ئه‌ڤرو نیوز،بارزان مزوورى

ل پێناڤ دارشتنا نه‌خشه‌رێیه‌كێ بو ئاڤاكرن و گه‌شه‌پێدانا مروڤى ئه‌ڤرو 4/3 لژێر چاڤدێریا مه‌سعود بارزانى سه‌روكێ هه‌رێما كوردستانێ , ب به‌رهه‌ڤبوونا پارێزگه‌رێ دهوك فه‌رهاد ئه‌تروشى ب نوێنه‌رێ سه‌روكێ هه‌رێما كوردستانێ و جه‌عفه‌ر ئیمینكى جێگرێ سه‌روكێ په‌له‌مانى و نوێنه‌رێ سه‌روك كومارێ عێراقێ عصمت محه‌مه‌د و قونسول و دبلوماتكار و نوێنه‌رێن ولاتێن جودا جودا نوێنه‌رێن نه‌ته‌وه‌یێن ئێكگرتى و ئه‌ندام په‌رله‌مانێن عێراقێ و كوردستانێ و ئیسماعیل مسته‌فا ره‌شید قائیمقامێ قه‌زا شێخان و به‌رپرسێ لقا 20 شێخان عه‌لى عه‌ونى و جڤاتا روحانیا ئیزدی و نوێنه‌رێن برایێن ئیزدى و مه‌سیحى و موسلمان ، گروپێ ئاشتى ژنانى سه‌ركرده‌ ل كوردستانێ ب هه‌ڤكارى دگه‌ل رێكخراوا ئێمه‌ بو گه‌شه‌ پێدانێ مرویى و ب پالپشتیا رێكخراوا هیڤوس ئێكه‌مین كونفرانسێ لالش بو پێكڤه‌ ژیانێ ل په‌رستگه‌ها لالش هاته‌ گێران .
ل ده‌ست پێكێ په‌یڤا گروپێ ئاشتى یێ ژنێن سه‌ركرده‌ هاته‌ پێش كێش كرن و لدوڤ دا وتارا هه‌ر ئێك ژ قائیمقامیا قه‌زا شێخان و نوێنه‌رێ سه‌روكێ هه‌رێما كوردستانێ و نوێنه‌رێ سه‌روك كومارى عێراقێ و نوێنه‌رێ په‌رله‌مانێ كوردستانێ و نه‌ته‌وه‌یێن ئیكگرتى و سه‌روكێ جڤاتا روحانیا ئیزدیا هاتنه‌ پێشكێش كرن.

ئه‌ڤرۆ نيوز:

شه‌ش گرتيێن كوردێن سنى ل گرتيگه‌ها ره‌جا يا باژێرێ كه‌ره‌ج د ده‌مه‌كى دا كو بۆ جارا دووماهيێ د ناڤ قه‌فه‌سان دا ل گه‌ل بنه‌مالێن خوه‌ ئاخفت بوون، حوكمێ سێداره‌دانێ ل سه‌ر برێڤه‌چوو.

ئاژانسا ده‌نگوباسێن كوردپا، به‌لاڤكر كو سپێده‌هيا ئه‌ڤرۆ رۆژا چارشه‌مبى شه‌ش گرتيێن كوردێن سونه‌ كو رۆژا به‌رى وێ ڤه‌گوهاستبوونه‌ ژووار تاكه‌كه‌سى يا گرتيگه‌ها ره‌جايا باژێرێ كه‌ره‌ج، ده‌مژمێر پێنجى سپێده‌هيا ئه‌ڤرۆ ب ئاماده‌بوونا دادوه‌رێ گشتى و به‌رپرسێ رێكخراوا زيندانيێن سياسى يا ئيرانى هاتنه‌ سێداره‌دان.

حاميد ئه‌حمه‌دى، جه‌مشيد دێهقانى، جهانگير دێهقانى، كه‌مال مه‌لايى، هادى حوسێنى و سه‌ديق محه‌مه‌دى، ئه‌و شه‌ش زيندانى يێن سونه‌ يێن كوردێن خه‌لكێ ژاراوه‌ يا سه‌ر ب سنه‌ و جوانڕۆ بوون، ئه‌ڤرۆ سپێدێ ل گرتيگه‌ها ره‌جا يا باژێرێ كه‌ره‌ج حوكمێ سێداره‌دانێ ل سه‌ر بڕێڤه‌چوو.

ب گۆره‌يى زانياريان ئه‌ڤه‌ شه‌ش سال بوو د زيندانێ دا و ل دووماهيێ هه‌ر سزايێ زيندانێ ب سه‌ر دا هاته‌ سه‌پاندن.

ئێك ژ كه‌سانێن نێزيكى حاميد ئه‌حمه‌دى د داخۆيانيه‌كێ دا بۆ كوردپايى راگه‌هاند كو دوهى ده‌مژمێر 10ى شه‌ڤێ ئه‌وان ئه‌و كه‌س د ناڤ قه‌فه‌سان دا ل دۆر ئێك دانابوون و ئه‌و چووينه‌ ل گه‌ل ئاخفتينه‌.

زێده‌تر گۆت: “شڤێدى ئيتيلاعاتێن ئيرانى هاتنه‌ به‌ر ده‌رگه‌هێ مالا مه‌ و گۆت وه‌ربن بۆ جارا دووماهيێ ل گه‌ل باخڤن و نوكه‌ ژى چاڤه‌رێ ته‌رمێن وان دكه‌ين.

نوكه‌ 77 كه‌سێن مه‌زهه‌بێن دى ل گرتيگه‌ها ره‌جا يا باژێرێ كه‌ره‌جن و نێزيكى 25 كه‌سان حوكمێ سێداره‌دانێ ب تۆمه‌تا شه‌ركرن ل گه‌ل خودێ دێ هێنه‌ سێداره‌دان.