ئه‌ڤرۆ نیۆز، سالار دۆسكى:

شاره‌زایه‌كێ له‌شكرى، بۆ مالپه‌رێ ئه‌ڤرۆ نیۆز دیاركر كو مانا سه‌رۆك (مه‌سعود بارزانى) وه‌ك سه‌رۆكێ هه‌رێما كوردستانێ بۆ ڤى ده‌مى گه‌له‌ك گرنگ و ب تایبه‌ت كاودانێن نوكه‌ كوردستان تێدا دبوریت.
شاره‌زایێ له‌شكه‌رى مه‌سعود سالح زێده‌تر بۆ مالپه‌رێ ئه‌ڤرۆ نیۆز گۆت: سه‌رۆك مه‌سعود بارزانى بۆ سه‌رۆكاتیا هه‌رێما كوردستانێ نوكه‌ گه‌له‌ك گرنگه‌ چونكه‌ سه‌رۆكه‌كێ نه‌ته‌وه‌یى یه‌ و كورد نها دشه‌ره‌كى دانه‌ ل گه‌ل ده‌وله‌ته‌كا تیرۆرستى و به‌رامبه‌ر راوستاینه‌ ،سه‌رۆك بارزانى دشێت ب شاره‌زایا خوه‌ كوردستانێ ژئه‌ڤان تیرۆرستان ب پارێزیت، دیسان شیایه‌ پێشمه‌رگه‌ى ب نشتیمان په‌روه‌رانه‌ و نه‌ته‌وه‌ په‌روه‌رانه‌ ب پارێزیت و به‌ره‌ڤانیێ ژ ڤێ ئاخێ بكه‌ت، هه‌تا كورد بگه‌هنه‌ مافێ خوه‌ كوردستانێ پێدڤى ب كه‌سانێن وه‌ك سه‌رۆك بارزانى یه‌.
هه‌ڤده‌م شاره‌زایێ له‌شكه‌رى، گۆت: نوكه‌ داهات و ژێده‌رێن داعش كێمبوون ب خوه‌ ڤه‌ دیتى یه‌ تایبه‌ت بۆ ناف مووسل، ژ ده‌ست دانا باوه‌ریێ دناڤ خه‌لكى و تایبه‌ت مووسل، دیسان ئه‌و دربێن پێشمه‌رگێ كوردستانێ ل مووسل ل داعش د ده‌ت مورالا وان لاوازكریه‌، هه‌موو بووینه‌ هۆكار داعش هزر بكه‌ت پاشڤه‌چوونێ بكه‌ت، دا زیان ڤێنه‌كه‌ڤیت و بچن هێزێن خوه‌ ل پارێزگه‌هێن رومادى و تكریت به‌ره‌ڤانیێ بكه‌ت، دیسان ژ ئالیێ سه‌ربازى ڤه‌ شیانێن به‌ره‌ڤانیكرن و هێرشكرنێ نه‌ماینه‌ و نه‌شێت ئێك ب هوست ب ده‌ست خوه‌ڤه‌بینت.
شاره‌زایێ له‌شكه‌رى هه‌مبه‌ر چوونا پێشمه‌رگێ بۆ حوێجه‌ گۆت: هه‌ر پێنگاڤه‌كا پێشمه‌رگه‌ بچیته‌ داعش بۆ ملله‌تێ كورد و سه‌ركرداتیا كوردستانى باشه‌ و تایبه‌ت ده‌مێ دانوستاندنێ و ب چانتێ ڤالا ناچنه‌ دانوستاندنێ وتایبه‌ت بۆ گرتنا (گه‌یاره‌ و حوێجه‌ و مووسل) هه‌كه‌ پێشمه‌رگه‌ پشكداربیت دڤێت ب مه‌رج بیت و مه‌رجێ ئێك هێزێن هه‌وپه‌یمانان دڤێت چه‌كى راسته‌وخۆ بده‌نه‌ پێشمه‌رگێ كوردستانێ، سه‌رپه‌رشتیا مه‌شق و راهێنانا پێشمه‌رگه‌ى بكه‌ن بۆ ئاسته‌كێ به‌رزتر، دانانا مووچێ پێشمه‌رگێ كوردستانێ ژلایێ حوكمه‌تا ناڤه‌ندى ڤه‌، دانا مووچێن فه‌رمانبه‌رێن هه‌رێما كوردستانێ، په‌سه‌ندكرنا پێشمه‌رگه‌ى دناڤ سیسته‌ێ به‌رگێریێ عراقى دا و بۆدج ب سالانه‌ بهێته‌ مه‌زاختن.

ئه‌ڤرۆ نیۆز، قائید میرۆ

ئه‌ڤرۆ ل ناحیا گوێڕ یا سه‌ر ب قه‌زا مه‌خموور، تیرۆرستێن داعش پرا گوێڕ په‌قاندن و فه‌رمانده‌كێ هێزێن پێشمه‌رگه‌ی ژی را دگه‌هینیت په‌قاندنا پرێ ژ ترسا هێرشا پێشمه‌رگه‌ی بوویه‌.

لیوا خالد بالا به‌رز، فه‌رماندێ پێشمه‌رگه‌ی ل میحوه‌رێ گوێڕ ب ئه‌ڤرۆ نیۆز راگه‌هاند” ئه‌ڤرۆ نیڤرۆ تیرۆرستێن داعش پرا گوێڕ ب ئێكجاری په‌قاند، ئه‌ڤه‌ژی ژ ترسا هێرشا هێزێن پێشمه‌رگه‌ی بۆسه‌ر بنكه‌ و باره‌گایێن وان ل ده‌ڤه‌را مووسل.

خالدی گۆتژی” پرا گوێڕ دكه‌ڤیته‌ سه‌نته‌رێ ناحیا گوێڕ و هه‌ردو پارێزگه‌هێن هه‌ولێر و مووسل پێكڤه‌ گرێده‌ت، ئه‌ڤرۆ داعش ژلایێ خۆڤه‌ كو دكه‌ڤیته‌ گوندێ كه‌نه‌ش ئه‌و پره‌ ب ئیكجاری په‌قاند و زیانێن مه‌زن گه‌هاندنێ پرێ و ئیدی ب كێری بكارئینانێ ناهێت.