ئه‌ڤرۆ نیوز:
وه‌زاره‌تا دارایى و ئابوورى راگه‌هاند سوبه دێ مووچێ هه‌یڤا 6 یێ وه‌زاره‌تا شه‌هیدان و زیندانیێن سیاسى یێن هه‌رێمێ هێته به‌لاڤكرن.
د راگه‌هاندنه‌كێ دا، وه‌زاره‌تا دارایى دیاركریه ” سوبه رۆژا سێشه‌مبى، دێ مووچێ هه‌یڤا 6 یێ وه‌زاره‌تا كاروبارێن شه‌هیدان و ئه‌نفالكریان ل گه‌ل خێزانێن شه‌هیدان و ئه‌نفالكریان و زیندانیێن سیاسى هێته به‌لاڤكرن.
ئه‌ڤرۆ: رێوار مزیرى:
به‌رپرسێ په‌یوه‌ندى و راگه‌هاندنێ ل رێڤه‌به‌ریا به‌ره‌ڤانیا باژێرى ل دهۆكێ ئاشكرا كر، كارگه‌هه‌ك ئه‌ڤرۆ 31/8/2015 ل سێمێلێ هاته سۆتن.
رائیدێ مافپه‌روه‌ر بێوار عه‌بدولعه‌زیز، به‌رپرسێ راگه‌هاندنێ ل رێڤه‌به‌ریا به‌ره‌ڤانیا باژێرى ل دهۆكێ دیار كر، كو بنگه‌هێ ئاگرڤه‌مراندنێ ل سێمێلێ ب هه‌بوونا روودانه‌كا ئاگربه‌ربوونێ هاته ئاگه‌هداركرن و گۆت:” پشتى تیمێن مه گه‌هشتینه جهێ روودانێ ئاگر به‌ربوو كارگه‌هه‌كا خانێن پلاستیكى ل ده‌ڤه‌را سێمێلێ ل نێزیك پانزینخانه‌كێ، به‌لێ تیمێن مه شیان وى ئاگرى كۆنترۆل بكه‌ن و خوش به‌ختانه چو زیانێن گیانى نه‌بوون بتنێ زیانێن ماددى هه‌بوون.
ئه‌ڤرۆ نیۆز، قائید میرۆ
هێزێن پێشمه‌رگه‌ی ل میحوه‌رێ باشیك ده‌ست ب تۆپبارانكرنا بنكه و باره‌گایێن تیرۆرستێن داعشكر و دو ترۆمبێلێن چه‌كدارێن داعش هاتینه سووتن.
ژێده‌ره‌كێ هێزێن پێشمه‌رگه‌ی ل میحوه‌رێ باشیك ب ئه‌ڤرۆ نیۆز راگه‌هاند” پشتی ل ڕۆژێن بۆری چه‌كدارێن داعش سه‌نگه‌رێن پێشمه‌رگه‌ی بۆردومانكرین، ده‌مژمێر 10ی به‌ری نیڤرۆیا ئه‌ڤرۆ هه‌تا به‌رهه‌ڤكرنا ڤی نوچه‌ی تۆپخانه‌یێن هێزا پشته‌ڤانیا ئێك و فڕۆكه‌یێن هه‌ڤپه‌یمانان به‌رده‌وامن ل تۆپبارانكرنا بنگه‌هێن تیرۆرستێن داعش.
ژێده‌ری دیاركر، تۆپبارانا پێشمه‌رگه‌ی بۆسه‌ر تیرۆرستێن داعش هه‌ر ئێك ژ گوندێن پیرحه‌لان و پیر به‌نك و خراپ ده‌لیل و چواریانا باشیك كرینه ئارمانج و هه‌تا نوكه دو تڕۆمبێلێن داعش هاتینه سووتن و چه‌ندین چه‌كدارژی هاتینه كوشتن.
ئه‌ڤرۆ نیوز، بارزان مزوورى
پێشه‌نگ به‌درخان محه‌مه‌د سه‌لیم ، به‌رپرسێ پشكا هاتنوچونا قه‌زا شێخان بو ئه‌ڤرو نیوز دیار كر كو ئه‌ڤرو ده‌مژمێر 10 سپێدێ 31 ته‌باخێ ل سه‌ر رێیا سه‌ره‌كیا دهوك بو شێخان ل نێزیك گوندێ مامزدینا رویدانه‌ك دناڤبه‌را ترومبێله‌ك ژ جورێ ته‌كسى كوردستان و ترومبێله‌ك ژ جورێ BMW رویدا و د ئه‌نجام دا سێ كه‌سا گیانێ خو ژ ده‌ست دا كو ئێك ژ وان ئافره‌ت بویه و حه‌فت كه‌س ژى ب دژوارى برینداربون و هنده‌ك ژوان بریندارا زاروك بون و ده‌م ده‌ست بو نه‌خوشخانا ته‌نگاڤیا ل پارێزگه‌ها دهوك هاتن ڤه‌گوهاستن و ئه‌و كه‌سێن بریندار نها لبن چاڤدێریا نوژدارانه.
ئه‌ڤرۆ نیوز: بارزان مزوورى
ئه ڤرو پێنج رویدانێین جوره جور ل سنوری قه‌زا شیخان ل جادا سه‌ره‌كى یا (دهوك – شیخان نیزیك گوندێ مام زینا ) په‌یدابوون و رویدانه‌كێ دا ( 3 ) كه‌سا گیانێ خو ژ ده‌ست دا و ( 3 ) كه‌س برینداربوون ، لدیف راپورتا هاتن و چوونێ ئه‌گه‌رێ رویدانێ بو باران بارانێ و جاده ته‌حسینێ دزڤریت.
ئەڤرۆ نیوز،زنار تۆڤی:
وەزیرێ ناڤحۆیا نەمسا یوهانا مایکل لایتنەر ل ڤیەنا پایتەختێ وی وەلاتی د پرێس کونفرانسەکیدا ئەڤرۆ دادیارکرن، پێدڤیە ئەم بشێین جهەکێ زێدەتر بۆ پەنابەران پەیدا بکەین،هەروەسا دێ هەماهەنگیێ دگەل وەلاتێن جیران کەین،ژ پێخەمەت پتر هاریکاریکرنێ بۆ پەنابەران،ناڤهاتی گۆت ژی:ل سەر سنۆرێ وەلاتێ خوە مە رێوشوێنێن تۆند گرتینە بەر بۆ هندێ کو رێکێ ل بەر قەچاخچیان بگرین و ئەو قەچاخچی ل کیرێ بن ئەم دێ وان دەستەسەرکەین،چونکی ئامانجا مە یا سەرەکی نوکە پاراستنا گیانێ پەنابەرانە،لەورا رەوشا پەنابەران د ئاستەکێ خرابدایە،هەروەسا دیارکر،بۆ هەر کەیسەکا پەنابەران دێ ئەم مامەلەکا جۆدا دگەل کەین
ئه‌ڤرۆ نیوز، ئه‌یاد
رۆژناما (واشنتۆن پۆست) یا ئه‌مریكی د راپۆرته‌كا خوه‌دا به‌لاڤكریه كو وه‌لاتێن رۆژهه‌لاتا ناڤین دێ تووشی گرفته‌كا مه‌زن بیت ژبه‌ر زێده‌بوونا هژمارا په‌نابه‌رێن قه‌ستا وان وه‌لاتان دكه‌ن ژ ئه‌گه‌رێ شه‌ڕی ل سووریێ.
رۆژناما ناڤبرى ئاماژه دا وێ چه‌ندێ كو ل ده‌مێ جیهان هه‌موو گرنگیێ دده‌ته پرسا ده‌ربازبوونا ب هزاره‌ها وه‌لاتیێن سووری بۆ ئورۆپا، لێ گرفته‌كا كوورتر ل وه‌لاتێن رۆژهه‌لاتا ناڤین یا ئاشكرا دبیت ژ به‌ر كو ئه‌و وه‌لات یێن باجا سه‌رنه‌كه‌فتنا جیهانێ د دووماهی ئینانا شه‌ڕێ سووریێ دده‌ن.
واشنتۆن پۆست د وێ راپۆرتا خوه‌دا دیاردكه‌ت كو رێژا وان په‌نابه‌رێن گه‌هشتینه ئورۆپا گه‌له‌ك یا كێمه به‌راوردكرنن ل گه‌ل چار ملیۆن وه‌لاتیێن سووری ئه‌وێن ژ وه‌لاتێ خوه بۆ وه‌لاتێن توركیا، لبنان، ئوردن و عیراقێ ڕه‌ڤین، ئه‌ڤێ چه‌ندێ ژی سووریا كریه مه‌زنترین هنارده‌یا په‌نابه‌ران ل جیهانێ.
رۆژناما ئه‌مریكی دبێژیت، بۆ سالا پێنجێ ل سه‌ر ئێك، شه‌ڕ و كوشتن ل سووریێ د به‌رده‌وامن و كارتێكرنه‌كا مه‌زن ل وه‌لاتێن رۆژهه‌لاتا ناڤین یا كری د ده‌مه‌كی دا ئاژانسێن هاوارهاتنێ یێن مرۆڤایه‌تی نه‌هاتینه به‌رهه‌ڤكرن بۆ ره‌فتاركرنێ ل گه‌ل گرفته‌كا مرۆڤایه‌تی كو وه‌سا یا دیاره د ده‌مه‌كێ نێزیك دا ب دووماهی ناهێت.
ئه‌نتۆنیۆ جوتیریس رێڤه‌به‌رێ كۆمسیارا كاروبارێن په‌نابه‌ران یا سه‌ر ب نه‌ته‌وێن ئێكگرتی ڤه، ره‌خنه ل بزاڤێن دبلوماسی یێن ره‌فتارێ ل گه‌ل گرفتا سووری دكه‌ن گرتن و ب به‌رپرسیار زانین ژ به‌رده‌وامیا وێ گرفتێ و دیاركر كو شه‌ڕێ سووریێ 250 هزار كوشتی ل دووڤ خوه هێلاینه و 11 ملیۆن كه‌س ژی ده‌ربه‌ده‌ر بووینه و چو چاره ژی بۆ وی شه‌ڕی ددیار نینن.
ئەڤرۆ نیوز،زنار تۆڤی:
سۆبە رۆژا سێشەمبی دێ ماوێ بهێنڤەدانا هاڤینێ یا پەرلەمانێ کوردستانێ بدوماهی هێت و دێ خۆلا پاییزێ یا پەرلەمانێ کوردستانێ دەستپێکەت و دهێتە پێشبینی کرن کو سۆبەهی سەرۆکێ پەرلەمانی دگەل سەرۆکێن فراکسیۆنێن دناڤ پەرلەمانی دا کۆمبیت،ئەڤ کۆمبوونە دێ لسەر پرسێن هەرێمێ و چەندین پرۆژێن دی یێن گرنگ بیت،ل سەر رەوشا هەرێمێ.
ئه‌ڤرۆ نیوز:
شانده‌كێ حكومه‌تا هه‌رێمێ دێ سه‌ره‌دانا توركیا ده‌ت بۆ ڤه‌گوهاستنا ده‌ستهه‌لاتا ره‌فتاركرن ب داهاتێ نه‌فتا فروتیا هه‌رێمێ ژ وه‌زاره‌تا سامانێن سروشتى بۆ وه‌زاره‌تا دارایى.
بریاره رۆژا سێشه‌مبى، شانده‌كێ حكومه‌تا هه‌رێما كوردستانێ سه‌را توركیا بده‌ت و ل گه‌ل هالك بانك یا وى وه‌لاتى كوم ببیت و ده‌ستهه‌لاتا ره‌فتاركرنێ ب داهاتێ نه‌فتا فروتیا هه‌رێمێ ژ وه‌زاره‌تا سامانێن سروشتى ڤه‌گوهێزنه وه‌زاره‌تا دارایى و بۆ دانا موچێ هه‌یڤا 7 ئه‌ڤ بریاره دێ هێته بجهئینان.
نيشاندان