ئه‌ڤرۆ:

ئەرێ تو حەز دکەی دوگیان ببی و ھەتا نوکە تێدا ب سەرنەکەفتی؟ ھندەک کارۆبارێن سروشتی ھەنە ھەکە تو ل دووڤ بچی دێ دەلیڤێن دووگیانیێ ل دەڤ تە زێدەکەن، زانینا سروشتێ لەشی و گرنگیدان ب خوارنێ و وەرزشێ، ژوان کارۆبارانە یێن ھاریکاریا تە دکەین ب لەز دوگیان ببی و ل ڤێرێ ژی دێ ئاماژێ ب ھندەکان کەین:
١- سەنگێ سروشتی: فەلەوی دبیتە ئەگەرێ تێکچوونا عادەیا ھەیڤانە، زەعیفیا زێدە ژی کارتێکرنێ ل ھێکێن ژنان دکەت، لەورا پێدڤیە ھەردەم سەنگێ تە یێ سروشتی بیت داکو ھاریکاریا تە بکەت بۆ دوگیانبوونێ.
٢- وەرزش: وەرزشێ گێولێ مرۆڤی خوش دکەت و سەنگێ مرۆڤی ژی کێم دکەت، بەلێ نابیت گەلەک وەرزشێ ژی ئەنجاک بدەین چونکو پاش دێ کارتێکرنێ ل مرۆڤی کەت.
٣- ئارامی و دوورکەتن ژ فشارێن دەروونی: تێکچوونا ساخلەمیا دەروونی کارتێکرنێ ل لەشی و دوگیانبوونا ژنێ دکەت، شلرەزا شیرەتا ل مە دکەن خوە دووربکەن ژھەر تشتێ فشارا دەروونی بلنددکەت و ھندی دشیان دابیت یا ئارام بی و تێر بنڤی.
٤- سروشتێ لەشێ خوە بزانە: گەلەک یا گرنگە ژڤانێن عادەیا ھەیڤانە بزانی، دا بزانی کەنگی دەلیڤێن دوگیانیێ زێدە دبن.
٥- فێقی و زەرزەوات: خوارنا ساخلەم پالپشتیێ ل سەر فێقی و زەرزەواتی و بەرھەمێن سپیاتیێ و گەلەک ڤیتامینان دکەت، ئەو خوارن ھاریکارن کونترۆلا گوھورینێن ھورمونی بکەی.
٦- جگارا نەکێشە: شارەزا دبێژن ڤەخوارنا پتر ژ سێ کوپێن قەھوێ رۆژانە کارتێکرنێ ل ھورمونێن لەشی دکەت، ھەر ئەو کارتێکرن ل لەشی دبیت ل دەمێ کێشانا جگارەیان ژی.

ئه‌ڤرۆ:

ئەنجامدانا وەرزشێ بۆ ھندێ یە مرۆڤ سەنگێ خوە کێم بکەت، ھندەک جاران ژی دبیتە ئەگەرێ قەلەویێ، ئەڤەژی ل دووڤ ئەنجامێن ڤەکولینەکا نەرویجی، وێ ڤەکولینی پشکدارێ، خوە کربوونە دو پشک، پشکەک ژێ پشتی خوارنا تێشتێ وەرزش دکر و پشکەک ێ ژی بەری خوارنا تیشتێ، وێ ڤەکولینێ بۆ دەمێ شەش حەفتیان ڤەکێشا و ھەموو پشکداران تێشتا وان ٣٠% ژ کاوریان پێکھاتان و ٥٠% ژ روینان.
ئەنجامێن ڤەکولینێ دیارکر ئەو کەسێن پشتی تێشتێ دەست ب وەرزشێ کری کیلو و نیڤا سەنگێ وان زێدیبوو و ئاریشێن ئەنسولینی ژی بۆ پەیدابوون، بەروڤای کۆما ئێکێ، پێدڤیە بزانین ژی کو ئەنجامدانا وەرزشێ بۆ دەمێ ٢٠ دەقیقا ل سپێدەھیان دبیتە ئەگەر ب رێژا ١٦% مرۆڤ ژ مرنا ژنشکاڤە بھێتە پاراستن.