ئه‌ڤرۆ نیوز:
پشتى كونترولكرنا ناڤه‌ندا باژێرێ رومادى ژ ئالیێ داعش ڤه، محه‌مه‌د كه‌ربولی ئه‌ندامێ په‌رله‌مانێ عیراقێ راگه‌هاند پێدڤیه حه‌یده‌ر عه‌بادى سه‌رۆك وه‌زیرێن عیراقێ له‌زێ بكه‌ت بۆ پشته‌ڤانیكرنا هنارتنا هێزێ بۆ پارێزگه‌هێن ئه‌نبار و روومادى و رێگریێ ل پێشڤه‌چوونێن داعش بگریت و گۆت: ب كونترولكرنا رومادێ دێ مه‌ترسیه‌كا مه‌زن كه‌ڤیته سه‌ر به‌غدا و باژێرێ كه‌ربه‌لا.
ئه‌ڤرۆ نیوز:
عزه‌ت دوورى په‌یامه‌كا ده‌نگى به‌لاڤ دكه‌ت، پشتى كو د ماوێ چوویى دا، هێزێن حه‌شد شه‌عبى به‌لاڤ كرین كو وان یێ كوشتى.
ل ده‌ستپێكا تومارا ده‌نگى دا، عزه‌ت دوورى جێگرێ سه‌رۆكێ به‌رێ یێ رژێما عیراقێ ئاماژه ب وێ یه‌كێ دكه‌ت ئه‌وا نوكه ل عیراقێ دهێته دیتن، داگیركرنه‌كا رۆنا عیراقێ یه ژ ئالیێ ئیرانێ ڤه.
عزه‌ت دوورى هێرشێن دژوار دكته سه‌ر حه‌شد شه‌عبى و ب كوشتنا خه‌لكێ مه‌ده‌نى تومه‌تبار دكه‌ت و دبێژیت: حه‌شد شه‌عبى راسته‌وخو ژ ئالیێ ئیرانێ و قاسم سلێمان ڤه سه‌رپه‌رشتى لێ دهێته كرن.
ئه‌ڤرۆ نیوز:
به‌رپرسه‌كێ عیراقێ رادگه‌هینیت كو فرۆكێن سوپایێ عیراقێ ب خه‌له‌تى ڤه چه‌ك بۆ چه‌كدارێن داعش ل ناڤ پارزینگه‌ها بێجى ئێخستنه خوارێ.
به‌رپرسه‌كێ ناڤخو یێ عیراقى ئه‌ڤرۆ رۆژا ئه‌ینى ئاشكراكر كو فرۆكێن سوپایێ عیراقێ ب خه‌له‌تى ڤه ل جهێ چه‌ك و ته‌قه‌مه‌نیان بۆ هێزێن ئێمناهیێ یێن عیراقى به‌رده‌نه ناڤ پارزینگه‌ها نه‌فتا بێجى، بۆ ده‌ڤه‌ره‌كا ده‌ستێ داعش به‌رداينه .
ئه‌ڤرۆ نیوز:
به‌یار دوسكى ئه‌ندامێ لژنا وزه و ژێده‌رێن سروشتى ل په‌رله‌مانێ كوردستانێ دیاركر كو به‌غدا هه‌موو بزاڤێن خوه د مه‌زێخیت بۆ وێ یه‌كێ كێشێن خوه ل گه‌ل هه‌رێمێ چاره بكه‌ت و دهێته چاڤه‌رێكرن ئه‌و پارێ ژ هه‌رێمێ بۆ هه‌یڤا 4 هاتیه برین، ل چه‌ند رۆژێن بهێت بهنێریت.
حكومه‌تا عیراقێ ل هه‌مبه‌ر هنارتنا نه‌فتا كوردستانێ ، ب تنێ 488 ملیار دینار بۆ هه‌رێما كوردستانێ هنارتبوون، دده‌مه‌كێ دا پێدڤیبوو 882 ملیار دیناران بهنێریت ژبه‌ر كو هه‌رێمێ نه‌فته‌كا زور راده‌ستى كومپانیا سومو كربوو، له‌وما دڤێت به‌غدا 394 ملیارێن دى بۆ هه‌رێمێ بهنێریت.
ئه‌ڤرۆ نیوز:
ئەبوبەكر بەغدادی خه‌لیفێ رێكخراوا ده‌وله‌تا ئیسلامى ( به‌رنیاس ب داعش) د نووترین تومارا ده‌نگى دا كو رۆژا 14 ڤێ مه‌هێ ل سه‌ر تورێن جڤاكى یێن داعش به‌لاڤ بوویه، هێرشێن دژوار دكه‌ته سه‌ر ده‌ستهه‌لاتێن سعودیه و مه‌لا و بانگخوازێن عه‌ره‌بێن سوونه كو ئه‌و یێن بووینه ئه‌گه‌رێ ئاواره‌بوونا خه‌لكێ سوونه بۆ لایێ شیعه و كوردان.
ئەبوبەكری بەغدادی ژیلى گه‌فكرن ل كونترولكرنا به‌غدا، كه‌ربه‌لا، سینا و دیمه‌شق و چه‌ند جهێن دى، هه‌ڤده‌م ئاماژێ ب مه‌ترسیا ل سه‌ر ره‌قه و حه‌له‌بێ دكه‌ت كو هێرش ل سه‌ر بهێته كرن.
ئه‌ڤرۆ نیۆز، قائید میرۆ
ئێڤاریا ئه‌ڤرۆ ل گوندێ سماقۆلی مامۆستایه‌كێ زانكۆیا سلێمانیێ ب سیكارێ هاته كوشتن و پۆلیسێن هه‌ولێرێ ژی رادگه‌هینن، ڤه‌كۆلین هاتینه ده‌ستپێكرن ل دۆر كوشتنا مامۆستای.
رائید كاروان عه‌بدولكه‌ریم، په‌یڤدارێ پۆلیسێن هه‌ولێرێ ب ئه‌ڤرۆ نیۆز راگه‌هاند” ده‌مژمێر شه‌ش و نیڤی ئه‌ڤرۆ ئیڤاری، هێزێن پۆلیسان ل روویدانه‌كا كوشتنێ هاتنه ئاگه‌هداركرن، ل ناڤبه‌را گوندێ سماقۆلی و سوسێ پشتی هێزێن پۆلیسان گه‌هشتینه جهێ بۆیه‌رێ ده‌ركه‌فت مامۆستایه‌كێ زانكۆیێ ته‌مه‌ن 31 سال ب سیكارێ هاتیه كوشتن.
رائید كاروانی گۆتژی” مامۆستایێ هاتیه كوشتن خه‌لكێ باژێڕێ سلێمانیێ یه مامۆستایه ل زانكۆیا سلێمانیێ، هێزێن پۆلیسا ته‌رمێ مامۆستای بۆ نوشداریا داد هنارتیه و ڤه‌كۆلین هاتینه ده‌ستپێكرن”.
نيشاندان