڤى بۆ هه‌رێما كوردستانێ.
4- كۆمبوونێ داخواز ژ حوكمه‌تا فيدرال كر كو ب گۆره‌يى به‌رنامێ سياسى، چاره‌يا كێشه و ئاريشێن د ناڤبه‌را حوكمه‌تا فيدرال و هه‌رێما كوردستانێ دا بكه‌ت و گرێدايى دستوورى و قانوونێن كارپێكرى بيت.
ئه‌ڤرۆنیوز
وه‌زاره‌تا دارای و ئابووری ل حوکمه‌تا هه‌رێما کوردستانێ راگه‌هاند رۆژانێن پێنجشه‌مب و ئێکشه‌مب و دوشه‌مبی دێ مووچێن هه‌يڤا سێ يێن ئه‌ڤ ساله هێنه به‌لاڤکرن.
د راگه‌هاندنه‌كێ دا كو ل مالپه‌رێ خوه به‌لاڤكريه دا زانین رۆژا پێنجشه‌مبی رێكه‌فتى 14ى گۆلانا 2015ێ دێ هه‌ر ئێك ژ فه‌رماندا پێشمه‌رگێ زێره‌ڤانی و هێزا ئاماده مووچه‌ی وه‌رگرن.
ئاماژه ب وێ چه‌ندێ ژى كريه كو ل رۆژا ئێكشه‌مبى رێكه‌فتى 17ى گۆلانا 2015ێ دێ مووچێ وه‌زاره‌تا دارايى و ئابوورى هێته به‌لاڤكرن.
ل رۆژا دوشه‌مبى رێكه‌فتى 18ى گۆلانا 2015ێ ژى دێ يا ته‌رخانكرى بيت بۆ وه‌رگرتنا مووچێ هه‌يڤا سێ يێ وه‌زاره‌تا په‌روه‌ردێ ل حوكمه‌تا هه‌رێما كوردستانێ.
کچەکا 29 سالی دلێ خوە بۆ رۆژناما ئەڤرۆ ڤەدکەت و دبێژیت: ئەز و گەنجەک حەز ژ ئێکدو دکەین، وی گەنجی ل بەرە بھێت من بخوازیت، بەلێ نزانیت دێ چاوا و ب چ بەھانە ھێت چونکی بیانى یە و مالا مە وی نانیاسیت و من نەڤێت مالا مە بزانیت ئەز حەز ژێ دکەم ژ بەر کو ئەم ب تێلەفونێ ژی گەل ئێک دئاخڤین، خێزانا من نزانن من موبایل یا ھەی یا نھێنیە ئەڤجا ھیڤی دکەم ھوون چ دبێژن و چارە چیە؟
کەچا ھێژا :
باشتربوو ئەگەر تە ئاستێ خواندنا خوە دیار کربا، ھەر وەسا سەروبەرێ خێزانێ نەخاسمە ژ لایێ رەوشەنبیری ڤە، نوکە پرانیا خێزانا گوهـ ددەنە رەوشتێ گەنجی و کەرامەتا مالباتا وی ژ بەر کو ب راستی تشتێن گرنگ ئەڤەنە و ھەتا ژل ایێ ساخلەمیێ ڤە باشترە یێ بیانی بیت ژ بەر کو گەلەگ نەخوشی دھینە ڤەگوھاستن بۆ زارۆیێن وان و ب دیتنا مە ئەڤ دیتنە گەلەک یا دورپێچ بوويی، باشترە باوەریەکا مەزن ھەبیت د ناڤبەرا ھەموو ئەندامێن خێزانێ نەمازە د گەل کچان، ئەڤجا بلا چ کار نەھێنە ئەنجام دان ب نھێنی و مۆبایل ئامیرەکێ نورمالە و پێدڤیە ل دەف ھەموویا ھەبیت کور کچان. نورمالە ب رێکێن رەوا و سروشتی بەرەف خێزانا تە بھێت و باشترە برێکا کەسێن نزیکی مالباتا تە و ب دیتنا مە چ ئاریشە نابن.
پۆ په‌يوه‌نديكرنێ ب گۆشا دلێ خوه ڤه‌كه په‌يوه‌نديێ ب ڤێ ژمارا تله‌فۆنێ بكه: 07503404123
ئه‌ڤرۆ نيوز:
ئه‌ڤرۆ سه‌رۆكێ حوكمه‌تا هه‌رێما كوردستانێ و جێگرێ وى ل گه‌ل فراكسيۆنێن كوردى يێن ناڤا جڤاتا نوونه‌رێن عيراقێ ل هه‌ولێر كۆمبوو و دانوستاندن ل سه‌ر پابه‌ندبوونا حوكمه‌تا عه‌بادى ب قانوونا بودجێ و رێكه‌فتنا ل گه‌ل هه‌رێما كوردستانێ پشتى دو ده‌مژمێران ژ دانوستاندنێ ب دووماهى هات.
ئارێز عه‌بدولا سه‌رۆكێ لژنا نه‌فت و گازێ ل جڤاتا نوونه‌رێن عيراقێ بۆ رووداو گۆت: “ب درێژاهيا دانوستاندنان ل دۆر سه‌رهلدانا ئه‌وان كێشه و چاوانيا چاره‌كرنا ووان كێشان و گرتنه به‌را رێيێن گۆنجايى، بێگۆمان ئه‌وا ته‌كست ل سه‌ر هاتيه كرن ئه‌و بوو هه‌ر بڕياره‌ك و پێنگاڤه‌كا هه‌بيت دڤێت ب هه‌لويسته‌كێ نشتيمانى و ئێكده‌نگى و ئێكهه‌لويست بيت.
ده‌رباره‌يى هه‌لويستێ هه‌رێما كوردستانێ ل به‌رامبه‌ر به‌غدا، ئارێز عه‌بدولا گۆت: “نوكه دانوستاندنان دكه‌ين و مه هه‌لويست وه‌رگرتيه و پاشان ژى وه‌زيرێ په‌ترۆلا عيراقێ دێ هێته هه‌ولێر و بۆ چاره‌كرنا كێشان، ژ لايه‌كێ دژى ڤه هه‌ر تشته‌كێ پێدڤى بيت بۆ هه‌لويست وه‌رگرتنێ نوونه‌رێن كورد ل به‌غدا د ئاماده‌نه هه‌لويستى وه‌رگرن”.
درباره‌يى وه‌رگرتنا هه‌لويستى ژى ئارێز عه‌بدولا گۆت: “هه‌ر تشته‌كێ پێدڤى بيت لايه‌نێن سياسى دێ ل به‌رامبه‌ر ئێك هه‌لويست بن و چو د به‌رژه‌وه‌نديا خه‌لكێ كوردستانێ دايه دێ وێ كه‌ن، هه‌كه دانوستاندن يا بێ مفا ژى بوو دشيان دايه ڤه‌گه‌رينه دستوورى، دستوور ژى دبێژيت بجهئينانا دستوورى مانا عيراقێ يه ب ئێكپارچه‌يى، كه‌واته هه‌كه عيراق يا پێگير نه‌بيت، ئه‌م ژى ب ئێكپارچه‌يا ئه‌ردێ عيراقێ د پێگير نابين”.
سەرۆکێ ئێکەتیا مامۆستایێن کوردستانێ ب رێکا مالپەرێ ئەڤرۆ نیۆز ژڤانێ مەزاختنا مووچێ مامۆستایێن کوردستانێ ئاشکراکر و ب ھیڤیا وێ چەندێ کو وەزارەتا دارایی و ئابووری ل سەر خشتێ بەلاڤەکرنێ یا بەردەوام بیت.
عەبدوالواحد ئەحمەد سەرۆکێ ئێکەتیا مامۆستایێن کوردستانێ بۆ مالپەرێ ئەڤرۆ نیۆز گۆت: وەزارەتا پێشمەرگەی وەرگرتیە و دیسان ژڤانە ندەک سازیێن دی ژی وەربگرن و بھیڤی نە حەفتیا بھێت مووچێ مامۆستان بھێتە بەلاڤەکرن، رۆژانە وەزارەتا دارایی ئاشکرادکەت کا مووچێ چ وەزارەت یان سازی دھێتە بەلاڤەکرن.
ئه‌ڤرۆ نيوز، نيوار محه‌مه‌د سه‌ليم:
ئاخفتنكه‌رێ ب ناڤێ فراكسيۆنا زه‌ر ل په‌رله‌مانێ كوردستانێ ناڤێن هه‌ر حه‌فت ئه‌ندامێن سه‌ر پشكا پارتى ديموكراتى كوردستان يێن كو دێ كار د به‌رهه‌ڤكرنا دستوورى دا كه‌ن راگه‌هاندن.
محه‌مه‌د عه‌لى ياسين، ئاخفتنكه‌رێ ب ناڤێ فراكسيۆنا زه‌ر ل په‌رله‌مانێ كوردستانێ، بۆ ئه‌ڤرۆ نيوز گۆت: “پارتى ناڤێن ئه‌ندامێن لژنا به‌رهه‌ڤكرنا دستوورى ب فه‌رمى راگه‌هاندن”.
ئاخفتنكه‌رێ ب ناڤێ فراكسيۆنا زه‌ر ل په‌رله‌مانێ كوردستانێ زێده‌تر گۆت: “هه‌ر ئێك ژ حاكم نه‌مر كه‌چۆ كو نوونه‌رێ ئێكانه يێ ئێزديه د لژنێ دا و ل سه‌ر به‌هرا پارتيه و د. ڤالا فه‌ريد و د. فه‌رسه‌ت سوفى يێن په‌رله‌مانتار و سيروان زه‌هاوى شارازه‌يێ وارێ دستوورى و ئه‌ندامێ به‌رێ يێ جڤاتا نوونه‌رێن عيراقێ و عوسمان وه‌يسى و عه‌بدولحه‌كيم خسرۆ عه‌بدولفتاح عه‌بدولره‌زاق مامۆستايێن زانكۆيێ و تايبه‌تمه‌ندێن دستوورى”.
ئه‌ڤرۆ نيوز، نيوار محه‌مه‌د سه‌ليم:
به‌رپرسێ راگه‌هاندنێ ل رێڤه‌به‌ريا گشتيا يا پارێزگه‌ها دهۆكێ راگه‌هاند كو ژڤانێ ئه‌زموونێن دووماهيا سالێ يێن نشتيمانى و قووناغێن به‌رى دووماهيێ و يێن دووماهيێ هاتيه دياركرن.
ئه‌حمه‌د عه‌بدولا زۆبێر، به‌رپرسێ راگه‌هاندنێ ل رێڤه‌به‌ريا گشتيا يا پارێزگه‌ها دهۆكێ، بۆ ئه‌ڤرۆ نيوز گۆت: “بڕياره ڤان رۆژان ئه‌زموونێن دووماهيا سالێ يێن 2014-2015 بهێنه كرن و پرۆسه يا سه‌رتاسه‌رى يه و وان قوتابخان ژى ڤه‌دگريت يێن دره‌نگ ده‌وام تێدا هاتيه كرن ب ره‌نگه‌كى كو ده‌واما وان دده‌مێن زێده دا هاتيه قه‌ره‌بووكرن”.
به‌رپرسێ راگه‌هاندنێ ل رێڤه‌به‌ريا گشتيا يا پارێزگه‌ها دهۆكێ زێده‌تر گۆت: “ئه‌زموونێن نشتيمانى يێن پۆلا 9ى بنه‌ره‌تى بڕياره ل 13ى گۆلانا 2015ێ بهێنه كرن و يێن دووماهيا سالێ بۆ قووناغێن نه‌يێن دووماهيێ دێ ل 16ى گۆلانێ هێنه كرن و بۆ ماوێ 10 رۆژان دێ د به‌رده‌وام بن”.
ئه‌حمه‌د زۆبێر ده‌رباره‌يى قووناغێن دووماهيێ ژى ئه‌وێن ب ويزارى دهێنه ناڤبرن گۆت: “ئه‌و ژى دێ د سه‌رتاسه‌رى بن و ل هه‌موو جهان ب ئێك ده‌م هێنه كرن كو دكه‌ڤيته 4ى خزيرانا 2015ێ”.
نيشاندان