ئه‌ڤرۆ نیوز:
نووترين نووچه
- وەزارەتا دارایی بەرسڤا سەردابرنێن پەرلەمانتارەكێ ئێكەتیێ ل دۆر لیستا مووچەی ددەت
- رێباز حەملان: مە پەیاما سەرۆكێ حوكمەتا هەرێمێ ل دۆر مووچەیێ فەرمانبەرێن هەرێمێ گەهاندە سۆدانی
- پێشبینییا چەندین سیناریۆیان ل رۆژهەلاتا ناڤین دهێتە كرن كو ئیراقێ ژی دێ ڤەگرن
- نێچیرڤان بارزانی خواستا هەرێما كوردستانێ بۆ پێشڤەبرنا پەیوەندیان ل گەل هندستانێ دوپاتكر
- ل ئەینییا بهێت شاندێ هەڤپشكێ وەزارەتا داراییا ئیراقێ و هەرێمێ دێ كۆمبن
- ل ئیراقێ فیدرالی نەهاتییە بجهئینان
- فەوزی هەریری: تێكگەهشتنەكا باش بۆ پێكئینانا كابینەیا دەهێ هەیە
- ئەڤرۆ شاندێ تەكنیكیێ پارتی و ئێكەتی ل دۆر پێكئینانا كابینەیا نوو یا حوكمەتێ دێ كۆمبن
- دێ ل گەل ئەنەکەسێ دەست ب دانوستاندنان کەین
- پشكداریا مەسرور بارزانی ل كۆڕبەندێ ئابووریێ جیهانی دێ رەنگڤەدانا ئابووری و دیپلۆماسی ل سەر هەرێمێ هەبیت
سهرهكى Facebook
ئه‌لمانیا و ئیتالیا و فره‌نسا داخوازا به‌لاڤكرنا په‌نابه‌ران دكه‌ن
ئه‌ڤرۆ نیوز:
ئه‌لمانیا پێشبینیا وێ یه‌كێ دكه‌ت كو ل سالا 2015 دا، ژمارا وان كوچبه‌رێن دێ گه‌هنه ئاخا ئوروپا 800 هزار كه‌س بن.
ولاتێن ئوروپا ژى ل سه‌ر چاره‌كرنا قه‌یرانا په‌نابه‌ران د ناكوكن، ئه‌لمانیا و ئیتالیا و فره‌نسا داخوازا دابه‌شكرنا په‌نابه‌ران كرینه ل سه‌ر ولاتێن ئێكه‌تیا ئوروپا و بریتانیا و چه‌ند ولات دژى ڤێ بوچوونێ نه.
ئه‌ڤ شه‌پولا كوچكرنێ ئه‌وا ل ده‌ستپێكا ڤێ سالێ، به‌ره‌ڤ ئوروپا ده‌ستپێ كرى، ژبلى كو گرفته‌كا مه‌زن بۆ ولاتێن كێشوه‌رێن ئارام یێن جیهانى دروست كرى، هه‌ڤده‌م ولاتێن ئوروپى ژى ب سه‌ر دو به‌ره‌یێن دژى ئێك دا دابه‌شكرینه، ئه‌لمانیا و فره‌نسا و ئیتالیا دوێ باوه‌رێ دانه كو دڤێن په‌نابه‌ر ب ره‌نگه‌كێ یه‌كسان ل سه‌ر وه‌لاتێن ئوروپا بهێنه به‌لاڤكرن، به‌لێ بریتانیا و چه‌ند وه‌لاتێن دى دژى هه‌ر جوره وه‌رگرتنه‌كا په‌نابه‌رانه.
ل گه‌یاره داعش دو شێخێن عه‌ره‌ب گوله‌بارانكرن
ئه‌ڤرۆ نیۆز، قائید میرۆ
ئه‌ڤرۆ تیرۆرستێن داعش ل ناحیا گه‌یاره یا سه‌ر ب پارێزگه‌ها نه‌ینه‌وا دو شێخێن عه‌شیره‌تا جبوری گوله‌بارانكرن و شه‌ڕ كه‌فته ناڤبه‌را چه‌كدارێن جبوری و چه‌كدارێن داعش.
غه‌یاس سورچی، كارگێڕێ مه‌لبه‌ندێ ئێكه‌تی نیشتیمانی كوردستان ل نه‌ینه‌وا ب ئه‌ڤرۆ نیۆز راگه‌هاند” ئه‌ڤرۆ تیرۆرستێن داعش ل ناحیا گه‌یاره یا سه‌ر ب پارێزگه‌ها نه‌ینه‌وا دو شێخێن عه‌شیره‌تا جبوری گوله بارانكرن، ب تۆمه‌تا وێ چه‌ندێ كو به‌ریا نوكه هه‌ردو شێخێن عه‌شیره‌تا جبوری به‌ربژێربووینه بۆ هه‌لبژارتنان.
سورچی گۆتژی” كوشتنا ڤان دو شێخێن عه‌ره‌ب وه‌لاتیێن جبوری دلگرانكرینه و شه‌ڕۆ پێكدادان دناڤبه‌را چه‌كدارێن جبوری و چه‌كدارێن داعش چێبوویه و د ئه‌نجامدا هه‌شت كه‌س ل هه‌ردو لایان برینداربووینه.
ملیاردێره‌كێ مسری دێ گزیرته‌كێ بۆ په‌نابه‌ران كریت
ئه‌ڤرۆ نیوز: ڤه‌ده‌ر ره‌شاڤایی:
ملیاردێرێ مسری نه‌جیب ساویرس پێشنیاره‌ك پێشكێكرییه و ئاماده‌ییا خوه ده‌ربرییه لسه‌ر كرینا گزیرته‌كێ ل وه‌لاتێ یونان یان ئیتالیا بۆ بهزاران په‌نابه‌رێن ژ رۆژهه‌لاتا ناڤین دره‌ڤن.
ڤی ملیاردری ئێكه‌م جار ئه‌ڤ ده‌ستپێشخه‌رییه لسه‌ر تورا جڤاكیا تویته‌ری دیار كریه.
” هه‌كه‌ر یونان یان ئیتالیا گزیرته‌كێ بفرۆشنه من دێ سه‌ربه‌خۆیا وێ گزیرتێ راگه‌هینم دێ په‌نابه‌ران لێ مێڤان كه‌م كار و ئاڤاهییان بۆ دابین كه‌م ل وه‌لاتێ وان یێ نوو”
ساویرس گۆت ” دێ ڤێ یه‌كێ بۆ یونان و ئیتالیا پێشنیار كه‌م و نه یا دووره بجهـ بهێت ژبه‌ركو هه‌ردو وه‌لاتان كۆمه‌كا گزیرتێن به‌ردایی یێن هه‌ی كو دشیاندایه جهێ بسه‌دان هزار په‌نابه‌را لێ بهیته كرن و بهێنه ئاڤاكرن.”
هه‌مى تشت ئاشكرابوون، گۆران ل پشت گیروبوونا موچێ فه‌رمانبه‌رانه
ئه‌ڤرۆ نیوز:
دلشاد شه‌عبان ئه‌ندامێ لژنا دارایى ل په‌رله‌مانێ كوردستانێ دیاركر كو چوونا وه‌زیرێ دارایى (ڕێباز حەملان) بۆ توركیا بۆ ڤه‌كرنا حیسابا بانكى، بێى وێ یه‌كێ پێدڤى ب به‌رهه‌ڤبوونا وه‌زیرێن سامانێن سروشتى هه‌بیت، به‌لگه‌یه كو رێباز حه‌ملان وه‌زیرێ دارایى كو ژ ته‌ڤگه‌را گۆرانه، ئه‌و ب خوه ئه‌گه‌رێ گیروبوونا مووچێن فه‌رمانبه‌ران بوویه و وه‌زیرێ دارایى ژبه‌ر كارتێكرنا حزبا خوه سه‌ره‌دانا توركیا نه‌كریه و ئه‌و توهمه‌ت ددانه پال وه‌زاره‌تا سامانێن سروشتى چ راستى بۆ نه‌بوون و هه‌مى تشت بۆ رایا گشتى ئاشكرابوون.
هه‌رێم لدژی هێرشێن گازا كیمیاوییا داعش هاریكارییا ڤی وه‌لاتی دخازیت
ئه‌ڤرۆ نیوز: ڤه‌ده‌ر ره‌شاڤایی:
فه‌لاح موسته‌فا به‌رپرسێ په‌یوه‌ندیێن ده‌رڤه‌یێن حكومه‌تا هه‌رێما كوردستانێ بمه‌ره‌ما به‌رهنگاربوونا گه‌ف و مه‌ترسییا هێرشێن تیرۆرستێن داعش د بكارئینانا گازێن كیمیاوی دا داخازا هاریكاریێ ژ وه‌لاتێ ئیرانێ كر.
فه‌لاح موسته‌فا بۆ ئاژانسا ئیرنا یا ئیرانی دیاركریه كو گه‌فا چه‌كێ كیمیاوی تشته‌كێ بمه‌ترسییه و هه‌رێما كوردستانێ دێ بخێرهاتنا هه‌ر هاریكاریه‌كا ئیرانێ دڤی بیاڤی دا كه‌ت ژبه‌ركو ئیرانێ شاره‌زاییه‌كا گرنك و باش د به‌ره‌ڤانییا دژی چه‌كێ كیمیاوی دا هه‌یه.
بالیۆزه‌كێ ئه‌رمینیا: د ده‌هـ سالێن داهاتی دا ئه‌رمینیا دێ بیته جیرانا ده‌وله‌ته‌كا كوردی
ئه‌ڤرۆ نیوز: ڤه‌ده‌ر ره‌شاڤایی:
بالیۆزه‌كێ وه‌لاتێ ئه‌رمینیا دبێژیت د ده‌هـ سالێن داهاتی دا دێ ژبلی ده‌وله‌تا توركیا جیرانه‌كا دی بۆ ئه‌رمینیا په‌یدا بیت و ئه‌و جیران دێ ده‌وله‌ته‌كا كوردي بیت.
ئارا پاپیان كو زانایه‌كێ سیاسییه و ل سالا 2000 تا 2006 بالیۆزێ ئه‌رمینیا بوویه ل كه‌نه‌دا، د كۆنفراسه‌كی دا ل یه‌ریڤانێ خویاكر:
“داوی پێشهاتێن رۆژهه‌لاتا ناڤین وه‌سا نیشان دده‌ن كو ده‌وله‌ته‌كا كوردی برێڤه‌یه كو ل دووڤ دیتنا من بكێماتی د 10 ده‌هـ سالێن داهاتی دا دێ دروست بیت و ئه‌رمینیا دێ جیرانه‌كا نوو هه‌بیت ژبه‌ركو پرانیا ئاكنجیێن رۆژهه‌لاتا توركیا كو نها هه‌ڤسنۆره لگه‌ل ئه‌رمینیا كوردن”.
وه‌كی رۆژناما (نیۆز ئه‌رمینیا) به‌لاڤكری پاپیان گۆتیه : دڤێت ئه‌رمینیا هه‌ماهه‌نگی و هه‌ڤكاریێ لگه‌ل كوردان بكه‌ت و دڤێت ب هه‌ستیارانه سه‌ره‌ده‌ریێ بكه‌ت ژبه‌ركو هه‌كه‌ر ئه‌رمینیا نه‌چیته ناڤ ڤێ یاریێ دا هنده‌ك ئالیێن دی دێ سه‌ركه‌ڤن و كه‌ڤنه مه‌یدانێ دا.
هه‌روه‌سا دیاركر ژی : ئه‌رمینیا و كوردان به‌رژه‌وه‌ندیێن لێك گونجایی و هه‌ڤدژ هه‌نه لێ دڤێت چاره‌سه‌ریه‌كا هه‌ڤپشك بهێته دیتن.”
گۆگل په‌یڤه‌كا كوردی دكه‌ته د وه‌رگێرا خوه دا
ئه‌ڤرۆ نیوز: ڤه‌ده‌ر ره‌شاڤایی:
گۆگل د وه‌رگێرا زمانی یا خوه دا په‌یڤا كوردی “رۆژئاڤا” دكه‌ته “كوردستانا سوریا”، ئانكو هه‌كه‌ر ته دڤێت په‌یڤا “Rojava” د چارگۆشا وه‌رگێرانا زمانێ ئینگلیزی بنڤیسی و ته رامانا وێ بزمانێ عه‌ره‌بی بڤێت دێ د ئه‌نجاما وه‌رگێرانا زمانی دا په‌یڤا “كردستان السوریه” كو مه‌به‌ست پێ رۆژئاڤا كوردستانێ یه ده‌ت.
هه‌رچه‌نده هه‌تا نها گۆگل زمانێ كوردی نه‌ئێخستیه ناڤ لیستا وه‌رگێر و رێكلامێن خوه دا بهێجه‌تا وێ یه‌كێ كو زمانه‌كێ نه دانپێدانكرییه لێ نها په‌یڤا كوردی “رۆژئاڤا” بچه‌ند زمانان وه‌ك كوردستانا سوریا د وه‌رگێریت.
ڤیدیۆ: گرییا سه‌رۆكا حكومه‌تا سكۆتله‌ندا بۆ ئایلان كوردی
ئه‌ڤرۆ نیوز: ڤه‌ده‌ر ره‌شاڤایی:
سه‌رۆكا حكومه‌تا سكۆتله‌ندا كو ب وه‌زیرا ئێكی ل بریتانیا دهێـه نیاسین ل په‌رله‌مانێ سكۆتله‌ندا لدۆر گیان ژده‌ستدانا زارۆكێ كورد كو كه‌ڤتبوو سه‌ر كناره‌كێ توركیا گۆت كو بدیتنا وێنه‌یێ ته‌رمێ وی زارۆكی ل شه‌ڤا ده‌ربازبووی روندكێن وێ هاتنه خار و چ پێنه‌ڤیت وێ بتنێ لبه‌ر وی وێنه‌ی نه‌كرییه گری .
نیكۆلا ستورجۆن گۆت : وی زارۆیی هه‌ستێن دلێ مه هه‌میان لڤاندن لێ ئه‌ڤه تراجیدیه‌كا دوور نینه و ژیانا بهزاران زارۆكێن دی یێن وه‌كی وی د مه‌ترسیێ دایه و به‌رپرساتیا ئالیه‌كی نینه هاریكاریێ بكه‌ت به‌لكو به‌رپرساتیا هه‌مییانه.”
هه‌روه‌سا گۆت ” به‌لێ ئه‌ز یا توره مه، ئه‌ز گه‌له‌كا توره مه ، و ژ ده‌یڤید كامیرۆن سه‌رۆك وه‌زیرێ بریتانیا دخازم هه‌ر زوو هه‌لوه‌ستێ خوه لسه‌ر په‌نابه‌ران بگوهریت.”
“ئه‌ز وه‌ك وه‌زیرا ئێكێ یا سكۆتله‌ندا سۆزێ دده‌م كو ئه‌م د ئاماده‌بین بۆ هه‌ر په‌نابه‌ره‌كێ پێدڤی هاریكارییا مه، چێنابیت ویژدانا مه تراجیدیێن هوسا قه‌بیل بكه‌ت..”
پارچه‌ك ژ ڤیدیۆیێ:
سه‌رۆكایه‌تیا هه‌رێمێ هاته ده‌نگ
ئه‌ڤرۆ نیوز:
سه‌رۆكایه‌تیا هه‌رێمێ ل دۆر وێنێ وى زارۆیێ كورد یێ خه‌ندقى دبێژیت” هه‌موو جیهان به‌رپرسه ژ پاراستنا گه‌لێ كورد و رێ نه‌دان ل دووباره‌بوونا ڤان كاره‌ساتان”.
ده‌قێ راگه‌هاندنا سه‌رۆكایه‌تیا هه‌رێمێ:
وێنێ ته‌رمى وى زارۆیێ كورد یێ كوبانێ كو ل ناڤ ئاڤێ دا خه‌ندقى، یێ ویژدان هه‌ژینه و سمبووله‌كا دى یا مه‌زلوومیه‌تا گه‌لێ كورده ل جیهانێ، ئاڵان و خێزانا وى كو ب رێیا هێلانا وه‌لاتێ خوه و كوچكرنێ، نموونا وێ زولمێ یه یا كو ب درێژاهیا مێژوویى و د قوناغێن جودا جودا دا ده‌رحه‌ق ب ملله‌تێ كورد هاتیه كرن، هه‌موو جیهان به‌رپرسه ژ وێ یه‌كێ كو گه‌لێ كوردستانێ ب پارێزیت و رێگێ ل دووباره‌بوونا ڤان كاره‌ساتان نه‌ده‌ت، ده‌مێ وێ چه‌ندێ یێ هاتى كو دووماهى ب ئاواره‌یى و تراژیدیا و ده‌رده‌سه‌ریێن گه‌لێ كورد بهێت و ل سه‌ر ئاخا خوه ب ئاشتى و سه‌ربلندى بژین، ل گه‌ل ڤێ چه‌ندێ ژى داخواز ژ رۆلێن گه‌لێ كوردستانێ دكه‌ین ئاخا خوه بجهـ نه‌هێلن، داخوازێ ژ كومه‌لگه‌هێ نێڤده‌وله‌تى و ولاتێن ئازاد دكه‌ین هاریكاریا وان ئاواره و په‌نابه‌ران بكه‌ن كو قه‌ستا ئوروپا دكه‌ن.
نيشاندان
WP Facebook Auto Publish Powered By : XYZScripts.com