ئه‌ڤرۆ نيوز:
ره‌وشا دراڤى ل بازارێن دهۆكێ ئه‌ڤرۆ رێكه‌فتى 9ى گۆلانا 2015ێ ل بازارێن دهۆكێ ب ڤى ره‌نگێ ل خوارێ يه:
ژ به‌ر كو ره‌وشا دراڤى ده‌م بۆ ده‌مى دهێته گوهۆڕين به‌رده‌وامه سه‌ره‌دانا ئه‌ڤرۆ نيوز بكه دا كو ب زانى ب چ ره‌نگه.
نووترين نووچه
- سەرۆك بارزانی و فالح فەیاز رەوشا سیاسی و ئەمنی یا ئیراقێ و دەڤەرێ گەنگەشە كر
- چاڤدێرەكێ سیاسی: سەرۆك بارزانی بڕیاردەرێ چارەسەرییا پرسا كوردی یە ل دەڤەرێ
- وەزارەتا دەرڤەیا ئیراقێ: پەیاما عەبدوللا ئۆجەلانی بۆ ئیراقێ و هەرێما كوردستانێ یا گرنگە
- ئەوێن تاوان دژی ئێزدییان كرین لێبۆرینا گشتی ژێ ناگریت
- سەرۆك بارزانی پێشوازی ل سەرۆككۆمارێ ئیراقێ كر
- سەرۆك بارزانی و سەرۆكێ هوداپار: هەماهەنگییا ئالییان یا گرنگە ژ پێخەمەت سەرئێخستنا پرۆسەیا ئاشتیێ ل توركیا
- سەرۆك بارزانی و هادی عامری چارەسەركرنا كێشەیێن هەولێرێ و بەغدایێ گەنگەشەكرن
- نێچیرڤان بارزانی دوپاتی ل سەر پێدڤییا بەردەوامییا هەماهەنگیێ د ناڤبەرا هەولێرێ و بەغدایێ دا كر
- نێچیرڤان بارزانی دوپاتیێ ل هەماهەنگیێ ل گەل هێزێن نیشتمانی ل ئیراقێ دكەت
- سەرۆكێ هەرێما كوردستانێ: سیستەمێ بڕێڤەبرنا ئیراقێ فیدرالی نینە
سه‌ره‌كى Facebook
ل هه‌رێمێ خوه‌نيشادان بۆ پشته‌ڤانيا رۆژهه‌لاتێ كوردستانێ ده‌سپێكرن
ب مەرەما پشتەڤانیکرن ل خەلکێ باژێڕێ مەھاباد یێ رۆژھەلاتێ کوردستانێ و شەرمزارکرنا کارەساتا ئوتێل تارا، ئەڤرۆ خۆنیشاندەک ل باژێرێ سۆران ھاتە ئەنجامدان.
دلشاد بالەکی، ئه‌ندامێ ده‌سته‌یا خۆنیشاندانا قەزا سۆران بۆ ئەڤرۆ نیۆز گۆت: “دەمژمێر 11:00ی بەری نیڤرۆیا ئەڤرۆ رێكه‌فتى 9ى گۆلانا 2015ێ ژمارەکا بەرچاڤ یا رێکخراوێن سڤیل و رەوشنبیر و رۆژنامەڤان و نوونەرێن رێکخراوێن حزبی و حوکمەتێ ل سەنتەرێ قەزا سۆران و ل بن دروشمێ -مھاباد ئەم ھەموو ل گەل تەینە-، خۆنیشاندانەک بۆ ناڤ سەنتەرێ بازاڕێ سۆران ب مەرەما پشتەڤانیکرن ل کوردێن رۆژھەلاتێ کوردستانێ ھاتە ئەنجامدان”.
بالەکی گۆتژی: “د خۆنیشاندانێ دا دروشمێن جودا دھاتنە گۆتن و پشتەڤانیا خوە بۆ خەلکێ باژێڕێ مھاباد و کارەساتا ب سەرێ کچا کورد فەریناز خوسرەوی ھات شەرمزارکرن، پێدڤیە کوردێن ناڤخۆ و دەرڤە پشتەڤانیا خەلکێ مە یێ کورد ل رۆژھەلاتێ کوردستانێ بکەن”.
تاوانبارێ بوويه ئه‌گه‌رێ مرنا فه‌رينازێ دانپێدان كر
ئه‌ڤرۆ نيوز:
ئه‌ڤرۆ رۆژا شه‌مبى رێكه‌فتى 9ى گۆلانا 2015ێ، ئه‌و تۆمه‌تبارێ بزاڤا ده‌ستدرێژيێ كريه سه‌ر كچا كوردا مهابادى و بوويه ئه‌گه‌رێ مرنا وێ دانپێدان ب تاوانا خوه كر.
ئاژانسا ده‌نگوباسێن نه‌سيم ژ زارێ سه‌عيد مونته‌زر مه‌هدى جێگرێ پۆليسێن ئيرانێ به‌لاڤ كر كو ئه‌و كه‌سێ تۆمه‌تبار ب كوشتنا كچا كورد دانپێدان ب تاوانا خوه كريه و دبێژيت: “ئه‌وێ كچێ ڤيا ژ ترسا روودانێ د په‌نجه‌را ژووره‌كا ئۆتێلێ دا بچيته ژووره‌كا دى، به‌لێ كۆنترۆل نه‌ما و كه‌فته خوار و مر”.
جێگرێ پۆليسێن ئيرانێ ئاماژه ب وێ چه‌ندێ كر كو د ڤێ روودانێ دا چو تۆمه‌تبارێن سه‌ر ب هێزێن ئه‌منى ڤه نينه و تاوانبار كه‌سه‌كێ دى يه و ل دادگه‌هێ دانپێدان كريه.
ل كه‌سكێ ئه‌ڤ هژمارا تيرۆرستان هاتنه كوشتن
سپێدەھیا ئەڤرۆ ل دەڤەرا کەسکێ یا سەر ب ناحیا زومار، ھێزێن پێشمەرگەی شیان ھێرشەکا چەکدارێن داعش بشکێنن و زیانێن مەزنن بگەھیننه تیرۆرستان.
غەیاس سورچی، پەیڤدارێ ئێکەتی نیشتیمانی کوردستان ل نەینەوا بۆ ئەڤرۆ نیۆز گۆت: “دەمژمێر ٤ی سپێدەھیا ئەڤرۆ تیرۆرستێن داعش ل گوندێ وائیلیە یێ دەڤەرا کەسکێ، ھێرشەکا بەرفرەهـ کرە سەر ھێزێن پێشمەرگەیێن کوردستانێ و پشتی پێکدادانەکا دژوار پێشمەرگە شیا ھێرشا داعش بشکێنيت و گورزەکا کوژەک لێبدەت”.
سورچی گۆتژی: “د ھێرشا ئەڤرۆیا کەسکێ دا پێشمەرگەيی تنێ بریندارەک ھەیە و د ھەمبەردا شیاینە ١٨ تیرۆرستێن داعش بکوژن و ھژمارەکا پتر ژی بریندار بکەن، ئەڤە ژبلی سووتنا چوار ترۆمبێلێن له‌شكرى یێن داعش”.
ڤيديۆ: ده‌مێ فه‌رينازێ خوه ژ ئۆتێلێ به‌ردايه خوار
ئه‌ڤرۆ نيوز:
مالپه‌رێ ئارا نيوز، ڤيديۆيه‌ك به‌لاڤكريه كو ده‌مێ خوه‌هاڤێتنا كچا كورد فه‌رنياز خورسه‌ڤانى نيشان دده‌ت ژ قاتێ چارێ يێ ئۆتێلێ و ديسان وان ديمه‌نێن هێرشكرنا سه‌ر خوه‌نيشانده‌رێن رۆژهه‌لات ل ده‌مێ ده‌زگه‌هێن ئه‌منى يێن كۆمارا ئيسلامى يا ئيرانى هێرشێ دكه‌نه سه‌ر وه‌لاتيان.
ديمه‌نێ كه‌فتنا فه‌رينازێ ژ ئۆتێلێ:
ديمه‌نێن خوه‌نيشاندانێ و هێرشكرنا سه‌ر وان ژ لايێ ده‌زگه‌هێن ئه‌منى يێن ئيرانى ڤه كو گه‌له‌ك ب ئاشكه‌رايى ده‌نگێ گوللان دهێته بيستن.
حه‌يده‌ر شه‌شۆ يێ به‌رده‌وامه ل سه‌ر بزاڤێن جوداكرنا شنگال ژ هه‌رێمێ
ئه‌ڤرۆ نيوز:
حه‌يده‌ر شه‌شۆ، سه‌ركردێ ئێزديان د ناڤا حه‌شه‌د شه‌عبى دا و ئه‌ندامێ جڤاتا نشتيمانيا ئێكه‌تى نشتيمانى كوردستان، ل باژێر و باژێركێن وه‌لاتێ ئه‌لمانيا ل گه‌ل ره‌ڤه‌ندا كوردێن ئێزدى كۆمبوونان دكه‌ت و به‌حس ل دامه‌زراندنا حزبه‌كێ دكه‌ت و ديسا هێزه‌كا نوو بۆ پاراستنا شنگال.
ب گۆره‌يى مالپه‌رێ ئارا نيوز حه‌يده‌ر شه‌شۆ راگه‌هاند: ئه‌وى ل به‌ره كيانه‌كێ سياسى و هێزه‌كێ بۆ به‌ره‌ڤانيێ ژ شنگال ب دامه‌زرينيت ب ناڤێ هێزا پاراستنا شنگال و ل ده‌ڤه‌رێ دێ يا خودان ده‌سته‌لات بيت.
حه‌يده‌ر شه‌شۆ ئاماژێ ب وێ چه‌ندێ ژى دكه‌ت كو ئه‌و دێ وێ هێزێ دامه‌زرينيت و ده‌ڤه‌را حه‌زان و باشيكێ ژى بۆ سه‌ر شنگال ڤه‌گوهێزێت و ئيداره‌كا سه‌ربه‌خۆ كو حوكمه‌ت و پارێزگه‌ها خوه هه‌بيت.
ڤيديۆ: ئه‌و گۆلێن مێژوويا ته‌پا پێ گوهۆڕيى
خوه‌نيشادانێن رۆژهه‌لات به‌رفره‌هـ دبن و گه‌له‌ك بريندار و گرتى ژى يێن هه‌ين
ئه‌ڤرۆ نيوز، نيوار محه‌مه‌د سه‌ليم:
رێكخستنا لێخوەشبوونا نێڤده‌وله‌تى (ئه‌منستی ئنترناشيۆنال) گازى ئیرانێ دکەت کو ھەمبەر خوەپێشاندەرێن کورد ھێزێکە گه‌له‌ك زێدە و نەپێدڤی ب کار نەئينن، هێمن سه‌يدى يێ نڤيسه‌ر و ڤه‌كۆله‌ر ژى دده‌ت زانين كو خونيشادانێن مهاباد يێن به‌رفرهـ بووين و گه‌له‌ك بريندار يێن هه‌ين و ژماره‌كا ئێكجار زێده يا هاتيه زيندانكرن ژى.
ب ھەزاران کەس ژ بوو شەرمزارکرنا دەستدرێژییا سكسيا ھەمبەر ژنا کورد “فه‌ريناز” رژیابوونه کۆلانان و ھێزێن ئه‌منى ژى ب توندی هێریش كره سه‌ر وان.
ئه‌منستی ئنترناشيۆنال د بەلاڤۆکا خوه دا راگه‌ھاند کو کاربدەستێن ئیرانی برینداربوونا، ھەری کێم، ٢٥ کەسان د بوویەرێن دوھی دا پشتراستکر کو د ناڤ وان دا حه‌فت پۆلیس ژی ھەنە.
لێخوەشبوونا نێڤده‌وله‌تى دیار دکەت کو د ناڤ گەل دا خەم و ترس ھەیە کو ھێزێن ئەمنى جارەکا دى ئه‌شكه‌نجه‌دان و تەپەسەرکرنا خوەپێشادەران بکەن، پشتی کو گازيا خوەنیشاندانێن نوو ھاتينه کرن.
جیگرێ رێكخستنا لێخوەشبوونا نێڤده‌وله‌تى ل رۆژھلاتا ناڤین ساد بۆمەدۆ گۆت: “پشتی توندوتيژیا دوھی، رەوشەکا گرژ و ئالۆز ل ماھاباد و باژێرێن دى یێن کوردان ھەیە”.
بۆمەدۆ گۆتژى: “مافێ ھێزێن ئه‌منيا جڤاکێ مسۆگەر بکه‌ن، لێ دڤێت ئەو ئێك ل گۆر پیڤانێن قانوونێن ناڤنەتەوی بن و ھێزەکا گه‌له‌ك دوار ل ھەمبەر خوەپێشانەران نەهێته بكارئينان”.
هێمن سه‌يدى يێ نڤيسه‌ر و ڤه‌كۆله‌ر ژى دده‌ت زانين كو ئه‌ڤ خونيشادانێن ل مهاباد و باژێرێن دى دهێنه كرن نه ژ بوو وێ چه‌ندێ يه كو ئۆتێلێ ب سوژن يان كاره‌كێ ژ وى ره‌نگى بكه‌ن، به‌لێ ژ بوو ئيدانه‌كرنا وێ كريارا ده‌ستدرێژيا سكسى يه يا ل هه‌مبه‌ر وێ كچا كورد هاتيه كرن و پێدڤيه ئه‌و كاربه‌ده‌ستێ ئيرانى يێ ئه‌ڤ كرياره كرى بگه‌هيته مافێ خوه.
بۆ پشكا كوردى ل راديۆيا ده‌نگێ ئه‌مريكا ئاماژێ ب وێ چه‌ندێ ژى دكه‌ت كو خونيشادانێن مهاباد يێن به‌رفرهـ بووين و گه‌له‌ك بريندار يێن هه‌ين و ژماره‌كا ئێكجار زێده يا هاتيه زيندانكرن ژى.
پێنج به‌رى نوكه ل ئێك ژ ئۆتێلێن باژێرێ مهاباد ل رۆژهه‌لاتێ كوردستانێ پشتى كو كه‌سه‌كێ پله‌دار ژ هێزێن ئه‌منى يێ سه‌ر ب هێزێن ته‌ناهيێ يێن كۆمارا ئيسلامى ل ئێك ژ ئۆتێلێن وى باژێرى ب ناڤێ “ئۆتێل تارا” بزاڤا ده‌ستدرێژى كريه سه‌ر كچه‌كا گه‌نج يا كورد ب ناڤێ “فه‌ريناز خوسره‌وانى”، كو ئه‌و كچ كارمه‌ند بووه ل وێ ئۆتێلێ و وێ ژى خوه ژ قاتێ چارێ يێ وێ ئۆتێلێ به‌ردايه خوار و گيانێ خوه ژ ده‌ست دايه.
وه‌كو نه‌رازيبوون به‌رامبه‌ر وێ ره‌فتارێ، ئه‌و كارمه‌ندێ سه‌ر ب هێزێن ته‌ناهيێ يێن ئيرانێ، ل رۆژا پێنجشه‌مبى رێكه‌فتى 7ى گۆلانا 2015ێ ب هزاران وه‌لاتيێن باژێرێ مهابادێ خوه‌نيشادانه‌كا به‌رفره‌هـ سازكر و ل ده‌مێ گه‌هشتنا هێزێن پۆليسێن باژێرى بۆ جهێ روودانێ كو به‌رامبه‌ر وێ ئۆتێلێ بوو يا روودان تێدا روودايى، شه‌ر و پێكدادان د ناڤبه‌را خوه‌نيشانده‌ران و هێزێن پۆليسان روودا.
كوڕێ پێشه‌وا قازى محه‌مه‌د، سه‌رۆكێ كۆمارا ئێكێ يا كوردستانێ ل مهابادێ كو د هه‌مان ده‌م سه‌رۆكێ پارتيا ئازاديا كوردستانێ يه به‌ياننامه‌ك ل دۆر روودانێن نوكه يێن مهاباد به‌لاڤكر و تێدا داخواز ژ وه‌لاتيێن رۆژهه‌لاتێ كوردستانێ كر كو دژى زۆرى و سته‌مێ ب راوه‌ستن و سه‌رهلدانان بكه‌ن.
دوهى ژى ل گه‌ل باژێر و باژێركێن وى رۆژهه‌لاتێ كوردستانێ بۆ ڤێ مه‌ره‌مێ خوه‌نيشادان هاتنه كرن و ژنێن ئامه‌دێ ژى ئه‌ڤ كاره د خوه‌نيشادانه‌كێ دا شه‌رمزار كر و ئه‌ڤرۆ ژى بڕياره ل دهۆكێ وه‌كو پشته‌ڤانى بۆ خوه‌نيشانده‌ران، خرڤه‌بوونه‌ك بهێته ئه‌نجام دان.
داعش داخوازيه‌كا مه‌ترسيدار ژ وه‌لاتيان دكه‌ت
عسمه‌ت ره‌جه‌ب به‌رپرسێ لقێ 14 يێ پارتى ديموكراتى كوردستان ل مووسل بۆ ئه‌ڤرۆ نيوز دياركر كو چه‌كدارێن تيرۆرستێن داعش به‌رى گۆتارا رۆژا ئه‌ينى ده‌ست پێ بكه‌ت هه‌موو مه‌لا كۆمڤه‌كرن و داخواز ژێ كر كو د گۆتارا خوه يا رۆژا ئه‌ينى دا بێژنه هه‌موو خه‌لكى ل سه‌ر وان پێدڤيه ريهێن خوه و پرچا خوه به‌رده‌ن و جلكێن وه‌كو يێن داعش ل به‌ر خوه بكه‌ن، يێ ڤى كارى ژى نه‌كه‌ت دێ ب دره‌نده‌ترين شێوه هێته سزادان.
ئه‌ڤ پێنگاڤا داعش د ده‌مه‌كى دايه كو هێزێن عيراقى و هه‌ڤپه‌يمان ئاماژێ ب وێ چه‌ندێ دكه‌ن كو كريارا ئازادكرنا مووسل يا نێزيك بوويى و ئه‌گه‌رێ وێ چه‌ندێ هه‌يه كو ئه‌وان ئه‌ڤ كاره كربيت دا كو وه‌لاتيێن مووسل و چه‌كدارێن داعش ژێك نه‌هێنه جوداكرن.
دا زانين ژى كو چه‌كدارێن تيرۆرستێن داعش به‌رى هه‌يڤه‌كێ بڕيار دابوو خودانێن كۆمه‌لگه‌هێن نوشدارى ل مووسل كۆمه‌لگه‌هێن خوه ب ئێكجارى ب دايخن و نوكه هه‌موو دايخستينه.
به‌رپرسێ لقێ 14 يێ پارتى ئاماژه ب وێ چه‌ندێ ژى كر كو ل رۆژا ئه‌ينى 8ى گۆلانا 2015ێ چه‌كدارێن رێكخراوا ئازاد ل ناڤ باژێرێ مووسل هێرش كره سه‌ر ئێك ژ سه‌ركردێن داعش ل تاخێ ئاريه‌جى و د ئه‌نجام دا ئێك ژ سه‌ركردێن مه‌زن يێن داعش ب ناڤێ مه‌لا ئه‌حمه‌د كوڕانى يێن به‌رنيسا ب عه‌بدولمه‌لك كوشت و هژماره‌كا چه‌كدارێن وى ل گه‌ل دهێنه كوشتن و بريندار كرن.
دهۆك دێ خرڤه‌بوونه‌كێ بۆ پشته‌ڤانيا رۆژهه‌لاتێ كوردستانێ ئه‌نجام ده‌ت
ئەڤرۆ نیوز، ناجی بەدەل:
ھێرش رەشید ئێك ژ رێکخەرێن خرڤەبوونا پشتەڤانیکرنا خوپێشاندانێن رۆژھەلات بۆ ئەڤرۆ نیوز دیارکر كو ئەڤرۆ رۆژا شه‌مبى رێكه‌فتى 9ى گۆلانا 2015ێ و ب ھاریکاریا چالاکڤانێن مەدەنیێن پارێزگەھا دھۆکێ دێ خرڤەبونەکێ بۆ پشتەڤانیکرنا باژێرێ مھابادێ و ئيدانه‌كرنا ئه‌و كرياريا دژى”فه‌رینازێ” ل پارکا ئازادی دەمژمێر 6:00 ئیڤاری رێكئێخين و گۆت: “پشكداريا دهۆكيان ب ئه‌رك دزانين”.
هێرش ئەو گۆتژى: “ئەو خرڤەبوون دێ بۆ ئیدانەکرنا كريارا دژى شەھیدا ھێمایا بەرخودانا گەلێ مە ل رۆژھەلاتا کوردستانێ (فه‌ریناز)ێ هێته كرن و پشتەڤانیکرنە بۆ بەرخودانا باژێرێ بریندارێ مھابادێ دا كو بگەھنە مافێن خوه یێن رەوا و کەسێن تاوانبار د وی کەیسێ دا ب توندترین شێوە بھێنە سزادان”.
داخواز ژ ھەموو لایەن و وەلاتی و گەنج و ئافرەت و ژنێن پارێزگەھا دھۆکێ ژى كر كو رۆل و جھێ خوه ھەبیت د وێ خرڤەبوونێ دا ژ بووی ببیتە رێگرتنەک و پەرژانەک ل دژی روودانێن ب ڤی ره‌نگى دا كو دووبارە نه‌بن.
نيشاندان
WP Facebook Auto Publish Powered By : XYZScripts.com