ئه‌ڤرۆ نیوز:
نێچیرڤان بارزانی، سه‌رۆكێ حكومه‌تا هه‌رێما كوردستانێ سه‌را نه‌وشیروان مسته‌فا رێكخه‌رێ گشتى یێ بزاڤا گۆران ل سلێمانیێ دا.
پشتى كو نێچیرڤان بارزانی، ل باژێرێ سلێمانیێ پشكدارى د فیسته‌ڤالا ئێكێ یا فلمێ ئوروپى دا كرى، پاشان سه‌را نه‌وشیروان مسته‌فا دا و د كومبوونه‌كێ دا په‌یوه‌ندیێن لایه‌نێن سیاسى و بابه‌تێ شه‌رێ داعش و قه‌یرانا دارایى و په‌یوه‌ندیێن د ناڤبه‌را هه‌رێم و به‌غدا به‌حس كرن.
ئه‌ڤرو نیوز ،بارزان مزوورى
عصمت ره‌جه‌ب، به‌رپرسێ لقا 14 یێ مووسل بو مالپه‌رێ ئه‌ڤرو دیار كر كۆ ئه‌ڤرو 9/5/2014 چه‌كدارێن تیرورستێن داعش 400 رێكخستیێن خو سێداره‌دان و گوله‌باران كرن عصمت ره‌جه‌ب، دیاركر كو ڤان 400 رێكخستنیێن داعش به‌رى نها دناڤ رێزێن وان كو خوه‌ڤه‌كێشابون و دگوتن هنده‌ك ژ سه‌ركردێن داعش فه‌رق و جوداهى بكار دئینا و هه‌ر 400 ل تاخێن رومان و شهدا ل چه‌پێ مووسل و تاخێ فه‌له‌ستین و سومه‌ر هاتبوونه گرتن
ئه‌ڤرۆ نیوز، ڤه‌ده‌ر ره‌شاڤایى
ژبۆ نیشاندانا پشته‌ڤانییا خوه بۆ مهابادێ و رۆژهه‌لاتا كوردستانێ ژماره‌كا خه‌لكێ دهوكێ ژ ره‌وشه‌نبیر و چه‌ند به‌رپرسێن حكومی خرڤه‌بوونه‌ك ل به‌رده‌رێ پاركا ئازادی پێكئینا.
درۆشمێ (فه‌ریناز ب ئارامی بنڤه ئه‌م ناهێلین خوینا ته بهه‌روه بچیت) هاته بلند كرن دگه‌ل چه‌ندین درۆشمێن دی بۆ ئیدانه‌كرنا كریارێن حكومه‌تا ئیرانێ و داخاز هاته‌كرن رژێما ئیرانێ بزووترین ده‌م كارڤه‌دانه‌كا جدی هه‌بیت لدژی تاوانبارێن بووینه ئه‌گه‌رێ كو كچا كورد فه‌رینازێ ل رۆژهه‌لاتا كوردستانێ خوه تووشى وى روودانێ بكه‌ت.
تێ زانین كچه‌كا كورد ل مهابادێ كو كارمه‌ند بوو خوه ل قاتێ چارێ یێ ئوتێله‌كێ دا هاڤێتبوو پشتی ب هاریكاریا خودانێ هوتێلێ كاربده‌سته‌كێ ئیرانی ڤیای ده‌ستدرێژیێ بكه‌ته سه‌ر و ڤێ یه‌كێ ژی خوه‌نیشاندانێن مه‌زن ل مهابادی لدووڤ خوه ئینان و ئوتێل ژ ئالیێ خوه‌نیشانده‌ران ڤه هاته سوتن .
ئه‌ڤرۆ نیوز:
لژنا به‌ره‌ڤانیكرنێ ژ مافێن ئافره‌تان ل په‌رله‌مانێ كوردستانێ، ئه‌ڤرۆ پشكدارى د كونفرانسێ كوپیتكا ئسته‌نبولێ دا كر.
ئێڤار ئیبراهیم سه‌رۆكێ لژنێ بۆ ئه‌ڤرۆ نیوز دیاركر كو ئارمانجا وان د ڤێ پشكداریكرنێ گه‌هاندنا ئازار و په‌یاما ئافره‌تێن ئێزدیه ب ئه‌ندامێن كونفرانسێ كو تێدا نوونه‌رێن 42 وه‌لاتان پشكدارن كو پێكهاتینه ژ په‌رله‌مانتاران و چالاكڤان و رێكخراوێن جڤاكى مه‌ده‌نى.
بریاره سوبه ئێڤار ئیبراهیم گوتارا خوه ژ پێش هه‌رێما كوردستانێ ڤه پێشكێش بكه‌ت.
ئەندامێن لیژنا به‌ره‌ڤانیكرنێ ژ مافێن ئافرەتان ل پەرلەمانێ کوردستانێ پێکهاتینه ژ (ئێڤار ئیبراهیم، کەژاڵ هادی، حەیات مەجید، مریەم سەمەد، ڤیان عەباس).
ئه‌ڤرۆ نیۆز، قائید میرۆ
به‌رپرسێ به‌ره‌یێ توركومانی ل هه‌رێما كوردستانێ ئاشكراكر، كو لهه‌مبه‌ر بلندكرنا وێنه‌یێ عه‌بدولا ئوجه‌لان رێبه‌رێ زیندانیكریێ په‌كه‌كێ، مه داخوازا هێزه‌كا ئه‌منی بۆ باژێڕێ كه‌ركووكێ كریه.
ئایدن مه‌عرۆف، سه‌رۆكێ به‌ره‌یێ توركومانی ل هه‌رێما كوردستانێ بۆ ئه‌ڤرۆ نیۆز گۆت” هژماره‌ك قوتابیێن كورد خۆنیشاندانه‌ك بۆ هه‌مبه‌ر باره‌گایێ به‌ره‌یێ توركومانی لباژێڕێ كه‌ركووكێ ئه‌نجامدا و قوتابیێن كورد وێنه‌یێ عه‌بدولا ئوجه‌لانی بلندكربوو.
مه‌عرۆف دیاركر” بلند كرنا وێنه‌یێ ئوجه‌لان هه‌مبه‌ر باره‌گایێ مه ئه‌م دلگرانكرینه و هێزێن پۆلیسان نه‌شیاینه رێگریێ بكه‌ن، له‌وڕا ئه‌م داخوازا هێزه‌كا ئه‌منی ل به‌غدا دكه‌ین بۆ پاراستنا كه‌ركووكێ، چونكو پۆلیسان شیان نینه.
ئه‌ڤرۆ نیوز:
رێڤه‌به‌رێ گشتى یێ هاتن و چوونا به‌غدا ئاشكرا كر كو ب هه‌لكه‌فتا سه‌ره‌دانكرنا بیره‌وه‌ریا ئیمام كازم كو دبیته 5 شه‌مبیا بهێـت، وان بریاردا ترۆمبێلێن هه‌لگرێن ژمارێن كاتى و هه‌رێما كوردستانێ نه‌چنه ناڤ باژێرێ به‌غدا هه‌تا 5 شه‌مبیا بهێت، د هه‌مان ده‌مدا بریار هاتیه دان ب لابرنا هه‌موو به‌ربه‌ستان و ڤه‌كرنا رێكێن بله‌ز د وى ماوه‌ى دا.
لژنا دەمکی یا بەرھەڤکرنا پەیروێ نافخوە یێ پەرلەمانێ کوردستنانێ، پشتی حەفت ھەیڤێن کارکرنێ دووماھی ب کارێ خوە ئینا و ژڤانە نێزیکترین دەم رادەستی سەرۆکاتیا پەرلەمانێ کوردستانێ بھێتەکرن، ب مەرەما گەنگەشەکرنێ و پەسەندکرنێ.
د.فەرست سوفی سەرۆکێ لژنا دەمی یا بەرھەفکرنا پەیروێ نافخوە ل پەرلەمانێ کوردستانێ گۆت: پەیروێ نوو نێزیکی (٦٠) مادان لێ ھاتینەزێدەکرن و (١٥٠)مادەیە و گرنکترین مادە و برگ ئەوەن ل سەر شێوازەکێ نوو پێشکەفتی ھاتینە بەرھەفکرن، دیسان روونشتنێن پەرلەمانی ھاتینە دیارکرن و کارناما پەرلەمانی چەوا دێ کار کەت و دەمێ ئاخفتێن ئەندام پەرلەمانان ھاتیە دیارکرن.
د.فەرسەت ئاشکراکر کو دناڤا رەشنڤیسێ پەیروێ نافخوەیێ پەرلەمانێ کوردستانێ دا ھاتیە کو دەستەکا گشتی دھێتە پێکئینان ژ سەرۆکێن فراکسیونان، سەرۆکاتیا پەرلەمانێ کوردستانێ و دیسان ھەیکەل و ناڤێ پەرلەمانی ھاتینە ریخستن.
د.فەرست ئاشکراکرژی کو ماوێ دو حەفتیێن بھێت دا دێ ئاراستەیی پەرلەمانێ کوردستانێ ھێـتەکرن بۆ گەنگشەکرنێ.
ئه‌ڤرۆ نيوز:
دادگه‌ها تاوانێن مسرێ سزايێ سێ سال زيندانى بۆ حوسنى مباره‌ك و كوڕێن وى ب تۆمه‌تا گه‌نده‌ليێ ل كوچكا سه‌رۆكاتيێ ده‌ركر.
دادگه‌ها تاوانان ل قاهيره سزايێ زيندانيكرن ب سێ سالان بۆ سه‌رۆكێ به‌رێ يێ مسرێ حوسنى مباره‌ك و كوڕێن وى عه‌لاو جه مال
ده‌ركر و ب كۆژمێ 21 مليۆن و 107 هزار جونه‌يان سزا دان ژ ئه‌گه‌رێ مه‌زاختنا وى كۆژمێ پاره‌يى ژ پارێ كوچكا كۆماريێ ب به‌لگه‌يێن سه‌خته.
نيشاندان