ئهڤرۆ نيوز:
تلهڤزيۆنا رووداو ژ زارێ ژێدهرهكى بهلاڤكريه كو سوبههى 6ى نيسانا 2015ێ، سهرۆك وهزيرێن عيراقێ حهيدهر عهبادى دێ سهرهدانا ههرێما كوردستانێ كهت.
ب گۆرهيى زانياريێن ب دهست ئهڤرۆ نيوز كهفتين دێ ل گهل سهرۆكێ ههرێمێ كوردستانێ بهحس ل شێوازێ ئازادكرنا مووسل كهن و رهوشا ئهمنى يا عيراقێ و داهاتيێ عيراقێ و كوردستانێ كهن.
ئەڤرۆ نیۆز، قائید میرۆ:
ئەفسەرەکێ ھێزا پێشمەرگەی ئاماژە ب ڤێ چەندێ دکەت، نوکە لڤینێن داعش زۆر کێمبووینە و پێشبینی دکەین ھژمارا چەکدارێن وان ژی وەک بەرێ نەمابن و شیانێن بەرێ نەماینە.
رائید رەقیب شوکری، ئەفسەرێ پێشمەرگەی ل میحوەرێ باشیک بۆ ئەڤرۆ نیۆز راگەھاند: “نوکە چالاکیێن داعش زۆر کێمبووینە و بۆ دەمێ چەند رۆژانە ھەمبەر ھێزێن پێشمەرگەی لڤینێن وان یێن کێمبووین، بەری دو شەڤا بزاڤا ھێرشکرنێ دکر، بەلێ ھەر زوو ژ لایێ ھێزێن پێشمەرگەی ڤە ھاتنە بێدەنگکرن”.
رەقیب شوکری گۆتژی: “بەری نوکە بەردەوام چەکدارێن داعش ب قەناسێ ھێزێن پێشمەرگەی دکرنە ئامانج و لڤین ھەبوون، بەلێ نوکە ئەو لڤینێن بەرێ نەماینە و زۆر لاوازبووینە، لەوڕا ئەم وەسا دبینین ھژمارا چەکدارێن وانژی یا کێمبووی”.
ئهڤرۆ نيوز:
ب گۆرهيى راپۆرتهكێ كو رۆژناما سهبهق يا سعودى بهلاڤكريه، ههتا نوكه د شهرێ باهۆزا دۆرپێچكرنێ دا ل گهل حوسيێن كۆدهتهيا لهشكرى ئهنجام داين 400 كهس ژێ كوشتينه.
ئاماژه ب وێ چهندێ ژى كريه كو 28 كهس ژ ڤانه سهركردێن پلا ئێكێ يێن چهكدارێن حوسى بووينه ئهوێن ب نهخشێ كۆدهتهيا لهشكرى رابووين.
دايه زانين ژى كو هندهك ژ ڤان كهسان ژ لايێ بهههلستكارێن دژى حوسيان ژى يێن يهمهنى هاتينه كوشتن و هندهك ژى ژ لايێ هێزێن ئهسمانى يێن ههڤپهيمانێن سعودى ڤه.
ئهڤرۆ نيوز:
د رێيهكا نوو دا بۆ دژاتيكرنا كوردان، عاليا نوسهيف، ئهنداما جڤاتا نوونهران ژ دهولهتا قانوونێ و كهساتيا نێزيكا مالكى 25 ئيمزا كۆم كرينه دا كو كۆژمێ هنارتنا پهترۆلا ههرێما كوردستانێ بهێته رهوانه كرن ب بههانهيا وێ چهندێ كو ههر ماوه ماوه كۆژمهكێ پارهيى يێ بۆ ههرێمێ دهێته رهوانهكرن ب بههانهيا بودجا سالا 2015 يا ههرێما كوردستانێ.
نوسهيف ب پشت بهست ب مادێن 111 و 115 و ب ئيمزايا 25 پهرلهمانتاران داخوازيهك رادهستى سهرۆكاتيا جڤاتا نوونهران كريه بۆ دروستكرنهكا لژنهكێ بۆ دووڤچوونا رێژا هنارتنا پهترۆلا ههرێما كوردستانێ ب تايبهت پشتى دهنگويێ وێ چهندێ كو حوكمهتا ههرێما كوردستانێ هندهك بۆريێن پهترۆلا كهركووك ل عيراقێ ڤهشارتينه.
ئهڤرۆ نيوز:
سهرۆكێ جڤاتا نوونهرێن عيراقێ، سهليم جبۆرى، ئهڤرۆ رۆژا ئێكشهمبى 5ى نيسانا 2015ێ گههشته پارێزگهها نهجهف.
ژێدهرێن دهنگوباسان راگههاند كو جبۆرى گههشته نهجهف و هندهك بهرپرسێن پارێزگههێ و نوومهرێن پارێزگههێ يێن جڤاتا نوونهران ل پێشوازيا وى بوون و بهر ب جڤاتا پارێزگههێ چوو.
ههر ب گۆرهيى ژێدهران دێ چاڤ ب موقتهدا سهدر، سهرۆكێ تهڤگهرا سهدر، كۆم بيت و پاشان كۆنگرهكێ رۆژنامهڤانى ئهنجام دهت بابهتێ روونشتنا وان دێ گهلهك تهوهران ب خوه ڤه گريت و ژ وان ژى رهوشا نوكه يا ئهمنى بيت.
ئەڤرو نیوز، ھەیفا دوسکی:
ھێرۆ مستەفا خودانا دەنگەکێ زەلال و ھەلبەستێن تژی ھەستە، ھێرۆیێ گەلەک خوشی ل خوە رەد کرینە پێ خەمەت خووشک و برایێن وێ ب خوەشی بژین.
ھێرۆ مستەفا ئەو کچا ناڤدارا ئێزدی دژیێ زارۆکینیێ دا ھەلبەست نڤیسنە و بوویە خوەدیا ھەلبەستێن تژی ھەست دگۆتنەکا خوە دا دبێژیت: “ئەز گەلەک کار دکەم چونکی بۆ خێزانا مال باتا خوە جھێ ھاتنا داھاتێ وانم”.
ھێرۆ خانێ گۆتژی: “گەلەک جاران من دەستێ خوە یێ درێژ کری و ئەوان دەستێ من یێ شکاندی و ئەزا بێ ئومێد کریم، د سەر ڤێ ھەوویێ را یا دلخوشم چونکو من دڤێت ئەز نمونە ئافرەت بم ل ڤێ جڤاکی و ببمە سەرکێش و من ناڤەک ل ڤی جڤاکی ھەبیت”.
ژ لایەکێ دی ڤە ژی ھێرۆیێ دا زانین کو ئەو یا ل گەل ھەلبەستێ گەھشتیە گۆپیتکا خوشیێ، لەورا پێدڤی دبینم کو ئەز کارێ راگەھاندنێ ژی بکەم و من ئەنجام ژی دا و من بەرنامەیەکێ حەفتیانە یێ ھەیی ل رادیویا دھۆک یێ (شەڤ باش) لەورا ژی ئەز ل بنگەھێ لالش یێ رەوشەنبیری و راگەھاندنێ کار دکەم.
ھەموو کاران دکەم دا خێزانا خوە سەربلند ب خودان بکەم، ل داویا گۆتنا خوە ھیرۆیێ گۆت: “من ھیڤیێن مەزن ھەنە و کار دکەم بمە کچەکا سەرکردە و خودان بیرو باوەرم و کچا کوردم”.
ئهڤرۆ نيوز:
عهزيز وهيسى فهرماندێ فهرماندا زێرهڤانى راگههاند كو ئهوان داخوازا چهكێ گران ژ فرهنسا كريه ل گهل هنارتنا شيرهتكارێن لهشكرى يێن زێدهتر بهنێريته ههرێما كوردستانێ و بڕياره د دهمهكێ نێزيك دا، وهزيرێ بهرهڤانيا فرهنسا سهرهدانا ههرێما كوردستانێ بكهت و ل گهل خوه ژى هژمارهكا شيرهتكارێن لهشكرى بينيته ههرێما كوردستانێ و داخواز ژى كريه كو ئهو شيرهتكار بۆ ماوهكێ درێژ ل كوردستانێ بمينن.
ئهڤرۆ نيوز:
نوكه ل پيرمام، كۆمبوونا سهرۆكێ ههرێما كوردستانێ و سهرۆكاتيا پهرلهمانێ كوردستانێ دهسپێكر.
ئهڤرۆ رۆژا ئێكشهمبى 5ى نيسانا 2015ێ ل هاڤينگهها پيرمام سهرۆكێ ههرێما كوردستانێ و سهرۆكاتيا پهرلهمانێ كوردستانێ كۆمبوون.
ب گۆرهيى ئهو پێزانينێن ب دهست ئهڤرۆ نيوز كهفتين، ئهڤ كۆمبوونه دێ ل دۆر پرسا راستڤهكرنا دستوورێ ههرێما كوردستانێ و درێژكرنا ويلايهتا مهسعود بارزانى سهرۆكێ ههرێما كوردستانێ.
ئەڤرۆ:
د سەرەدانەکێ دا بۆ مەکۆیێ سەرەکیێ بزاڤا گۆڕان ل دھۆکێ، فەرھاد ئەمین ئەترووشی، پارێزگەرێ دھۆکێ و ھشیار عابد، سەرپەرشتێ بزاڤا گوران ل بادینان بەحسێ چەوانیا پێکئینانا حوکمەتا خوەجھی کرن.
د ھەڤدیتنەکێ دا بەحسێ رەوشا دەڤەرێ و ئەو ھەڤکاریا د ناڤبەرا پارێزگەھا دھۆکێ و حزبێن کوردستانی ل دەڤەرێ ب گشتی و ئاڤاکرنا حوکمەتا خوەجھی ل پارێزگەھێ ھاتە کرن.
ل دۆر سەرەدانێ سەرپەرشتێ بزاڤا گۆڕان ل بادینان دیار کر کو ئەو ب سەرەدانا پارێزگەرێ دھۆکێ خوشحالبوون و گۆت: “سەرەدانەکا گرنگ بوو، دەستخوشیێ ژی ل پارێزگەری و کارگێریا پارێزگەھێ دکەین بۆ وێ خزمەتا پێشکێش دکەن مە بەحسێ ئێکرێزیا ناڤ مالا کوردی کریە وچاوا پێکڤەھاریکاربین.
پارێزگەرێ دھۆکێ ژی ئاشکرا کر، وان ل بەرە سەرەدانا ھەموو لایەنێن سیاسی ل سنۆرێ پارێزگەھێ بکەن، ب تایبەتی ئەو لایەنێن نوونەر د جڤاتا پارێزگەھێ دا ھەین و گۆت: “گەلەک جارا دھاتە گۆتن کو پارتی نیاز بۆ ئاڤاکرنا حوکمەتا خوەجھی نینە و د ڤێ چەندێ دا دودلیەک بۆ ھندەک لایەنان چێ ببوو، لەو ھندەک داخویانیێن دژوار د دان، لێ پارتی بڕیار دایە چ ل سەر ئاستێ ھەرێما کوردستانێ یان ل سەر ئاستێ پارێزگەھان بیت حوکو مەتێن بنگەە فرەە پێکبینیت”.
دەربارەی دەستپێکرنا دانوستاندنان ژی پارێزگەرێ دھۆکێ گۆت: “د دەمەکێ نێزیک دا وەکو پارتی و پارێزگەھا دھۆکێ دێ ھەولدەین دانوستاندن د ناڤبەرا مە و لایەنێن دی دا بھێنە کرن ژ بۆ ھندێ ئەم بگەھینە ئەنجامەکێ باش بۆ ئاڤاکرنا حوکمەتا خوەجھی یا پارێزگەھێ، ئەز دوێ باوەریێ دا مە و پێخەمەت بەرژەوەندیا گشتی، ھەموو ھەڤال دێ بۆ ڤێ چەندێ د ھاریکاربن”.
ئەڤرۆ نیوز:
رێڤەبەریا گشتیا کەشناسیێ ل ھەرێما کوردستانێ راگەھاند کو سوبەھی ئهسمان دێ ساهى بيت ل گهل هندهك ئهورێن كێم ل هندهك دهڤهران و ل دهڤهرێن چيايى دێ هندهك ئهورێن زێدهتر ههبن.
پشکا پێشبینیان ل رێڤەبەریا گشتیا کەشنایا ھەرێمێ راگەھاند کو ژ ئەنجامێ بهردهواميا فشارێن وهلاتێ توركيا ل سەر ھەرێما کوردستانێ ئەو پێشبینی دکەن کو سوبەھی رێکەفتی 2015.4.6 ئهسمان دێ ساهى بيت ل گهل هندهك ئهورێن كێم ل هندهك دهڤهران و ل دهڤهرێن چيايى دێ هندهك ئهورێن زێدهتر ههبن.
رێڤەبەریا گشتیا کەشناسیێ ل ھەرێما کوردستانێ ئاشکەرا ژی کریە کو پلا گەرماتیێ يا بلند دێ بلند بيت و يا نزم دێ نزمتر لێ هێت وهكو ههڤبهركى ل گهل رۆژێن بهرى نوكه ب رەنگەکی د ناڤبەرا 23 بۆ 10 دا.
ل دۆر پێشبینیا رێژا ھەوایی و مەودایێ دیتنێ ژی دایە زانین کو دێ ئاراستەیێ وی دێ ل باكورێ رۆژههلات بیت ب رەنگەکی دێ ل سهرخۆ بیت د ناڤبەرا 5 بۆ 15 کلم د دەمژمێرەکێ دا و ماوێ دیتنێ ژی دێ 8 بۆ 10 کلم دا بیت.
نيشاندان