ئه‌ڤرۆ نیوز:

ب مه‌ره‌ما خوه‌ به‌رهه‌ڤكرن بۆ رزگاركرنا باژێرێ مووسل، ل ڤان نێزیكان وه‌زاره‌تا به‌ره‌ڤانیا عیراقێ ل گه‌ل هه‌رێما كوردستانێ دێ كوم بیت.
ئاژانسا ده‌نگوباسێن ئه‌ین به‌لاڤكریه‌ كو خالد عوبێدى وه‌زیرێ به‌ره‌ڤانیا عیراقێ راگه‌هاندیه‌ كو ل ڤان نێزیكان ئه‌و دێ ل گه‌ل به‌رپرسێن پله‌ بلند یێن هه‌رێما كوردستانێ كوم بن مه‌ره‌ما پێكئینانا ژووره‌كا ئوپه‌راسیونان بۆ ئازادكرنا مووسل ژ ده‌ستێ داعش.
وه‌زیرێ به‌ره‌ڤانیا عیراقێ ئاماژه‌ ب وێ یه‌كێ كر كو سه‌رۆكێ هه‌رێمێ سوز دایه‌ هه‌ڤكاریا وان د رزگاركرنا مووسل دا بكه‌ن.

ئه‌ڤرۆ نيوز:

نوونه‌ره‌كێ پارتى ديموكراتى كوردستان ل په‌رله‌مانێ كوردستانێ دده‌ته‌ زانين كو ئه‌و دخوازن نوونه‌رێن ده‌ڤه‌رێن كوردستانى يێن ده‌رڤه‌يى ئيدارا هه‌رێما كوردستانێ ژى پشكداريێ د لژنا ئاماده‌كرن و راستڤه‌كرنا دستوورێ هه‌رێما كوردستانێ دا بكه‌ن.

شوان شێخ ئه‌حمه‌د، سه‌رۆكێ لژنا ده‌ڤه‌رێن كوردستانى يێن ده‌رڤه‌يى ئيدارا هه‌رێما كوردستانێ ل په‌رله‌مانێ كوردستانێ د داخۆيانيه‌كا نڤيسكى دا ئه‌ڤرۆ رۆژا دوشه‌مبى رێكه‌فتى 27ى نيسانا 2015ێ راگه‌هاند: هه‌ر چه‌نده‌ بۆ دانانا ئه‌ندامێن لژنێ ئازاديا ته‌مام ب لايه‌نێن سياسى هاتيه‌ دان كو ئه‌و ب خوه‌ نوونه‌رێن خوه‌ ب دانن، به‌لێ پێداگيريێ ل سه‌ر وێ چه‌ندێ دكه‌ين كو دڤێت ده‌ڤه‌رێن كوردستانى يێن ده‌رڤه‌يى ئيدارا هه‌رێما كوردستانێ نوونه‌ر د لژنێ دا هه‌بن.

ئاماژه‌ ب وێ چه‌ندێ ژى هاتيه‌ كرن كو نوكه‌ وه‌سان هاتيه‌ دانان كو ئه‌وان ژى نوونه‌را هه‌بيت، به‌لێ د هه‌مان ده‌م دا ئازادى ژى دايه‌ لايه‌نێن سياسى ئه‌و نوونه‌رێن خوه‌ ب دانن.

شوان  شێخ ئه‌حمه‌د ئه‌ندامێ په‌رله‌مانێ كوردستانێ ل سه‌ر فراكسيۆنا زه‌ر دا زانين ژى كو هێشتا چاوانيا به‌لاڤكرنا ئه‌ندامێن لژنا 21 كه‌سى ديار نه‌بوويه‌ و هێشتا پارتى ژى بڕيار نه‌دايه‌ كا دێ ئه‌ندامێ وان ده‌ڤه‌ران هه‌بيت يان نه‌ و كا هه‌كه‌ هه‌بيت ژى دێ كێ ده‌ست نيشان كه‌ن.