ئه‌ڤرۆ نيوز، نيوار محه‌مه‌د سه‌ليم:

ئه‌حمه‌د عه‌بدولا زۆبێر به‌رپرسێ راگه‌هاندنێ ل رێڤه‌به‌ريا گشتيا په‌روه‌ردا پارێزگه‌ها دهۆكێ د داخۆيانيه‌كێ دا بۆ ئه‌ڤرۆ نيوز گۆت: “وه‌زارتا په‌روه‌ردێ ل حوكمه‌تا هه‌رێما كوردستان دێ ب رێيا ئۆنلاين داخوازيێن مامۆستايان بۆ پۆسيێن رێڤه‌به‌رێن په‌يمانگه‌هان وه‌رگريت”.

زێده‌تر گۆت: “وه‌رگرتنا كه‌سان بۆ ڤان پۆستان دێ ب رێيا ئونلاين بيت و هه‌ر ژ رێكه‌فتى 8ى تيرمه‌ها 2015ێ و هه‌تا 16ى تيرمه‌ها 2015ێ و دێ ژ لايێ رێڤه‌به‌ريا گشتيا يا په‌يمانگه‌هـ و مه‌شقێ بيت.

دا زانين ژى كو ل دهۆكێ په‌يمانگه‌ها كۆمپيۆته‌رى ل گه‌ل دايه‌ و گۆت: “ئه‌ڤ كه‌سه‌ دێ ب رێيا CV هێنه‌ هه‌لبژارتن و هه‌ر خاله‌كێ چه‌ند نمره‌ك ل سه‌رن و خودانێ زێده‌ترين نمران دێ هێته‌ هه‌لبژارتن”.

وه‌زاره‌تا په‌روه‌ردێ ژى ل حوكمه‌تا هه‌رێما كوردستانێ د ڤێ ده‌ربارێ دا ئاگه‌هداريه‌ك به‌لاڤكريه‌ كو ئه‌ڤا ل خوارێ ده‌قێ وێ يه‌:

ئاگەھداریەک ژ وەزارەتا پەروەردێ
ناڤ نڤیسین بو رێڤەبەرێن پەیمانگەھان دەست پێکر
ئاگەھداریا ھەمی لایەکی دکەین کو ھەر ل روژا چوارشەمبی رێکەفتی ( ٨-٧-٢٠١٥) تا پێنج شەمبی رێکەفتی ( ١٦-٧-٢٠١٥) رێڤەبەریا گشتی یا پەیمانگەە ومەشقێ ب رێکا ( ئۆنلاین – Online)
( زانیاریێن کەسایەتی – CV ) وپوختەی راژە دێ داخازیێن وە وەرگریت بو ڤان پوستان :
رێڤەبەرێ پەیمانگەھا ھونەرێن جوان ھەولێر
رێڤەبەرێ پەیمانگەھا ھونەرێن جوان سلێمانی
رێڤەبەرێ پەیمانگەھا ھونەرێن جوان ھەلەبچا شەھید
رێڤەبەرێ پەیمانگەھا ھونەرێن جوان کەرکوک
رێڤەبەرێ پەیمانگەھا کومپیوتەری سلێمانی
رێڤەبەرێ پەیمانگەھا وەرزشی ھولێر
رێڤەبەرێ پەیمانگەھا وەرزشی دھوک
تێبینی :
ئێک : دشێن (زانیاریێن کەسایەتی – CV) وپوختەی راژە ب رێکا ڤی ناڤ ونیشانێ ئەلیکترونی بنێرن : cv@moe.krg.org
دوو : ئەو کەسێن بەری نوکە دشێن ( زانیاریێن کەسایەتی – CV) وپوختەی راژە پێشکێشکرین پێدڤی یە دووبارە بھنێریت .
سێ : ھەلبژارتن دێ لدویف ڤان مەرجێن خارێ بیت :
مەرج /
• پێدڤی یە داخوازکەر خزمەتا ( ١٠) سالان کێمتر نەبیت دسنوری وێ پەیمانگەھێ دا .
• ژیێ وی ژ ( ٣٥) سالان کێمتر نەبیت وخزمەتا وی وەکی ماموستا ژ ( ١٠) سالان کێمتر نەبیت .
• برواناما داخوازکەری ژ بەکالوریوس کێمتر نەبیت دبیاڤێ خودا .
• چێ جورە سزایەکێ کارگێری و پیشەیی وەرنەگرتبیت .
• ژ روویێ جەستەیی ودەرونی ڤە یێ ساخلەم بیت ورابردویەکێ نیشتیمانی یێ پاک ھەبیت .
• خولەکا باوەرپێکری یا کومپیوتەری تمام کربیت وزێدەتر ژ زمانەکی بزانیت .
پیڤەر /
پیڤەرێ نمران : تێبینی
• سالا خزمەتێ (٥) نمرە بو ھەر سالەکێ.
• رێزوسوپاسی ٤ نمرە ب مەرجەکی ژ ( ٥) رێزوسوپاسیان زێدەتر نەبیت.
• برواناما دکتورا (١٠) نمرە.
• برواناما ماستەر (٥) نمرە.
• ھەلسنگاندنا لیژنا چاڤپێکەفتنێ (٣٠) نمرە، لیژنە ژ (٣ – ٤) ئەندامان ژ وەزارەتێ ودێ ل سەر کەسایەتی وزیرەکی و … هتد.

• برواناما باوەرپێکری یا کومپیوتەری (١٠) نمرە بو نموونە وەک برواناما (ICDL).
• برواناما کومپیوتەری یا خوجھی (٥) نمرە.