NO IORG
نووترين نووچه
Facebook

حه‌يده‌ر عه‌بادى، سه‌رۆك وه‌زيرێن عيراقێ

ئه‌ڤرۆ نیوز:

حكومه‌تا عیراقێ پرۆژه‌ قانوونه‌كا كونگرێسێ ئه‌مریكا ره‌ت دكه‌ت كو ژ ئه‌گه‌رێ وێ پرۆژه‌ قانوونێ وه‌كو ده‌وله‌ت دێ ره‌فتار ل گه‌ل كورد و سوونێن عیراقێ هێته‌ كرن.
ئه‌ڤرۆ نڤیسینگه‌ها حه‌یده‌ر عه‌بادى سه‌رۆك وه‌زیرێن عیراقێ راگه‌هاند: ئه‌م رێیێ ب پرچه‌ككرنا چ لایه‌نه‌كێ ناده‌ین، به‌لكو دڤێت ب تنێ ب رێیا حوكمه‌تا عیراقێ چه‌ك بۆ لایه‌نان بهێته‌ هنارتن، له‌وما داخوازێ ژ كونگریسى دكه‌ین وێ پرۆژه‌ قانوونێ په‌سه‌ند نه‌كه‌ت.
ل دووڤ پرۆژه‌ قانوونێ گونگرێسێ ئه‌مریكا، هه‌كه‌ بهێته‌ په‌سه‌ندكرن وه‌ك ده‌وله‌ت دێ ره‌فتار ل گه‌ل پێشمه‌رگه‌ و سوننه‌یا ل عێراقێ هێته‌ كرن د پرسا گه‌هاندنا هاریكاریێن سه‌ربازى ب ره‌نگه‌كێ راسته‌وخو ژلایێ ئه‌مریكا ڤه‌، بێى كو ڤه‌گه‌رنه‌ حوكمه‌تا عیراقێ.

ئه‌ڤرۆ نیوز:

ژبه‌ر كو 1 ئایارێ دكه‌ڤیته‌ رۆژا ئه‌ینى، و ئه‌و رۆژه‌ ب خوه‌ بهێنڤه‌دانه‌، فه‌رمانبه‌ر و قوتابى د وێ باوه‌رێدابوون كو سبه‌ رۆژا پێنجشه‌مبى ل جهێ ئه‌ینیێ ببیته‌ بهێنڤه‌دان، به‌لێ په‌یڤدارێ حكومه‌تا هه‌رێمێ راگه‌هاند كو سبه‌ نابیته‌ بهێنڤه‌دان.

سەفین دزەیی په‌یڤدارێ حكومه‌تا هه‌رێما كوردستانێ راگه‌هاند كو سوبه‌ ل هه‌موو دام و ده‌زگه‌هێن حكومه‌تا هه‌رێمێ ده‌واما فه‌رمى یه‌ و ئه‌و ده‌نگوباس ره‌تكرن كو سوبه‌ ل جهێ ئه‌ینیێ ببیته‌ بهێنڤه‌دان.
1 ئایارێ ب هه‌لكه‌فتا رۆژا كرێكارێن جیهانێ، هه‌موو سالان ل هه‌رێما كوردستانێ بهێنڤه‌دانه‌.

ئه‌ڤرۆ نیوز،زنار تۆڤى:
ب بووچوونا كوتله‌یا فه‌زیله‌ ل په‌رله‌مانێ عێراقێ به‌حسكرنا پروژه‌ بریاره‌كا وه‌لاتێ ئه‌مریكا كو مامه‌له‌كرنا وان دگه‌ل كورد و عه‌ره‌بێن سوننه‌ وه‌ك دوو ده‌وله‌تان ژلایێ كونگرێسێ ئه‌مریكا ڤه‌ پێشێلكاریه‌ به‌رامبه‌ر سه‌روه‌رى و ئیراده‌یا گه‌لێ عێراقێ.
ئه‌ندامه‌كێ هه‌ڤپه‌یمانیا نیشتیمانى ل په‌رله‌مانێ عێراقێ دبێژیت: مامه‌له‌كرنا ده‌وله‌تبوونێ دگه‌ل كورد و عه‌ره‌بێن سوننه‌ ژلایێ ئه‌مریكا ڤه‌ ره‌تدكه‌ین.
سه‌روكێ كوتله‌یا فه‌زیله‌ ل په‌رله‌مانێ عێراقێ عه‌مار توعمه‌ خویاكر:گفتوگویا كونگرێسێ ئه‌مریكا لسه‌ر وێ بریارا كو تایبه‌ته‌ ب مامه‌له‌كرنێ دگه‌ل پێشمه‌رگه‌ و سوننه‌یا ل عێراقێ وه‌ك دوو ده‌وله‌تان ب ئارمانجا گه‌هاندنا هاریكاریێن سه‌ربازى ب ره‌نگه‌كێ راسته‌وخو ژلایێ ئه‌مریكا ڤه‌ پێشێلكاریه‌ به‌رامبه‌ر سه‌روه‌یا گه‌لێ عێراقێ كو د دستورێ عێراقێ دا هاتیه‌،ئه‌ڤ وه‌لاته‌ دێ ده‌وله‌ته‌كا ئێكگرتى بیت و ده‌سهه‌لاتا ده‌ستورى هه‌یه‌ كو نوونه‌رێن هه‌مى پێكهات و تائیفێن كومه‌لگه‌ها عێراقى هه‌لبژارتییه‌.
هه‌روه‌سا عه‌مار دبێژیت:هه‌ر هاریكارى و یارمه‌تیه‌كا ئه‌منى كو بو عێراقێ بهێته‌ پێشكێشكرن،دڤێت لسه‌ر بنه‌مایێ رێزگرتنێ و سه‌روه‌ریا ده‌ستوورى بیت،دوور بیت ژ هه‌ر ناكۆكى و ململانه‌یه‌كێ دناڤ عێراقیان دا، داكو رێكخراوا داعش مفاى ژێ نه‌بینیت.
سه‌روكێ كوتله‌یا فه‌زیله‌ ل په‌رله‌مانێ عێراقێ پروژه‌ بریارا ئه‌مریكا ب ترسناك و هێرشێ بناڤكر و گوت:ئه‌ڤ پروژه‌ بریاره‌ د ماوێ به‌رى نوكه‌دا هاتیه‌ ئاماده‌كرن،بو سه‌ر سه‌ربه‌خویا عێراقێ یا مه‌ترسیداره‌ و هه‌وله‌كا فه‌رزكرنێیه‌ بو سه‌ر عێراقێ،چونكى چاوا بریاره‌كا هوسا ژ په‌رله‌مانێ وه‌لاته‌كێ دیاركرى بو سه‌ر ئه‌ردێ ده‌وله‌ته‌كادى دا دهێته‌ سه‌پاندن؟.
لسه‌ر ڤێ پرسێ عه‌لى سجرى ئه‌ندام ل هه‌ڤپه‌یمانا نیشتیمانى،ژبلى ره‌تكرنا پروژێ بریارا ئه‌مریكا راگه‌هاند:ئارمانج ژ پروژێ ڤێ بریارێ ئه‌وه‌ وه‌ك دوو وه‌لاتان ئه‌مریكا پێشمه‌رگه‌ و عه‌ره‌بێن سوننه‌ پر چه‌ك بكه‌ت.
هه‌روه‌سا دبێژیت:د ده‌مه‌كى دا هێزێن نیشتیمانى یێن عێراقێ هه‌ولێن پێكئینانا پره‌نسیپێن یه‌كگرتنا نیشتیمانى بو روو ب رووبوونا تیرورستان و توندره‌وان دده‌ن،به‌لێ هه‌وله‌ك بۆ دابه‌شبوونا كومه‌لگه‌هێ عێراقى هاتیه‌ مه‌یدانێ،ئه‌و ژى ئه‌و پروژه‌ بریاره‌ كو ب پروژێ بریارا بایدنى هاتیه‌ نیاسین و ئیدارا ئه‌مریكا بۆ گفتوگوكرنا لڤى باره‌ى ره‌وانه‌ى كونگرێسى كریه‌.
عه‌لى سجرى دبێژیت ژى:ئارمانج ژڤێ پروژه‌ بریارێ ئه‌وه‌،كو مامه‌له‌كرنه‌ دگه‌ل دوو ده‌وله‌تان و پرچه‌ككرنا هێزێن پێشمه‌رگه‌ى و چه‌كدارێن عه‌ره‌بێن سوننه‌ بۆ وێ چه‌ندێ كو عێراق ب ره‌نگه‌كێ روون بهێته‌ دابه‌شكرن.
سجرى داخوازێ ژ حكومه‌ت و لایه‌ن و گه‌لێ عێراقى دكه‌ت،كو دژى ڤى پروژه‌ بریارێ ئێك هه‌لویست بن و ره‌ت بكه‌ن.
دماوێ به‌رى نوكه‌دا ئه‌مریكا پروژه‌ بریاره‌ك كو نوكه‌ بۆ گفتوگوكرنێ بو گونكرێسى هاته‌ ره‌وانه‌كرن ڤرێكربوو كو بهێته‌ په‌سه‌ند كرن،لبه‌ره‌ وه‌ك دوو ده‌وله‌ت مامه‌له‌ و هاریكاریان دگه‌ل كورد و عه‌ره‌بێن سوننه‌دا بكه‌ت ل عێراقێ.

ئه‌ڤرۆ نیوز:

ئه‌ڤرۆ رۆژا چوارشه‌مبى رێباز حه‌ملان وه‌زیرێ دارایى و ئابوورى یێ حكومه‌تا هه‌رێما كوردستانێ سه‌را پارێزگه‌ها دهۆكێ دا.
د ڤێ سه‌ره‌دانێ دا، نڤیسینگه‌ها تایبه‌تا وه‌زیرێ دارایى و ئابوورى ل باژێرێ دهۆكێ هاته‌ ڤه‌كرن ، پشتى ڤه‌كرنا نڤیسینگه‌هێ، رێباز حه‌ملان وه‌زیرێ دارایى و ئابوورى یێ حكومه‌تا هه‌رێما كوردستانێ راگه‌هاند: ژ پێخه‌مه‌ت ژ نێزیك ئاگه‌هداربوون ژ كێشه‌ و داخوازیێن خه‌لكێ پارێزگه‌ها دهۆكێ، ئه‌ڤ نڤیسینگه‌هه‌ مه‌ ڤه‌كر و ژ ئه‌ڤرۆ پێدا ئه‌ڤ نڤیسینگه‌هه‌ دێ كارئاسانیان بۆ خه‌لك و فه‌رمانگه‌هێن دهۆكێ كه‌ت و هه‌روه‌سا ل گور پێدڤیان دێ سه‌ره‌دانا پارێزگه‌ها دهۆكێ كه‌ین بۆ دیتنا خه‌لكى و برێڤه‌برنا كارێن فه‌رمانگه‌هان.
هه‌روه‌سا رێباز حه‌ملان وه‌زیرێ دارایى و ئابوورى یێ حكومه‌تا هه‌رێما كوردستانێ گۆت: ژبه‌ر وێ فشارا ل سه‌ر پاێزگه‌ها دهۆكێ هه‌ى ژ زوربوونا ژمارا ئاواران، دڤێت ئه‌م هه‌موو د هاریكاربین هه‌تا دهۆك ژ ڤێ قه‌یرانێ ده‌ردكه‌ڤیت.

126

ئه‌ڤرۆ نیۆز، هه‌ژار مه‌عروف:

چاڤه‌رێ دهێـته‌كرن سوباهى یاریێن گه‌را ده‌هێ ژ قوناغا دوێ یا خولا پلا نایاب یا هه‌رێما كوردستانێ بهێنه‌كرن كو ژ گرنگترین یاریێن ڤێ حه‌فتیێ تیما زێره‌ڤانى دى بیته‌ مێڤانا هه‌ولێرێ و دهۆك مێڤانداریا یانه‌یا پێشمه‌رگا سلێمانى كه‌ت و نه‌وروز ژى ل گه‌ل هندرین كه‌ت. تیما زێره‌ڤانى سه‌ركێشا خولێ ل یاریگه‌ها هه‌ولێرێ یا دوێ دێ بیته‌ مێڤانا یانه‌یا هه‌ولێرى كو دڤێ یاریێ دا هه‌ردو تیم دێ بزاڤێن مه‌زن كه‌ن بۆ ب ده‌ستڤه‌ ئینانا خالێن یاریێ تیما زێره‌ڤانى بوو پاراستنا ناسناڤێ خولێ بۆ وه‌رزێ سێ یاریێ كه‌ت، به‌رامبه‌ر تیما هه‌ولێر بۆ باشكرنا هه‌لویستێ خوه‌ د خولێ دا . تیما دهۆك خودانا رێزا دوێ ب 37 خالان دێ یاریا خوه‌ به‌رامبه‌ر یانه‌یا پێشمه‌رگا سلێمانى كه‌ت دڤێ یاریێ دا دهۆك بۆ قه‌ره‌بوونا خوساره‌تیا خوه‌ یا حه‌فتیا بورى و به‌رده‌وامى ب ده‌ته‌ كاروانێ خوه‌ بۆ هه‌ڤركیا ناسناڤى به‌رامبه‌ر تیما پێشمه‌رگا سلێمانیێ بتنێ هزر ل سێ خالێن یاریێ كه‌ت هه‌ر چه‌نده‌ باش دزانیت ئه‌ركێ وى یێ ب سانه‌هى نابیت به‌رامبه‌ر تیما دهۆك لێ هه‌كه‌ ب خوازیت خوه‌ ژ مه‌ترسیا داكه‌فتنێ قورتال بكه‌ت دڤێت ل یاریێن خوه‌ یێن بهێت هزر ل سه‌ركه‌فتنێ بكه‌ن و ل یاریگه‌ها هندرین تیما نه‌وروز خودانا رێزا سێ ئه‌وا ل دو یاریێن بورى نه‌شیاى سه‌ركه‌فتنێ توماربكه‌ت دێ بیته‌ مێڤانا یانه‌یا هندرین د یاریه‌كا ب زه‌حمه‌ت دا. نوونه‌را سێ یا پارێزگه‌ها دهۆكێ تیما زاخۆ دێ به‌ره‌ڤ كه‌ركوك چیت بوو كرنا یاریا خوه‌ و باشكرنا هه‌لویستێ خوه‌ د خولێ دا به‌رامبه‌ر تیما كه‌ركوك بۆ خوه‌ ژ مه‌ترسیا داكه‌فتنێ قورتال بكه‌ت دێ یاریێ كه‌ت و ئارارات دێ ل گه‌ل پێشمه‌رگا هه‌ولێرێ كه‌ت و سلێمانى مێڤانداریا برایه‌تى كه‌ت.

ئه‌ڤرۆ نیوز:

ئه‌حمه‌د حاجى ره‌شید بریارده‌رێ لژنا دارایى ل جڤاتا نوونه‌رێن عیراقێ راگه‌هاند ڤێ هه‌یڤێ به‌غدا ژبه‌ر دو ئه‌گه‌ران دێ پاره‌كێ زێده‌تر بۆ هه‌رێما كوردستانێ ره‌وانه‌ كه‌ت، یا ئێكێ ئه‌وه‌ كو هه‌رێم نه‌فته‌كا زێده‌تر راده‌ستى سومو كریه‌ كو رۆژانه‌ 448 هزار به‌رمیل هنارتینه‌ و یا دوێ ژى بهایێ نه‌فتێ یێ بلند بووى ل چاڤ هه‌یڤا بوورى.

141

ئه‌ڤرۆ نیوز:

بریاره‌ ئه‌ڤ شه‌ڤه‌ ل ده‌مژمێر 9 ب ده‌مێ كوردستانێ، یاریا د ناڤبه‌را ریال مه‌درید و ئه‌لمێریا د چوارچوڤێ حه‌فتیا 34 یا لالیگا بهێته‌ كرن و پێكهاتێ چاڤه‌رێكرى ب ڤى ره‌نگى یه‌:

ڕیال: ناڤاس، ئاربێلۆوا، پیپی، ڤاران، مارسێلۆ، کرۆس، ئیسکۆ، جەیمس، خیسێ، چیچاریتۆ، ڕۆناڵدۆ

ئەلمێریا: ڕۆبن، خیمۆ، ماورۆ، ترۆجیلۆ، دوباربیر، ڤێراز، تۆماس، جۆناسان، ئیسپینۆزا، کۆرۆنا، هێمید.

99

ئەڤرۆ:
رێژەیا ھژمارا گۆلان بۆ گولکەرێ خۆلا کوردستانێ سال بۆ سالێ کێمتر لێ دھێت و ل وەرزێ ئەڤ سالە ژی پشتی بورینا ٢٢ حەفتیان گۆلکەرێ خولێ ب تنێ ھەشت گۆل تومارکرینە.
عەبدولقادر محەمەد پیشەکارێ سوری یێ یانا برایەتی ھەتا نوکە گولکەرێ خولا کوردستانێ یە ب تومارکرنا ھەشت گۆلان و دووماھی گۆلا وی ل وەرزێ ئەڤ سالە ل حەفتیا ١٩ بوو و ھەر ئێک ژ ھونەر ئەحمەد ژ یانا زێرەڤانی و عەلی عەزیز ژ یانا ئارارات و ئەنس ئەحمەد ژ شێروانە شەش گۆل تومارکرینە و غانم کەریم و راوە عەبدوللا ژ پێشمەرگا ھەولێرێ و ئەیوب ئەیاد ژ زێرەڤانی پێنچ گۆل ھەنە و ھیوا محەمەد گۆلکەرێ وەرزێ بوری ب ١٤ گۆلان ھەتا نوکە نەشیایە ئاستەکێ باش پێشکێش بکەت ب تنێ سێ گۆل وەرزێ ئەڤ سالە تومارکری نە.
زێدەتر ژ ھەشت سالانە گۆلکەرێن خولێ نەشیانە رێژەیەکا مەزن یا گۆلان توماربکەن و مەزنترین ھژمار ژ ١٧ گولان دەربازنەبوویە ل سالا ٢٠٠٩-٢٠١٠ ئەو ژی یاریکەرێ پێشمەرگا سلێمانیێ سامح روستەم بوو كو شیابوو ٢٤ گۆلان تومار بکەت.

ئه‌ڤرۆ نيوز:

حه‌يده‌ر عه‌بادى سه‌رۆك وه‌زيرێن عيراقێ راگه‌هاند: “تيرۆر ئێك ره‌نگ و ئێك مه‌زهه‌ب و ئێك پێناسه‌ نينه‌، بلا وه‌سان خه‌له‌ت تێنه‌گه‌هين”.

سه‌رۆك وه‌زيرێن عيراقێ ئاشكه‌را ژى كر كو تيرۆرست ب تنێ سونى نينن، به‌لكو كورد و شيعه‌ ژى يێن د ناڤ تيرۆرستان دا هه‌ين.

335

 ئه‌ڤرۆ نيوز، ناجی به‌ده‌ل:

ل گوری ئه‌وان ژیده‌رێن نێزیكی ماجد ئه‌حمه‌د عیسا دايه‌ زانين كو ناڤبرى كه‌فتیه‌ د ناڤ ئاڤا چه‌م سینۆ و هه‌تا نها ته‌رمێ وی نه‌يێ دیاره‌.

هه‌ر وی ژێده‌ری ئه‌و چه‌نده‌ ژی دیاركر كو ماجد ژ دایك بوویێ 1993 ژ رۆژئاڤایێ كوردستانێ یه‌ نها ل هه‌رێما كوردستانێ په‌نابه‌ره‌ ل ده‌مژمێرێ 3:10 ده‌قيقه‌ يێ رۆژا ئه‌ينى رێكه‌فتى 17ى نيسانا 2015ێ كه‌فتیه‌ د رووبارێ خابیری دا ل چه‌م سینۆ ل زاخۆ و هه‌تا نها نقومڤانێن زاخۆ نه‌شیاینه‌ ته‌رمێ وی ب بینن.

بزاڤ و كارێن نقومڤانان به‌رده‌وامن لێ ته‌رمێ وی نه‌هاتيه‌ ديتن و دبیت ل گه‌ل خوه‌ بربیته‌ جهه‌كی دی.

website security
WP Facebook Auto Publish Powered By : XYZScripts.com