ئه‌ڤرۆ نیوز: ڤه‌ده‌ر ره‌شاڤایی:
ئه‌ڤرۆ 15 ئیلۆنێ مه‌سعود بارزانی سه‌رۆكێ هه‌رێما كوردستانێ و سالح موسلم سه‌رۆكێ پارتا یه‌كێتییا دیمۆكرات په‌یه‌دێ ل هه‌ولێرێ كۆم بوون.
لدووڤ داخویانییا برێت مه‌ككۆرگ نوونه‌رێ سه‌رۆكاتییا ئه‌مریكا بۆ هه‌ڤپه‌یمانییا دژی داعش ل ئیراق و سوریا، د كۆم بوونێ دا به‌حسێ بزاڤێن به‌رهنگاربوونا تیرۆرستين داعش هاتییه كرن.
ئه‌ڤرۆ نیوز: ڤه‌ده‌ر ره‌شاڤایی:
ژ سه‌ده‌مێ په‌قینا ترۆمبێله‌كا تێنتیكری ل باژێرێ حه‌سه‌كێ ل رۆژئاڤا كوردستانێ حه‌فت كه‌س هاتنه كوشتن و سیهـ كه‌س بریندار بوون.
روانگه‌ها سوری بۆ مافێ، مرۆڤی دیاركر كو په‌قین ژ ئالیێ خوه‌كوژه‌كی ڤه هاته ئه‌نجام دان كو ترۆمبێلا خوه ل به‌ر ده‌رێ ئاڤاهیێ رێڤه‌به‌رییا ئاڤێ ل تاخێ مه‌عاشیێ په‌قاند و دو ژ قۆربانیێن گیانێ خوه ژ ده‌ست دای شه‌رڤانێن كورد بوون.
دوهی رۆژا دوشمه‌بی ژی د په‌قینه‌كێ دا ل هه‌مان باژێر 32 كه‌س هاتبوونه كوشتن و تیرۆرستێن داعش به‌رپرساتییا خوه ژ هێرشێ راگه‌هاندبوو.
تێ زانین پشكه‌كا مه‌زن یا باژێرێ حه‌سه‌كێ نها لبن كنترۆلا هێزێن كوردی یه‌په‌گێ یه.
ئه‌ڤرۆ نیوز: ڤه‌ده‌ر ره‌شاڤایی:
دادگه‌ها دانیماركی سزایێ 9 سالێن زیندانكرنێ لسه‌ر سنێله‌كا دانیماركی سه‌پاند كو پار سال پتشی ته‌ماشای گه‌له‌ك ڤیدیۆیێن تیرۆرستێن داعش كری كو سه‌ربرینێن ئه‌و پێ رادبن نیشان ددان دایكا خوه كوشت بوو.
لیزا بۆرچ یا 15 سالی لگه‌ل ئه‌ڤیندارێ خوه یێ موسلمانێ توندره‌و كو ب ره‌گه‌ز ئیراقییه بناڤێ به‌ختیار موحه‌مه‌د عه‌بدولا ل داویا سالا 2014 ێ د بزاڤه‌كێ دا 20 جاران كێركه‌كا لێنانگه‌هێ ل دایكا لیزاێ دابوو و كوشت بوو.
به‌ختیار ژی ب 13 سالێن زیندانكرنێ هاته حوكمكرن و پشتی ده‌مێ حۆكمێ خوه دبۆرینیت دێ ژ دانیمارك هێـه ده‌رێخستن و بۆ ئیراقێ هێته هنارتن.
لیزایێ پشتی دایكا خوه كوشتی تێله‌فۆن بۆ پۆلیسان كربوو گۆتبوویێ ئێكێ دایكا وێ یا ل خوینێ وه‌ركری و ره‌ڤی، پشتی پۆلیس گه‌هشتینه مالا وان دیت كو لیزا یا د ئایفۆنا خوه دخه‌بتیت ده‌مێ پۆلیسان پرسیار لێ كر كا دایكا وێ ل كیڤه‌یه، ناڤهاتی ب ئیشاره‌تان گۆتێ ل قاتێ دوویێ.
پۆلیسان ئایفۆنا وێ پشكنین و دیار بوو كو ب سه‌دان ڤیدیۆیێن داعش یێن سه‌ربرین و كوشتنێ ل سه‌ر یۆتیۆبی ڤه‌كرینه و ته‌ماشه كرینه ژ وان ژی ڤیدیۆیا جیهادی جۆن، خوشكا وێژی دیاركر كو ئه‌و ژ مال جودا ببوو ژبه‌ر شه‌رێن هه‌ررۆژی یێن لیزایێ و دایكا وێ.
ئه‌گه‌رێن شه‌رێن وان ژی ئه‌و بوو دایكا وێ دگۆتێ وه‌كی كچێن ئاسایی به و هه‌ڤالینیا توندره‌وان نه‌كه، كو لدووڤ دا دیارببوو كچا وێ و به‌ختیاری پلان دانایه بچنه سوریا و بگه‌هنه داعش.
پشتی چه‌ندین مه‌هێن دادگه‌هێ تاوانبارییا هه‌ردوكان هاتنه سه‌لماندن و هاتنه حوكم كرن.
ئه‌ڤرۆنیۆز، ئه‌یاد به‌روار:
ملیاردێره‌كێ مسری یێ دانوستاندنان بۆ كرینا دو گزیرتێن یونانی دكه‌ت ژبۆ حه‌واندنا هزاره‌ها په‌نابه‌رێن سووری و یێن وه‌لاتێن دی ئه‌وێن تووشی شه‌ڕی بووین.
نه‌جیب ساویرس ملیاردێرێ مسری بۆ ( هافینگتۆن پۆست عه‌ره‌بی) دیاركر كو یێ گه‌هشتیه رێككه‌فتنه‌كێ ل گه‌ل خودانێن وان هه‌ردو گزیرتێن یونانی بۆ كرێنا وان بۆ حه‌واندنا په‌نابه‌ران و داخواز ژ حوكمه‌تا یونانی ژی كریه رازیبوونێ ل سه‌ر وێ چه‌ندێ بكه‌ت و نوكه یێ ل هیڤیا به‌رسڤا حوكمه‌تا یونانی.
ساویرسی خویاكر، هه‌كه حوكمه‌تا یونانی رازی بوو ل سه‌ر كرینا وان هه‌ردو گزیرتان، دێ ناڤێ وێ كه‌ته (گزیرتا ئیلان) ئانكو دێ ب ناڤێ وی زارۆكێ كورد ناڤ كه‌ت ئه‌وێ ته‌رمێ وی ل سه‌ر لێڤا كناره‌كێ توركی ل ده‌ستپێكا ڤێ مه‌هێ هاتیه دیتن.
ڤی ملیاردێرێ مسری ره‌تكر ژی مایتێكرنا خوه د شێوێ حوكمرانیێ ل هه‌ردو گزیرتان بكه‌ت و دیاركر كو كۆمپانیا ئه‌وا په‌یوه‌ندیێ ل گه‌ل حوكمه‌تا یونانی دكه‌ت، كاری د وارێن وه‌به‌رهێنانێ دا دكه‌ت و مایێ خوه د لایه‌نێن سیاسی دا ناكه‌ت. نه‌جیب ساویرس كو دهێته هژمارتن ئێك ژ ده‌وله‌مه‌نترین زه‌لامكارێن مسرێ، ل ده‌ستپێكا ڤێ مه‌هێ داخواز ژ (تویته‌ری) كربوو گزیرته‌كێ ل یونانێ یان ل ئیتالیا بكریت و سه‌ربه‌خوه‌یا وێ گزیرتێ رابگه‌هینیت و په‌نابه‌ران وه‌رگریت و ده‌لیڤێن كارى بۆ په‌یدا بكه‌ت ل وه‌لاتێ وان یێ نوو.
ئه‌ڤرو نیوز، بارزان مزوورى:
رۆژانه و ب شێوه‌كێ زۆر جوان دهێته پێشچاڤ كو هنده‌ك ژ ره‌زڤانان به‌رهه‌مێن خۆ یێن هژیران ل سه‌ر جاده‌یێن ناڤا بازارێ ئاكرێ و دیسان ل هاڤینگه‌هێن ڤى باژێرى مینا هاڤینگه‌ها سیپه و كانیزه‌ركێ دفرۆشن.
ئیبراهیم چیچك ، ئێك ژ ره‌زڤانێن خودانێن هژیرا ل ئاكرێ بو ئه‌ڤرو نیوز دیار كر كو پتر ژ 23 ساله كارێ چاندن و فروتنا هژیران دكه‌ت ل هاڤینگه‌هێن ناڤ سه‌نته‌رێ ئاكرێ پتریا بكرێن وى گه‌شتیارێن سه‌ره‌دانا جهێن گه‌شتیارى دكه‌ن ل ئاكرێ،
گه‌له‌ك جاران هژیر خلاس دبن گه‌شتیارێن دهێنه ئاكرێ مالا مه دگه‌رن ژبۆ بده‌ست ڤه ئینانا هژیران، هژیرێن مه سه‌رنجا گه‌شتیارا راكێشایه خو گه‌له‌ك گه‌شتیار دبێژنه من ئه‌م ژبه‌ر هژیرێن ئاكرێ سه‌ره‌دانا ئاكرێ دكه‌ین.
ناڤهاتی دیار كر كو پتریا ئه‌و بكرێن ڤان هژیرا دكرن هه‌ولێر دهوك شه‌قلاوه به‌غدا دهێن تایبه‌ت بۆ هژیرێن ئاكرێ و دیسان داخازى ل ده‌رڤه‌ى ولاتى ژى دهێن ، مه نه‌مه‌رجه ئه‌ڤ هژیره گربن به‌لكو هه‌مى هژیرێت ئاكرى تایبه‌ت جورێ (یه‌حیا به‌گ) تامه‌كا خوش هه‌یه خه‌لك زور حه‌ژێ دكه‌ت هژیرێت ئاكرێ ده‌ست پێكا مه‌ها (8) تاكو دیماهیا مه‌ها (11) دمینن،
هه‌روه‌سا گوت ژى كو هه‌رسال ئه‌ز بهایێ 3 حه‌تا 4 ملیون دیناران هژیرا دفروشم پتریا وان ئه‌وێن وان هژیرا دكرن گه‌شتیارن لێ ئه‌ڤ سال ره‌وشا دارایى كارتێكرن یا كریه سه‌ر فروتنا هژیرا رێژا گه‌شتیار كێم بویه بازارى هژیرا ژى یێ كێم بووى .
ئامێدیێ، مه‌حمود نهێلى:
لژنه‌یا ئابورى و ساخله‌میا ناحیا دێره‌لۆكێ پشتى كو ده‌ست ب سه‌ر پتر ژ هزار كێلویێن كه‌ره‌سته‌یێن ده‌مبسه‌رڤه‌چوویی دا گرتى ل ناڤ بازارێ دێره‌لۆكى ل رۆژا سێ شه‌مبى 15/9/2015 ئه‌ڤ كه‌ره‌سته‌یه هاتنه سوتن و ژناڤبرن.
دكتور مشه‌ختى به‌رپرسێ لژنه‌یا ساخله‌میێ بۆ ئه‌ڤرۆ نیوز دیاركر، ژ بۆ پاراستنا ساخله‌میا وه‌لاتیان ئه‌و به‌رده‌وام دووڤچوونا بازارى دكه‌ن و گۆت: ( دلێگه‌ریانا مه یا ڤێ داویێ دا ئه‌م شیانه ده‌ست ب سه‌ر پتر ژ 1000 كلیویێن كه‌ره‌سته‌یێن ی دا بگرین و ئه‌ڤرۆ ئه‌ڤ كه‌ره‌سته‌یه ب ئاماده‌بوونا ئه‌ندامێن لژنه‌یێ هاتنه سوتن و ژناڤبرن).
ناڤبرى ئاشكراكر، كو ئه‌ڤ كه‌ره‌سته‌یه پێك دهاتن ژ خورانێن هشك و رون و هه‌روه‌سا كه‌ره‌سته‌یێن جوانكاریێ و ڤه‌خورانێ و هه‌ژماره‌كا دى یا كه‌ل و په‌لان و ل ناڤ بازارێ دێره‌لۆكێ و دوكانێن گوندێن ده‌وروبه‌ران هاتبوونه گرتن.
و خویاكر، خودانێن ڤان دوكانا هاتینه ئاگه‌هداركرن هه‌رده‌مه‌كێ دیارده‌یا فروتنا كه‌ره‌سته‌یێن ئێكه‌سپایر ل دوكانێن وانا دوباره ببیته‌ڤه ئه‌ڤه ل دووڤ رێنمایا دێ هێنه سزادان و دوكانێن وانا دێ هێنه دایخستن.
ئه‌ڤرۆ نیوز:
پشتى كومسیونا بلندا سه‌ربه‌خویا هه‌لبژارتنان ل كوردستانێ بریارداى چه‌ند كه‌سان دامه‌زرینیت، هوین دشێن ب رێیا ڤى لینكى فورمێ داگرن
ئه‌ڤرۆ نیوز، ئه‌كره‌م ئیبراهیم
ئه‌ڤرو سپێدێ ل قوتابخانا پیره‌مه‌گرون ل باژێرێ دهوكێ ب ئاماده‌بونا به‌رێز پشتیوان صادق وزیرێ په‌روه‌ردا حكومه‌تا هه‌رێما كوردستانێ و به‌هزاد على ئاده‌م پارێزگه‌رێ دهوكێ ب وه‌كاله‌ت رێڤه‌به‌رێ گشتى یێ په‌روه‌ردا پارێزگه‌ها دهوكێ و سكرتێرێ ئێكه‌تیا ماموستایێن كوردستانێ رێ و ره‌سمێ ده‌سپێكرنا سالا خواندنێ 2015- 2016 هاتنه گێران دڤان رێو ره‌سمان دا به‌راهیێ ئالایێ كوردستانێ هاته بلند كرن دگه‌ل سرودا ئه‌ى ره‌قیب و دیڤدا به‌رێز عه‌بد یوسف رێڤه‌به‌رێ گشتى یێ په‌روه‌ردێ ل پارێزگه‌ها دهوكێ دپه‌یڤه‌كێ دا سه‌ربارى بخێرهاتنا مێهڤانا خوشحالیا خو دیار كر هه‌مبه‌ر ده‌ستپێكرنا سالا نوى یا خواندنێ و لێدانا زه‌نگا خواندنێ و ئه‌ف سالا نوى ل هه‌مى ماموستا و قوتابیێن كوردستانێ و دهوكێ ب تایبه‌ت كر و هیڤى خواست كو ئه‌ف ساله بو خواندنێ یا سه‌ركه‌فتى بیت و دیار كر كو ئه‌و كاودانێن سالا بورى ب سه‌ر هه‌رێما كوردستانێ ب تایبه‌ت پارێزگه‌ها دهوكێ هاتین گه‌له‌ك سه‌خت و دژوار بون و باهرا پێتریا قوتابخانێن پارێزگه‌هێ ئاواره تیدا بون و ب هاریكارى و پشته‌ڤانیا پارێزگه‌هێ و سه‌روكاتیا جڤاتا وه‌زیران شیان ل هه‌یڤا 12 ده‌ست ب خواندنێ بكه‌ن و ب مانیبونا ماموستایان شیان وان روژێن جویى قه‌ره‌بو بكه‌ن و رێژا سه‌ركه‌فتنێ ژ سالیت بورى زێده‌تر بێت .
دیڤدا وه‌زیرێ په‌روه‌ردێ دپه‌یڤه‌كێ دا ب ناڤێ رێزدار نێچیرڤان بارزانى سه‌روكێ حكومه‌تا هه‌رێما كوردستانێ و جڤاتا وه‌زیران پێروزباهی ل خه‌لكێ كوردستانێ ب گشتى و هه‌مى ماموستا و قوتابیان كر ب هه‌لكه‌فتا ده‌شپێكرنا سالا نوى یا خواندنێ و دیار كر كو ئه‌ڤرو ل 15-9 ئێك ملیون و 700 هزار قوتابى ل كوردستانێ دێ قه‌ستا خواندنێ كه‌ن ئه‌ڤرو زێده‌تر ژ 50 هزار قوتابى دێ ژنوى ده‌ست ب خواندنێ كه‌ن و چنه رێزا ئێكێ سه‌ره‌تایى.
و گوت : دسه‌ر هندێ را كو بارودوخێ كوردستانێ نه‌یێ جێگیره ژبه‌ر شه‌رێ تیرورستێن داعش و ئالوزیێن ئابورى و هاتنا ڤان هه‌مى ئاوارا بو كوردستانێ خواندنێ ل كوردستانێ ده‌ست پێكر و دسه‌ر ڤان هه‌مى ئاسته‌نك و كێماسیا دا دێ كاروانێ زانستى و خواندنێ ل كوردستانێ ب مانیبونا ماموستا و قوتابیێن به‌رێز به‌رده‌وان بیت و پێشڤه‌چیت و ئه‌ڤه مه‌زنترین به‌رسڤه بو دوژمن و نه‌حه‌زێن كوردستانێ ,, هه‌وه‌سا رولێ ماموستایێن خوشتڤى دسه‌ر ڤان هه‌مى كاودانین سه‌خت و نه‌خوش دا و نه‌جونا موچه‌ى بلند سه‌نگاند و گوت : ماموستا داینه‌مویێ وێ چه‌ندى بون كو هه‌رێما كوردستانێ ژ لایێ زانستى ڤه به‌ره‌ف پاشڤه نه‌چیت به‌لكو به‌ره‌ف پێشڤه دچیت ,, و گوت ئه‌ف ساله دێ پێنگاڤێن مه‌زن هاڤێژین بو پێشڤه‌برنا خواندنێ ل كوردستانێ و راسپارده‌و پێشنیارێن كونگرێ په‌روردێ هێنه بجهئینان چ ئه‌وین په‌یوه‌ندى ب سه‌رپه‌رشیاریێ و كارگێریێ هه‌یه و ئه‌وێن په‌یوه‌مدى ب پروگرام و چه‌ندین لایه‌نین دى ڤه هه‌یه و دیسان ب سه‌ردا پولێن زمانێ ئینگلیزیێ ل كوردستانێ دێ هێنه ڤه‌كرن ئه‌ڤه‌ژى گوهرینه‌كا مه‌زنه ژبه‌ر كو زمانێ ئێنگلیزیێ زمانه‌كێ جیهانى و مه‌زنه و دێ پویته‌كێ مه‌زن ژى ده‌ینه زمانێ كوردى یى شرین دیسان دیار كو وان 3 ملیار دینار په‌یدا كرینه بو دابینكرنا پێدڤیێن گرن گیێن په‌ریوه‌ردێ و قوتابخانان بو نوژه‌نكرنا قوتابخانا و دیسان ب بهایێ 12 ملیار و 500 ملیون دینارا په‌رتوك بو قوتابیان چاپ كرینه دیسان گوت : دێ ئێك جل و به‌رگیا قوتابیان ل كوردستانێ یا به‌رده‌وام بیت داكو جوداهى دنافبه‌را قوتابیا دا نه هیته دیتن دجل و به‌رگا دا ,,
دیڤدا زه‌نگا خواندنێ هاته لێدان و قوتابیا قه‌ستا پولێن خواندنێ كر , ل دیماهیێ به‌رێز عه‌بد یوسف رێڤه‌به‌رێ گشتى یێ په‌روه‌ردێ ل پارێزگه‌ها دهوكێ دكونگره‌كێ روژنامه‌ڤانى دا دیار كر كو ل پارێزگه‌ها دهوكێ ئه‌ڤرو ده‌رگه‌هێ 1409 قوتابخانا ها ته ڤه‌كرن بو خواندنێ و نێزیكى 450 هزار قوتابیان ل سنورێ پارێزگه‌هێ دێ قه‌ستا خواندنێ كه‌ن زێده‌تر ز 25 هزار ماموستا هه‌نه و زێده‌تر ژ 11 هزار فه‌رمانبه‌را هه‌نه سه‌ر ب په‌روه‌ردا گشتى یا پارێزگه‌هێ ڤه‌نه بو خزمه‌تا پروسا خواندنێ ,,,دیسان گوت هه‌مى پێدڤیێن قوتابى پێدڤى بیت دبیاڤێ په‌رتوكا دا دائاماده‌نه و بتنێ رێڤه‌به‌ریا گشتى یا په‌روه‌ردا دهوكێ كێماسیا ئاڤاهیا نه ژبه‌ر كو ئه‌ڤه دوو ساله ئاڤاهى نه‌هاتینه ئاڤاكرن و گوت : ژبه‌ر ڤێ چه‌ندێ ئه‌ز دبێژمه هه‌مى ماموستایێن قوتابخانا كو ده‌رگه‌هى بو هه‌مى قوتایبان ڤه‌كه‌ن و نه‌بیژنه چ قوتابیان جه نینه و نابیت چ قوتابى بهێنه زڤراندن هه‌ر چاوا بیت دڤیت قوتابى بهێته وه‌رگرتن و ئه‌ز دبێژمه رێڤه‌به‌رێن هه‌مى قوتابخانا ئه‌و مالا نێزیكى ته‌بیت و ل ده‌وروبه‌رێن ته‌بیت دڤیت قوتابیێ وان وه‌رگرى و نه‌زڤرینى ,
ده‌رباره‌ى قوتابیێن ئاواره گوت : قوتابیێن ناف باژێرا هه‌مى دشێن بخوینن ئه‌وێن ل ده‌ڤه‌رێن كوردستانى هاتین و ده‌رگه‌ه بو وان دڤه‌كرینه و ئه‌وێن ل جهێن دى یێن ئێراقى هاتین ئه‌و په‌روه‌ردێن وان سه‌رپه‌رشتیا كارێ وان دكه‌ن و مه جه ل قوتابخانا دایێ ل هه‌مى قه‌زایێن پارێزگه‌هێ ئه‌و خواندنا خو برێڤه ببه‌ن , و ئه‌وێن ل ناف كه‌مپا ل هه‌ر كه‌مپه‌كێ قوتابخانه هه‌نه هنده‌ك زێده‌تر ژ ئێك قوتابخانه هاتیه ڤه‌كرن ,
دده‌رباره‌ى ماموستایێن چوینه ژده‌رڤه‌ى وه‌لاتى گوت : دبیت تا 400 ماموستا موله‌ت وه‌رگرتیه و دبیت پێتر هه‌بن بى موله‌ت ژى چوبن له‌وما ماده‌م دامه‌زراندن نینه و گریبه‌ست نینه دێ قه‌یرانا به‌مه دورست كه‌ن له‌وما ئه‌ز دبیزم ده‌رگه‌هێ مه یێ ڤه‌كریه بو وانه بیژا بهێن ده‌رچویێن كولیژا و په‌یمانگه‌ها گه‌له‌كن بهێن قه‌ستا قوتابخانا بكه‌ن و به‌رمبه‌ر پاره‌كى دێ بو هێته مه‌زاختن.
نيشاندان