ئه‌ڤرۆ نيوز:

ژێده‌رێن ناڤخويى ل قه‌زا حه‌ويجه‌، باشوورێ رۆژئاڤا كه‌ركوكێ رادگه‌هينين: داعش خزمه‌تگوزاريا ئێنته‌رنێت و موبايلان ل قه‌زا حه‌ويجه‌ و ناحى و گوندێن ده‌وروبه‌ر بريه‌.

ئه‌و ژێده‌ر دبێژن: ل گه‌ل نێزيكبوونا پروسا سه‌ربازى يا هێزێن پێشمه‌رگه‌ى بۆ كونترولكرنا قه‌زا حه‌ويجه‌، داعش  خزمه‌تگوزاريا ئێنته‌رنێت و موبايلان قوت كرينه‌.

داعش ئه‌ڤرۆ ل ده‌مژمێر 3 ى، پشتى نيڤرۆ ده‌ست ب برينا تورێن موبايل و ئه‌نته‌رنێتێ كريه‌.

ئه‌ڤرۆ نیۆز، قائید میرۆ
ئه‌ندامه‌كێ جڤاتا پارێزگه‌ها نه‌ینه‌وا ئه‌شكرا كر، د كۆمبوونه‌كێ دا پلانا مه‌ده‌نی بۆ ئازادكرنا باژێڕێ مووسل هاتیه‌ دانان و چاڤه‌ڕێی بجهئینانا پلانا سه‌ربازی دكه‌ین.
غه‌زوان حامد، ئه‌ندامێ كورد ل جڤاتا پارێزگه‌ها نه‌ینه‌وا ب مالپه‌ڕێ ئه‌ڤرۆ نیۆز راگه‌هاند” به‌ری دو رۆژا جڤاتا پارێزگه‌ها نه‌ینه‌وا كۆمبوویه‌ و د كۆمبوونێ دا، دانوستان ل دۆر دارشتنا پلانا مه‌ده‌نی بۆ ئازادكرنا باژێڕێ مووسل هاتیه‌كرن و هه‌موو به‌رهه‌ڤیه‌ك ژی ژلایێ مه‌ده‌نی ڤه‌ هاتینه‌كرن.
غه‌زوانی گۆتژی” پلانا مه‌ده‌نی پێكهاتیه‌ ژ گه‌هاندنا هه‌ڤكاریێن بله‌ز بۆ خه‌لكێ مووسل، ئه‌وژی دده‌مێ رێڤه‌چوونا پڕۆسا ئازادكرنا مووسل دا و ئه‌م چاڤه‌ڕێی هه‌ڤپه‌یمان و حوكمه‌تا عێراقێ دكه‌ین بۆ بجهئینانا پلانا سه‌ربازی و كه‌نگی هاته‌ ده‌ستپێكرن، ئه‌مژی وه‌ك حوكمه‌تا نافخۆیا مووسل به‌رهه‌ڤین پلانا مه‌ده‌نی بجهـ بینین.

ئه‌ڤرۆ نيوز:

حه‌يده‌ر عه‌بادى سه‌رۆك وه‌زيرێن عيراقێ ئه‌ڤرۆ پێشوازيا شاندێ پارێزگه‌ها هه‌له‌بجه‌ كر و رژدى ل سه‌ر گرنگيدان ب دابه‌شكرنا سامانێ وه‌لاتى ل سه‌ر بنه‌مايێ دادپه‌روه‌رى و خزمه‌تكاريان بۆ هه‌موو پارێزگه‌هان كر.

عه‌بادى د ديدارا شاندێ پارێزگه‌ها هه‌له‌بجه‌ كو ژماره‌كا خێزانێن قوربانييێن كيميابارانكرنا هه‌له‌بجه‌ و ئالا تاله‌بانى په‌رله‌مانتارا فراكسيونا ئێكه‌تيێ ل په‌رله‌مانێ عيراقێ به‌رهه‌ڤبوو راگه‌هاند: حزبا به‌عس يا سه‌دامى و رێكخراوا تيرورستيا داعش هه‌مان شێواز و ره‌فتارا كوشتنا عيراقيان په‌يره‌و دكه‌ن.

عه‌بادى  ديسا گۆت: تاوانا هه‌له‌بجه‌ دڤێت نه‌هێته‌ ژبيركرن.