ئه‌ڤرۆ:

شانەیا ساخ دشێت بۆ دەمێ دەە رۆژا بێی ئاڤ و خوارن بژیت، پێدڤیە رۆژانە گەلەک ئاڤێ ڤەخووین و وەرزشێ بکەین و بۆ دەمەکی خوارنێن کێم روین و بێی شەکر و گوشت بخوین.
ڤەکولین دیاردکەن دەمێ ئەم دەست ب ریجێمی دکەین پێدڤیە لەشێ خوە ژ ژەھرا پاقژ بکەین، دیاردکەن ژی کو شانەیا ساخ دشێت بۆ دەمێ دەە رۆژا بێی خوارن و ڤەخوارن بژیت.
ئیشارەتێ ب وێ چەندێ ددەن کو ژەھرا دناڤ خوارنا دا وەکو بویاغێن خارنێ و کەرستێن پاراستنا خارنێ دھێنە دناڤ لەشێ مەدا دەمێ ئەم خوارنێ دخوین، ھەروەسا دووکێلا سەقای و غاز و کانزا و ئاڤێن پیس ھەموو وەکو ژەھرێ نە بۆ لەشێ مرۆڤی و نەخۆشیان زێدە دکەن.
بۆ پاراستنا لەشی ژ ژەھرا پێدڤیە گەلەک ئاڤێ ڤەخووین ووەرزشێ ئەنجام بدەین و خوارنێن کێم روین و شەکر و گوش بۆ دەمەکی بخووین و پالپشتیێ ل سەر زەرەزەوات و فێقی بکەین.

ئەڤرۆ:
فشارێن دەروونی ئەوێن رۆژانە ئەم بەرھەڤ دبینێ ئێک ژ فاکتەرێن سەرەکی نە کو ئەم تووشی نەخۆشیان دبین، ھندەک شارەزایان د ڤەکولینەکێ دا دیارکر کو دووڤچوون و بەرێخودانا دەنگوباسێن رۆژانە د رۆژنامە و شاشێن تێلەفیونێ و رادیو و ئەنترنێتێ دا ئێک ژ مەزنترین ئەگەرێن فشارا دەروونی نە، بەلێ سەرەرای زیانێن دەنگوباسان ل سەر ژیانا مە یا رۆژانە بەلێ ئەم نەشیاینە خوە ژێ دوور بکەین، پرسیار ل ڤێرێ ئەڤەیە: ئەرێ چ بکەین بۆ کێمکرنا زیانێن دەنگوباسان ل سەر ژیانا مە یا رۆژانە، بەرسڤ دێ ب ڤان خالا بیت:
• ھندی دشیان دا بیت رۆژێ پترە جارەکێ بەرێخودانا ل دەنگوباسان نەکە.
• خوە ب وان شوولا ڤە مژوول بکەن یێن خوشیێ بۆ وە پەیدادکەن و ھەول بدە پیشەیا خوە بکە بابەتێ سەرەکی دژیانا خوە دا.
• رۆژانە ب کێماتی ٢٠ دەقیقا وەرزشێ بکە وەکو رێڤەچوونا ب لەز و مەلەڤانیا داکو فشارێن دەروونی ل دەڤ تە کێم ببن.
• سپێدەھیا ل دەستپێکا ھەلاتنا رۆژێ ھەول بدە ١٠-٢- دەقیقا ھەرە ل بەر تیشکا رۆژێ.
• سەرەدانا ناسیار و ھەڤالێن خوە بکە و گەنگەشێ ل گەل بکە و ل گەل بدەرکەڤە بۆ ناڤ سروشتی و جھێن تو حەز ژێ دکەی.

ئه‌ڤرۆ:

ھێدی خوارن دبیتە ئەگەر خوارن ببیتە پارچێن بچووک و زوی ھەرس ببیت، گەلەک ڤەکولینان دیارکریە کو دەمێ مرۆڤ ب دلێ خوە خوارنێ دجویت کارەکێ گرنگە و باشە بۆ کریارا ھەرسکرنێ ل دەڤ ھەموو خەلکی، و ب تایبەت بۆ نەخۆشێن مەعیدێ و بەرسۆژێ، چونکو ئەو دێ بیتە ئەگەر خوارن ببیتە پشکێن بچووک و ب ساناھی ھەرس ببیت، شارەزا ئاماژە ب وێ چەندێ ددەن کو ھەکە خارن ب ھێدی بھێتە خارن و جوین دێ بیتە ئەگەر ددانێن مرۆڤی ب ھێز بکەڤن و ساخلەمیا مرۆڤی باشتر لێ بھێت، ھەروەسا ھاریکارە بۆ کێمکرنا خوارنا مرۆڤ دخووت، ھەروەسا مەعیدێ باشتر لێ دکەت.
ئەڤە و زانایان گۆت: جوینا خوارنێ ھاریکارە بۆ کێمکرنا کێشا لەشی و زوی ھەست ب تێربوونێ دکەت و بەرسۆژ ژی نامینیت.