ئه‌ڤرۆ نيوز:
رێڤه‌به‌ريا گشتيا هاتنوچوونا هه‌رێمێ ئاگه‌هداريا وه‌لاتيان دكه‌ت كو ئه‌ڤێن تابلۆيێن ترۆمبێلێن وان “فحص مؤقت” و نه‌هاتينه تۆماركرن، هه‌تا 31ى ڤێ هه‌يڤێ سه‌ره‌دانا رێڤه‌به‌ريێن هاتنوچوونێ ل پارێزگه‌هێن هه‌رێمێ بكه‌ن بۆ ئاماكرنا ترۆمبێلێن وان.
ب گۆره‌يى به‌ياننامه‌كێ كو رێڤه‌به‌ريا گشتيا هاتنوچوونا هه‌رێمێ به‌لاڤكريه و ئه‌ڤرۆ نيوز وێنه‌ك ب ده‌ست خوه ئێخستيه، تێدا هاتيه: رێڤه‌به‌ريا گشتيا هاتنوچوونا هه‌رێمێ ب گۆره‌يى مادێ 34 برگا “1” ژ قانوونا هاتنوچوونا ژماره 86 يا سالا 2014ێ به‌لاڤكريه‌كێ به‌لاڤ دكه‌ت و ئاگه‌هداريا هه‌موو ئه‌وان خودان ترۆمبێلێن هه‌لگرێن تابلۆيێن “فحص مؤقت” دكه‌ت يێن تۆمارنه‌كرى ل رێڤه‌به‌رييێن هاتنوچوونێ يێن پارێزگه‌هێن عيراقێ هه‌تا 31ى گۆلانا 2015ێ سه‌ره‌دانا رێڤه‌به‌ريا هاتنوچوونا دهۆك، هه‌ولێر، سلێمانى، سۆران، گه‌رميان، راپه‌رين بكه‌ن.
هاتيه ژى: “مه‌ره‌م ژ سه‌ره‌دانا وان بۆ ئاماده‌كرن پێدانا پێزانينێن ترۆمبێلێن وايه ب رێڤه‌به‌ريێن هاتنوچوونێ ب گۆره‌يى فۆرما تايبه‌ت”.
ئه‌ڤرۆ نيوز:
بڕياره سوبه‌هى سه‌رۆكێ حوكمه‌تا هه‌رێما كوردستانێ ل گه‌ل سه‌رۆك فراكسيۆنێن نێڤا جڤاتا نوونه‌رێن عيراقێ و وه‌زيرێن كورد ل به‌غدا كۆم بيت و هه‌لويستێ خوه ل سه‌ر كێم هنارتنا به‌هرا هه‌رێمێ ژ بودجه‌يى گه‌نگه‌شه بكه‌ن.
خسرۆ گۆران، سه‌رۆكێ فراكسيۆنا پارتى ديموكراتى كوردستان ل جڤاتا نوونه‌رێن عيراقێ بۆ رووداو گۆت: “بڕياره سوبه‌هى رۆژا چارشه‌مبى رێكه‌فتى 13ى گۆلانا 2015ێ نوونه‌رێن كورد يێن ل به‌غدا كو پێكهاتينه ژ سه‌رۆكێن فراكسيۆنان و وه‌زيرێن كورد ل گه‌ل نێچيرڤان بارزانى سه‌رۆكێ حوكمه‌تا هه‌رێما كوردستانێ كۆم ببن”.
پێشتر هاتبوو راگه‌هاندن كو نوونه‌رێن كوردان ل به‌غدا و سه‌رۆكێ حوكمه‌تا هه‌رێما كوردستانێ دێ پێكڤه روونن دا كو بگه‌هنه رێيه‌كا كا چ تشتێ باشه بهێته كرن به‌رامبه‌ر هه‌لويستێ به‌غدا يێ دروست نه‌هنارتنا پشكا هه‌رێما كوردستانێ ژ بودجێ.
چارشه‌مبيا بۆرى 6ى گۆلانا 2015ێ حوكمه‌تا به‌غدا 543 مليار دينار وه‌كو پشكا هه‌رێمێ ژ بودجێ هه‌يڤا سێ خسته سه‌ر حسابا هه‌رێما كوردستانێ، به‌لێ ل 11ى گۆلانا 2015ێ ب تنێ 488 مليار ژ وى پاره‌يى گه‌هشتن و ب گۆره‌يى به‌رپرسێن هه‌رێمێ ژى ئه‌ڤ پاره گه‌له‌ك كێمتره ژ ئه‌وێ بڕيار بوو بۆ هه‌رێمێ بهێته ره‌وانه كرن.
ئه‌ڤرۆ نيوز:
كۆمه‌لا ئيسلامى كوردستان رۆژا گرێدانا كۆنگرێ سيێ يێ خوه دياركر و ئه‌و بڕيار ژى د كۆمبوونا دووماهيێ يا سه‌ركرداتيا وێ حزبێ دا هاته دان.
دوهى رۆژا دوشه‌مبى رێكه‌فتى 11ى گۆلانا 2015ێ ب سه‌رۆكاتيا عه‌لى باپير جڤاتا سه‌ركرداتيا كۆمه‌لا ئيسلاميا كوردستانێ دووماهى كۆمبوونا خوه يا ئاسايى ل هه‌له‌بچه ئه‌نجام دا.
محه‌مه‌د حه‌كيم ئاخفتنكه‌رێ ب ناڤێ كۆمه‌لا ئيسلامى راگه‌هاند: پشتى ب دووماهى هاتنا كۆنفرانسێن ده‌ڤه‌ران كو قووناغا به‌رى كۆنگره‌يى بوو، دوهى سه‌ركرداتيێ رۆژا به‌ستنا كۆنگره‌يى ديار كر”.
محه‌مه‌د حه‌كيم گۆتژى: “رۆژێن 28 و 29 و 30ى گۆلانا 2015ێ كۆمه‌لا ئيسلامى هه‌لبژارتن كو تێدا كۆنگرێ سيێ بهێته ئه‌نجام دان و دێ ل هه‌ولێرا پايته‌ختێ هه‌رێما كوردستانێ بيت”، دا زانين كو 31ى گۆلانێ ژى دێ بيته بۆرينا 14 سالان ل سه‌ر راگه‌هاندنا وێ.
به‌رى 14 سالان و ب ره‌نگه‌كێ هوورتر ل 31ى گۆلانا 2001ێ كۆمه‌لا ئيسلامى جودابوونا خوه ژ بزاڤا ئێكبوونا ئيسلامى يا به‌رێ راگه‌هاند و كۆمه‌لا ئيسلامى دامه‌زراند و نوكه ئێكه ژ پێنج هێزێن سه‌ره‌كى يێن سياسى ل هه‌رێما كوردستانێ و خودان شه‌ش كورسيێن په‌رله‌مانى و دو وه‌زيرايه و سێ په‌رله‌مانتار ژى ل جڤاتا نوونه‌رێن عيراقێ يێن هه‌ين و ئێك وه‌زير ژى د كابينا عه‌بادى دا.
ئه‌ڤرۆ نيوز:
ئه‌ندامه‌كێ په‌رله‌مانێ كوردستانێ دياركر كو پارتى ديموكراتى كوردستانێ ناڤێن خوه بۆ لژنا ئاماده‌كرنا دستوورى دياركرينه به‌لێ هه‌تا نوكه ئاراسته‌يى سه‌رۆكاتيا په‌رله‌مانى نه‌كرينه.
ئه‌ندامێ په‌رله‌مانێ كوردستانێ ژ فراكسيۆنا زه‌ر، فه‌رحان جه‌وهه‌ر بۆ مالپه‌رێ فه‌رميێ پارتى ديموكراتى كوردستان گۆت: “پارتى ديموكراتى كوردستان بۆ لژنا ئاماده‌كرنا دستوورى حه‌فت ئه‌ندام به‌ر دكه‌ڤن و ناڤێن وان هاتينه دياركرن، به‌لێ هه‌تا نوكه ئاراسته‌يى سه‌رۆكاتيا په‌رله‌مانێ كوردستانێ نه‌كرينه”.
گۆتژى: “ناڤێن ئه‌ندامێن پارتى ديموكراتى كوردستان بۆ لژنا ئاماده‌كرنا دستوورى پێكهاتينه ژ هه‌ر ئێك ژ شێروان حه‌يده‌رى، حاكم نه‌مر كه‌چۆ، ڤالا فه‌ريد، فه‌رسه‌ت سۆفى، حه‌كيم خه‌سرۆ، سيروان زه‌هاوى و فه‌رسه‌ت ئه‌حمه‌د”.
هه‌ر چه‌نده پێشتر نوونه‌رێن ئێكانه يێ ئێزديان ل په‌رله‌مانێ كوردستانێ، شێخ شامۆ، ئاماژه ب وێ چه‌ندێ كربوو كو پارتى دێ ژ به‌هرا خوه كورسيه‌كێ بۆ ئێزديان ته‌رخان كه‌ت، به‌لێ ب گۆره‌يى ڤێ داخۆيانيێ چو كه‌سێن ئێزدى د ناڤ لژنا به‌رهه‌ڤكرنا دستوورى دا نينن.
ئه‌وى ئه‌ندامێ په‌رله‌مانێ كوردستانێ ئاشكه‌را ژى كر كو ئه‌ڤه ناڤێن دووماهيێ نينن و ئه‌گه‌رێ وێ چه‌ندێ هه‌يه كو گۆرانكارى تێدا بهێنه كرن و وه‌كو ده‌سپێك ئه‌و ناڤه هاتينه دياركرن.
پێدڤيه فراكسيۆنێن ناڤا په‌رله‌مانێ د ماوێ هه‌يڤه‌كێ دا ناڤان ئاماده بكه‌ن و بگه‌هيننه سه‌رۆكاتيا په‌رله‌مانێ كوردستانێ.
پشتی ڤەقەتیانێ بۆ ماوی هەشت سالان ژ کارێن هونەری جارەکادی ئەکتەری بوارێ کۆمیدیا مستر بین ڤەگەریا مەیدانا هونەری و نووترین کارێ خوە پێشکێشی جەماوەرێ خوە كر.
ئه‌ڤرۆ نيوز:
“خه‌ونا ده‌وله‌تا سه‌ربه‌خۆ مافه‌كێ دستوورى يێ هه‌ر پێكهاته‌كێ عيراقێ يه”، سه‌رۆكێ جڤاتا بلندا ئيسلامى ل عيراقێ وه‌سان گۆت.
د گۆتاره‌كێ دا كو ل كۆنگرێ نشتيمانى بۆ ئازاديا رۆژنامه‌ڤانى پێشكێشكر، عه‌مار حه‌كيم گۆت: “ملله‌ت د سه‌ربه‌ستن ب مانا خوه ب ئێكگرتى د چارچۆڤێ ئێك وه‌لات دا”.
راگه‌هاند ژى: “خه‌ونا ده‌وله‌تا سه‌ربه‌خۆ مافه‌كێ دستوورى يێ هه‌ر پێكهاته‌كا عيراقێ يه و كه‌س نه‌شێت رێگريێ ل وى مافى بكه‌ت”.
ئاماژه ب وێ چه‌ندێ ژى كر كو باوه‌ريا وى ب قه‌ده‌ر و ئێكه‌تيا ئاخا عيراقێ گه‌له‌ك يا ب هێزه و گۆت: “نابيت ژ بيرا مه بچيت كو هه‌ر پێكهاته‌كى تايبه‌تمه‌نديا خوه هه‌يه و دستوورى ژى ئازادى بۆ هه‌موو گه‌لێ عيراقێ دابين كريه”.
ئه‌ڤرۆ:
تیمەکێ تایبەتمەندێ ڤەکۆلەران ئاشکرا کر کو بەردەوام ڤەخوارنا مەیێ د قووناغا سنێلەیێ دا دێ گوھۆرینێن دۆمدرێژ ل دەڤەرا مێشکی یا کونترۆلا فێربوونێ و بیردانکێ دکەت پەیدا کەت.
ئەڤ ڤەکۆلینا “دیوک میدیسن” سەرپرشتیا وێ کری، دیتنەکا نوو ل باندۆرا ڤەخوارنێن کحوولی د قووناغا سنێلەیێ دا پێشکێش دکەت بەری مێشک ب شێوەکێ تمام پێشڤەچوونێ بخوەڤە ببینیت، کو ئەڤ کارە ھندەک تێکدانێن بەردەوام د شانان دا چێدکەت، زێدەباری کارتێکرنەکا خراب ل سەر رەوشتی.
بەرھەڤکەرا ڤەکۆلینێ “ماری لویز” دبێژیت: د دیتنا قانوونێ دا کو ب تنێ دڤێت مرۆڤ بگەھیتە عەمرێ ١٨ سالیێ ئەو دبیتە مرۆڤەکێ گەھشتی، بەلێ د راستی دا مێشک بەردەوام وەرارێ دکەت ھەتا ٢٥ سالیێ، ناڤبریێ دیار کر کو یا گرنگ ئەوە گەنج بزانن دەمێ ئەو مەیێ د ڤی عەمری دا ڤەدخوون ئەو مێشکێ خوە تووشی تێکچوونێ و گوھۆرینێن بەردەوام دکەن بتایبەت شانێن بیردانکێ و ئەرکێن ھایداریێ.
بەرھەڤکەرێن ڤەکۆلینێ دیار کر کو گەلەک یا نێزیکە کو مەی و ڤەخوارنێن کحوولی کریارا گەھشتنێ راگرن کو دێ باندۆرەکا مەزن ل سەر ئەرکێن زانینێ بکەن.
نيشاندان