NO IORG
نووترين نووچه
Facebook

ئەڤرۆ نیوز:
رۆژنامەڤانەکێ تورکیا دیار دکەت کو ب فەرمانا ئەردۆگانی چار لیژنە بۆ ئاڤاکرنا حوکمەتا نوو ھاتینە پێکئینان و ل سەر چاوانیا ئاڤاکرنا حوکمەتێ و ئەگەرێن پشکداریا ھەر دو پارتێن کۆماری و نەتەوەپەرست کار دکەن و ئەردۆگانی دڤێت ب راگرتنا پرۆسا ئاشتیێ و شەرێ ل سووریێ کابینا نوو ئاڤا بکەت و دخوازیت ژ بلی ھەدەپێ پارتیێن دیتر د کابینا نوو دا پشکدار بن.
جونەیت ئۆزدەمیر رۆژنامەڤانێ ناڤدارێ تورکیا د نڤیسەکا خوە دا دیار دکەت کو وی شیایە ئاگاھیێن نوو بدەستڤە بینیت کو نیشا ددەن ئەردۆگان بخوە ژ نێزیکڤە ل سەر چاوانیا ئاڤاکرنا حوکمەتا نوو کار دکەت و ب فەرمانا وی چار لیژنە ژ ئاکپارتی ھاتینە ئاڤاکرن و ئەو لیژنە ل سەر داخوازیێن ھەر دو پارتێن کۆماری و نەتەوەپەرست کار دکەن، د بەرنامێ ئەردۆگانی دا چو گرنگیەکا ب ھەدەپێ و خەباتا وی نەھاتیە دان و ب ڤی رەنگی ژی ئەردۆگانی دڤێت پرسا کوردی بکەتە قوربانیا ئاڤاکرنا کابینا نوو یا حوکمەتێ و ئەو یەک دێ رەوشا تورکیا گەلەک ئالۆز کەت.
ناڤھاتی د پشکەکا دی یا ئاخڤتنا خوە دا دیار دکەت کو دیارە د کابینا نوو دا دێ پرۆسا ئاشتیێ ھێتە راگرتن و بابەتێ شەرێ ل سووریێ و بزاڤێن ل دژی ئاڤاکرنا ھەرێمەکا کوردی ل سووریێ دێ ببنە خالێن گرنگ یێن ھندێ کو ئەردۆگان بشێت ھەر دو پارتێن دی رازی بکەت دا د ناڤ حوکمەتێ دا جە بگرن و گۆت: (ئەردۆگانی ئەو یەک دیار کریە ھەتا ژ دەستێ وان بھێت بشێن ھەر دو پارتیان ژی د ناڤ کابینا نوو دا بدەنە بجە کرن و داخوازیێن وان بەچاڤ وەربگرن، لێ ژ بەر ناکۆکیێن ھەر دو پارتێن دی ئەردۆگانی داخوازا کریە دەستپێکێ
گرنگی ب پارتیا نەتەوەپەرست بھێتە دان و دڤێت ئەو د کابینا نوو دا پشکدار بن و ھەکە وان نەخواست پاشی دێ ل گەل پارتیا کۆماری دانوستاندنان ھێنە کرن).
نڤیسەرێ ناڤدارێ تورکیا ئەو یەک ژی دیار کریە کو د کارێ وا لیژنان دا چو تشتەک بۆ کوردان نینە و ئەو ب چو رەنگەکێ ل گەل ھەدەپێ دانوستاندنان ناکەن و ئەردۆگانی نەڤێت ب چو رەنگەکێ تشتەک وەسا بھێتە کرن دێ ھەتا دووماھیێ بزاڤ ھێنە کرن کو ھەر دو پارتیێن ناڤھاتی رازی ببن و ھەکە ئەو بزاڤ نەگەھشتنە چو ئەنجامێ دێ ئەردۆگان داخوازا ھەلبژارتنێن پێشوەخت بکەت و گۆت: (یا دیار حوکمەتا نوو دێ بۆ چارەکرنا پرسا کوردی و بزاڤا ئاشتیێ چو خەباتەکا بەرچاڤ نەکەت، ئەو یەک ب ھەموو رەنگەکێ دیار دبیت، نھا شانسەکا گەلەک مەزن بۆ پارتیا نەتەوەپەرست دەرکەڤتیە پێش و رەنگە ئەو ل گەل ئاکپارتی حوکمەتا نوو ئاڤا بکەن).
د دووماھیا نڤیسا خوە دا جونەیت ئۆزدەمیر دیار دکەت کو د ھەلبژارتنێن سەرۆکێ پەرلەمانێ تورکیا ژی دیار بوو کو ئاکپارتی گەلەک سۆز داینە پارتیا نەتەوەپەرست و ژ بەر ھندێ ژی وان ب رێیەکا دی پشتەڤانی ل بەربژارێ ئاکپارتیێ کر و ل ھەمبەر وێ یەکێ ژی دێ د کابینا نوو دا ئاکپارتی گرنگیەکا مەزن بدەتە وان و ئەو یەک ژی ل سەر حسابێ دژبەریا کوردان و پرۆژێ ئاشتیێ دھێتە کرن و ل گۆر نێرینا من ھەکە کابینەکا وەسا ژی بھێتە ئاڤاکرن نەشێت پتر ژ سالەکێ بەردەوام بکەت و گۆت: (خەلکێ تورکیا ب ھەموو رەنگەکی دژی شەریە، دەمەکە شەر ل تورکیا نینە و خەلکێ دڤێت رەوشا نھا وەسا بەردەوام بکەت، لێ بزاڤێن ئەردۆگانی و ئاکپارتی بۆ شەرێ ل سووریێ و ھەروەسا ئاڤاکرنا حوکمەتا نوو ل گەل پارتیا نەتەوەپەرست کو ب ھەموو رەنگەکێ دژی مافێ کوردانە دێ تورکیا بەر ب رەوشەکا گەلەکە خراب ڤە ببەت و ئەز ھیڤیدارم ئاکپارتی یاریێ ب کارتێن وەسا نەکەت).

ئەڤرۆ نیوز:

ئەندامەکێ بەرێ یێ پەرلەمانێ کوردستانێ ل سەر لیستا پارتی دیموکراتی کوردستان د داخۆیانیەکێ دا بۆ رۆژناما ئەڤرۆ راگەھاند، ئەو کۆمبوونا فراکسیۆنێن ھەر چار حزبێن کوردستانی ل پەرلەمانێ کوردستانێ ل سەر پرسا سەرۆکاتیا ھەرێمێ ئەنجامدای،وان ژی دزانی بۆ وان ناچیتە سەر و بتنێ پەیامەک بوو بۆ پارتی دانیشان بدەن ھەکە وان بڤێت دشێن ئاریشا بۆ چێکەن و ئەڤ مژارە ھەمی بدووماھی ھات و ئەوا وان دڤیا کر،لەورا نوکە سەر ژنوو دانوستاندن دێ دەست پێکەن و دڤان چەند رۆژان دا دێ دیار بیت وان چ دەستکەفت دڤێن و ل دووڤدا دێ گەھنە رێککەفتنێ .
عەبدولسەلام بەرواری زێدەتر بۆ ئەڤرۆ گوت”گۆران و ئێکەتیێ و ئێکگرتوو و کۆمەلا ئیسلامی ھەردەم ئێک مەرەم و ئارمانج یا ھەی،ئەوژی بەرسینگا پارتی و ب تایبەتی بارزانی بگرن،لێ ل ڤێرێ دڤێت ب چاڤەکێ جودا بەرێ خوە بدەینە ئێکگرتوویێ، لەوما ئەوا ھاتیەکرن ل بن کاودانێن سلێمانیێ بوون،چونکی وان ژدل ھەلویستێ ھەر سێ لایەنێن دی نینە،رێکخستنا ئێکگرتووی ئیسلامی ل دەڤەرا بەھدینان و پێنگاڤێن وان پشتی ٢٣ ی خزیرانێ وێ جوداھیێ بەرچاڤ دکەن”.
دەربارەی بۆچی وان لایەنان نەڤێت بارزانی ببیتە سەرۆکێ ھەرێما کوردستانێ ناڤھاتی خویاکر”ئەڤە نەخوەشیەکا دەروونی یا بەلاڤە دناڤ کوردان دا و ھەر ژکەڤن دا کەس خوە نادەت ب کەسێ و ئەڤە ژی دزڤریتە ڤە بۆ زالبوونا ھزر و بیرێن عەشیرەتی، ئەو ھێشتا بیرکرنا کوردان برێڤە دبەت، ڤێجا بلا ھەر ئەو کەس خودان باوەرنامێن بلندبن، یان ژی چەند سالان ل دەرڤە ژیابن، یان ژی ھەلگرێن درووشم و پەیمانێن گەلەک پێشکەفتی بن، ھەکە بارزانی ژی نەبا، ھەر ئەو دا وەکەن،دیرۆکا کوردان یا پری نموونەیە کو ڤێ راستیا زانستی یا تەحل د سەلمینن”.
عەبدولسەلام بەرواری ئەوژی خویاکر”وان حزبان دیارکریە کو پەیاما سەرۆک بارزانی جۆرە ھێرشەک بوو بۆ وان،لێ کارێ وان حزبان ھەر شەڕ فرۆشتن و ھاندانا خەلکیە دژی سەرۆک بارزانی، چونکی چو ھێرش د پەیاما سەرۆک بارزانی دا نینن، لێ ئەو حزب ھەر دبەردەوامن ل سەر بزاڤا شکاندنا ھەیبەتا بارزانی و ئەڤە چاڤ پێ نەرابوونا وانە، نەخاسمە ئەڤە بارزانی دەولەتا کوردی گەھاندە بەر دەرگەھی”.
ل دۆر وێ چەندێ ھەکە ھەتا ٢٠/٨/٢٠١٥ کو ویلایەتا سەرۆکێ ھەرێمێ ب دووماھی دھێت، سازان نەھاتەکرن د ناڤبەرا حزبێن کوردستانی دا، دێ چ روو دەت؟ عەبدولسەلام بەرواری گوت”پارتی باش یا خوە بەرھەڤکری و پێکئینانا شاندێ پارتی نیشان ددەت کو ل ڤان چەند رۆژێن بھێن دێ ب ئاشکەرایی پرۆژە و پەیاما خوە گەھینیتە ئالیێن دی، بەلێ پارتی ب مەزنی و ئەزموونا خوە وەسا ب ساناھی کارتێن خوە دیار ناکەت”.
خویاکر ژی” ئەوا وان حزبان کری باوەرناکەم زەنگەکا مەترسیێ بیت ل سەر ھەرێمێ، ژ بەر کو ئەز ھەمیێ ب پەیام و مەسج تێدگەھم، لەوما کەسەکێ خودان عاقل باوەرناکەت کو دێ شێت وەسا ب ساناھی پارتی ژناڤ رێکێ ڤەدەت و بێی پارتی پرۆژێ خوە ببەتە سەری، بەروڤاژی، ھەکە ئەڤە ب تنێ پەیام نەبیت و وان ب راستی باوەردکر کو دێ بۆ وان چیتە سەری، ل وی دەمی جھێ مەترسیێ یە، بەلێ یادی نیشانا نەزانین و ساڤاییا وان ل سیاسەتێ دا نیشان ددەت” گۆت ژی” دێ باش دیاربیت کو ئەو ل خەما بەرژەوەندیا گشتی و نەتەوی نینن و وەسا ب ساناھی ئەڤە بۆ وان نابیتە سەرکەفتن”.

930

ئه‌ڤرۆ نیۆز، قائید میرۆ
ئه‌ڤه‌ بۆ ده‌مێ دو رۆژانه‌ چه‌كدارێن داعش هێرشێن خوه‌ بۆسه‌ر چه‌په‌رێن پێشمه‌رگه‌ی ده‌ستپێكریه‌ و تنێ د ئه‌ڤ شه‌ڤه‌دا ل چه‌ند لایه‌كی هێرش كریه‌ لسه‌ر پێشمه‌رگه‌ى و داعش هه‌تا نوكه‌ نه‌شیایه‌ سه‌ركه‌ڤیت.
گوره‌ی زانیاریێن ئه‌ڤرۆ نیۆز، ئه‌ڤ شه‌ڤه‌ تیرۆرستێن داعش ل میحوه‌رێ كه‌ركووكێ ل چوار لایانڤه‌ هێرشكریه‌ سه‌ر هێزێن پێشمه‌رگه‌ی ل گوندێن ته‌لوه‌ردو مریه‌م به‌گ و شه‌ڕه‌كێ دژوار دناڤبه‌را هێزێن پێشمه‌رگه‌ و چه‌كدارێن داعش چێبوویه‌، به‌لێ پێشمه‌رگه‌ یێ سه‌ركه‌فتیه‌ دڤی شه‌ڕیدا.
زانیاریێن ئه‌ڤرۆ ئاماژه‌ ب وێ چه‌ندێ دكه‌ن، شه‌ڕ هه‌تا نوكه‌ یێ به‌رده‌وامه‌، چه‌كێ گران هاتیه‌ بكار ئینان دڤی شه‌ڕی دا، به‌لێ هه‌تا نوكه‌ زیانێن داعش دیارنینه‌.
ژلایه‌كێ دیڤه‌ ل میحوه‌رێ ناوه‌رانژی، تیرۆرستێن داعش شه‌ڤا بۆری دخواست ل رۆبارێ زێی مه‌زن ده‌ربازی ناڤا ناحیا گوێڕ ببیت، به‌لێ پێشمه‌رگه‌ی ب دژواری به‌رسڤا واندا و داعش نه‌شیا پێشڤه‌بهێت.

131

ئه‌ڤرۆ نیۆز، قائید میرۆ
ژ ئه‌گه‌رێ مه‌له‌ڤانیێ گه‌نجه‌ك دناڤا رۆبارێ زێی مه‌زندا خه‌ندقی و گیانێ خوه‌ ژ ده‌ستدا.
رائید كاروان خۆشناو، په‌یڤدارێ پۆلیسێن پارێزگه‌ها هه‌ولێرێ ب ئه‌ڤرۆ نیۆز راگه‌هاند” ئێڤاریا ئه‌ڤرۆ گه‌نجه‌كێ 20 سالی لناڤا زێی مه‌زن ل ناحیا كه‌ورگۆسك دده‌مێ مه‌له‌ڤانیێ دا خه‌ندقیه‌ و گیانێ خوه‌ ژ ده‌ستدایه‌.
رائید كاروان دیاركر، پشتی گه‌هشتنا هێزه‌كا پۆلیسان بۆ جهێ بۆیه‌رێ، ڤه‌كۆلین ل دۆر خه‌ندقینا ڤی گه‌نجی هاتیه‌ ده‌ستپێكرن و دێ یا به‌رده‌وامبیت هه‌تا دگه‌هینه‌ ئه‌نجامه‌كی.

270

ئه‌ڤرۆ نیوز،زنار توڤى:
پشتى ل ئه‌مریكا نشته‌گه‌ریه‌كا مێشكى بۆ ئه‌نجامداى،هۆنه‌رمه‌ندێ ناڤدار ئیبراهیم تاتلیسس جاره‌كادى ده‌ركه‌فت،د نووترین ده‌ركه‌فتنا وى دا د مالپه‌رێن توركى دا چه‌ندین وێنه‌یێن وى به‌لاڤكرن و وێنێن وى ژى ل ئیسته‌مبۆلێ هاتینه‌ گرتن، تاتلیس ب ته‌ندروستیه‌كا باش ده‌ركه‌فت و حه‌ژێكه‌رێن وى دلخۆشیا خوه‌ ب دیتنا وى ده‌ربرى، هه‌روه‌سا د ماوێ بۆرى دا ل تۆرێن كومه‌لایه‌تى تاتلیسى په‌یامه‌كا دلخوشكه‌ر بۆ حه‌ژێكه‌رێن خوه‌ به‌لاڤكربوو،كو ره‌وشا ساخله‌میا وى یا باشه‌ و یێ به‌ره‌ف باشترڤه‌ دچیت. ناڤهاتى پتر 40 ئه‌لبۆمێن سترانان چێكرینه‌ و ب ئیمبراتۆرێ هونه‌رێ سترانگۆتنێ یێ ناسیاره‌،چه‌ندین فلم ژى چێكرینه‌،هه‌روه‌سا ل سالا 2011 ل هه‌وله‌كا كوشتنێ ل ئیسته‌مبۆلێ رزگار بوو،نوكه‌ژى بۆ چاره‌سه‌ریا خوه‌ چه‌ندین جاران قه‌ستا وه‌لاتێ ئه‌مریكا كریه‌.

xc

ئه‌ڤرۆ نیوز: ڤه‌ده‌ر ره‌شاڤایی:
لدووڤ ئه‌نجامێن ده‌ستپێكی و ب هه‌ژمارتنا 40 سه‌دێ یا ده‌نگان دیاردبیت پرانیا خه‌لكێ یونان نه‌خێر هه‌لبژارت بۆ ده‌ڤه‌را یورۆ، پشته‌ڤانێن “نه‌خێر” ده‌ست ب ئاهه‌نگان كر .
61% یا ده‌نگده‌ران مه‌رجێن هاریاكاریا ده‌ڤه‌را یورۆی ره‌ت دكه‌ن كو ژبۆ هاریكاریكرنا یونان د قه‌رێن وێ دا مه‌رجێن توند یێن به‌رته‌نگكرنا مه‌زاختنان دئێخیته‌ لسه‌ر وی وه‌لاتی و بتنێ 39% ب “به‌لێ” ده‌نگ دایه‌، چێدبیت بڤێ یه‌ك ئه‌و وه‌لات خاترا خوه‌ ب ده‌ڤه‌را یورۆ بخازیت.
ئه‌ڤ یه‌كه‌ دێ پێناسه‌كا دی ده‌ته‌ یونان د ئێكه‌تیا ئه‌ورۆپا دا و خوه‌جهییا دارایی ل كیشوه‌رێ ئه‌ورۆپا دێ گوهوریت.
هه‌روه‌سا ده‌نگێ نه‌خێر دێ ده‌ستهه‌لاته‌كا پتر ده‌ته‌ سه‌رۆك وه‌زیرێن یونان لهه‌مبه‌ر قه‌رده‌ران و د خرابترین ره‌وش دا چێدبیت یونان ژ ئێكه‌تیا ئه‌ورۆپا هه‌میێ ده‌ركه‌ڤیت.

08-

129937eb-0246-4d46-9f6e-87bded62836a_800

9437853

684

ئه‌ڤرۆ نیۆز، سالار دۆسكى:
سه‌رۆكێ لژنا قانوونى ل جڤاتا پارێزگه‌ها دهۆكێ ب رێكا مالپه‌رێ ئه‌ڤرۆ نیۆز مزگینه‌ك دا خودانێن خانیێن هه‌تا نوكه‌ نه‌هاتینه‌ توماركرن و تابوكرن بتایبه‌ت ل كومه‌لگه‌ها خوانكێ و سه‌ربازگه‌ها دومیز.
دیندار كوچه‌ر سه‌رۆكێ لژنا قانوونى ل جڤاتا پارێزگه‌ها دهۆكێ دیاركر كو ل دووڤ قانوونا هه‌ژماره‌ (32) یا سالا 1986 كو یا تایبه‌ته‌ ب توماركرنا خانیان ڤه‌ دێ چه‌ندین خانیان ل تاخێن خوانكا كه‌ڤن و سه‌ربازگه‌ها دومیز هێنه‌ تاپوكرن، ئه‌و خانى هه‌تا نوكه‌ نه‌ هاتبوونه‌ توماركرن.
هه‌ڤده‌م دیندار كوچه‌ر گۆتژى: لژنه‌ ژلایێ كارگێریا پارێزگه‌هێ ل سه‌ر هه‌مان بابه‌ت هاتبوو پێكئینان و رازیبوون ل سه‌ر تاپوكرنا ئه‌ڤان خانیان ده‌ركه‌فت بوو، ل دووڤ دا بۆچوونا ئه‌نجوومه‌نێ پارێزگه‌هێ هاته‌ وه‌رگرتن و پشتى بۆ هه‌ر دو لژنێن قانوونى و خزمه‌ت گوزارى ل ئه‌نجوومه‌نى هاتیه‌ بلندكرن و كومبوون ل سه‌ر هاتیه‌كرن مه‌ رازیبوون ل سه‌ر دا كو ل گور قانوونێ ئه‌ڤ خانیه‌ بهێنه‌ تاپوكرن.
سه‌رۆكێ لژنا قانوونى ئه‌نجوومه‌نێ پارێزگه‌هێ دیاركر ژى كو ل گور قانوونا ناڤبرى 922 خانى ل سه‌ربازگه‌ها دومیز و 111 خانى ل خوانكا كه‌ڤن دێ مفاداربن و دێ هێنه‌ تاپوكرن.

op

104

ئه‌ڤرۆ نیوز:

پشتى شڤێدى هه‌لبژارتیێ وى د یاریا دووماهیێ دا نه‌شیا كاسا كوبا ئه‌مریكا بده‌ستڤه‌ بینیت، مێسى ره‌تكر چ داخویانیان بۆ ده‌زگه‌هێن راگه‌هاندنێ بده‌ت.

ئه‌ڤرۆ نیوز:

نێچیرڤان بارزانى سه‌رۆك وه‌زیرێن هه‌رێما كوردستانێ د كۆنگره‌كێ رۆژنامه‌ڤانى دا، راگه‌هاند به‌رى جه‌ژنێ دێ ده‌ست ب به‌لاڤكرنا مووچێ هه‌یڤا 5 هێته‌ كرن و رژدى ل سه‌ر وێ یه‌كێ كر كو هه‌موو بزاڤێن وان ئه‌ون كو ل هه‌یڤا 7 وێڤه‌ گیروبوونا موچان چاره‌ ببیت و ئێدى نابیت دانا موچان ببیته‌ نووچه‌.

469

ئه‌ڤرو نیوز ،بارزان مزوورى:
عصمت ره‌جه‌ب، به‌رپرسێ لقا 14 ل مووسل بو ئه‌ڤرو نیوز دیاركر ئه‌ڤرو 5/7/2015 ل تاخێ 17 ته‌موز ژ ره‌خێ راستێ باژێرێ مووسل شه‌ره‌كێ مه‌زن دناڤبه‌را چه‌كدارێن تیرورستێن بیانى و عه‌ره‌بان دروست بو و حه‌تا نها د به‌رامبه‌رى ئێك راوه‌ستیاینه‌ ؟
ناڤبرى گوت ژى : ئه‌ڤرو نیڤرو چه‌كدارێن تیرورستێن داعش مه‌زنترین باره‌گایێ خو ل تاخێ عه‌ربى په‌قاند به‌رى نها ئه‌و باره‌گا یێ سه‌ربازى بو ده‌مێ ده‌ست ب سه‌ر مووسل دا گرتى ئه‌و سه‌ربازگه‌ جهێ سه‌ره‌كى یێ كوم بونا داعش بوو و نها ژ ئه‌گه‌ره‌كێ نه‌دیار ڤه‌ په‌قاندیه‌.
ناڤبرى دیاركر كو ئه‌ڤرو به‌رپرسێ دارایى بناڤێ عبدالمنعم جارالله‌ شهوان یێ داعش كه‌فته‌ به‌ر بوردومانێن فروكیێن جه‌نگى ل ده‌ڤه‌را مه‌جموعه‌ ل ناڤ باژێرێ مووسل دگه‌ل چه‌كدارێن خو دهێته‌ كوشتن.
عصمت ره‌جه‌ب، دیاركر كو ئه‌ڤرۆ فرۆكێن هه‌ڤپه‌یمانان 13 داعش كوشتى نه‌ و ته‌رمێن وان بۆ نوشداریا داد هاتینه‌ هنارتن كو 10 ژ وان به‌ریتانى نه‌ و 3 ژ وان ئه‌مریكى.

website security
WP Facebook Auto Publish Powered By : XYZScripts.com