ئه‌ڤرۆ نیوز،زنار تۆڤى:
د كومبوونه‌كێ دا ئه‌ڤرۆ رۆژا سێشه‌مبى 21/7/2015 ئه‌نجوومه‌نێ وه‌زیرێن عێراقێ بریار دا ده‌رماله‌یێن پله‌ بلندان كێم بكه‌ن.
ده‌رباز محه‌مه‌د وه‌زیرێ كۆچ و كۆچبه‌ران یێ حوكمه‌تا عێراقێ دیاركر كو ئه‌نجۆمه‌نێ وه‌زیرێن عێراقێ د كۆمبوونا ئه‌ڤرۆدا بریاردا ده‌رماله‌یێن هه‌رسێ سه‌رۆكاتیێن عێراقێ و هه‌مى پله‌یێن بلند كێمبكه‌ن.
ناڤهاتى گوت ژى:ئه‌ڤ بریاره‌ هه‌ر ئێك ژ سێ سه‌رۆكاتیان و وه‌زیر و رێڤه‌به‌رێن گشتى و فه‌رمانبه‌رێن هه‌رسێ سه‌رۆكاتیان ڤه‌دگریت و هه‌وه‌سا ده‌رباز دبێژیت:ده‌رمالێن هه‌رسێ سه‌رۆكان و جێگرێن وان ب رێژه‌یا 50% دێ هێنه‌ كێمكرن و ده‌رماله‌یێن وه‌زیران ب رێژه‌یا 45% دێ هێنه‌ كێمكرن،هه‌روه‌سا رێڤه‌به‌رێن گشتى ب رێژه‌یا 35% و فه‌رمانبه‌رێن هه‌رسێ سه‌رۆكاتیا ب رێژه‌یا 30% ده‌رماله‌یێن وان دێ هێنه‌ كێمكرن. ئه‌رێ ئه‌ڤ بریارا حوكمه‌تا عێراقێ دێ ژ كوردستانێ ژى گریت،به‌رسڤ هێشتا نه‌یا دیاره‌.

ئه‌ڤرۆ نیۆز، قائید میرۆ
نیڤرۆیا ئه‌ڤرۆ جاره‌كادی فڕۆكه‌یێن هه‌ڤپه‌یمانان چه‌ندین جارا هێرشكره‌ سه‌ر بلنداهیێن بادۆش و زیانێن مه‌زن گه‌هاندن تیرۆرستێن داعش.
موقه‌ده‌م دلشاد مه‌ولوود به‌رپرسێ راگه‌هاندنا فه‌رماندا زێره‌ڤانی ب ئه‌ڤرۆ نیۆز راگه‌هاند” ئه‌ڤرۆ بۆجاره‌كا دی فڕۆكه‌یێن شه‌ڕكه‌رێن هه‌ڤپه‌یمانا بنكه‌ و باره‌گایێن داعش ل بلنداهیێن بادۆش به‌رامبه‌ر ئاسكی مووسل بۆ چه‌ندین جاران بوردۆمانكرن، ئه‌ڤه‌ دده‌مه‌كیدایه‌ دوهی ژی هه‌ڤپه‌یمانان ئه‌ڤ ده‌ڤه‌ر بوردۆمانكربوون.
دلشادی گۆتژی” گوره‌ی زانیاریێن فه‌رماندا زێره‌ڤانی ب ئه‌گه‌رێ بوردۆمانا ئه‌ڤرۆیا هه‌ڤپه‌یمانان ل میحوه‌رێ رۆژ ئاڤایێ دیجله‌ زیانێن مه‌زن گه‌هشتینه‌ چه‌كدارێن داعش”.

ئه‌ڤرۆ نیۆز، قائید میرۆ
چه‌كدارێن داعش ل رۆژهه‌لاتێ ناحیا باشیك هێرشه‌كا به‌رفره‌ه كریه‌ سه‌ر هێزێن پێشمه‌رگه‌یێن كوردستانێ و د ئه‌نجامدا هێرش هاتیه‌ شكاندن و شه‌ش ته‌رمێن داعش هاتینه‌ دیتن.
ژێده‌ره‌كێ ئاگه‌هدار ل میحوه‌رێ باشیك ب ئه‌ڤرۆ نیۆز راگه‌هاند” شه‌ڤا بۆری چه‌كدارێن داعش ل سێ لایانڤه‌ هێرشكریه‌ سه‌ر هێزێن پێشمه‌رگه‌ی ل میحوه‌رێ باشیك و پتری ده‌مژميره‌كێ شه‌ڕه‌كێ گران دناڤبه‌را پێشمه‌رگه‌ و چه‌كدارێن داعش روویدایه‌ و د ئه‌نجامدا پێشمه‌رگه‌ شیا هێرشا داعش پاشڤه‌ببه‌ت”.
ژێده‌ری گۆتژی” چه‌كدارێن داعش سێ هه‌مه‌رێن بۆمبڕێژكری دگه‌ل ئینابوون، به‌لێ دوو هه‌مه‌ر ژلایێ هێزێن پێشمه‌رگه‌ی هاتنه‌ ژناڤبرن و تیرۆرستێن داعش شه‌ش ته‌رمێن خوه‌ ل گوڕه‌پانا شه‌ڕی بجه هێلاینه‌”.
ئه‌ڤی ژێده‌ری ئه‌ویه‌كژی خویاكر، فڕۆكه‌یێن هه‌ڤپه‌یمانان پشته‌ڤانیا هێزێن پێشمه‌رگه‌ی دكر ل هێرشا شه‌ڤا بۆری دا و پێشمه‌رگه‌ یێ بێ زیانه‌ دڤێ هێرشێ دا.