ئەڤرۆ نیۆز، قائید میرۆ:
ئەو ٥٠٠ ملیۆن دۆلارێن حوکمەتا ھەرێما کوردستانێ ل وەلاتێ تورکیا قەرکری گەھشتە ھەرێما کوردستانێ و ئەندامەکێ لیژنا دارایی ژی دبێژیت، بەری نەورۆزێ دێ موچە ھێنە بەلافکرن.
ئایدن مەعرۆف، ئەندامێ لیژنا دارایی و ئابوری ل پەرلەمانێ کوردستانێ بۆ ئەڤرۆ نیۆز راگەھاند” بەری دو رۆژا ئەف پارێ حوکمەتا ھەرێما کوردستانێ ل وەلاتێ تورکیا قەرکربوو گەھشتە ھەرێما کوردستانێ و بڕیارە بھێتە گۆھۆڕین بۆ دینارێ عيراقی و بەلافکرن ل سەر فەرمانبەران.
ئایدنی گۆتژی” قەرکرنا ئەڤی پارەی ب مەرەما بەلافکرنا موچێ ھەیفا ئێک یێ فەرمانبەران بوویە و ئەز پێشبینی دکەم، بەری ھاتنا جەژنا نەورۆزێ حوکمەت دێ گورەی خشتێ دیاریکری موچەی ب سەر فەرمانبەران بەلافکەت.
نووترين نووچه
- لەیلا قاسم نموونەیا قەهرەمانییا كچا كوردە و سیمبۆلا ئازادیخوازیێیە
- نێچیرڤان بارزانی: پێشوازیێ ل خوە هەلوەشاندنێ و چەكدانانا پەكەكێ دكەین
- نێچیرڤان بارزانی و مەسرور بارزانی پیرۆزباهیێ ل بنگەهێ لالشێ دكەن
- مەسرور بارزانی: پشتەڤانییا حوكمەتێ بۆ ب هێزكرنا ژێرخانەیا ئابۆری دێ بەردەوام بیت
- بنگەهێ لالش خزمەتەكا بەرچاڤ یا جڤاكێ ئێزدیاتیێ كریە
- مەسرور بارزانی: پێدڤییە بەرپرسێن پارتی زێدەتر خزمەتا خەلكی بكەن
- هیڤیدارین حوكمەتا فیدرال مووچەی نەكەتە پرسەكا سیاسی
- بەغدا مووچەی وەك كارەتەكا فشارا سیاسی بەرانبەر هەرێما كوردستانێ ب كار دئینیت
- مافێ چارەنڤـیس، مافـەكێ سروشتیێ نەتـەوەیا كـوردە
- نێچیرڤان بارزانی ب فەرمی بۆ وەلاتێ قەتەرێ دهێتە ڤەخواندن
سهرهكى Facebook
ب وێنه: په‌رده ل سه‌ر په‌يكه‌رێ شه‌هيد هۆجام هاته راكرن
هه‌لبژارتيێ كوردستانێ ناچيته ئيرله‌ندا
ئه‌ڤرۆ نيوز:
ژ ئه‌گه‌رێ وه‌رنه‌گرتنا ڤيزايێ، هه‌لبژارتيێ كوردستانێ نه‌شيا بچيته وه‌لاتێ ئيرله‌ندا بۆ ئه‌نجامدانا ياريا هه‌ڤالينى ئه‌وا بۆ وى وه‌لاتى هاتيه داخواز كرن.
د كۆمبوونا حه‌فتيانه يا ئێكه‌تيا ناڤه‌ندى يا ته‌پا پێ دا، ئێكه‌تيا ناڤه‌ندى راگه‌هانديه كو ژ ئه‌گه‌رێ وه‌رنه‌گرتنا ره‌زامه‌نديا “ڤيزا” ل بالوێزخانا بريتانيا ل عه‌مان يا پايته‌ختێ ئوردن، گه‌شتيا هه‌لبژارتيێ كوردستانێ بۆ بريتانيا بۆ ئه‌نجامدانا ياريا هه‌ڤالينى ل گه‌ل هه‌لبژارتيێ ئيلان ڤانين يا ئيرله‌ندى ژناڤچوو.
پێشتر هه‌لبژارتيێ هه‌رێما ئيلان ڤانين، هه‌لبژارتيێ كوردستانێ داخواز كربوو بۆ ئه‌نجامدانا ياريه‌كا هه‌ڤالينى و هه‌لبژارتيێ كوردستانێ ژى ئاماده‌كاريێن خوه كربوون و ياريكه‌ر و راهێنه‌ر ژى هاتبوونه ده‌ستنيشانكرن، به‌لێ نوكه راگه‌هاند كو ژ به‌ر نه‌بوونا ڤيزايێ نه‌شێن وێ ياريا هه‌ڤالينى بكه‌ن.
ھژمارەکا سکالا ل دۆر کەرتێ پەروەردێ گەھشتینە پەرلەمانی
ئەڤرۆ نیۆز، قائید میرۆ:
سبەی دێ لیژنا پەروەردێ و خواندنا بلند یا پەرلەمانێ کوردستانێ ل دۆر ھژمارەکا سکالایێن ھاتینە بلندکرن بۆ لیژنا کۆمبیت و ئەندامەکا لیژنێ ژی راد گەھینیت، بابەت دێ ھێنە ئێکلاکرن.
زۆزان سادق، ئەنداما لیژنا پەروەردێ و خواندنا بلند یا پەرلەمانێ کوردستانێ بۆ ئەڤرۆ نیۆز دیارکر كو بەری نوکە ھژمارەکا سکالایا ل دۆر کەرتێ پەروەردێ و خواندنا بلند گەھشتینە لیژنێ، بۆ دوڤچوون و ئێکلاکرنا ڤان سکالا بڕیارە سبەی لیژنە کۆمبوونەکێ ئەنجام بدەت.
زۆزانێ گۆتژی: “ھژمارا وان ناھێتە زانین چەند سکالانە، بەلێ ھەموو گرێدایی ئاریشەیێن کەرتێ پەروەردێ و خواندنا بلندن، پەرلەمان دێ رژدی لسەر راوەستیت”.
د 48 دەمژمێرێن بھێت دا دێ گوھۆرین کەڤنە بھایێ دۆلاری
ئەڤرۆ نیۆز، سالار دۆسکی:
ئەندامەکا جڤاتا نوونەرێن عیراقێ دیارکر کو ل دووڤ زانیاریێن ب دەست کەفتین کو ژڤانە د 48 دەمژمێرێن بھێت دا بھایێ دۆلاری ل بازاری بھێتە خوارێ و گڤاشتن بکەڤنە بازاری.
نه‌جيبا نه‌جيب بۆ ئه‌ڤرۆ نيوز گۆت: “ل دووڤ گۆتنێن بەرپرس و كه‌سانێن گرێدایی ب بابەتی ڤە د 48 دەمژمێرێن بھێت دا، دۆلار دێ بۆ نڤيسینگەھان ھێـتە رەوانەکرن”.
نەجیبایێ گۆتژى: “زێدەتر ژ 15 رۆژانە بانکا ناڤەندی ب تنێ داخوازی وەرگرتینە و دۆلار نه‌ھاڤێتيە د بازاری دا”.
دا زانين ژى كو ئەڤرۆ وێ گەلەک پەیوەندی کرینە ل گەل نڤسینگەھا عەبادی و بانکا ناڤەندی ھەر چ تشتێ فەرمی بۆ ھنارتنا مووچێ فەرمانبەران نینە و ب تنێ گۆتن ھەیە دێ زوو فرێکەت، لەوما وان ب ره‌نگەکێ فەرمی د کونگرەکێ رۆژنامەڤانی دا داخوازکر مووچێن فەرمانبەرێن ھەرێما کوردستانێ بھێنە ھنارتن.
ره‌وشا دراڤى د بازارێن دهۆكێ دا
ره‌وشا زێر و زيڤى ل بازارێن دهۆكێ
ڤايۆ دێ مۆبايلا خوه يا ئێكێ ئێخيته د بازارى دا
ئه‌ڤرۆ نيوز:
پشتى جودابوونێ ژ كۆمپانيا سۆنى بۆ به‌رهه‌مئينانا لاپتۆپان، كۆمپانيا ڤايۆ بڕيار داريه بچيته د ناڤ بازارێ مۆبايلێن زيره‌ك دا.
كۆمپانيا ڤايۆ يا بابانى ل گه‌ل كۆمپانيا بى مۆبايل ل به‌ر مۆبايلا خوه يا ئكێ ب ناڤێ “VAIO Phone” بێخنه بازارى كو ئه‌و مۆبايل خودان شاشه‌كا پێنج ئينجه و ب روونيا “1280×720″ پێكسل وێنان نيشان دده‌ت و ب سيسته‌مێ ئه‌ندرۆيد پێنج لۆليبۆب كار دكه‌ت، ديسا كاميرا پێشڤه ب رۆنيا 13 مێگاپێكسل و يا سنگى ژى ب پێنج مێگاپێكسلان وێنان دگريت.
د هه‌مان ده‌م دا، مۆبايلا ڤايۆ شيانێن پێكڤه‌گرێدانێ ب تۆڕا نه‌وه‌يێ سيێ و چارێ ڤه يا هه‌يى و پرۆسێسه‌رێ ب له‌ز 1.2 گێگاهێرتز كار دكه‌ت.
كۆمپانيا ڤايۆ ل 20ى ڤێ هه‌يڤێ ل به‌ره نيشان بده‌ت و بێخيته ناڤ بازارى و بهايێ وێ ژى دگه‌هيته 420 دۆلارێن ئه‌مريكى.
بارزانى بۆ سه‌رۆك عه‌شيره‌تێن عه‌ره‌ب: يێ هاريكاريا داعش كربيت، لێ نابۆرين
ئه‌ڤرۆ نيوز:
سه‌رۆكێ هه‌رێما كوردستانێ نوكه ل سحێلا ل گه‌ل سه‌رۆكێن عه‌شيره‌تێن ده‌ڤه‌را زۆمار و ره‌بيعه كۆمبوو و به‌حسێ گه‌له‌ك بابه‌تێن گرێدايى شه‌رێ داعش و پێكڤه ژيانێ به‌حسكرن.
سه‌رۆك بارزانى گۆت: “ب درێژاهيا مێژوويێ حوكمه‌تێن به‌رى نوكه دژاتيا كوردان كريه، به‌لێ ئه‌ڤ چه‌نده نه‌بوويه ئه‌گه‌رێ كێشان د ناڤبه‌را كورد و عه‌ره‌بان دا ژ به‌ر هه‌بوونا دوريشمێن پێكڤه‌ژيان و لێبۆرين و براتيێ”.
زێده‌تر گۆت: “چه‌كدارێن داعش ژى بزاڤ كر وه‌كو رژێمێن به‌رێ ڤى شه‌رى بكه‌ته شه‌رێ د ناڤبه‌را كورد و عه‌ره‌بان دا، به‌لێ سۆپاس بۆ خودێ سه‌ر نه‌گرت”.
ئاماژه ب وێ چه‌ندێ كر كو كورد دشيا تۆلا خوه ڤه‌كه‌ت، به‌لێ نه‌كر چونكو باوه‌رى ب وێ چه‌ندێ نينه و گۆت: “دڤێت گيانێ ئێكتر قه‌بوولكرنێ ل ده‌ف مه هه‌موويان هه‌بيت”.
سه‌رۆكێ هه‌رێما كوردستانێ پرسيار ژى كا داعش چو بۆ ده‌ڤه‌رێن سونيان كريه و گۆت: “ژ ئه‌گه‌رێ شه‌رێ داعش ده‌ڤه‌رێن ئه‌وان ژى تووشى زيان و خرابكاريه‌كا زۆر هاتن”.
ده‌رباره‌يى ڤه‌گه‌ريانا عه‌ره‌بان ژى بۆ وان ده‌ڤه‌ران سه‌رۆك بارزانى گۆت: “ئه‌ڤێ پشكدارى د تاوانان دا كربيت، كه‌س نه‌شێت ده‌ستێ خوه درێژ بكه‌تێ، به‌لێ ئه‌ڤێن تاوان كربن، ب چو ره‌نگان ماف نينه دووباره ڤه‌گه‌رنه وان ده‌ڤه‌ران”.
مه‌سعود بارزانى دا زانين ژى كو هه‌ر كه‌سێ بڤێت بچيته ناڤ داعش دێ رێ ده‌نێ بچيت، به‌لێ ژ كه‌سێ قه‌بوول ناكه‌ن ل ناڤ ده‌ڤه‌رێن كوردى هه‌ڤكاريا داعش بكه‌ن و ببنه سيخۆر ل سه‌ر پێشمه‌رگه‌يى.
ل دۆر خزمه‌تكاريان ژى ئاماژه ب وێ چه‌ندێ كر كو دێ ب هه‌موو ره‌نگان بزاڤێ كه‌ن، خزمه‌تگۆزاريان پێشكێشى وان ده‌ڤه‌ران ده‌ن و گۆت: “كه‌س باجا كه‌سێ ناده‌ت”.
ژ لايێ خوه ڤه د روونشتنێ دا، شێخ موزاحم ژ سه‌رۆك عه‌شيره‌تێن ده‌ڤه‌را زۆمار ژى راگه‌هاند كو ئه‌و عه‌ره‌بێن ده‌وروبه‌رێن شنگال هه‌ڤكاريه‌كا باشا داعش كريه و هيڤى ژ جه‌نابێ هه‌وه دكه‌ين كو رێ نه‌ده‌ن ئه‌و عه‌ره‌به ڤه‌گه‌رنه وان ده‌ڤه‌ران.
رەوشەنبیریا سیکسی بەرپرساتیا مالێ یە یان قوتابخانێ ؟
ئەڤرۆ:
ل دووڤ ڤەکۆلینەکا نوو، ڤالاتیەکا مەزن یا د ناڤبەرا جۆرێ رەوشەنبیرکرنا سیکسی یا گەنجان دڤێت و یا ئەو بدەستڤە دئینن یا ھەی.
د ڤەکۆلینێ دا دووڤچوون ل سەر شێوازێ فێرکرنا گەنجان ل دۆر رەوشەنبیریا سیکسی ھاتە کرن و وەسا دیار بوو کو گەنج حەز دکەن پتر پێزانینان ل دۆر سیکسی و ھەڤبەندیان ژ سەمیانێن خوە بزانن.
بەرھەڤکەرا ڤەکۆلینێ “کلیر تنتون” دبێژیت: ئەو کاروبارێن گەنج پێ رادبوون بۆ لێگەریانا بەرسڤێن دروست ھەتا رادەکێ مەزن د ڤان ٢٠ سالێن بۆری دا ھاتینە گوھارتن و دێ بەردەوام گوھۆرین ب سەردا ھێن ھەتا ھەتایێ.
ناڤبریێ زێدەتر گۆت: ئەڤە رامانا وێ چەندێ یە کو ئەم پێدڤی پەیرەوەکێ پتر رێکخستی نە ل دۆر رەوشەنبیریا سیکسی و ھەڤبەندیان، و پێدڤیە مە پتر شیان ھەبن بۆ خوە گونجاندنێ ل گەل پێدڤیێن دھێنە گوھارتن.
ڤەکۆلەران جوداھیا رێیا فێرکرنا زەلامان ل کەل فێرکرنا ژان ژی ل دۆر سیکسی و ھەڤبەندیان دەستنیشانکر،
ڤەکۆلینێ داتا ژ لێگەریانا نشتامنی یا سیێ ل دۆر ھەلویستێ سیکسی و شێوازێ ژیانێ (Natsal – ٣) وەرگرتن کو مەزنترین ڤەکۆلینا زانستیە ژ جۆرێ خوە ل بریتانیا، عەمرێ پشکداربوویان ژ ١٦ – ٢٤ سالی بوون، ڤەکۆلەران ئاشکرا کر کو ھندی گەنج مەزن دبیت ژێدەرێ وی یێ سەرەکی ل دۆر بابەتێن سیکسی ھەتا نوکە قوتابخانەیە، ئەڤە پشتی ٢٨% ل سالا ١٩٩٠ گەھشتیە ٤٠% ل سالا ٢٠١٢.
د ڤەکۆلینێ دا دیار بوو کو دایک و باب ژێدەرێ سەرکی بوو بۆ بتنێ ٧% ژ گەنجان و ١٤% بۆ کچان و نۆشدار ١% بۆ زەلامان و ٣% بۆ ژنان.
ل گەل ڤێ چەندێ نێزیکی نیڤەکا پشکداربوویان ژ ھەردو رەگەزان دیار کر کو ئەو پشکا مەزنتر ژ پێزانینێن ل دۆر سیکسی ژ ژێدەرێن دی وەردگرن، ئەڤ ژێدەرە ژی نە دباوەر پێکرینە وەکو خووشک و برا و ئنترنێت و فلم و گوڤارێن سیکسی. ل گەل ڤێ چەندێ ئەڤ ئەنجامە ل دژی وێ بوون یا گەنجان ژ خواندنێ وەرگرتی.
نيشاندان
WP Facebook Auto Publish Powered By : XYZScripts.com