ئه‌ڤرۆ، یوسف موسـا:
ل هۆلا ڤین یا شه‌هیانان ل به‌رامبه‌را پرا ده‌لال ل شه‌هیانا بووك و زاڤایه‌كێ دا ترۆمبێله‌ك چوو دناڤ هۆلێ دا و د ئه‌نجام دا نێزیكى 10 كه‌سان ژ كه‌سۆكارێن بووك و زاڤایى بریندار بوون.

ل گۆرى كه‌سه‌كێ كو به‌رهه‌ڤى شه‌هیانێ بووى، بۆ ئه‌ڤرۆ نیۆز ل جهێ بوویه‌رێ ئاشكرا دكه‌ن كو بووك و زاڤا پشتى ژ ترۆمبێلا خوه‌ ل به‌رامبه‌ر هۆلێ راوه‌ستایى و هاتینه‌ خوار كه‌سه‌كێ نێزیك دا ترۆمبێلێ ژبه‌ر ده‌رێ هۆلێ ڤه‌گۆهێزیت، لێ شۆفێر دیاره‌ شاره‌زا نه‌بوویه‌، ئه‌و بوو ئه‌گه‌رێ روودانێ كو نێزیكى 10 كه‌سان زێده‌تریا خه‌لكێ رۆژئاڤایێ كوردستانێ بوویه‌، پشتى ترۆمبێلا ژ جۆرى ئوبۆما هاتینه‌ دناڤ هۆلێ دا بریندار بووینه‌، و هه‌موو بریندار نها ل نه‌خۆشخانا ته‌نگاڤیان ل زاخۆ چاره‌سه‌ریێن پزیشكى بو دهێنه‌ كرن.

ئه‌ڤرۆ نیوز، ناجی به‌ده‌ل:

د.حه‌سه‌ن ئه‌حمه‌د قاسم رێڤه‌به‌رێ شونوارێن پارێزگه‌ها دهۆكێ بو ئه‌ڤرۆ نیوز دیاركر خرابكرن و وێرانكرنا شونوارێن چوار پایته‌ختێن ئاشوری و ئه‌كه‌دیان ل باژێرێ موسلێ ئه‌گه‌ره‌ك بویه‌ بو دزین و ده‌رئێخستنا وانشونوارێن و دشیاندایه‌ بهێنه‌ ڤه‌گوهاستن بو ده‌رڤه‌ی عیراقێ.
ناڤبری ئه‌و چه‌نده‌ ژی گوت:ل ده‌ستپێكا ده‌ست داگرتنا داعشێ ل سه‌ر باژێرێ موسلێ و خوگیرۆكرنا ئه‌وان بو بهێزكرنا دسه‌لاتا خو و بنه‌جێهكرنێ بو له‌ورا ده‌ست لێ نه‌دا له‌ورا ل ئه‌ڤێ داویێ ده‌ست هاڤێ تیه‌ خرابكرنێ .
د.حه‌سه‌ن ئه‌و چه‌نده‌ژی گوت : خرابكرن و وێرانكرنا شونواران به‌س بو یێن مه‌زن هاتینه‌كرن ئه‌رێ یێن بچوك چ لێ هاتینه‌ تا نها دیارنینه‌ و دبیت ئه‌ڤ ژناڤبرن ده‌رگه‌هه‌ك بیت بو فرۆتن و دزینا شونوارێن د شیان دا بیت بهێنه‌ لڤاندن و ب رێكا سوریا و لوبنان و توركیا ده‌ربێخنه‌ ده‌رڤه‌ و ب بیته‌ رێكه‌كا دی بو بده‌ست خستنا پاره‌ی بو ئه‌وێ هێزا تاری.