ره‌وشا سه‌قايێ سوبه‌هى

09/05/2015 10:18

288

ئه‌ڤرۆ نيوز:

رێڤەبەریا گشتیا کەشناسیێ ل ھەرێما کوردستانێ راگەھاند کو سوبه‌هى ئه‌سمان دێ ژ ئه‌وره‌كێ ناڤنجى بۆ ئه‌ورێن تمام هێته‌ گوهۆڕين و ل ده‌ڤه‌رێن جودا و ده‌مێن جودا دێ باران ژى باريت و هنده‌ك جاران بريسى ژى ل گه‌ل دا بن.

پشکا پێشبینیان ل رێڤەبەریا گشتیا کەشنایا ھەرێمێ راگەھاند کو ژ ئه‌نجامێ فشارێن نزمێن ده‌ريا ناڤه‌راست بۆ سەر ھەرێما کوردستانێ ئەو پێشبینی دکەن کو سوبه‌هى رێكه‌فتى 10ى گۆلانا 2015ێ ئه‌سمان دێ ژ ئه‌وره‌كێ ناڤنجى بۆ ئه‌ورێن تمام هێته‌ گوهۆڕين و ل ده‌ڤه‌رێن جودا و ده‌مێن جودا دێ باران ژى باريت و هنده‌ك جاران بريسى ژى ل گه‌ل دا بن.

رێڤەبەریا گشتیا کەشناسیێ ل ھەرێما کوردستانێ ئاشکەرا ژی کریە کو پلا گەرماتیێ دێ هێته‌ خوار وه‌كو هه‌ڤبه‌ركى ل گه‌ل رۆژێن به‌رى نوكه‌ ب رەنگەکی د ناڤبەرا 14 بۆ 28 دا.

ل دۆر پێشبینیا رێژا ھەوایی و مەودایێ دیتنێ ژی دایە زانین کو دێ ئاراستەیێ وی دێ باكوورێ رۆژئاڤا بیت ب رەنگەکی دێ ل سه‌رخوه‌ بیت د ناڤبەرا 5 بۆ 10 کلم د دەمژمێرەکێ دا و ماوێ دیتنێ ژی دێ 10 کلم دا بیت.

كۆنگرێ په‌روه‌ردێ ده‌ست ب كارێن خوه‌ دكه‌ت

09/05/2015 10:06

122

ئه‌ڤرۆ نيوز:

ئه‌ڤرۆ رۆژا شه‌مبى رێكه‌فتى 9ى گۆلانا 2015ێ ل هه‌ولێرا پايته‌خت كۆنگرێ په‌روه‌ردێ ل ژێر دوريشمێ “گه‌شه‌پێدان- بهايێن مرۆڤى” و ل ژێر چاڤدێريا نێچيرڤان بارزانى ده‌ست ب كارێن خوه‌ كر و بڕياره‌ چه‌ند بڕيار و راسپارده‌ ژێ ب ده‌ركه‌ڤن.

قانوونا به‌رسينگگرتنا تيرۆرێ دێ هێته‌ راستڤه‌كرن

09/05/2015 09:41

ئه‌ڤرۆ نيوز:

ب مه‌ره‌ما راستڤه‌كرنا قانوونا به‌رسينگگرتنا تيرۆرێ ل هه‌رێما كوردستانێ لژنا مافێن مرۆڤى ل په‌رله‌مانێ كوردستانێ ل هۆلا لژنێ ل په‌رله‌مانى ل گه‌ل شانده‌كێ ئۆفيسا مافێن مرۆڤى سه‌ر ب نه‌ته‌وێن ئێكگرتى ل 6ى گۆلانا 2015ێ كۆمبوو.

د كۆمبوونێ دا شاندێ مێڤان تێبينيێن خوه‌ ل سه‌ر قانوونان خستنه‌ به‌رچاڤێ لژنا په‌رله‌مانى ب مه‌ره‌ما گۆرينا بيروبۆچوونا و د وێ ده‌ربارێ دا، لژنا په‌رله‌مانى ژى ژ لايێ خوه‌ ڤه‌ ته‌كست ل سه‌ر وێ چه‌ندێ كر كو هه‌رێما كوردستانێ قانوونا ژماره‌ “3” يا سالا 2006ێ يا به‌رسينگگرتنا تيرۆرێ كێم و كاسى تێدا هه‌نه‌ و ب ناڤێ قانوونێ پێشێلكاريا مافێن مرۆڤى هاتيه‌ كرن و ده‌مێ ده‌رچوويى بۆ ماوێ دو سالان بوويه‌، به‌لێ هه‌تا نوكه‌ بێ راستڤه‌كرن چار جاران كاركرن بۆ قانوونێ هاتيه‌ درێژكرن.

هه‌ر د كۆمبوونا لژنا مافێن مرۆڤى ل په‌رله‌مانێ كوردستانێ، پشته‌ڤانيا خوه‌ بۆ بزاڤێن يۆنامى دووپات كرن دا كو بزاڤێن خوه‌ باشتر لێ بكه‌ت بۆ نه‌هێلانا ئه‌و كێم و كاسيێن د قانوونێ دا هه‌ين بۆ زێده‌تر پاراستنا مافێن مرۆڤى ل هه‌رێما كوردستانێ.

ڤيديۆ: ديدارا سه‌رۆك بارزانى ل گه‌ل پشكا كوردى يا راديۆيا ده‌نگێ ئه‌مريكا

08/05/2015 23:29

339

ئه‌ڤرۆ نيوز:

ئه‌ڤرۆ رۆژا ئه‌ينى رێكه‌فتى 8ى گۆلانا 2015ێ سه‌رۆكێ هه‌رێما كوردستانێ ديداره‌ك بۆ پشكا كوردى ل راديۆيا ده‌نگێ ئه‌مريكا ئه‌نجام دا و ئه‌ڤێ ل خوارێ ده‌قێ ديدارێ يه‌:

په‌يامه‌ك ژ كوڕێ قازى محه‌مه‌د ل دۆر روودانێن مهابادێ

08/05/2015 23:01

260

ئه‌ڤرۆ نيوز:

كوڕێ پێشه‌وا قازى محه‌مه‌د، سه‌رۆكێ كۆمارا ئێكێ يا كوردستانێ ل مهابادێ به‌ياننامه‌ك ل دۆر روودانێن نوكه‌ يێن مهاباد به‌لاڤكر و تێدا داخواز ژ وه‌لاتيێن رۆژهه‌لاتێ كوردستانێ كر كو دژى زۆرى و سته‌مێ ب راوه‌ستن و سه‌رهلدانان بكه‌ن.

ده‌قێ په‌يامێ:

رۆلێن نه‌ته‌وێ كورد ل رۆژهه‌لاتێ كوردستان! جاره‌كا دى باژێرێ “پێشه‌وا” و پايه‌ختێ كۆمارێ ب روويێ زۆرى و تاوان و بێدادى و تارياتيێ دا په‌قى.

رابوون و سه‌رهلدانا ئه‌ڤرۆ يا مهابادێ، بيرهاتنا سه‌رهلدانا خوينگريى يا تێكوشه‌ريا كوڕێ پارتيا ئازادى كوردستان، شه‌هيد “شوانه‌ سه‌يد قادره‌”.

هێرشكرنه‌ سه‌ر كچا روو سورا كورد “فه‌ريناز خه‌سره‌وانى” سنبولا ده‌ستدرێژيا هێزێن داگيركه‌رێن ده‌وله‌تا ئيرانێ دژى هه‌موو رۆژهه‌لاێ كوردستانێ يه‌.

رابن ئه‌يى كورێن نه‌ته‌وا كورد، رابن ئه‌يى رۆژهه‌لاتێ بريندار و پر ئێش و ئازار هه‌ر ژ ورمێ و هه‌تا سنه‌ و كرمانشان و ئيلام و لۆرستان، خوه‌ بكه‌نه‌ خودانێن خوينا فه‌رينازا شه‌هيد، مهابادێ ب تنێ نه‌هێلن و ئه‌ڤ جاره‌ ژى دژى زۆرى و داگيركه‌ر و كوشت بڕيا رۆلێن نشتيمانى سه‌رهلدانێ بكه‌ن.

عه‌لى قازى محه‌مه‌د، سه‌رۆكێ پارتا ئازاديا كوردستانێ

8ى گۆلانا 2715ێ كوردسى

8ى گۆلانا 2015ێ زاينى

داعش مەزنترین مزگەفت ل بادوش پەقاند

08/05/2015 22:46

275

ئەڤرو نیوز، بارزان مزووری:
عسمەت رەجەب، بەرپرسێ لقا 14 یا پارتی دیموکراتی کوردستان ل مووسل بۆ ئەڤرۆ نیوز دیار کر کو ئەڤرۆ 8ی گۆلانا 2015ێ چەکدارێن تیرۆرستێن داعش مەزنترین مزگەفت ل ناڤ سەنتەرێ ناحیا بادوش سەر ب پارێزگەھا مووسل ڤە پەقاند.
ناڤبری گۆتژی: “ئەو مزگەفت بەری جەند رۆژەکانە ژ لایێ داعش ڤە ھاتبوو ڤالاکرن ئەو کەلوپەلێن د ناڤ دا بۆ جھەکێ دی ھاتبوونە ڤەگوھاستن و ھاتبوو TNT و رێ ب خەلکی نە ددا بچنە د ناڤ دا.
بەرپرسێ لقا 14 یا پارتی دیموکراتی کوردستان ل مووسل دا زانین ژی کو ب بەھانەیا وێ چەندێ ئەو مزگەفت ھاتیە پەقاندن کو گوڕەک د ناڤ دا ھەبوو.

به‌هانێن دارايى يا عيراقێ ل سه‌ر بودجا هه‌رێمێ د ژيوارى نينن

08/05/2015 22:38

263

ئه‌ڤرۆ نيوز:

جێگرێ دويێ يێ سه‌رۆكێ جڤاتا نوونه‌رێن عيراقێ بۆ رووداو راگه‌هاند كو ئه‌و به‌هانێن وه‌زاره‌تا دارايى يا عيراقێ ل سه‌ر به‌هرا هه‌رێمێ يا بودجێ دهنێرن د ژيوارى نينن و ئه‌و دێ دووڤچوونێ كه‌ن.

ئارام شێخ له‌تيف، جێگرێ دويێ يێ سه‌رۆكێ جڤاتا نوونه‌رێن عيراقێ، خۆيا كر كو ئه‌و ل گه‌ل حه‌يده‌ر عه‌بادى ئاخفيه‌ و گه‌نگه‌شه‌ ل سه‌ر بابه‌تى كريه‌ و پێ گۆتيه‌ كو ئه‌و دێ پێزانينان ژ وه‌زاره‌تا دارايى وه‌رگريت و به‌رسڤه‌كێ پێ ده‌ت.

دا زانين ژى كو ب گۆره‌يى ئه‌و داتايێن بريكارێ وه‌زاره‌تا دارايا عيراقێ ب وى داين، رۆژانه‌ هه‌رێما كوردستانێ 493 هزار به‌رميل ره‌وانه‌ كرينه‌ و ئه‌ڤه‌ ژى گه‌له‌ك ژ وى بهايێ ئه‌وان هنارتى زێده‌تر كو 543 مليار دينارن.

جێگرێ دويێ يێ سه‌رۆكێ جڤاتا نوونه‌رێن عيراقێ ئاماژه‌ ب وێ چه‌ندێ ژى كر كو ئه‌و وه‌كو نوونه‌رێن كورد دێ دووڤچوونا بابه‌تى كه‌ن و گۆت: “دڤێت ب هوورى ئه‌گه‌ر بهێنه‌ دياركرن و چاره‌كرن”.

وه‌زیرێ به‌ره‌ڤانیێ به‌حسێ دووماهى به‌رهه‌ڤیێن ئازادكرنا مووسل دكه‌ت

08/05/2015 17:51

145

ئه‌ڤرۆ نیوز:

وه‌زیرێ به‌ره‌ڤانیا عیراقێ به‌رهه‌ڤیا یه‌كه‌یێن سه‌ربازى بۆ شه‌رێ ئازادكرنا مووسل ل بن ده‌ستێ داعش راگه‌هاند و ئه‌ڤ شه‌ره‌ ب ئێكلاكه‌ر وه‌سفكر.

خالید عوبەیدی، وه‌زیرێ به‌ره‌ڤانیا عیراقێ راگه‌هاند: یه‌كه‌یێن سه‌ربازى بۆ شه‌رێ ئازادكرنا مووسل د به‌رهه‌ڤن و دیسا به‌رهه‌ڤى ل سه‌ر پرچه‌ككرن و مه‌شق و راهێنانێن سه‌ربازى بۆ ئازادكرنا مووسل هاتینه‌ كرن و گۆت: ئه‌ڤ شه‌ره‌ دێ بۆ مه‌ یێ ئێكلاكه‌ر بیت و ئاكنجیێن مووسل پشت راست دكه‌ین كو شه‌ر د زیانا وان دا ب دووماهى ناهێت.

د كه‌تنه‌ خوارا فرۆكه‌كێ دا، دو بالیوز بوونه‌ قوربانى

08/05/2015 14:02

184

ئه‌ڤرۆ نیوز:

د كه‌فتنه‌ خوارا فروكه‌كێ ل ده‌مێ دادانێ دا، ل ده‌ڤه‌ره‌كا چیایى ل پاكستانێ، شه‌ش كه‌سان گیانێ خوه‌ ژ ده‌ست دا كو د ناڤ قوربانیان دا هه‌ردو بالیوزێن فلیپین و نه‌رویج تێدابوون.

سوپایێ پاكستانێ د به‌یاننامه‌كێ دا به‌لاڤكریه‌ كو وێ فرۆكێ 17 سه‌رنشین تێدابوون، 11 ژ وان بیانى بوون و شه‌ش پاكستانى بوون، و د ناڤ وان كه‌سێن گیانێ خوه‌ ژ ده‌ستداى هه‌ردو بالیوزێن فلیپین و نه‌رویج بوون و دیسا خێزانێن بالیوزێ مالیزى و ئیندونیزى و هه‌ردو فرۆكه‌ڤانان ژى گیانێ خوه‌ ژ ده‌ستدایه‌.

ئه‌نجامێن ده‌سپێكى يێن هه‌لبژارتنێن بريتانيا

08/05/2015 11:58

126

ئه‌ڤرۆ نيوز:

جوداكرنا ده‌نگێن هه‌لبژارتنێن بريتانيا يا به‌رده‌وامه‌ و ب گۆره‌يى ئه‌نجامێن ده‌سپێكى پارتا پارێزگاران ل پێش پارتا كرێكاران كه‌فتيه‌.

پشتى ئه‌ڤا بۆرى ل ده‌مژمێر 10:00 هه‌لبژارتنێن په‌رله‌مان و جڤاتێن خۆجهى يێن بريتانيا ب دووماهى هاتين، پرۆسا جوداكرنا ده‌نگان ده‌سپێكر و نوكه‌ نێزيكى ب دووماهى هاتنێ يه‌، ب گۆره‌يى ئه‌نجامێن ده‌سپێكى، كو 517 كورسى ژ سه‌رجه‌مێ 650 كورسيان هاتينه‌ جوداكرن و تێدا پارتيا پارێزگاران ب سه‌رۆكاتيا دێڤێد كاميرۆن شيايه‌ 227 كورسيان ب ده‌ست ڤه‌ بينيت كو دبيته‌ رێژا 34% يا ده‌نگان و د به‌رامبه‌ر دا، پارتا كرێكاران هه‌ڤركا سه‌ره‌كيا وى، شيايه‌ 207 كورسيان ب ده‌ست خوه‌ ڤه‌ بينيت كو دبيته‌ رێژا 32% يا ده‌نگان.

هه‌كه‌ ئه‌نجام ب ڤى ره‌نگى بن، پارتا پارێزگاران دێ سه‌ركه‌فتنه‌كا مه‌زن تۆمار كه‌ت و شێت ل گه‌ل ئێك ژ پارتيێن بچووك يێن بريتانيا هه‌ڤپه‌يمانيه‌كێ ژ بوو دروستكرنا حوكمه‌تا وى وه‌لاتى دروست بكه‌ن و دێڤێد كاميرۆن دێ وه‌كو سه‌رۆك وه‌زيرێ وى وه‌لاتى مينيت.

نيشاندان 1...1,670 2,670 3,670 3,6773,6783,679...4,226 زێده‌تر

لاپه‌ر 3,678 ژ 4,226