ئه‌ڤرۆ نیوز، بیستر دهوكى:
ئێكه‌تیا ته‌پا پێێ یا عیراقێ یا پێكولا دكه‌ت ل چه‌ند رۆژێن بهێت یاریگه‌ها خوه‌ یا نوو ده‌ست نیشان بكه‌ت بۆ كرنا یاریێن خوه‌ یێن ڤاڤارتنێن موندیالا 2018 ئه‌وا بریاره‌ ل هاڤینا ئه‌ڤ ساله‌ بهێنه‌ كرن كو چار وه‌لات به‌ربژاركرى نه‌ ئه‌وژى ئیران، قه‌ته‌ر، ئیمارات و ئوردون.
ل دویڤ ده‌نگو باسێن جاده‌یا وه‌رزشى ل عیراقێ ئێكه‌تیا ته‌پاپێى یا بزاڤا كه‌ت یاریگه‌ها خوه‌ بۆ یاریێن هه‌لبژارتیێ عیراقێ ل وه‌لاتێ ئیرانى ب هه‌لبژێریت ژبه‌ركو ئه‌ڤ وه‌لاته‌ ژ هه‌ر وه‌لاته‌كێ دى نێزكتره‌ و ب سانه‌هیتره‌ پشته‌ڤانێن عیراقێ لێ ئاماده‌بن و دبیت یاریگه‌ها ئه‌هواز بهێته‌ هه‌لبژارتن.
هه‌ژى گوتنێ یه‌ هه‌لبژارتیێ عیراقێ دكه‌ڤتیه‌ د كوما شه‌شێ دا ئه‌وژى پێكهاتى نه‌ ژ هه‌لبژارتیێن ئه‌ندونسیا، فیتنام، تایله‌ند و چین تایبى .

ئه‌ڤرۆ نیوز، ملله‌ت جه‌مال:
د چارچووڤێ یاریكرنێن حه‌فتیا دویێ ژ خولا پله‌ دویا هه‌رێما كوردستانێ تیما ته‌پا پێى یا ئاكرێ شیا برینێت خوه‌ سارێژ كه‌ت ده‌مێ ئه‌ڤرۆ شیایى سه‌ركه‌فتنێ لسه‌ر جیرانا خوه‌ تیما ته‌پا پێى یا به‌رده‌ره‌ش توماربكه‌ت د یاریكرنا وان دا ئه‌وا ل یاریگه‌ها ئاكرێ هاتیه‌ كرن.
دڤێ یاریێ دا ئاكرێ نیازێن سه‌ركه‌فتنێ هه‌بوون ب تایبه‌ت پشتى ل حه‌فتیا بورى توشى خوساره‌تیه‌كا گران بووى له‌ورا ڤێ حه‌فتیێ بتنێ وان سه‌ركه‌فتن ئارمانج بوو .
ئه‌ڤه‌ دبیته‌ خوساره‌تیا دویێ یا تیما به‌رده‌ره‌ش له‌ورا دبیت ئه‌ڤ ئه‌نجامه‌ خراب لسه‌ر راوه‌ستن د یاریێن بهێت تایبه‌ت كو خولا پله‌ دوو ئێك قوناغه‌ و قه‌ره‌بووكرن تێدا نینه‌.

هه‌ژار مه‌عروف:
هه‌لبژارتیێ عیراقێ یێ ته‌ پا پێێ بۆ خوبه‌رهه‌ڤكرن بۆ ڤاڤارتنێن موندیالا 2018 ل روسیا چاڤه‌رێ دهێته‌كرن ل 11/6/2015 ل باژێرێ یوكوهاما یێ ژاپونى یاریه‌كا هه‌ڤالینى ل گه‌ل هه‌لبژارتیێ ژاپون بكه‌ت د چارچوڤێ خوبه‌رهه‌ڤكرن بۆ هه‌ردو هه‌لبژارتیا.
كامل زغیر ئه‌ندامێ ئێكه‌تیا ته‌پا پێێ یا عیراقێ دیاركرى یه‌ داخوازیه‌كا فه‌رمى گه‌هشتى یه‌ ئه‌وان ژلایێ كومپانیه‌كا دروستكرنا یاریان و هه‌ردو لایه‌ن رازیبوونا ل سه‌ر ئه‌نجامدانا یاریێ دیاركرینه‌ و بریاره‌ ئه‌و به‌رى یاریێ ب حه‌فتیه‌كێ به‌ره‌ڤ وه‌لاتێ یابان بچن بوو دانا كه‌مپه‌كا راهێنانى ل وى وه‌لاتى ژبه‌ركو ئه‌و هه‌لبژارتیێن كه‌تینه‌ دناڤا كوما وان دا هه‌موو ژ رۆژهه‌لاتا ئاسیا نه‌.

ئه‌ڤرۆ، هه‌ژار مه‌عروف:
ئێكه‌تیا ته‌پا پێێ یا هه‌رێما كوردستانێ بریار دا هه‌موو یاریێن ڤێ حه‌فتیێ یێن گه‌را نه‌هێ ژ قوناغا دوێ یا خولا پلا نایاب یا كوردستانێ د ئێك رۆژ دا بهێنه‌كرن ژبه‌ركو خول د ماوه‌كێ هه‌ستیار دا د بوریت و یانێن پێشیا خولێ و داكه‌فتنێ هه‌ڤركى ل گه‌ل ئێك كه‌ن.
بریاره‌ یاریێن ڤێ حه‌فتیێ ل رۆژا پێنج شه‌مبیا بهێت بهێنه‌كرن 23/4/2015 د گرنگترین یاریێن ڤێ حه‌فتیێ دا دهۆك سه‌ركێشا خولێ دێ بیته‌ مێڤانا یانه‌یا پێشمه‌رگا هه‌ولێرێ و زێره‌ڤانى دێ مێڤانداریا یانه‌یا شێروانه‌ كه‌ت و تیما نه‌وروز خودانا رێزا سێ دێ ل گه‌ل یانه‌یا سلێمانیێ كه‌ت و زاخۆ ل گه‌ل برایه‌تى ل یاریگه‌ها زاخۆ.
تیما پێشمه‌رگه‌ سلێمانى دێ هه‌مبه‌رى هندرین بیت و ل یاریگه‌ها پیرمام ئارارات دێ ل گه‌ل هه‌ولێرێ كه‌ت.