ئه‌ڤرۆ نيوز:
جەژنا سەری سالا ئێزدیان ئێکە ژ کەڤنترین جەژنێن ئێزدیایە دکەڤیتە دچارشەمبیا ئێکێ دا ژ مەھا نیسانێ ب ھژمارا رۆژھەلاتێ ئه‌ڤرۆ 15ى نيسانێ رێورەسمین جەژنا سەری سالێ دەست پێ دکەن، ژنەک ژی دبێژیت ئیزدی بەرھەڤیێن مەزن بۆ گێرانا ڤێ جەژنی دکەن لێ ئەڤ سالە خوە مە جل وبەرگ بۆ زارۆیێن خوە نەکرینە ھەر دەمێ ئەم ڤەگەریانە سەر مال و ملكێن خوە دێ دەست ب گێرانا جەژنێن خوە کەین.
فاتیما ئیبراھیم ژنەکا ئاوارا ئێزدیە بۆ ئەڤرۆ دیارکر کو ھەموو خێزانێن ئێزدی بەری نوکە بەرھەڤیێن مەزن بۆ گێرانا ڤێ جەژنێ دکرن لێ ئەڤ سالە خوە مە جل وبەرگ ژی بۆ زارۆیێن خوە نەکرینە ھەر دەمێ ئەم ڤەگەریاینە سەر مال ومولگێن خوە دێ دەست ب گێرانا جەژنێن خوە کەین چونکو نوکە ئەم ئاوارەینە رێڤەبرنا ژیانی یا زەحمەت ئەم داخوازی دکەین ژن و زارۆ و کچێن رەڤاندی ژ دەستێن تیرۆرستان بھێنە رزگارکرن و دەڤەرێن مە ژێ بھێنە ئازادکرن بتنی رزگارکرنا دەڤەرێن مە و ئازادکرنا خەلکێ مە یێ رەڤاندێ دێ بیتە خوشترین جەژن بۆ ئێزدیان.
بابی چاویش خزمەتکارێ پەرستگەھا لالش بۆ ئەڤرۆ دیارکر کو ئەڤ سالە رێ ورەسمێن چەزنا سەرێ سالێ ناھێنە ساخکرن چونکو ھەرێما کوردستانێ یا د بارودوخەکێ تایبەت دا دژی تیرۆرستێن داعش شەری دکەت و خەلکێ مە ژی ئاوارەنە ھەکە مروڤ ل ناڤ خانیێ خوە دا نەبیت بزەحمەت بشێت جەژنێ بکەت ئەم داخوازێ ژ حکومەتا ھەرێما کوردستانێ دکەین ھەموو دەڤەرێن مە ئازاد بکەت دا کو وەلاتیێن مە ڤەگەرنە سەر مال و مولگێن خوە و کەسێن گرتی ژ ناڤ دەستێن تیرۆرستێن داعش دا بھێنە رزگارکرن.
خزمەتکارێ پەرستگەھا لالش دبێژیت: ژبەر پووتە پێدانا ئێزدیان ب سروشتی ژبۆ پاراستنا ھەموو رووەکا د ڤێ ھەیڤێ دا دەمێ ڤەژین و گەشەکرنا ھەموو گیاندارایە لەورا ژی ئێزدی پیروزیا ڤی ھەیڤێ د پارێزن ئەردی ناکۆلن وبووک ڤەگوھاستن ژی ڤێ ھەیڤێ دا نینە، ئیزدیا چەندین رێورەسمێن تایبەتێن گرێدایی ڤێ جەژنێ دگێرن وەکو ئێڤاریا جەژنێ ل پەرستگەھا پیروزا لالش فتیل و چرایا ل سووکا مەعریفەتێ ل بەر نێشانگەھێن خاس وچاکا ڤێدخێن دیندار و قەولزان قەول و بەیتا ب رێز دکەن وسەما ژی تێتە کێشان ل پەرستگەھا لالش.
ناڤبری ئاماژە دا وی چەندێ کو ھەر ئێڤاریا جەژنی زارۆ و گەنج قەستا ھاوری گوندو باژێرا دکەن کولیلکێن نێسانێ و ب ناڤێ (کاریێ) دئینن وکابانیێن مالا ھیکا دکەلینن ورەنگ ورەنگ دکەن ھەر وەسا ژی کابانیێن مالا سەوکا دپێژن ب سەر ئیکدو دا بەلاڤ دکەن زێدەباری چەندین رێورەسمین دی.
بابی چاویش گۆت: ل رۆژا جەژنێ ژی ھەر ئێزدییەک بەری رۆژھەلاتێ دەست وچاڤیێن خۆە ب خۆناڤێ جوان دکەت و خەلک مال ب مال دگەرن بۆ پیروزکرنا جەژنا ئێکدو دگەل رۆژھەلاتی کابانیبَن مالا قەفتکەکا کولیلکێن نێسانی زگیایێ بیناڤێ دگەل قالکێن ھێکێن رەنگ ورەنگ ب ھەڤیری وھندەک ژی ب ئاخی سەرەدەریێ مالا وخانیان ڤەدکەن دڤێ رۆژێ دا پەزی نادۆشن وبیچیکا بەرددەنە بەر ماکا لێ ئەڤ سالە ئەڤ رێ و رەسمێن چەزنێ ب ڤێ شێوەیی ناھێنە گێران ئەم داخوازێ ژ حکومەتا ھەرێمێ و ھەموو ریکخراوان دکەین کار بکەن بۆ ئازادکرنا کچ و ژن و زارۆیێن ھەتا نوکە ماین ناڤ دەستێن تیرۆرستین داعش دا.
خزمەتکارێ پەرستگەھا لالش دیارکر کو نە کولانا ئەردی د مەھا نیسانێ دا ھەموو کەسکاتی دەست ب گەشبوونێ دکەت لەورا ژی ئێزدی ڤی ھەیڤێ دا ئەردی ناکولن ب گونەە دزانن ھەتا کو جوانترین روویێ ئەردی بخەملیت و ئێزدی بووکا ژی مەھا نیسانێ دا ناڤەگوھیزن چونکو مەھا نیسانی ب خوە بووکا سالیێە و چو بووکا دسەر خۆ را قبوول ناکەت وشکاندنا ھێکی ژی نیشانا پژقینا دوڕیێە وکەلاندنا ھیکێ ژی نیشانا مەیین و جەبرینا ئەردیە ورەنگ و رەنگ کرنا ھیکێ ژی رامانا خەملینا ئەردی ددەت و بەلاڤکرنا سەوک وھیکا ب سەر ئێکدو دا مەرەم ژی تێکەلبوونا نانی و مۆکومکرنا براینیێیە و پرت پرتکرنا گوپالێ شڤانی ژی وھەلاویستنا وی ب مەشکی ڤە بۆ خێر و بەرەکەتێ.
تێبينى: وێنه ب رێيا گۆگلى هاتينه ده‌رخستن.
ئه‌ڤرۆ نیوز:
ب فه‌رمى جان ئۆبلاكى گولچیێ ئه‌تله‌تیكو مه‌درید بۆ باشترین یاریكه‌رێ یاریا د ناڤبه‌را ئەتلەتیکۆ مەدرید و ریال مەدرید.
گولچیێ ئه‌تله‌تیكو مه‌درید شیا چه‌ندین ته‌پێن مه‌ترسیدار یێن ریال ڤه‌گه‌رینیت، له‌وما ب باشترین یاریكه‌ر هاته ده‌ستنیشانكرن، ل دووڤ راپۆرتا شیكارى یا مالپه‌رێ كوره، ب تنێ د گێمێ ئێكێ دا، گولچیێ ئه‌تله‌تیكو شیا 6 ده‌لیڤێن گولكرنێ یێن مسوگه‌ر یێن ریال ڤه‌گه‌رینیت.
ل یاریا چوونێ یا قوناغا هه‌شتێ یا چامپیۆنز لیگ، هه‌ردو یانه ئەتلەتیکۆ مەدرید و ریاڵ مەدرید روى ب روى ئێك بوون و يارى ب ئه‌نجاامێ 0-0 ب دووماهى هات .
ئه‌ڤرۆ نیۆز، سالار دۆسكى:
رێڤه‌به‌رێ گشتیێ كه‌نالێ(دلستان)یێ ئه‌سمانى ئاشكراكر كو ب پشته‌ڤانیا كۆمپانیێن كه‌رتێ تایبه‌ت، پشتى رازیبوونا فه‌رمانگه‌هێن ئێمناهیێ و په‌یوه‌ندار وه‌رگرتى ب ژڤانن ته‌له‌ڤزیۆنه‌كا ئه‌سمانى یا هه‌مه‌ره‌نگ ل باژێرێ دهۆك ڤه‌كه‌ن.
به‌ده‌ل دۆسكى، رێڤه‌به‌رێ گشتیێ كه‌نالێ(دلستان)یێ ئه‌سمانى بۆ مالپه‌رێ ئه‌ڤرۆ نیۆز گۆت: رازیبوونا وه‌زاره‌تا ره‌وشه‌نبیرى و هونه‌رى و دیسان ئاسایشا گشتى مه وه‌رگرتیه، ب ژڤانین ئه‌ڤ كه‌ناله ل سه‌نته‌رێ باژێرێ دهۆك ده‌ست ب كارێن خوه بكه‌ت.
به‌ده‌ل دۆسكى گۆت: ئه‌ڤ كه‌ناله دێ ره‌وشه‌نبیرى هونه‌رى هه‌مه‌ره‌نگ بیت و دێ گرنگیێ ده‌ینه دراما كوردى و ئه‌ڤه ژبه‌ر هندێ هه‌تا نوكه مه چ كه‌نال نین گرنگیێ بده‌نه دراما كوردى، دێ كاركه‌ین خزمه‌تا دراما كوردى بهێته‌كرن و هونه‌رێ كوردى بگشتى و یێ ده‌ڤه‌رێ ب تایبه‌تى.
ل دووماهیێ به‌ده‌ل دوسكى گۆت: كه‌نالێ مه یێ سه‌ربه‌خۆیه و سه‌ر ب چ ئالیێن سیاسى ڤه نینه.
ئه‌ڤرۆ نيوز:
ھەڤپەیڤینا مەسوود بارزانی سەرۆکێ ھەرێما کوردستانێ یا ل گەل بەرنامەیا ھەڤپەیڤینا رۆژێ (لقاء الیوم)، پێشكێشكرنا (ئهحمهد زاویتەیی) یا تەلەڤزیۆنا جه‌زيره ل 14ى نيسانا 2015ێ.
سه‌رۆكێ هه‌رێما كوردستانێ سۆپاسيا گه‌لێ كوردستانێ كر بۆ خوراگريا وان به‌رامبه‌ر بڕيارا بڕينا بۆدجه‌يى، ره‌تژى كر كو پشتى ب دووماهى هاتنا شه‌رێ داعش پێشمه‌رگه ژ ده‌ڤه‌رێن كوردستانى يێن ده‌رڤه‌يى ئيدارا هه‌رێمێ ڤه‌كێشن و گۆت: “پێدڤيه راپرسى ل وان ده‌ڤه‌ران بهێته كرن و رێز ل بڕيارا خۆجهيێن وان ده‌ڤه‌ران بهێته گرتن”.
ئه‌ڤرۆ نیۆز: ڤه‌ده‌ر ره‌شاڤایی:
ئه‌ندام په‌رله‌مانێ ئیراقێ د لژنا دارایی یا جڤاتا نوونه‌رێن ئیراقی دا حه‌یده‌ر مه‌سعود دبێژیت: نها رۆژانه ب ملیۆنا دۆلاران د شه‌رێ دژی رێكخستیا تیرۆرییا داعش دا دهێنه مه‌زاختن و ئه‌ڤ تێچوونه د زێده‌بوونێ دایه.
لدووڤ هه‌لسه‌نگاندنا لژنا داراییا په‌رله‌مانێ ئیراقێ، د ئێك رۆژ دا 10 ملیۆن دۆلار د ڤی شه‌ری دا دهێنه مه‌زاختن.
مه‌زاختنێن سه‌ربازی یێن وه‌زاره‌تا ناڤخۆ و وه‌زاره‌تا به‌ره‌ڤانییا ئیراقی 25% ژ بۆدجێ ئیراقێ یه، بتنێ بۆ حه‌شدا شه‌عبی د بۆدجا سالا 2015 ێ یێ ئیراقێ دا 2.179 ترلیۆن دینار هاتنه مه‌زاختن.
ئه‌ڤرۆ نیۆز، قائید میرۆ
گه‌نجه‌كێ ناحیا شیلادزێ ئه‌ڤه هه‌یاما چه‌ند رۆژانه ل چیایه‌كێ ده‌ڤه‌را مزیری ژووریا یێ به‌رزه‌یه و ژێده‌ره‌كێ ئاگه‌هدار ژی دبێژیت، گومان هه‌یه ژلایێ په‌كه‌كێ ڤه هاتبیته ده‌سته‌سه‌ركرن.
كه‌سه‌كێ ئاگه‌هدار ژ روودانێ ب ئه‌ڤرۆ نیۆز راگه‌هاند” گه‌نجه‌كێ ئاكنجیێ ناحیا شیلادزێ بناڤێ ئهحمهد عه‌شقی مزیری، به‌ری چوار رۆژان ل ده‌ڤه‌را مزیری ژووریا دگه‌ل هه‌ڤاله‌كێ خوه ب مه‌ره‌ما چنینا گیایێ بهارێ چوویه چیایێ هۆكل، به‌لێ هه‌تا نوكه چاره‌نڤیسێ وی دیارنینه.
ژێده‌ری گۆتژی” ئهحمهد چو ئاریشه نه‌بووینه و هه‌ڤالێ وی ڤه‌گه‌ڕیایه، ئه‌ڤه دو رۆژه كه‌س و كارێن وی ل چیاینه، به‌لێ چو ئه‌نجام نینه و گومان دهێته‌كرن ژلایێ چه‌كدارێن په‌كه‌كێ هاتبیته ده‌سته‌سه‌ركرن، ژبه‌ركو تنێ په‌كه‌كه ل ده‌ڤه‌رێ هه‌یه.
ئه‌ڤرۆ نیوز:
حه‌یده‌ر عه‌بادى سه‌رۆك وه‌زیرێن عیراقێ و شاندێ ل گه‌ل دا، ل گه‌ل باراك ئوباما سه‌رۆكێ ئه‌مریكا ل كوچكا سپى كومبوو.
د به‌یاننامه‌كێ دا نڤیسینگه‌ها سه‌رۆك وه‌زیرێن عیراقێ ئاماژه ب وێ یه‌كێ كریه كو حه‌یده‌رعه‌بادى و ئوباما د كومبوونێ دا ره‌وشا نوكه یا عیراقێ و ده‌ڤه‌رێ شروڤه‌كریه و رژدى ل سه‌ر به‌رفره‌هكرنا په‌یوه‌ندیێن هه‌ردو ئالیان هاتیه كرن و دیسا به‌یاننامێ ئاماژه ب وێ یه‌كێ كریه كو ئوباما پشته‌ڤانیا خوه بۆ بۆ عیراقێ دیاركر بۆ ژناڤبرنا تیرورێ.
ئه‌ڤرۆ نیوز:
ئه‌ڤرۆ مه‌سعود بارزانى سه‌رۆكێ هه‌رێما كوردستانێ سه‌رپه‌رشتیا كومبوونه‌كا هه‌ڤپشك یا هه‌ردو مه‌كته‌بێن سیاسى یێن پارتى دیموكراتى كوردستان و ئێكه‌تیا نیشتمانیا كوردستانێ كر.
د كومبوونێ دا به‌حسێ ره‌وشا سیاسى یا عیراقێ و هه‌رێما كوردستانێ و شه‌رێ تیرورستێن داعش و سه‌ركه‌فتنا هێزێن پێشمه‌رگه‌ى كر.
هه‌روه‌سا د پشكه‌كا دى یا كومبوونێ دا به‌حسێ ره‌وشا ناڤخویا كوردستانێ و په‌یوه‌ندیێن د ناڤبه‌را هێزێن سیاسى یێن كوردستانێ كر و رژدى ل سه‌ر پاراستنا ده‌ستكه‌فتێن گه‌لێ كوردستانێ كر ل بن سیبه‌را ئێكرێزى و ته‌بایى یا د ناڤبه‌را لایه‌نێن كوردستانى دا بده‌ستڤه هاتى.
نيشاندان