ئه‌ڤرۆ نیوز:
نووترين نووچه
- بنگەهێ لالش خزمەتەكا بەرچاڤ یا جڤاكێ ئێزدیاتیێ كریە
- مەسرور بارزانی: پێدڤییە بەرپرسێن پارتی زێدەتر خزمەتا خەلكی بكەن
- هیڤیدارین حوكمەتا فیدرال مووچەی نەكەتە پرسەكا سیاسی
- بەغدا مووچەی وەك كارەتەكا فشارا سیاسی بەرانبەر هەرێما كوردستانێ ب كار دئینیت
- مافێ چارەنڤـیس، مافـەكێ سروشتیێ نەتـەوەیا كـوردە
- نێچیرڤان بارزانی ب فەرمی بۆ وەلاتێ قەتەرێ دهێتە ڤەخواندن
- نێچیرڤان بارزانی و مەسرور بارزانی پیرۆزباهیێ ل شیرەتكارێ نوو یێ ئەلمانیایێ دكەن
- سەرۆكێ حوكمەتا هەرێمێ دوپاتیێ ل بهێزكرنا پەیوەندییان ل گەل هندستانێ دكەت
- خسرۆ گۆران: روودانێن دەڤەرێ كاریگەری ل سەر هەلبژارتنێن ئیراقێ نابیت
- نێزیكی 50 هزار تیرۆرست و كەسوكارێن وان مووچەیێ شەهیدان ژ حوكمەتا ئیراقێ وەردگرن
سه‌ره‌كى Facebook
هەوا کوتاندنا مریشکا ل دەڤەرا بەرواری بالا دەستپێکر
ئەڤرۆ نیوز،زنار توڤی:
ئەڤرۆ 18.3.2015 هەوا کوتاندنا مریشکان ل دەڤەرا بەرواری بالا دەستپێکر و ژ ئەگەرێ هەبونا گەلەک مریشکان لڤێ دەڤەرێ ئەڤ هەوە بو ماوێ چەند روژان دێ یا بەردەوام بیت،مریشکێن هەمی گوندان دێ هێنە کوتاندن.
عەدنان محەمەد عەزو رێڤەبەرێ فیتەرنەری ل کانی ماسێ بو ئەڤرۆ نیوز گوت:ئەڤ هەوە دێ بو ماوێ چەند روژان یا بەردەوام بیت،هەمی مریشکێن ڤێ دەڤەرێ دێ هێنە کوتاندن و ئەڤ کوتاندنە ل دژی ئێشا نیوکاسل بو مریشکان دهێتە دانان و سالانە دوو جاران مریشک دهێنە کوتاندن و ژ ئێشێن ڤەگر دهێنە پاراستن.ژبەرکو نیوکاسل مەترسیترین ئێشە لسەر مریشکان و هەتانوکە ئەم شیاینە کونترولێ لسەر ڤێ ئێشێ بکەین.
بهێنڤه‌دانێن نه‌وروزێ هاتنه راگه‌هاندن
وه‌زاره‌تا به‌ره‌ڤانیا عیراقێ به‌حسێ ژڤانێ كونترولكرنا مووسل دكه‌ت
ئه‌ڤرۆ نیوز:
وه‌زاره‌تا به‌ره‌ڤانیا عیراقێ ب رێیا فرۆكێن ئه‌سمانى، نڤیساره‌ك بۆ وه‌لاتیێن باژێرێ مووسل به‌ردایه خوارێ و به‌حسێ ژڤانێ كونترولكرنا مووسل كریه.
چه‌ند مالپه‌رێن عیراقى ژى ، وێنێ نڤیسارێ به‌لاڤكرینه كو تێدا ئاماژه ب وێ چه‌ندێ كریه كو ژڤانێ كونترولكرنا مووسل یێ نێزیك بووى و داخواز ژ ئاكنجیێن مووسل كریه هه‌ڤكاریا هێزێن عیراقى بۆ كونترولكرنا مووسل بكه‌ن.
ئه‌نجامێن هه‌لبژارتنێن ئیسرائیل به‌روڤاژى پێشبینیان بوو
ئه‌ڤرۆ نیوز:
ل دووڤ نووترین ئامار، حزبا بنیامین ناتانیاهو یا سه‌رۆك وه‌زیرێن ئیسرائیل، سه‌ركه‌فتن د هه‌لبژارتنێن په‌رله‌مانێ وى وه‌لاتى دا بده‌ستڤه ئیناینه و ب ڤێ چه‌ندێ پارتا لیكود بۆ جارا سیێ ییه سه‌ركه‌فتنێ د هه‌لبژارتنێن په‌رله‌مانێ وى وه‌لاتى دا بده‌ستڤه دئینیت.
حزبا لیكود یا بنامین ناتانیاهو 30 كورسى ب ده‌ستڤه ئیناینه و هه‌ڤپه‌یمانا سه‌هیونى یا هه‌ڤركا وێ 24 كورسى ل پلا دوێ دهێت، كو ئه‌ڤ چه‌نده ژى به‌روڤاژى پێشبینى و وان راپرسیابوو كو به‌رى نوكه هاتینه كرن و ئاماژه ب سه‌ركه‌فتنا هه‌ڤپه‌یمانا سه‌هیونى دكر.
به‌غدا رێككه‌فتنا نه‌فت و بودجێ ل گه‌ل كوردستانێ دگوهۆریت
ئه‌ڤرۆ نیوز:
ئه‌ندام په‌رله‌مانه‌ك رادگه‌هینیت د ده‌مه‌كێ دا كو هه‌رێما كوردستانێ ل گه‌ل به‌غدا ل سه‌ر هنارتنا نه‌فت و په‌سه‌ندكرنا بودجێ رێككه‌فتى یه، به‌لێ به‌غدا ئه‌و رێككه‌فتن گوهۆریه بۆ نه‌فت به‌رامبه‌ر پاران و هه‌كه ب ڤى ره‌نگى بیت، هه‌رێم ب خوه دێ نه‌فتا خوه فروشیت.
د.شیرین حوسنی ئه‌نداما لژنا دارایى ل په‌رله‌مانێ كوردستانێ بۆ باس دیاركر كو ئه‌و د دلخوش بوون كو رێككه‌فتنا نه‌فتێ ل گه‌ل به‌غدا هه‌یه و بودجه هاتیه په‌سه‌ندكرن، به‌لێ نوكه به‌غدا كاره‌كێ دى دكه‌ت و عه‌بادى د كومبوونا كوتلێن كوردستانى دا گوتیه” هه‌رێما كوردستانێ چه‌ند نه‌فتێ راده‌ستى مه بكه‌ت، ئه‌م دێ هند پاره‌ى بۆ هه‌رێمێ ره‌وانه كه‌ین.
بۆ كێمكرنا ئێشانێن ددانان چ دهێته كرن؟
ئه‌ڤرۆ نیوز:
گه‌له‌ك نه‌خۆشێن ددانان ژ كلینیكا نوشداریا ددانان د ترسن و ئێشانا ددانێن وان وه‌سان دژواردبیت كو حه‌ز ناكه‌ن بچنه نوشدارى و ئه‌ڤه دبیته ئه‌گه‌ر كو ددانێن گه‌له‌ك ژوان بگه‌هنه وێ چه‌ندێ كو ب تنێ هلكێشان مفاى ل وان بكه‌ت، په‌یداكرنا چاره‌سه‌ریه‌كا باش و ئارامیا ده‌روونى بۆ نه‌خۆشێ ددانان هه‌تا هزر د ئێشانێ دا نه‌كه‌ت، ئارمانجا هه‌موو نوشدارێن ددانایه، له‌ورا ژى نوكه پتریا نوشدارێن ددانان هه‌ڤركیێ دكه‌ن كا چاوان دێ ئێشانێ كێم كه‌ن؟
د. نه‌جمه‌دین سه‌لیم به‌روارى تایبه‌تمه‌ندێ نه‌خۆشیێن ده‌ڤ و ددانان بۆ رۆژنامه‌یا ئه‌ڤرۆ دیاركر كو گه‌له‌ك رێك هه‌نه بۆ كێمكرنا ئێشانێ ل كلینیكا نوشدارێ ددانان و گوت: ژ به‌ربه‌لاڤترین رێكێن كو هه‌موو نوشدار ب كاردئینن ده‌رمانێن نورمالێن ئێشكێمكرنێ نه وه‌كو( ڤولتارین، پاراسیتول و ئه‌سپرین و ..هتد) كو گه‌له‌ك دباشن بۆ ئێشانێن سڤك و ناڤنجى، به‌لێ ئه‌و ئێشانێن گه‌هشتینه هه‌ودانا ده‌مارا ددانى یان قنێر و كولكێن عه‌داڤێ دگه‌ل بن گه‌له‌ك مفاى لێ ناكه‌ن و پێدڤیه هنده‌ك ده‌رمانێن دى ل ژێر سه‌رپه‌رشتیا نوشداره‌كێ تایبه‌تمه‌ند بهێنه ب كارئینان و بۆ ده‌مه‌كێ كورت، و یا ژ ڤێ هه‌میێ گرنگتر ژى ده‌ستنیشانكرن و چاره‌كرنا ئه‌گه‌رێن ئێشانێ یه كو ئه‌و رێكا دروستن بۆ نه‌هێلانا وان ئێشانان.
د. نه‌جمه‌دینى دیاركر كو هنده‌ك ده‌رمان هه‌نه كه‌رستێ كودایین دناڤدا هه‌یه ئه‌م دده‌ینه نه‌خۆشى به‌لێ نابیت نه‌خوش بێى نوشدارى ب كاربینیت، ژبه‌ركو گه‌له‌ك ب كارئینانا وان دبیته ئه‌گه‌رێ په‌یدابوونا ئیدمانێ بۆ مرۆڤى و پاشى ب زه‌حمه‌ته نه‌خۆشى شیانێن هێلانا وان هه‌بن.
بۆ كونترولكرنا ئێشانان گه‌له‌ك جورێن به‌نجێ ب شێوه‌یێن ( جێل و كریم و سپره) هه‌نه كو ل ده‌مێ ددان دهێنه هلكێشان دده‌نه نه‌خۆشى داكو هه‌ست ب ئێشانێ نه‌كه‌ت و گوت: ل ڤێره خاله‌كا گرنگ هه‌یه ئه‌وژى ل ده‌مێ نه‌خۆش هه‌ست ب ئێشانا ددانى دكه‌ت دێ قه‌ستا ده‌رمانخانان دكه‌ن بۆ كرینا ڤان به‌نجا، ئه‌ڤه گه‌له‌ك یا خراب و ب مه‌ترسیه، ژبه‌ركو گه‌له‌ك ب كارئینانا وان بێى نوشدارى دێ سه‌ربارك ژێ په‌یدابن.
هه‌روه‌سان گوتژى: نوشداریا ددانان بۆ هنده‌ك ده‌لیڤێن ده‌ستنیشانكرى وه‌كو نشته‌رگه‌ریێن دێمى و لامكا و دیسان لده‌مێ چاره‌سه‌ركرنا خودان پێدڤیێن تایبه‌ت و هنده‌ك جارا بۆ چاره‌سه‌ریا ددانێن زارۆیان ژى به‌نجا تمام دهێته ب كارئینان. نوكه گه‌له‌ك كه‌س حه‌ز دكه‌ن ڤێ رێكێ ب كاربینن و چاره‌سه‌ریا هه‌موو ئاریشه‌یێن ددانێن خۆ د روونشتنه‌كێدا بكه‌ن و ئه‌ڤه د شیاندایه هه‌كه هات و نه‌خۆش ب تمامى هاته به‌نجكرن و گه‌له‌ك ژ خه‌لكى ژى وه‌سان هزر دكه‌ن كو ئه‌ڤ رێكه یا ب مه‌ترسیه ژبه‌ركو نه‌خوش نه‌چاره بۆ ده‌مه‌كى بمینیته د نه‌خوشخانێ ڤه و به‌نجا خوجهى باشتره.
تایبه‌تمه‌ندێ نه‌خۆشیێن ده‌ڤى و ددانان دیاركر ژى كو رێكه‌كا دیتر ژى هه‌یه ئه‌وژى ب كارئینانا غازا كه‌نیێ ( نتروسئوكساید) ئه‌ڤ غازه دهێته ب كارئینان ب تایبه‌ت بۆ زارۆیێن ژ شه‌ش سالیێ و پێهه‌ك بۆ كێمكرنا ترسا وان و ئارامكرنا وان و ئه‌ڤه ژلایێ نوشدارێ ددانان دهێته ب كارئشینان و چ مه‌ترسى تێدا نینه.
به‌لێ د حاله‌تێن دژوار دا كو هنده‌ك جاران ب هه‌واركى دگه‌هنه نه‌خوشخانێ و دخوازن نشته‌رگه‌ریێن مه‌زن بۆ نشته‌رگه‌ریا لامك و دێمى بهێنه كرن، بێهوشكرنا گشتى چاره‌سه‌ریا ئێكانه‌یه و دڤێت بۆ نه‌خۆشى بهێته دانان به‌لێ هه‌كه نه‌خوش یێ هاریكار بیت دده‌مێ چاره‌سه‌ریێ دا ل وى ده‌مى رێكێن دى یێن كو ل كلینیكا ددانان هه‌ین دێ هێنه ب كارئینان و ئه‌م ل وێ باوه‌ریێینه كو هه‌تا نوكه چ گازنده ل سه‌ر وان رێكان ژى نه‌هاتینه كرن ب تنێ د هنده‌ك حاله‌تێن ده‌گمه‌ن دا نه‌بیت.
قانوونه‌ك بۆ پاراستنا جهێن شوونوارى ل په‌رله‌مانی دهێته به‌رهه‌ڤكرن
زاخۆ، یوسف موسـا:
یاداشتنامه‌ك بۆ په‌رله‌مان و باژێرڤانى و شوونواران ل دۆر خراببوونا جهێن شوونوارى ل زاخۆ به‌لاڤ دبیت، ئه‌ندامه‌كێ په‌رله‌مانێ كوردستانێ ژی دبێژیت نها قانوونه‌ك بۆ پاراستنا جهێن شوونوارى ل په‌رله‌مانی دهێته به‌رهه‌ڤكرن، ژ ئالیێ خوه‌ڤه بنگه‌هێ شوونواران ژى دبێژیت هنده‌ك جهێن د به‌یاننامێ دا ئاشكرا بووین شوونوار نینن.
هه‌سن عومه‌ر سه‌رۆكێ رێكخراوا سوودى كوردستان بۆ رۆژناما ئه‌ڤرۆ دیار كر مه یاداشتنامه‌ك بۆ په‌رله‌مان و باژێرڤانیا زاخۆ و بنگه‌هێ شوونواران بلند كریه بۆ هندێ خراببوونا جهێن شوونوارى رابوه‌ستینن و گۆت “ل بازارێ زاخۆ یێ كه‌ڤن سێ دوكان ل سه‌ر شێوازێ نوو هاتینه دروستكرن، هنده‌ك خێزان د ناڤ ئاڤاهیێ قشلێ دابوون پشتى حوكمه‌تێ قه‌ره‌بوو كرین دووباره مال تێدا ئاكنجی بووینه، هه‌روه‌سا پۆسته و گه‌هاندنا ب ره‌خ قشلێ ڤه جهه‌كێ ژێ هاتیه‌خرابكرن، ئه‌گه‌ر ژی ئه‌و بوون دا كه‌س دووباره نه‌چیته د ناڤ دا قائیمقامیێ خرابكری دا”.
عه‌لى هالۆ ئه‌ندامێ به‌رپرسێ نڤیسینگه‌ها زاخۆ یا ئه‌ندام په‌رله‌مانێن كوردستانێ ئاشكرا كر كو جهێن شوونوارى د ره‌وشه‌كا خراب دانه و به‌رى نها ژى ده‌سته‌یه‌كا پاراستنا شونواران هه‌بوویه، لێ نها نه‌مایه و گۆت “نها پرۆژه قانوونه‌ك دهێته به‌رهه‌ڤكرن بۆ پاراستنا جهێن شوونوارى ل هه‌رێمێ”.
محه‌مه‌د ئه‌حمه‌د به‌رپرسێ بنگه‌هێ شوونواران ل زاخۆ دیار كر یاداشتنامه گه‌هشتیه وان و شاشى تێدا هه‌نه و گۆت “ئه‌و دوكان 140 سالن نابنه شوونوار، به‌لكو كه‌لتورینه و ئاڤاهیێ به‌حس ژێ دكه‌ن نه‌شوونوارن و نه ژى كه‌لتورینه و چ جهێن شوونوارى نه‌هاتنیه خرابكرن، ل گه‌ل باژێرڤانیێ هه‌ماهه‌نگیێ ب نڤیسار دكه‌ین رێكێ ناده‌ین ئاڤاهیان ئاڤا بكه‌ن و هه‌كه بكه‌ڤنه به‌ر جهێن شوونوارێن مه یان ژى ده‌ستكارى تێدا بهێته كرن، لێ كێشه ئه‌وه مه شیان نینن ڤان جهان خۆمالى بكه‌ین”.
عه‌لى هالۆ ئه‌ندامى به‌رپرسێ نڤێسینگه‌ها زاخۆ یا ئه‌ندام په‌رله‌مانێن كوردستانێ ئاشكرا كر جهێن شوونوارى د ره‌ۆشه‌كا خراب دانه، به‌رى نهۆ ژى مه ده‌سته‌یه‌ك بو پاراستنا شونواران هه‌بوو لێ نهۆ نه‌مایه گۆت: نهۆ پرۆژه قانوون دهێته به‌رهه‌ڤكرن بو پاراستنا جهێن شوونوارى ل هه‌رێمێ.
رێكخراوا سوودى كوردستان ئاشكرا ژى كر هنده‌كێن حه‌ز دكه‌ن شوونوارێن خوه نووژه‌ن بكه‌ن، لێ بنگه‌هێ شوونواران شیان نینن، زێده‌بارى كو دخوازن خوه ل جهێن كه‌لتورى ل ده‌وروبه‌رێن زاخۆ بكه‌نه خودان و گۆت “قشلا زاخۆ نها ده‌زگه‌هێ ده‌لال تێدایه، بۆ مۆزه‌خانه‌یه‌كێ بیت یان ژى وه‌به‌رهێنان تێدا بهێته كرن”.
ل زاخۆ 112 جهێن شوونوارى هه‌نه، ل گه‌ل دو تاخێن كه‌لتورى، ئه‌ڤه هه‌یاما هه‌شت سالایه بنگه‌هێ شوونواران ل زاخۆ هاتیه دانان، ل گۆر گۆتنێن بنگه‌هێ شوونواران پازده سالان به‌رى نها ده‌ستكارى د هنده‌ك شوونواران دا هاتبوو كرن، لێ نها چ سه‌رپێچى نه‌هاتینه ئه‌نجامدان.
پارێزگه‌ها دهۆك خوه بۆ ئاوارێن پشتى شه‌رێ ئازادكرنا مووسل به‌رهه‌ڤ دكه‌ت
ئه‌ڤرۆ نیوز، ناجی به‌ده‌ل:
ئه‌كره‌م فه‌تاح ئه‌ندامێ جڤاتا پارێزگه‌ها دهۆكێ و سه‌رپه‌رشتیارێ باده‌كا ئاواران بو ئه‌ڤرۆ نیوز دیاركر پارێزگه‌ها دهۆكێ به‌رهه‌ڤیێن خوه كرینه بو هاتنا ئاواره‌یان ب ئه‌گه‌رێ شه‌رێ رزگاكرنا موسلێ و ده‌ست ب درۆستكرنا كه‌مپه‌كێ كریه ل ده‌ڤه‌را شیخان كو دێ هژماركا زورا وان بخوڤه‌گریت و نها كار ل سه‌ر دهێته‌كرن و رۆژانه د به‌رفره‌هكرنێ دایه. ناڤبری ئه‌و چه‌نده ژی دیاركر درۆستكرنا ئه‌وێ كه‌مپێ بو ئه‌وێ ئیكێ یه ده‌ما ده‌ست ب رزگاركرنا باژێرێ موسلی دهێته كرن وخه‌لك ئاواره دبن، بچنه وێ كه‌مپێ. ئه‌ندامێ جڤاتا پارێزگه‌ها دهۆكێ ئه‌و چه‌نده‌ژی دیاركر تا نها هزر ل ڤه‌گه‌راندنا ئاوارێن جهێن وان رزگار بوین نه‌هاتیه‌كرن و هه‌ر جهه‌كێ دهێته رزگاركرن و پێدڤی و خزمه‌تگوزاریێن ده‌ستپێكی ل ئه‌وان جهێن ئاواره ژێ هاتین نه‌هێنه‌كرن ناهێنه زڤراندن بو ئه‌وان جهان و ئه‌و كه‌سێن دچن ژی وه‌ك تاكه كه‌س بریارا ڤه‌گه‌رانێ داینه و دڤێت ئه‌و بخو ته‌حه‌مولا بێ خزمه‌تگوزاریان بكه‌ت . ناڤبری ئه‌و چه‌نده ژی دیاركر دڤێ قوناغێ دا و د ره‌وشا شه‌ری دا و نه‌بونا بودجه‌یێ و قه‌یرانا دارایی یا حكومه‌تا هه‌رێمێ ب هێسانی نه‌شێت زوو خزمه‌تگوزاریان بو ئه‌وان ده‌ڤه‌ران دابین بكه‌ت به‌س لگوری شیان و ئێك ژ ئارمانجێن وێ ئه‌وه ب باشترین خزمه‌ت پێشكێشی ئه‌وان ده‌ڤه‌ران بكه‌ت. فه‌رهاد ئه‌ترووشى به‌رى نوكه راگه‌هاندبوو كو د پێشوازیكرنا پارێزگه‌رێ مووسل دا، پارێزگه‌رێ مووسل گوتبوویێ ره‌نگه 700 هزار كه‌س ژ خه‌لكێ مووسل ژبه‌ر شه‌رێ ئازادكرنا مووسل ئاواره‌ى پارێزگه‌ها دهۆكێ ببن.
د ڤێ قوناغێ دا دڤێت ئوپوزسیونا به‌رێ به‌حسێ خوه‌ڤه‌كێشانێ نه‌كه‌ت
ئه‌ڤرۆ نیوز، ناجی به‌ده‌ل:
ئاریان كامیل چاڤدێرێ سیاسی بو ئه‌ڤرۆ نیوز دیاركر به‌شداریكرنا ئوپوزسیونێ ل حكومه‌تا بنگه‌هـ فراوان وه‌كر چاڤپوشی ل كێم و كاسیان بهێته كرن و به‌شداریكرن ل حكومه‌تێ خه‌له‌ت بوو بۆ ئوپوزسیونێ. ناڤبری ئه‌و چه‌نده ژی دیاركر ژى د ره‌وشا نهادا خوه‌ڤه‌كێشانا ئوپوزسیونێ ب چ جوره‌كی باشى تێدا نینه هه‌تا ژ ئه‌ڤان قوناغێن گران دا ده‌باز ببن و دڤێت ئوپوزسیون به‌حسێ خوه‌ڤه‌كێشانێ نه‌كه‌ت
نيشاندان
WP Facebook Auto Publish Powered By : XYZScripts.com