ئه‌ڤرۆ نیوز: بستر دهۆكى
پشتى سه‌روكێ یانا نه‌جه‌ف سه‌باح گه‌رعاوى به‌رى چه‌ند هه‌یڤان هاتیه ره‌ڤاندن ژ لایێ چه‌ند كه‌سێن نه ناسیار و پشتى چه‌ند روژان ب كوشتى ل به‌غدا دیتى ئه‌ف دیارده بو مه‌ترسى لسه‌ر ته‌پاپێیا عیراقێ و ل چه‌ند روژێن بورى گه‌فێن كوشتنێ ل چه‌ند كه‌سێن دى هاتینه كرن كو خودان پوستێن وه‌رزشینه د ته‌پاپێیا عیراقێ دا.
پشتى دوماهیك هاتنا گه‌را دوماهیكێ ژ چارگوشا ئیكێ یا خولا نایابا عیراقێ و دیار بونا هه‌لویستێ هه‌مى یانه‌یان یانه‌یا كه‌ربه‌لا ل رێزا هه‌شتێ هات و ما دناف خولێ دا بو سالا بهێت و پشتى ڤى هه‌لویستى سه‌روكێ یانێ دگه‌ل یاریكه‌ران ئاخفت و سوپاسیا یاریكه‌ران كر بو ئاستێ وان پێشكێش كرى و سوز دایێ ل روژێن داهاتى هه‌مى یاریكه‌ر هه‌ڤبه‌ستێن خو وه‌رگرن ل هه‌ر د وێ روژێ دا دوو نامه بو سه‌روكێ یانا كه‌ربه‌لا محه‌مه‌د ناسر و ئه‌ندامێ كارگێریا یانێ وه‌لید حسێن ژ چه‌ند كه‌سێن نه ناسیار ڤه چویه و دنامه‌یێ دا گه‌فێن كوشتنێ ل وان و خێزانێن وان كرینه ئه‌گه‌ر یاریكه‌ر تا روژا چارشه‌مبا بهێت هه‌ڤبه‌ستێن خو نه وه‌رگرن و دێ چاره‌نڤێسێ وان وه‌كو یێ سه‌باح گه‌رعاوى بیت.
ژ لایه‌كێ دیڤه هومام صالح راهێنه‌رێ یانا مه‌سافى ژیك هه‌مان شێوه گه‌ف لێ هاتبونه كرن ئه‌گه‌ر ل یاریا دوماهیكێ دا ئاماده ببیت. ئه‌ڤ جورێن گه‌فا و چه‌ندین كارێن دى وه‌كو كوشتنا راهێنه‌رێ كه‌ربه‌لا‌و و سه‌روكێ یانا نه‌جه‌ف بوینه مه‌ترسیه‌كا مه‌زن ل سه‌ر یاریكه‌ر و خودان پوستێن وه‌رزشى ل عیراقێ .
ئەڤرۆ نیوز،زنار تۆڤی:
ل دەمژمێر 7 ئێڤاريا 5 گولانا 2015 فروکێن سوپایێ تورکی ل دەڤەرا بەرواری بالا هاتنە دناڤا ئاخا هەرێمێدا و بۆ ماوەیەکێ درێژ ل ڤێ دەڤەرێ دەور ڤەددان.
موسلح عوبێد وەلاتیەکێ ڤێ دەڤەرێ یە بۆ ئەڤرۆ نیوز دیارکر ل ئێڤاریا روژا سێشەمبی 5.5.2015 فروکێن سوپایێ تورکی ل هنداڤی چیایێ مەتینا و دەڤەرا بەرواری بالا بو ماوێ 15 خولەکان دەور ڤەددان ، لێ چ جهـ ژلایێ وان فروکان ڤە نە هاتنە بومبەبارانکرن و ئەڤە دڤان هەیڤان دا ئەڤە چەندین جاران فروکێن تورکیا ل ڤێ دەڤەرێ هاتنە دناڤ ئاخا هەرێمێ دا.
ئه‌ڤرو نیوز،بارزان مزوورى
عصمت ره‌جه‌ب ، به‌رپرسێ لقا 14رمووسل بو مالپه‌رێ ئه‌ڤرو نیوز ئاشكرا كر كو ئه‌ڤرو ئیڤارى 5/5/2015 ل نوژداریا داد ل پاریزگه‌ها مووسل 12 ته‌رمێن سه‌ركرده‌یێن عه‌ره‌ب یێن داعش گه‌هشتینێ كو د بوردومانێن فروكه‌یێن هه‌ڤپه‌یمان دا ل شه‌ڤا بورى هاتبوونه كوشتن ل ته‌له‌عفه‌ر و شه‌نگال .
هه‌روه‌سا چه‌كدارێن تیرورستێن داعش خودانێن 30 نڤیسینگه‌هێن عه‌ریزچی یێن ناڤ سه‌نته‌رێ مووسل ل ده‌ڤه‌را سجن باكورێ مووسل ب ساتوره‌كا مه‌زن سه‌رژێكرن ل پێش چاڤێن كه‌س و كارێن وان ژبه‌ر وێ چه‌ندێ كو وان كاروبارێن وه‌لاتیان ب ته‌زویر دروست برێڤه دروست دكرن.
ئه‌ڤرۆ نیوز:
ئه‌ڤرۆ جڤاتا بلندا وه‌به‌رهێنانێ ل هه‌رێما كوردستانێ ژ پێخه‌مه‌ت به‌ره‌ڤ پێشبرنا بیاڤێ وه‌به‌رهێنانێ چه‌ند بریار و راسپاردێن پێدڤى په‌سه‌ندكرن و رژدى ل سه‌ر كوالێتیا بلند د ئه‌نجامدانا پرۆژان دا كر.
د كومبوونێ دا ، پازده پێشنیازێن لژنێ هاتنه په‌سه‌ندكرن سه‌باره‌ت چاره‌كرنا پرۆژێن ئاكنجیبوونێ، هه‌روه‌سا بریار هاته دان كونفرانسه‌ك بۆ پێداچوونێ د سیاسه‌ت و ستراتیژیه‌تا وه‌به‌رهێنانێ ل هه‌رێما كوردستانێ دا بهێته كرن، هه‌روه‌سا بریار هاته دان، لژنه‌یه‌ك بۆ دانانا پیڤه‌ران بۆ پرۆژان بهێته كرن كو داخوازا موله‌تان كریه ب تایبه‌ت پرۆژێن ل قه‌زا و ناحیان كو پێدڤى ب هاندانا پتر هه‌یه.
ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 5ى گۆلانا 2015ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 1 دولارێ ئه‌مريكى | 1308 |
| 1 يۆرۆيێ ئه‌ورۆپى | 1455 |
| 1 ليرێ توركى | 485 |
ژ به‌ر كو ره‌وشا دراڤى به‌رده‌وام دهێته گوهۆڕين بۆ زانينا نووترين گۆڕانكاريان سه‌ره‌دانا مالپه‌رێ ئه‌ڤرۆ نيوز بكه.
ئه‌ڤرۆ نيوز:
نوونه‌ره‌كێ هه‌ڤپه‌يمانيا ده‌وله‌تا قانوونێ ل جڤاتا نوونه‌رێن عيراقێ راگه‌هاند: “سه‌ره‌دانا سه‌رۆكێ هه‌رێما كوردستانێ بۆ ئه‌مريكا د چارچۆڤێ بجهئينانا پرۆژێ دابه‌شكرنا عيراقێ دا دهێته ئه‌نجام دان”.
عه‌بدولهادى موحان سه‌عداوى گۆت: “سه‌ره‌دانا مه‌سعود بارزانى سه‌رۆكێ هه‌رێما كوردستانێ بۆ ئه‌مريكا د چارچۆڤێ پرۆژێ كۆنگرێسێ ئه‌مريكا دا بۆ دابه‌شكرنا عيراقێ يه”.
زێده‌تر گۆت: “مه‌سعود بارزانى ل واشنتۆن ل گه‌ل به‌رپرسێن ئه‌مريكا ل دۆر بجهئينانا پرۆژێ دابه‌شكرنا عيراقێ ژ لايێ كۆنگرێسێ ئه‌مريكا كه‌ڤيته به‌ر دانوستاندنێ بۆ بجهئينانێ”.
نيشاندان