ئه‌ڤرۆ نيوز:
د روودانه‌كا ترفيكى دا ل جادا سه‌ره‌كى يا ئێتيتێ به‌رامبه‌ر زانكۆيا جيهان كه‌سه‌كى گيانێ خوه ژ ده‌ست دا و سێ كه‌س ژى بريندار بوون.
رائيدێ مافپه‌روه‌ر، بێوار عه‌بدولعه‌زيز، به‌رپرسێ راگه‌هاندنێ ل رێڤه‌به‌ريا به‌ره‌ڤانيا باژێرى بۆ ئه‌ڤرۆ نيوز گۆت: “ئه‌ڤرۆ سپێدێ ل سه‌ر جادا ئێتيت – دهۆك ترۆمبێله‌كێ خوه ل ستوونه‌كێ دا و د ئه‌نجام دا كه‌سه‌كى گيانێ خوه ژ ده‌ست دا و سێ ژى بريندار بوون”.
زێده‌تر گۆت: “پشتى ئه‌م هاتينه ئاگه‌هداركرن كو روودانه‌كا ترافيكێ يا په‌يدا بوويى، تيمێن به‌ره‌ڤانيا باژێرى ب گه‌هشتنه جهێ روودانێ و شيان سێ كه‌سان قورتال بكه‌ن، به‌لێ ب مخابنى ڤه كه‌سه‌كى گيانێ خوه ژ ده‌ست دابوو”.
ب گۆره‌يى ئه‌و پێزانينێن راديۆيا ترافيك به‌لاڤكرن شۆفێرێ ڤێ ترۆمبێلێ ل سه‌ر جادا سه‌ره‌كى يا ئێتيتێ به‌ر ب دهۆك ڤه دهات و له‌زاتيه‌كا زێده ب كار ئينايه و بوويه ئه‌گه‌رێ روودانێ.
ئه‌ڤرۆ نيوز، مه‌حمود نهێلى:
ب گۆره‌يى ئه‌و ژێده‌رێن ل ده‌ڤه‌رێ هه‌ين و ب چاڤ ديتين، ل ده‌ڤه‌رێن زێباريا و ب تايبه‌ت هه‌ردو گۆندێن سێده‌را و ئه‌رگۆنێ يێن سه‌ر ب قه‌زا ئاكرێ، فرۆكێن شه‌ركه‌رێن توركيا ئه‌و ده‌ڤه‌ر تۆپبارانكرن.
هێشتا نه‌هاتيه زانين كا چ زيانێن گيانى و مادى هه‌نه، لێ ئه‌ڤه ژ ده‌مژمێر 10:00 وه‌ره تۆپبارانكرن يا به‌رده‌وام بوو و نيڤ ده‌مژمێرێ ڤه‌كێشا و نوكه ئاگر يێ ب وان ده‌ڤه‌ران ڤه.
ئه‌ڤرۆ نيوز:
شڤێدى ل ده‌مژمێر 11ى شه‌ڤ دزيكه‌ر كه‌فتيه مالا دو رۆژنامه‌ڤانان و ب بهايێ نێزيكى پێنج مليۆن ديناران زيان گه‌هاندينێ.
رۆژنامه‌ڤان خه‌ليل كه‌مال د داخۆيانيه‌كێ دا بۆ ئه‌ڤرۆ نيوز راگه‌هاند كو شڤێدى دز كه‌فتينه مالا وان و زێر و پاره ژ مال دزينه و زيانێن ژى گه‌هاندينه مالێ.
زێده‌تر گۆت: “شڤێدى ده‌مژمێر 11ى شه‌ڤ ده‌ما ئه‌م ژ شه‌هيانه‌كێ ڤه‌گه‌رياين، چووينه مال مه ديت كو خانى يێ هاتيه شه‌لاندن، مه ژى ئێكسه‌ر په‌يوه‌ندى ب لايه‌نێن په‌يوه‌نديدار كر”.
دا زانين ژى كو ئه‌وان دزيكه‌ران هنده‌ك زێر و پاره ب بهايێ نێزيكى چار مليۆن ديناران برينه و گه‌له‌ك زيانێن دى ژى گه‌هاندينه مال كو دبنه نێزيكى پێنج مليۆن ديناران و زێده‌تر ژى.
هيڤى ژى ژ لايه‌نێن په‌يوه‌نديدار خواست كو ب زووترين ده‌م ئه‌و تاوانبار بهێنه ده‌سته‌سه‌ركرن و بگه‌هنه سزايێ خوه يێ عاديلانه.
خه‌ليل كه‌مال و سارا حاجى هه‌ردو هه‌ڤژين دو كارمه‌ندێن به‌رچاڤێن راديۆيا دهۆكن و د ماوێ بۆرى دا شياينه خزمه‌ته‌كا گه‌له‌ك پێش چاڤ د وارێ راگه‌هاندنێ دا پێش كێش بكه‌ن.
ئه‌ڤرۆ نيوز:
کچەکا ٢٥ سالی دلێ خوە بۆ ئەڤرۆ ڤەدکەت و دبێژیت: گەنجەک بخۆ دبێژیتە من و دخوازیت شوو پێ بکەم، لێ نەشێم رازی ببم ، ژبەرکو بەری ھینگێ حەز ژ ھەڤالا من دکر و ھێلا، لەوا من باوەری پێ نینە نزا دێ چەوا شوو ب وی کەم، دترسم ڤێ چەندێ ب سەرێ من ژی بینیت، یان ژی ل پاشەڕۆژێ ئەڤینا وی یا بەرێ کارتێکرنێ ل ھزرێن من بکەت و ببیتە ئەگەرێ ناکۆکیێ د پەیوەندیا مە یا ھەڤژینیێ دا یان ژی ئەو ل ئەڤیندارا خوە یا دەستپێکێ بزڤڕیت. لەوا ھیڤیدارم ھاریکاریا من بکەن کا بھێلم یان رازی ببم؟.
کچا ھێژا:
ئەو ھزرێن نوکە د سەرێ تە دا بێگومان کارتێکرنەکا نێگەتیڤ دێ ل سەر ژیانا ھەڤژینیێ کەن کو باوەری ھەر ژ نوکە تە ژدەست دا کو ئەو تشتەکێ ھەری گرنگە د پەیوەندیا ھەڤژینیێ دا. بزانە ھندەک جارا گەنج ئەڤێ رەفتارێ دکەن وەک ئینتقام ژ ھەڤالا خوە کو حەز ژ ھەڤالا وێ دکەت و بێگومان پێکئینانا خێزانێ ل سەر ڤی بنەمای پاشەرۆژەکا باش نابیت ژبەر کو ھەردەم دێ تووشی نیگەرانیێ بن. ئەڤجا ئەڤینیا دروست ب ڤی رەنگی نینە و وەسا ب ساناھی ناھێتە گۆھۆڕین و ب دیتنا مە کارەکێ ب زەحمەتە.
پۆ په‌يوه‌نديكرنێ ب گۆشا دلێ خوه ڤه‌كه په‌يوه‌نديێ ب ڤێ ژمارا تله‌فۆنێ بكه: 07503404123
ئه‌ڤرۆ نيوز:
ئێك ژ كێشێن بێزاركه‌ر يێن ئاميرێن ژير ب گشتى زوو ته‌مامبوونا پاتريا وايه، كۆمپانيه‌كا بريتانى د بزاڤا چاره‌كرنا ڤێ كێشێ دايه و بۆ ڤێ مه‌ره‌مێ ژى كار ل سه‌ر پاتريه‌كا نوو دكه‌ت، كو ماوێ حه‌فتيه‌كێ كار بكه‌ت.
كۆمپانيا “Intelligent Energy”یا بریتانی ب سه‌ركه‌فتى پاتريا دوستا ژينگه‌هێ به‌رهه‌م ئينا كو پشتى پڕكرنێ به‌هرا حه‌فتيه‌كێ دكه‌ت.
ئه‌ڤ كۆمپانيه‌ك ل گه‌ل كۆمپانيا ئه‌پل يا ئه‌مريكى گه‌هشتيه رێكه‌فتنه‌كا ده‌سپێكى بۆ دابينكرنا ڤێ ته‌كنولۆجيێ د ئاميرێ ئايفۆن شه‌ش دا و دابينكرنا وێ و ب كار ئينانێ.
ئه‌ڤ پاتريا نوو يا ڤێ كۆمپانيا بريتانى پشت به‌ستنێ ل سه‌ر هايدرۆجين و ئوكسجينێ دكه‌ت بۆ ب ده‌ستڤه‌ئينانا به‌رهه‌مێ وزا كاره‌بێ.با.
نيشاندان