ئه‌ڤرۆ نیوز:
جه‌بار یاوه‌ر ئه‌میندارێ گشتى یێ وه‌زاره‌تا پێشمه‌رگه‌ى راگه‌هاند وه‌زاره‌تا دارایى و ئابوورى یا حوكمه‌تا هه‌رێما كوردستانێ ئه‌ڤرۆ رۆژا پێنجشه‌مبى بریاردا مووچێ وه‌زاره‌تا پێشمه‌رگه‌ى به‌لاڤ كه‌ت.
ژ ئالیێ خوه‌ڤه خه‌تاب ئیسماعیل رێڤه‌به‌رێ گه‌نجینا هه‌ولێر دیاركر كو ئه‌ڤرۆ وان ده‌ست ب به‌لاڤكرنا مووچێ پێشمه‌رگه‌ى كر.
ئه‌ڤرۆنیۆز، سالار دۆسكى:
سالانه ل 21 نه‌ورۆزێ و ب هه‌لكه‌فتا سه‌رێ سالا كوردى، ئاگرێ نه‌ورۆزێ ل شه‌ڤا 20 ل سه‌ر 21 ێ دهێته هلكرن و لدووڤ زانیاریێن ده‌ست ب ئه‌ڤرۆ كه‌فتین ئه‌ڤ ساله دێ هه‌لكرنا ئاگرى ل پارێزگه‌ها دهۆك جوداهى هه‌بیت.
تارق تاها به‌رپرسێ لقێ دهۆك یێ ئێه‌تیا قوتابیێن كوردستانێ بۆ ئه‌ڤرۆ نیۆز گۆت: هه‌ر سال ب هه‌لكه‌فتا هاتنا جه‌ژنا نه‌ورۆزێ و سه‌رێ سالا كوردى، وه‌ك ئێكه‌تیا قوتابیان كوردستانێ رێوره‌سمێن هلكرنا ئاگرى ژ باره‌گایێ قوتابیان ده‌ست پێدكرن، ئه‌ڤ ساله بڤى ره‌نگى نابیت، ئه‌ڤ ساله رێوره‌سم جودانه ژ سالێن بورى ، ئاگرێ نه‌ورۆزێ وه‌ك ئێكه‌تیا قوتابیان دێ هه‌لكه‌ت و ب ئاماده‌بوونا هه‌ر ئێك ژ ئێكه‌تیێن ئافره‌تان، لاوان و ب پشكداریا پارێزگه‌رێ دهۆك (فه‌رهاد ئه‌مین).
تارق تاها دیسان گۆت: سالانه ئاهه‌نگ دهاتنه‌گێران بڤێ هه‌لكه‌فتێ دیسان ئه‌ڤ ساله هه‌ر چ ئاهه‌نگ ژى نابن و ناهێنه‌گێران، بتنێ ئاگرێ سه‌ركه‌فتنێ یێ نه‌ورۆزێ وه‌ك تیره‌ك بۆ ناڤ چاڤێ دوژمنى دێ هێته هلكرن و گۆت: ب مه‌ره‌ما پشته‌ڤانیا هێزێن پێشمه‌رگێ كوردستانێ ل گه‌ل هه‌لكرنا ئاگرێ نه‌ورۆزێ دێ دروشمێن ئه‌م هه‌موو پێشمه‌رگه‌ینه هێنه بلندكرن و پشته‌ڤانى بۆ پێشمه‌رگه‌ى دێ هێته دووپاتكرن.
ئه‌ڤرۆ نیوز، ناجی به‌ده‌ل:
ئارام بالایی ماموستایێ زانستێن سیاسی ل زانكویا نه‌ورۆز بو ئه‌ڤرۆ نیوز دیاركر خوڤه‌كێشان ژ گوره‌پانا سیاسی یا عیراقێ ژلایێ كوردان ڤه و ئه‌ڤ هزره ل كه‌توارێ ئه‌ڤرۆیا عیراق تێدا نه یا واقعی یه و هێشتا ئه‌مریكا پێدڤی ب به‌ره‌یه‌كێ ئیكگرتی ل شه‌رێ دژی تیرۆرێ و داعشێ هه‌یه و بلا ژ بیر نه‌كه‌ین كورد نوكه نێزیكترین هه‌ڤپه‌یمانا ئه‌مریكایه و ڤه‌كێشاندنا كورد به‌حس دكه‌ن، دبیت بو درۆستكرنا فشاره‌كی بیت ل سه‌ر ده‌سه‌لاتدارێن به‌غدا.
ناڤبری ئه‌و چه‌نده ژی دیاركر هه‌كه كورد خو ژ گوره‌پانا سیاسی ژی ڤه‌كێشن دێ ئه‌و ڤه‌كێشاندنه ب ئاوایه‌كی ده‌مكی بیت هه‌تا هه‌مو ئالییێن سیاسی بگه‌هنه ریكه‌فتنه‌كا نو چونكو ئه‌مریكا یا پێگیره هه‌مو ئالیان كوم بكه‌ت ل سه‌ر ریكه‌تنه‌كێ كو عیراق وه‌ك ده‌وله‌ت و وه‌ك پرۆسیسا سیاسی نه‌هێته هه‌لوه‌شاندن.
ئه‌ڤرۆ نیوز: ڤه‌ده‌ر ره‌شاڤایی:
هشیار زێباری وه‌زیرێ داراییا حكومه‌تا ئیراقێ راگه‌هاند دێ حكومه‌تا ئیراقێ د ماوێ چه‌ند رۆژێن بهێت یێن كێمدا موچه‌یێن هه‌رێمێ هنێریته هه‌ولێرێ، و ئه‌و ده‌نگۆ ره‌تكرن یێن باسێ ژناڤچوونا رێكه‌فتنا په‌ترۆلێ یا هه‌ولێر و به‌غدا دكر.
زێباری بۆ ئاژانسا رۆیته‌رز راگه‌هاند كو گیرۆكرنا هنارتنا 1 ملیار دۆلاران ژ به‌غدا بۆ هه‌ولێرێ به‌رامبه‌ر په‌ترۆلا هه‌رێمێ ژ ئه‌گه‌رێ قه‌یرانا ئابوری بوویه و چ ئه‌گه‌رێن سیاسی ل پشت نه‌بووینه و هه‌ردو ئالی هێشتا پێگیری رێكه‌فتنێ نه .
زێباری رازینه‌بوو كۆژمه‌یێ ده‌ستنیشانكریێ كو دێ چه‌ند رۆژێن بهێت هێته هنارتن ئاشكرا بكه‌ت.
ئه‌ڤرۆ نیوز:
ئه‌ڤرۆ وه‌زاره‌تا خواندنا بلند و ڤه‌كولینێن زانستى رێنمایێن نوو بۆ خواندنا دكتورایێ ل زانكۆیێن حكومى یێن هه‌رێما كوردستانێ ده‌ركرن.
بۆ پێزانینێن زێده‌تر ڤى لینكى ڤه‌كه‌ن
ئه‌ڤرۆ نیوز:
ل دووڤ به‌یاننامه‌كا سه‌رۆكێ ئه‌نجومه‌نێ نوونه‌رێن عیراقێ ئه‌ڤرۆ سه‌لیم جبورى ل سه‌لاحه‌دین ل گه‌ل مه‌سعود بارزانى سه‌رۆكێ هه‌رێما كوردستانێ دانوستاندن ل دۆر پرسێن سیاسى و ئێمناهیێ و دووماهى به‌رهه‌ڤى بۆ ئازادكرنا مووسل ژ ده‌ستێ چه‌كدارێن داعش كر و دیسا به‌حسێ میكانزما ڤه‌حه‌واندنا ئاواران كر بۆ ده‌ڤه‌رێن ئازادكرى، پشتى شه‌رێ كونترولكرنا مووسل ده‌ستپێدكه‌ت.
نيشاندان