ئەڤرۆ نیوز:
دوھی ل چەندین کیشوەران وەکو ئەورۆپا و ئەفریقیا و ھندەک دەڤەرێن ئاسیا دیداردا رۆژغەیرینێ روودا و بۆ ماوێ چەندەکێ یا بەردەوام بوو، زانیا ڤێ چەندێ ب ئەگەرێ گۆھۆِینا وەرزی یا ئادارێ ددەنە زانین.
نووترين نووچه
- نڤیسینا رەشنڤیسێ كارێ حوكمەتا نوو د قووناغێن دووماهیێ دایە
- پرسا هنارتنا پەترۆلا هەرێمێ ئێك ژ بابەتێن هەرە گرنگ یێن گوهۆڕینێن دەڤەرێیە
- شاندێن حوكمەتا هەرێمێ و ئیراقێ ل گەل كۆمپانیێن بەرهەمئینانا پەترۆلێ كۆمبوون
- پڕۆژەیێ پارێزگەهبوونا شنگالێ دێ هنێرینە جڤاتا نوونەرێن ئیراقێ
- سەرۆك بارزانی و جێگرێ وەزیرێ دەرڤەیێ توركیایێ پرۆسەیا چارەسەریێ و ئاشتیێ گەنگەشە كر
- سەرۆك بارزانی پێشوازی ل هەژمارەكا نڤیسەر و ئەدیب و رەوشەنبیرێن عەرەب كر
- سەرۆك بارزانی پێشوازی ل سەرۆكێ هەڤپەیمانییا عەزم كر
- نێچیرڤان بارزانی پشتەڤانییا هەرێمێ بۆ پرۆسەیا ئاشتیێ دوپاتكر
- پێدڤییە هەموو كێشەیێن ل پێشبەری هنارتنا پەترۆلا هەرێمێ نەمینن
- د قووناغا بەلاڤكرنا پۆستانداینە
سهرهكى Facebook
ڤیدیۆ: ب رێیا شتی مۆبایلا خوە شەحن بکە
حەفت پێنگاڤ دا ب ساخلەمیەکا باشتر بژی
ئه‌ڤرۆ:
ژبۆ وێ چەندێ کو ب ژیانەکا ساخلەم بژی پێدڤیە ل سەر تە حەفت پێنگاڤان ب ھاڤێژی و ب ڤی رەنگی:
– ھاریکاریێ دگەل کەسانێن دەور و بەرێن خوە بکە و پێدڤی یە تە ھەستەکا مروڤانە ھەبیت، بەلێ ھشیاربە ب ھەر تشتەکێ ل دەوروبەرێن خوە ب کارتێکرن نەکەڤە.
– ھندی د شیان دابیت خوارنێن خاڤ بخوو و رۆژانە گەلەک ئاڤێ ڤەخوو.
– جلکێن ژ پامبی یان ھەر تشتەک سروشتی ھاتینە چێکرن ل بەرخوە بکە کو پیستی تە بشێت ھەناسەیێ تێدا بکەت.
– خوە ژ مروڤ و ھزرێن نەباش ب پارێزە و فبَر ببە چاوان دێ کەیە کەنی.
– خوە ژ بینەریا بەرنامێن توند یان دەنگ وباسێن رۆژانە ب پارێزە، ب تایبەت ئەگەر دەرونیا تە یا دروست نەبیت.
– ل دویف سیستەمەکێ خوارنا ساخلەم ژیانا خو ب بورینە و راببە ب ئەنجامدانا کارێن وەرزشی.
– پرانیا دەمێن خو دگەل وان کەسێن تە حەز ل سەر ھەی ببورینە,بەلێ بلا ھەردەم ل ھزرا تە بیت کو تو بتنێ دشێی خو ب گوھوری و کەسەک پشتەڤانیا تە ناکەت ژبو ڤێ پێنگاڤێ.
كه‌مال كه‌ركووكى: هه‌موو گوندێن كوردان ل رۆژئاڤايێ كه‌ركووك يێن هاتينه ئازادكرن
ئه‌ڤرۆ نيوز، نيوار محه‌مه‌د سه‌ليم:
د داخۆيانيه‌كا تايبه‌ت دا بۆ ئه‌ڤرۆ نيوز، د. كه‌مال كه‌ركووكى، فه‌رماندێ ميحوه‌رێ رۆژئاڤايێ كه‌ركووك و ئه‌ندامێ سه‌ركرداتيا پارتى ديموكراتى كوردستان دياركر كو نوكه هه‌موو ئه‌و گوندێن ناڤ ده‌ستێ داعش دا يێن كوردان هاتينه ئازادكرن.
د. كه‌مال كه‌ركووكى گۆت: “سه‌ركه‌فتنێن پێشمه‌رگه‌يى ل ميحوه‌رێ رۆژئاڤايێ كه‌ركووكێ د به‌رده‌وامن و نوكه ئه‌و هه‌موو گۆندێن كوردان ل وێ ده‌ڤه‌رێ هاتينه ئازادكرن”.
كه‌ركووكى گۆتژى: “هنده‌ك گۆندێن برايێن عه‌ره‌ب ژى هاتينه ئازادكرن و دێ د به‌رده‌وام بين هه‌تا كو هه‌موو ئه‌و گۆندێن سه‌ر ب كه‌ركووك ڤه بهێنه ئازاد كرن”.
ئاماژه ب وێ چه‌ندێ ژى كر كو ئه‌و پێشڤه‌چوونێ ل ده‌ڤه‌رێن دى يێن ژ ده‌رڤه‌يى پارێزگه‌ها كه‌ركووك ناكه‌ن و نوكه ب تنێ ئه‌و دێ وان ده‌ڤه‌رێن كوردان يێن ل بن ده‌ستێ داعش ئازاد كه‌ن.
هه‌رێما كوردستانێ ته‌قينێن حه‌سه‌كێ شه‌رمزار كرن
ئه‌ڤرۆ نيوز:
حوكمه‌تا هه‌رێما كوردستانێ ئه‌و هێرشيێن تيرۆرستى يێن سه‌ر حه‌سه‌كێ شه‌رمزار دكه‌ت و دبێژيت: “دوهى ل ده‌مه‌كى كو كوردستانى ل حه‌سه‌كێ مژوولى برێڤه‌چوونا رێوره‌سمێن پيرۆزكرنا جه‌ژنا نه‌ورۆزێ بوون و ئاهه‌نگ بۆ ئاشتى و پێكڤه‌ژيانێ دگێران، دو هێرشێن تيرۆرستى كرنه سه‌ر و ب مخابى ڤه د وان هه‌ردو هێرشان دا هژماره‌كا وه‌لاتيان شه‌هيد و بريندا بووين”.
هاتيه ژى: “سه‌ره‌رايى سه‌ره‌خۆشيان بۆ كه‌سوكارێن شه‌هيدان، هيڤيا ساخبوونێ بۆ برينداران دخوازين، دووپات دكه‌ين كو تيرۆر ب ژناڤبرنا تاوانان و وه‌حشيه‌تگه‌ريا تيرۆرستان، گه‌لێ كوردستانێ ل بزاڤ و خه‌باتا خوه د پێناڤى ئاشتى و ئازادى و گه‌هشتنا ب هه‌موو مافێن خوه يێن ره‌وا سار ناكه‌ت، هه‌ڤدژى ڤێ چه‌ندێ كوردستانى بۆ بزاڤ و خه‌باتێن خوه و تێكوشاندنا زێده‌تر و گه‌رمتر هان دده‌ت”.
دوهى 20\3 د ده‌مێ گێرانا ئاهه‌نگان، ل باژێرێ حه‌سه‌كێ يا رۆژئاڤايێ كوردستانێ، ژ ئه‌گه‌رێ دو ته‌قينێن جودا جودا زێده‌تر ژ 35 كه‌س شه‌هيد بوون و 89 كه‌سێن دى ژى برينداربوون.
ته‌قين ل ده‌مژمێر 6 ئێڤارى ل مه‌يدانا شه‌هيدان ل ناڤ ئاپورا جه‌ماوه‌رى دده‌مێ گێرانا ئاهه‌نگا نه‌وروزێ ل هه‌مبه‌ر باره‌گايێ تەڤگەرا جڤاکا دیموکراتیک روودايه و ژ ئاليه‌كێ دى ل هه‌مان باژێر ل هه‌مبه‌ر باره‌گايێ پارتى ديموكراتى كوردستان سوريا هه‌ر ل ده‌مێ گێرانا ئاهه‌نگا نه‌وروزێ ته‌قينه‌ك روودايه و د ئه‌نجامێ هه‌ردو هێرشان دا 35 كه‌س شه‌هيد بوون و 89 كه‌سێن دى ژى برينداربووينه
ب وێنه: به‌فر بارينێ ده‌سپێكر
ئەڤرۆ نیوز، زنار تۆڤی:
ژ ئەگەرێ تێکچوونا رەوشا سەقایی، ل دەڤەرا بەرواری بالا ل شەڤا ئێکێ یا نەورۆزێ بەفر ل سەنتەرێ ناحیا کانی ماسێ و چەند گوندەکان ل ڤێ دەڤەرێ باری و ھەروەسا رێژەیەکا باش یا بارانێ ژی باریە.
وەلید سەعید ئێکە ژ خوجھێن کانی ماسێ بو ئەڤرۆ نیوز راگەھاند کو ل شەڤا 20 ل سه‌ر 21\3\2015 پێلەکا بەفرێ ل سەنتەرێ ناحیا کانی ماسێ و ھەروەسا گوندێن بناڤیێ و ھەدێنە و تیلەرێ و کانی سارکێ و ئورە و بێدوھێ و مایێ و سەرەر و دیشێشێ باری و نوکە ل گوندێن بناڤیێ ھەدێنە بەفر یا دباریت و رەوشا سەقایی گەلەک سار بوویە.
سويد و فنله‌ندا دێ راهێنه‌رێن له‌شكرى ره‌وانه‌يى هه‌ولێر كه‌ن
ئه‌ڤرۆ نيوز:
ئه‌ڤرۆ رۆژا شه‌مبى 21\3\2015 رۆژناما سڤینسكا داگبلادت يا سويدى راگه‌هاند كو به‌رى هاتنا هاڤينێ، بڕياره هه‌ر ئێك ژ وه‌لاتێ سويد و فنله‌ندا، 30 راهێنه‌رێن له‌شكرى بۆ مه‌شقپێكرنا هێزێن پێشمه‌رگه‌يى ره‌وانه‌يى هه‌ولێر بكه‌ن.
ب گۆره‌يى نووچه‌يىێ ڤێ رۆژنامه‌كێ كو چه‌ند ده‌زگه‌هێن راگه‌هاندنێ ژ زارده‌ڤێ وێ به‌لاڤكريه، وه‌لاتێ سويد ل به‌ره بۆ هه‌يڤا چار پرۆژه قانوونه‌كێ بۆ ڤێ مه‌ره‌مێ پێشكێشى په‌رله‌مانێ وه‌لاتێ خوه بكه‌ت ل هه‌يڤا چار بۆ ره‌زامه‌نديا ڤێ بڕيارێ.
ديسا وه‌زيرێ به‌ره‌ڤانيا فنله‌ندا ژى بۆ ڤێ رۆژنامێ راگه‌هانديه كو ئه‌وان ل به‌ره به‌رى هاڤينا ئه‌ڤ ساله نێزيكى 50 راهێنه‌رێن له‌شكرى ره‌وانه‌يى ده‌ڤه‌را هه‌ولێر ل كوردستانێ بكه‌ن بۆ مه‌شقپێكرنا پێشمه‌رگه‌يى.
رۆژناما سڤینسكا داگبلادت ئه‌و چه‌ند ژى راگه‌هانديه كو به‌رى نوكه هه‌ر ئێك ژ وه‌لاتێن دانيمارك و نه‌رويژ ژى، ره‌زامه‌نديا ڤێ چه‌ندێ ده‌ربڕيه.
سه‌ليم جبۆرى: قوربانيدانا كوردان ب درێژاهيا مێژوويێ هه‌لكه‌فتێن وان مەزنتر لێ دكه‌ت
ئه‌ڤرۆ نيوز:
سه‌رۆكێ جڤاتا نوونه‌رێن عيراقێ پيرۆزباهيا گه‌لێ عيراقێ و كوردان كر ب هه‌لكه‌فتا بيرهاتنا جه‌ژنا نه‌ورۆزێ.
سه‌ليم جبۆرى، سه‌رۆكێ جڤاتا نوونه‌رێن عيراقێ د داخۆيانيه‌كێ دا راگه‌هاند كو قوربانيدانێن زێده يێن گه‌لێ كورد ب درێژاهيا مێژوويێ داين و به‌رده‌واميا وان ل سه‌ر وێ قوربانيدانێ، مه‌زن و بلنداهيێ دده‌ته هه‌لكه‌فتێن وان، ئاماژه ب وێ چه‌ندێ ژى كر كو نه‌ورۆز دێ مينيت ناڤونيشانه‌ك بۆ ره‌نجا وان دژى زۆرداريى و بن ده‌ستيێ كو دبيته مه‌شخه‌لێن ئازادى و سه‌ربه‌خۆيى و ب ده‌ستڤه‌ئينانا مافان.
ئاماژه ب وێ چه‌ندێ ژى كر كو ب ده‌رفه‌رت وه‌رگرتنا ڤێ بيره‌وه‌ريێ بۆ دووباره ب بهاكرنا هه‌لويستێ گه‌لێ مه ل كوردستانێ و سه‌ركرداتيا وێ كو زێده‌ترى ميلۆن ئاوارێن گه‌لێ مه ب ره‌نگه‌كێ مرۆڤاتيى و ئه‌خلاقى و ئاينى ل هه‌مبێز وه‌رگرتى ب ره‌نگه‌كێ مه‌ردانه ب مه‌زناهى و بلنداهيا چيا و گۆت: “ب هيڤيا پێشڤه‌چوون و پێشكه‌فتنا به‌رده‌وام بۆ گه‌لێ كورد و سه‌ركرداتيا وێ يا هێژا”
سه‌قايێ رۆژا دويێ نه‌ورۆزێ
ئەڤرۆ نیوز:
رێڤەبەریا گشتیا کەشناسیێ ل ھەرێما کوردستانێ راگەھاند کو سوبەھی ئەسمان دێ ئەورەکێ باراناوی بیت و بەردەوام دێ باران ل دەڤەرێن جودا باریت و بریسی ژی ل گەل بن و ب شەڤ ئەگەرێن بارانا بۆش ھەیە. ھەوایەکێ ب ھێز یێ ھەیی.
پشکا پێشبینیان ل رێڤەبەریا گشتیا کەشنایا ھەرێمێ راگەھاند کو ژ ئەنجامێ به‌رده‌واميا فشارێن وه‌لاتێ توركيا كو هه‌وايه‌كێ سار ل گه‌ل دايه بۆ ل سەر ھەرێما کوردستانێ ئەو پێشبینی دکەن کو سوبەھی رێکەفتی 2015.3.22 سوبەھی ئەسمان دێ ئەورەکێ باراناوی بیت و بەردەوام دێ باران ل دەڤەرێن جودا باریت و بریسی ژی ل گەل بن و ب شەڤ ئەگەرێن بارانا بۆش ھەیە.
رێڤەبەریا گشتیا کەشناسیێ ل ھەرێما کوردستانێ ئاشکەرا ژی کریە کو پلا گەرماتیێ نزم بيت وەکو ھەڤبەرکری بیت ل گەل رۆژێن بەری نوکە ب رەنگەکی د ناڤبەرا 17 بۆ 7 دا.
ل دۆر پێشبینیا رێژا ھەوایی و مەودایێ دیتنێ ژی دایە زانین کو دێ ئاراستەیێ وی دێ باكوورێ رۆژھەلات بیت ب رەنگەکی دێ یێ ناڤەندی بیت د ناڤبەرا 20 بۆ 30 کلم د دەمژمێرەکێ دا و ماوێ دیتنێ ژی دێ 8 بۆ 10 کلم دا بیت.
ناڤه‌رۆكا گۆتارێن ئەینيێ يێن مزگه‌فتێن مووسل ب ڤى ره‌نگى بوو
ئەڤرۆ نیوز، بارزان مزووری:
ژێده‌ره‌كى ژ رێكخراوا چه‌كدارێن ئازاد ل ناڤ باژێرێ مووسل راگه‌هاند كو ترسه‌كا مه‌زن كه‌فيته د ناڤ داعش دا و نوكه ب مايكرۆفۆنێن ل سه‌ر ترۆمبێلان دخوازن گه‌نج بچنه ناڤ رێزێن وان.
ئاماژێ ب وێ چه‌ندێ ژى دكه‌ت كو ئه‌وان د گۆتارا خوه يا رۆژا ئه‌ينى دا راگه‌هانديه كو هه‌ر كه‌سێ چوويه هه‌رێما كوردستانێ يان ناڤ كوردان دا، مالێ وان تالان بكه‌ن و قه‌تلێ وان ژى يێ حه‌لاله.
دده‌ته زانين ژى كو نوكه خاڤيه‌كا گه‌له‌ك به‌رچاڤ كه‌فتيه ناڤ رێزێن چه‌كدارێن داعش و د گۆتارێن خوه دا ئاماژه ب وێ چه‌ندێ ژى كريه كو ئه‌وان مووسل ب خوينێ ستانديه و ئه‌و دبێژن كو ئه‌و نابه‌رده‌ن هه‌تا ته‌رمێن وان بكه‌ڤنه كولانان.
نيشاندان
WP Facebook Auto Publish Powered By : XYZScripts.com