ئه‌ڤرو نیوز ، بارزان مزوورى
غیاس سورچى ، به‌رپرسێ راگه‌هاندنا مه‌لبه‌ندێ مووسل بو مالپه‌رێ ئه‌ڤرو نیوز ئاشكرا كر كو د ماوێ دوو هه‌یڤانه‌ ئه‌و خانه‌وادێن كورد ئه‌وێن لژێر كونترولا چه‌كدارێن تیرورستێن داعش ل ناڤ سه‌نته‌رێ باژێرێ مووسل ژبه‌ر فشارا كه‌فتیه‌ سه‌ر وان ژلایێ داعش ڤه‌ روژانه‌ ئه‌و خانه‌وادێن كورد ب شه‌ڤ و روژ و ب به‌رزه‌يى ڤه‌ خو دگه‌هینه‌ هێزێن پێشمه‌رگه‌ى ل میحوه‌رێن جیاواز.

ناڤبرى دیار كر كو ئه‌ڤه‌ ماوێ هه‌یڤه‌كێ یه‌ 300 خانه‌وادێن كورد ل ده‌ستێن داعش قورتال بوینه‌ و خو راده‌ستێ هێزێن پێشمه‌رگه‌ى كرین ل سه‌ر كه‌مپا و جهێن لبن كونترولا پێشمه‌رگه‌ى هاتینه‌ ئاكنجى كرن .

ئه‌ڤرۆ نیوز:
ئاشكرابوونا هنارتنا پارێ هه‌یڤا 4 ژ ئالیێ به‌غدا ڤه‌ بۆ هه‌رێمێ ل به‌رامبه‌ر فرۆتنا نه‌فتا هه‌رێمێ د ڤێ هه‌یڤێ دا، هه‌موو لایه‌ك تووشى حێبه‌تیێ كرینه‌ ب وێ یه‌كێ كو ئه‌و نه‌فتا هه‌رێمێ د هه‌یڤا 4 دا هنارتى گه‌له‌ك زوره‌ و د هه‌مبه‌ر دا به‌غدا ب نیازه‌ پاره‌كێ كێم به‌رامبه‌ر وێ نه‌فتا هه‌رێمێ فروتى بهنێریت.
مه‌سعود حه‌یده‌ر، ئه‌ندامێ په‌رله‌مانێ عیراقێ دیاركر : د ڤێ حه‌فتیێ دا دێ كومبوونه‌ك د ناڤبه‌را ئه‌ندامێن كورد یێن لژنا دارایى ل په‌رله‌مانێ عیراقێ و حكومه‌تا هه‌رێمێ هێته‌ سازكرن و ڤه‌كولین ل دۆر كێم هنارتنا پاران ژ ئالیێ به‌غدا ڤه‌ هێته‌ به‌حسكرن، و دێ دووماهى هه‌لویست به‌رامبه‌ر به‌غدا راگه‌هینین.

ئه‌ڤرۆ نیۆز، قائید میرۆ
پشتی كۆمبوونا ئه‌ڤرۆ د ناڤبه‌را مه‌كته‌بێن سیاسیێن پارتی و ئێكه‌تی ل سلێمانیێ، به‌رپرسه‌كێ ئێكه‌تیێ دیاردكه‌ت، پشتی كۆمبوونێ پارتی ئه‌م ئاگه‌هداركرینه‌ ل هه‌له‌بجه‌ دێ كۆمبین.
ئه‌حمه‌د قه‌ده‌فه‌ری، جێگرێ به‌رپرسێ مه‌لبه‌ندێ ئێكه‌تی نیشتیمانی كوردستانل هه‌له‌بجه‌ ب ئه‌ڤرۆ نیۆز راگه‌هاند” ئه‌ڤرۆ هه‌ردو مه‌كته‌بێن سیاسیێن پارتی و ئێكه‌تی ل سلێمانیێ كۆمبوون و زۆر پرس هاتینه‌ به‌حسكرن”
قه‌ده‌فه‌ری گۆتژی” پشتی كۆمبوونا هه‌ردو مه‌كته‌بێن سیاسی، بڕاده‌رێن پارتی ل هه‌له‌بجه‌ په‌یوه‌ندی ب من كریه‌، كو بڕیاره‌ سبه‌ سه‌ره‌دانا مه‌ بكه‌ن و دێ پێكڤه‌ كۆمبین، به‌لێ بۆمه‌ خویانه‌كر، دێ كۆمبوون یا دۆستانه‌ بیت یان دێ ل دۆر ره‌وشا گشتی بیت، یانژی دێ پارتی به‌حسێ پۆستێن پارێزگه‌ها هه‌له‌بجه‌ بكه‌ت.

ئه‌ڤرۆ نیوز:

ئه‌ڤرۆ مام جه‌لال پێشوازیا نێچیرڤان بارزانى سه‌رۆكێ حكومه‌تا هه‌رێما كوردستانێ كر.
ددیداره‌كێ دا كو خانم هیرو ئیبراهیم ئه‌حمه‌د ئه‌نداما مه‌كته‌با سیاسى و دكتور خه‌سره‌و گول ئه‌ندامێ سه‌ركردایه‌تیا ئێكه‌تیێ به‌رهه‌ڤبووى، سه‌رۆكێ حكومه‌تێ سوپاسیا وێ پێشوازیا گه‌رم كر كو لێ هاتیه‌ كرن و دیسا خوشحال بوو كو ره‌وشا ساخله‌میا مام جه‌لال رۆژ بۆ رۆژێ به‌ره‌ڤ پێش دچیت.