ئه‌ڤرۆ نيوز، نيوار محه‌مه‌د سه‌ليم:

به‌رپرسێ ئه‌زمونان ل په‌روه‌ردا دهۆك رۆژهه‌لات راگه‌هاند كو ژڤانێ ئه‌زموونێن دووماهيا وه‌زێ دويێ يێن خولا ئێكێ يێن قووناغا 12 ئاماده‌يى هاتنه‌ دياركرن.

نزار عه‌لى، به‌رپرسێ ئه‌زمونان ل په‌روه‌ردا دهۆك رۆژهه‌لات، گۆت: “ئه‌زموونێن دووماهيا وه‌زێ دويێ يێن خولا ئێكێ يێن قووناغا 12 ئاماده‌يى يێن سالا خواندنێ 2014-2015 دێ ل 16\4\2015 هێنه‌ ئه‌نجام دان”.

به‌رپرسێ ئه‌زمونان ل په‌روه‌ردا دهۆك رۆژهه‌لات زێده‌تر گۆت: “ئه‌زموونێن قووناغێن دژى دێ ب گۆره‌يى وى خشتێ د سالناما وه‌زاره‌تا په‌روه‌ردێ دا هێنه‌ ئه‌نجام دان”.

نزار عه‌لى دا زانين ژى كو ئه‌زموونێن گشتى و نشتيمانى دێ ل ده‌مێ ده‌ستنيشانكرى بن ئه‌وێ د سالناما وه‌زاره‌تا په‌روه‌ردێ دا هاتينه‌ دياركرن.

ئەڤرۆ نیوز:

رێڤەبەریا گشتیا کەشناسیێ ل ھەرێما کوردستانێ راگەھاند کو سوبەھی دێ ب درێژاهيا ده‌مى ئه‌ور بيت و ل هنده‌ك ده‌ڤه‌ران ژى باران باريت و ل هنده‌ك ده‌ڤه‌ران ره‌وشا سه‌قايێ سوبه‌هى ژى دێ ل گه‌ل بن و هنده‌ك ده‌ڤه‌رێن چيايى ژى ئه‌گه‌رێن به‌فر بارينێ يێ هه‌يى.

پشکا پێشبینیان ل رێڤەبەریا گشتیا کەشنایا ھەرێمێ راگەھاند کو ژ ئەنجامێ به‌رده‌واميا فشارێن وه‌لاتێ توركيا كو هه‌وايه‌كێ سار ل گه‌ل دايه‌ بۆ ل سەر ھەرێما کوردستانێ ئەو پێشبینی دکەن کو سوبەھی رێکەفتی 2015.3.25 دێ ب درێژاهيا ده‌مى ئه‌ور بيت و ل هنده‌ك ده‌ڤه‌ران ژى باران باريت و ل هنده‌ك ده‌ڤه‌ران ره‌وشا سه‌قايێ سوبه‌هى ژى دێ ل گه‌ل بن و هنده‌ك ده‌ڤه‌رێن چيايى ژى ئه‌گه‌رێن به‌فر بارينێ يێ هه‌يى

رێڤەبەریا گشتیا کەشناسیێ ل ھەرێما کوردستانێ ئاشکەرا ژی کریە کو پلا گەرماتیێ دێ بلند بيت وەکو ھەڤبەرکری بیت ل گەل رۆژێن بەری نوکە ب رەنگەکی د ناڤبەرا 13 بۆ 8 دا.

ل دۆر پێشبینیا رێژا ھەوایی و مەودایێ دیتنێ ژی دایە زانین کو دێ ئاراستەیێ وی دێ باكوورێ رۆژهه‌لات بیت ب رەنگەکی دێ ل سه‌رخۆ بیت د ناڤبەرا 5 بۆ 15 کلم د دەمژمێرەکێ دا و ماوێ دیتنێ ژی دێ 8 بۆ 9 کلم دا بیت.