ئه‌ڤرۆ نيوز، ناجی به‌ده‌ل:

ئه‌ندامێ جڤاتا نوونه‌رێن عیراقێ محسن ئوسمان بۆ ئه‌ڤرۆ نیوز دیاركر كو ل شه‌شێ ئه‌ڤێ مه‌هێ ل چیایێ قه‌ندیل بووم و ل گه‌ل جه‌میل بایك ئاخفتین و دیار دبوو ژ گوتنێن وان ئه‌وێ نێزیك دبن ژ هه‌وا پرۆپاكندا هه‌لبژارتنان ل توركیا و دڤێت هنده‌ك پێنگاڤان بهاڤێژن.

محسن ئوسمان ئه‌و چه‌نده‌ ژی دیاركر كو ئه‌ڤی شه‌رێ داویێ یێ ل گه‌ل داعش و شاندنا پێشمه‌رگه‌يی بۆ كوبانێ و ئێك هه‌لویستیيا كوردان شیا ل هه‌مبه‌ری ئه‌وێ هیزا هوڤانه‌ يا داعش راوه‌ستیت و هه‌موو هێزێن له‌شكرى یێن هه‌رێمێ و ده‌رڤه‌يی هه‌رێمێ یێن كوردی پشكدارى تێدا كرن .

ئه‌و چه‌نده‌ ژی دیاركر كو د دانوستاندنێن خوه‌ دا ل گه‌ل قه‌ندیل گۆت: “ل هه‌ڤكاریكرنا نهایا دهێته‌كرن نابیت ببيته‌ مایتێكرن د كاروبارێن ئه‌وان ده‌ڤه‌ران دا، ئه‌ڤه‌ ب خوه‌ دێ ئاریشه‌ هێنه‌ درۆستكرن”.

گۆتژى: “هه‌بوونا هه‌ر هێزه‌كا باشووری ژ ده‌رڤه‌ی سنورێن وێ دو تشتان ب خوه‌ ڤه‌ دگریت هاریكاریا مه‌ یا له‌شكری و ئه‌زمونی بكه‌ن لێ نابیت ب چ ره‌نگه‌كى مایتێكرن بهێته‌كرن و ئه‌ڤه‌ ناهێته‌ قه‌بولكرن و ئه‌و داخویانیا هاتیه‌ داین ل سه‌ر گه‌ریلایێن په‌كه‌كێ ل چه‌ند جهه‌كێن دیاریكری ل گه‌ل پێشمه‌رگه‌یێ كوردستانێ هه‌ین پتر فشار و پرۆپاكنده‌یه‌كه‌ بۆ 7 مه‌ها 6 كو دێ هه‌لبژارتن ل باكورێ كوردستانێ هێنه‌كرن و كاره‌كێ راگه‌هاندنێ یه‌ ل بڕیارێن سیاسی ناهێته‌ بجهـ ئينان و ئه‌و ب خوه‌ دێ زه‌ره‌ر مه‌ند بن”.

ئه‌ڤرۆ نيوز:

جه‌بار ياوه‌ر ئه‌ميندارێ گشتى يێ وه‌زاره‌تا پێشمه‌رگه‌ى رادگه‌هينيت كو وان چ پێزانين ل سه‌ر ئازادكرنا وان پێشمه‌رگێن ده‌سته‌سه‌ركرى نينن كو چه‌ند ده‌زگه‌هێن راگه‌هاندنێ به‌حسێ ئازادكرنا وان كرى.

جه‌بار ياوه‌ر دياركريه‌: ب فه‌رمى چ پێشمه‌رگه‌كێ ده‌سته‌سه‌ركرى ل بن ده‌ستێ داعش نه‌هاتيه‌ ئازادكرن، ئه‌وا به‌لاڤبووى ب تنێ پرۆپاكنده‌نه‌.

چه‌ند ده‌زگه‌هێن راگه‌هاندنێ به‌لاڤ كربوون كو چه‌ند پێشمه‌رگێن ده‌سته‌سه‌ركرى د ده‌ستێ داعش دا، به‌رامبه‌ر ئازادكرنا چه‌ند داعشێن ده‌ستێ پێشمه‌رگه‌ى دا، هاتينه‌ ئازادكرن.