NO IORG
Facebook

ئەڤرۆ نیۆز، سالار دۆسکی:

برباردەرێ جڤاتا پارێزگەھا دھۆکێ بۆ مالپەرێ ئەڤرۆ نیۆز دیارکر کو کومبوونا داھاتی یا جڤاتێ دێ گەنگشە بیت ل سەر ماستەر پلانا پارێزگەھا دھۆک و کێشەو ئاریشە و بەری بھێتە پەسەندکرن.

ئدریس ھەرکی، بریاردەرێ جڤاتا پارێزگەھا دھۆکێ بۆ مالپەرێ ئەڤرۆ نیۆز گۆت: ژڤانە کومبوونا جڤاتێ یا بھێت ل گەل لایەنێن پەیوەندار بیت و گرێدایی ب ماستەر پلانا دھۆک یا ٢٥ سالی ڤە و گەنگشە ل سەر چەندین گوھۆرینان بھێتەکرن.

ھەرکی گۆتژی: ب بۆچوونا من ٢٥ سال کێمە و پێدڤی یە ئەڤ وەختە بھێتە زێدەکرن وەک وەلاتێن جیھانێ و مفا ژ سەربورا وەلاتێن پێشکەفتی بھێتە وەرگرتن.

140

ئه‌ڤرۆ نيوز:

رێڤه‌به‌ريا گشتيا كه‌شناسيێ ل هه‌رێما كوردستانێ راگه‌هاند كو سوبه‌هى ئه‌سمان دێ ئه‌ورێن كێم بۆ ئه‌ورێن بچووك هێته‌ گوهۆڕين و پاشان ژى بيته‌ ساهى.

پشكا پێشبينيان ل رێڤه‌به‌ريا گشتيا كه‌شنايا هه‌رێمێ راگه‌هاند كو ژ ئه‌نجامێ به‌رده‌واميا فشارێن وه‌لاتێ توركيا و ده‌ريا ناڤه‌راست بۆ سه‌ر هه‌رێما كوردستانێ ئه‌و پێشبينى دكه‌ن كو سوبه‌هى رێكه‌فتى 2015.3.5 ئه‌سمان دێ ئه‌ورێن كێم بۆ ئه‌ورێن بچووك هێته‌ گوهۆڕين و پاشان ژى بيته‌ ساهى.

رێڤه‌به‌ريا گشتيا كه‌شناسيێ ل هه‌رێما كوردستانێ ئاشكه‌را ژى كريه‌ كو پلا گه‌رماتيێ دێ بلند بيت هه‌ڤبه‌ركى ل گه‌ل رۆژێن به‌رى نوكه‌ ب ره‌نگه‌كى د ناڤبه‌را 17 بۆ 7 دا.

ل دۆر پێشبينيا رێژا هه‌وايى و مه‌ودايێ ديتنێ ژى دايه‌ زانين كو دێ ئاراسته‌يێ وى دێ باشوورێ رۆژئاڤا بيت ب ره‌نگه‌كى دێ يێ ل سه‌رخوه‌ و ناڤه‌ندى بيت د ناڤبه‌را 5 بۆ 20 كلم د ده‌مژمێره‌كێ دا و ماوێ ديتنێ ژى دێ 8 بۆ 10 كلم  دا بيت.

414

ئه‌ڤرۆ:

مەترسیا ئێکێ: کحول: دبیت ببیتە ئەگەرێ کێماسیێن زکماکی و تەنگەزاریێن رەفتارێ و کێماسیێن مێشکی ل دەڤ زارۆیان.
مەترسیا دوێ: جگارەکێشان: جگارەکێشان و دووکێلا ژدوورڤە کارتێکرنێ ل وەرارا کورپەلەی دکەت، نیکوتین مودەمارێن خوینێ تەنک دکەت و رێکێ نادەت ئوکسجین بگەھیتە کورپەلەی، زارۆیێن ژنێن جگارکێش سەنگێ وان یێ کێمە و تووشی تەنگەنەفەسێ دبن.
مەترسیا سیێ: نەخوشیێن ب رێیا خوارنێ: فاکتەرێن توکسوپلازموسیس یان ( ئێشا پشیکا) دشیاندایە کارتێکرنێ ل ژیانا کورپەلەی بکەن، لەورا پێدڤیە ژنێن دوگیان خوە ژ خوارنا گوشتێ خاڤ و بژارتی دووربکەن، دیسا ماسیێن خاڤ و بەرھەمێن شیرێ خاڤ و پێدڤیە زەرزەوات بھێتە شووشتن بەری خوارنێ و دشیادایە میکروبا کونترول بکەین ب کەلکرنا خوارنێ ھەتا پلا گەرماتیێ دگەھیتە ٧٠% بۆ دەمێ دەقیقا.
مەترسیا چارێ: ب کارئینانا دەرمانا بێی نوشداری: یا باشترە ژنا دوگیان بەری ب کارئینانا دەرمانا ژ نوشدارەکی وەربگریت ھەتا ھەکە ئەو دەرمان بن ژی یێن بێ راچێتا نوشداری دھێنە دان.
مەترسیا پێنجێ: فشارا دەروونی: ل دووڤ ھندەک ڤەکولینان فشارێن دەروونی ل دەمێ دوگیانیێ دبنە ئەگەرێ زوو پەیدابوونا زارۆی، چونکو دشیاندایە ھورمونێن ئالوزیێ زارۆیێن پێشوەخت پەیدابکەن.
مەترسیا شەشێ: زێدە ب کارئینانا کافایینی: شارەزا شیرەتا ل ژنا دوگیان دکەن کو نابیت زێدەتر ژ ٣٠٠ ملیگرامێن کافایینێ ب کاربینیت، ئانکو دو کوپێن قەھوێ.
مەترسیا حەفتێ: فاکتەرێن نەخوشیا: ھندەک ژ ھەودانان وەکو سۆرکێن ئەلمانی و میرخچک کارتێکرنێ ل ساخلەمیا کورپەلەی بکەن، ڤاکسیندان باشترین خوپاراستنە ژ ڤان نەخوشیان، بەلێ دبیت ڤاکسین ب مەترسی بن ل دەمێ دوگیانیێ، لەورا پێدڤیە بەری دوگیانیێ ڤاکسین بھێنە وەرگرتن.

ئەڤرۆ:

بەرپرسێن کوردستانێ د داخویانیێن خو دا بۆ دەزگەھێن رۆژنامەڤانی یێن بیانی گازندا وێ یەکێ ژ ئەمریکا و وەلاتێن ھەڤپەیمانان دکەن کو چەکێ پێدڤی بۆ ھەرێما کوردستانێ نەھنارتیە و ھەروەسا ئەو چەکێ د ھنێرن ژی، بەری بۆ ھەولێرێ رەوانە بکەن، ئەو ب مەرەما پشکنینێ دبەنە بەغدا کو گەلەک جاران ئەڤە دبیتە ئەگەرێ گیروبوونێ.
ژەنەرال جون ئالن، نوونەرێ باراک ئۆبامای سەرۆکێ ئەمریکا، دیار کر کو ئەمریکا راستەوخۆ چەکی بۆ ھەولێرێ رەوانە دکەت، لێ ئەو چەندە ژی نەڤەشارت کو ئەوان دڤێت عیراق ب ئێک پارچەی بمینیت لەوما ئەو ب رازامەندیا بەغدا چەکی بۆ پێشمەرگەی دھنێرن.
لێ د پەیوەندیەکا تێلەفونی دا ل گەل رۆژناما ئەڤرۆ ھەلگورد حکمەت، رێڤەبەرێ راگەھاندن و ھشیاریا نیشتیمانی ل وەزارەتا پێشمەرگەی دیار کر کو ھەتا نوکە چ جورێ چەکی ب رەنگەگێ راستەوخۆ ژلایێ ئەمریکا ڤە بۆ پێشمەرگەی نەھاتیە ھنارتن.
ھەلگورد حکمەت پشتراستکر کو چەندین جاران وان داخواز یا ژ ئەمریکا و ھێزێن ھەڤپەیمانان کری کو چەکی ب رەنگەکێ راستەوخۆ بۆ پێشمەرگەی بھنێرن، لێ ھەتا نوکە ب رەنگەکێ راستەوخۆ چو جورێ چەکی نەگەھشتیە دەستێ وان و گۆت ژی: (مە چەندین جاران لیستا پێدڤیێن سەربازی یێن پێشمەرگەی پێشکێشی ئەمرکیا و ھێزێن ھەڤپەیمانان کریە، لێ وەکو پێدڤیە ھاریکاری نەھاتیە کرن).
ل دووڤ گۆتنێن ھەلگورد حکمەت ئەو چەکێ ھەتا نوکە وەلاتێن رۆژاڤا بۆ پێشمەرگەی ھنارتی گەلەک یێ کێمە، ژبەر کو بەرەیێ شەری یێ بەرفرەھە و ئەو چەک تێرا وێ چەندێ ناکەت پێشمەرگە ١٢٥٠ کم پێ ب پارێزیت.
ل دور وێ یەکێ کا مەرەم چی یە ئەو چەک دەستپێکێ بۆ بەغدا دھێتە ھنارتن پاشی دگەھیتە ھەرێما کوردستانێ، ھەلگورد حکمەت گۆت: (مەرەما وێ چەندێ بتنێ سەپاندنا ھەیمەنا بەغدایە ل سەر ھەرێما کوردستانێ و ھەتا کو بەغدا بزانیت کا چ جورێ چەکی یە بۆ پێشمەرگەی ھاتیە ھنارتن و بەغدا دڤێت وێ چەندێ دیار بکەت کو ئەو چەک ب رێکا وێ یێ بۆ ھەرێما کوردستانێ و پێشمەرگەی دھێتە ھنارتن).
ل گور باوەرا ھەلگورد حکمەت رەنگە ئێک ژ مەرەمێن دی یێن بەغدا ئەو بیت کو پرۆسەیا گەھاندنا چەکی بۆ ھەرێما کوردستانێ گیروو بکەت.
بەرپرسێن ھەرێما کوردستانێ گازندا وێ چەندێ ژ بەغدا دکر کو پێشمەرگە د شەرەکێ دژوار دایە ل گەل گرۆپێ تیروریستی یێ داعش، لێ ھەتا نوکە ژی ئەمریکا وەکو پێدڤی ھاریکاریا پێشمەرگەی ناکەت و چەکێ رەوانە دکەت ژی پتر بۆ بەغدا رەوانە دکەت. ل دەستپێکا ئەڤ سالە د کونگرەکێ رۆژنامەڤانی دا مەسرور بارزانی دیار کر کو ترۆمبێلێن ژ جورێ MRAPs یێ دژی مینا کو ئەمریکا ٢٥٠ بۆ بەغدا رەوانە کرینە، بەغدا بتنێ ٢٥ بۆ پێشمەرگەی ھنارتینە کو ئەڤە ژی دبیتە بتنێ ١٠%، د دەمەکێ دا کو ٩٠% ژ شەرێ داعش ل سەر ملێن پێشمەرگەیە.
ل دور ڤێ چەندێ شرۆڤەکارێن سیاسی د گۆت کو ئەمریکا چەکێ پێدڤی نادەتە ھەرێما کوردستانێ ژ بەر کو ترسا وی چەندێ ھەیە پشتی شەرێ داعش کورد ڤی چەکی ل دژی بەغدا بکار بینن ب تایبەتی ژی بۆ پرۆژێ دەولەت بوونا کوردی، بۆچوونەکا دی ژی ھەبوو کو ژ بەر گڤاشتنێن بەغدا، ئەمریکا وەکو پێدڤی چەکی بۆ ھەرێما کوردستانێ رەوانە ناکەت.
ل دور وێ چەندێ کا ئایا راستیەک ھەیە کو ئەمریکا ژ بەر گڤاشتنێن بەغدا چەکێ گران بۆ پێشمەرگەی رەوانە ناکەت، ھەلگورد حکمەت گۆت: (ھەکە ئەمریکا بخوازیت چەکی بۆ ھەرێما کوردستانێ رەوانە بکەت، بەغدا نەشێت رێگریێ ل ئەمریکا بکەت، لێ ل دووڤ دستووری ئەم پارچەکین ژ عیراقێ و عیراق ژی ممارسا ڤی حەقێ خو دکەت کو پێدڤیە ھنارتنا چەکی بۆ ھەرێما کوردستانێ ب رێکا وێ بیت و ئەمریکا ژی رێزێ ل سەروەریا عیراقێ دگریت).
ھەر ل دور ڤی بابەتی، سێر ریچارد ئوتاوەی، بەرپرسێ کومیتا کاروبارێن دەرڤە یا پەرلەمانێ بریتانیا پرسیار دەربارەی ھاریکاریێن زێدەتر یێن بریتانیا بۆ ھێزێن پێشمەرگەی ژ سەرۆک وەزیرێن بریتانیا کر، د بەرسڤێ دا دەڤید کامیرون گۆت: (بریتانیا ٤٠ جورێن چەکێ قورس بۆ پێشمەرگەی ھنارتینە و ل گەل چەند شارەزایەکان بۆ راھێنانان ل سەر بکارئینانا وی چەکی).
کامیرون گۆتژی: (ئەو ھاریکاریێن ئەم بۆ ھەرێما کوردستانێ دابین دکەین، دڤێت برێکا حکوومەتا بەغدا بن کو ئەو ژی پرۆسەیێ گەلەک خاف و ئالۆز دکەت).

ئه‌ڤرۆ نيوز:

نێزيكى 16 هزار سه‌ربازان دووماهى ب راهێنانێن خوه‌ ئينايه‌ كو د كه‌مپه‌كا مه‌شق و راهێنانا سه‌ربازى دا هاتينه‌ به‌رهه‌ڤكرن بۆ كونترولكرنا مووسل.

ئەسیل نوجيفی پارێزگارێ مووسل دياركر ڤێ ژمارا سه‌ربازان راهێنانێن كولان ب كولان يێن كرين، هه‌روه‌سا رژدى ل سه‌ر پشكداريكرنا هێزا پێشمه‌رگه‌ى د شه‌رێ ئازادكرنا باژێرێ مووسل دا كر.

 ئەسیل نوجيفی پارێزگارێ مووسل ئاماژه‌ ب وێ چه‌ندێ ژى دا كو نوكه‌ 8 هزار سه‌ربازێن دى مه‌شق يێ پێ دهێته‌ كرن كو 3 هزار ل قه‌زا مه‌خمون و 5 هزارێن دى ل قه‌زا شێخانن.

314

ئه‌ڤرۆ نيوز:

گرته‌كا ڤيديويى يا ژنه‌كێ به‌لاڤ دبيت كو د ناڤبه‌را وێ و زه‌لامه‌كى ل ويستگه‌هه‌كێ شه‌مه‌نده‌فه‌را ئاسنى دبيته‌ شه‌ره‌ ده‌ڤ و پشتى كو زه‌لام دخوازيت ته‌حه‌روشێ پێ بكه‌ت، ئه‌ڤ ژنه‌ ب ڤى ره‌نگى به‌رسڤا وى دده‌ت.

217

ئه‌ڤرۆ نيوز:

كه‌سه‌كى دخواست ب به‌رى ل ترۆمبێله‌كێ بده‌ت و زيانێ بگه‌هينتێ، به‌لێ به‌ر د ناڤ چاڤێن وى دكه‌ڤيته‌ڤه‌ و دكه‌ڤيته‌ ئه‌ردى.

 

ئه‌ڤرۆنیۆز، سالار دۆسكى:

رێڤه‌به‌رێ كۆمپانیا ئاهێن خوارنێ ل پارێزگه‌ها دهۆكێ دیاركر كو ئێدى ئاوارێن پارێزگه‌ها دهۆك دێ ب رێكا بریكارێن ئاهێن خوارنێ شێن ئه‌رزاقى وه‌ك وه‌لاتیێن پارێزگه‌هێ وه‌رگرن.
ئه‌حمه‌د تاها رێڤه‌به‌رێ كۆمپانیا ئاهێن خوارنێ بۆ مالپه‌رێ ئه‌ڤرۆ گۆت: ئارێ هه‌یڤا ئادارێ ل سه‌ر ئاواران هاتیه‌ به‌لاڤكرن، نوكه‌ دێ ئه‌رزاقێ هه‌یڤا ئادارێ ژى ل سه‌ر ئاواران هێته‌ به‌لاڤكرن، بڤى ره‌نگى هه‌موو ئاواره‌ ب شێوه‌كێ دا دپه‌روه‌رانه‌ ب ئه‌رزاق كه‌ڤن.
تاهاى گۆت: به‌رى نوكه‌ ئه‌رزاق ب رێكا رێكخراوان دهاته‌ به‌لاڤكرن نوكه‌ لدووڤ بریاره‌كا به‌غدا ب رێكا بریكارێن ئاهێن خوارنێ دێ هێته‌ به‌لاڤه‌كرن، هه‌ر چه‌ند ئاواره‌ ل پارێزگه‌ها دهۆكێ بن دێ مفاداربن ژ بریارێ و هه‌ر وه‌لاتیه‌كێ دهۆكێ چ وه‌ربگریت، ئاواره‌ ژى دێ هه‌مان مادێ ئه‌رزاقى وه‌رگریت و هه‌تا 600 هزار ئاواران دێ مفا دارێ بریارێ بیت.
رێڤه‌به‌رێ كۆمپانیێن ئاهێن خوارنێ گۆتژى: په‌نابه‌رێن توركى ژى ئه‌وێن نوكه‌ ل پارێزگه‌هێ و پێشتر ناڤێ خوه‌ تۆماركر بیت ئه‌وژى دێ ئه‌رزاقى وه‌ردگرن.

website security
WP Facebook Auto Publish Powered By : XYZScripts.com