ئهڤرۆ نيوز، نيوار محهمهد سهليم:
ئهندامهكا لژنا مافێن مرۆڤى ل پهرلهمانێ كوردستانێ بهحس ل رهوشا چاكسازيێن ههرێمێ دهۆك و چاكسازيا دهۆك ب زركا پهلهس ناڤ دكهت و ل ديار ژى دكهت كو ل چاكسازيێن دى پێشێلكارى بهرامبهر مافێن مرۆڤى هاتيه كرن.
زۆزان سادق، ئهندامهكا لژنا مافێن مرۆڤى ل پهرلهمانێ كوردستانێ، بۆ ئهڤرۆ نيوز گۆت: “بهرى جهژنا نهورۆزێ وهزيرێ كار و دهستهيا مافێن مرۆڤى و نوونهرێ وهزارهتا داد ل سهر بابهتێ رهوشا مافێن مرۆڤى كۆمبوون و لژنهكا 9 كهسى ژ ههر سێ لژنێن پهيوهنيدارێن پهرلهمانى كو ناڤخۆ و مافێن مرۆڤى و قانوونى نه، هاتيه پێكئينان و ئهندامێن ڤان لژنان د سهرپشكن داتايان كۆم بكهن و سهرهدانا چاكسازيێن ههرێمێ دكهت و نوكه د قووناغا كۆمكرنا داتايان دانه، پاشان ژى دێ داتايان كۆم كهن و راپۆرتێن خوه بۆ پهرلهمانێ كوردستانێ بلند كهن”.
زێدهتر گۆت: “كارێ لژنێ يێ دهسپێكرى ل بهرى نهورۆزێ و پێدڤيه د 15 رۆژان دا، لژنا راپۆرتا خوه ئاماده بكهت، بهلێ هێشتا ب دووماهى نههاتينه، بهێنڤهدانان كارتێكرن يا ل سهر كارێ وان كرى”.
ئاماژه ب وێ چهندێ ژى كر كو ئهوان سهرهدانا هندهك چاكسازيان يا كرى و ب هوورى يێ داتايان كۆم دكهن و گۆت: “نهشێين چو زانياريان جارێ ب دهينه ئاشكهرا كرن، بهلێ چاكسازيێن دهۆكێ باشترينێن كوردستانێ نه، بۆ سهرهدهريكرن و فێركرن و پاقژى و ههموو تشتهكى و ب زركا پالاس دهێته ناڤكرن”.
گۆتژى: “ل چاكسازيێن پارێزگههێن دى پێشێلكرنا مافێن مرۆڤى هاتيه كرن كو ل دووڤ گۆتنا ئهندام پهرلهمانێن پارێزگههێن دى، بهلێ ل پارێزگهها دهۆكێ چو تشت نهگههشتيه دهستێ مه”.
نيشاندان