ئه‌ڤرۆ نیوز:
نووترين نووچه
- پشكداریا مەسرور بارزانی ل كۆڕبەندێ ئابووریێ جیهانی دێ رەنگڤەدانا ئابووری و دیپلۆماسی ل سەر هەرێمێ هەبیت
- دستووری رێك یا دایە هەرێما كوردستانێ پەترۆلا خوە بفرۆشیت
- نە هنارتنا پارەیان و ئاریشەیا مووچەی بۆ هەرێما كوردستانێ، ئێك ژ كارتێن بەغدایێ یە
- بێی مادەیێ 140 بەغدا نەشێت تاكلایەنە رەفتارێ ب پەترۆلا كەركووكێ بكەت
- بڕیارا دووماهیێ ل دۆر هەلوەشاندنا گرۆپێن بەرەیێ موقاوەمە ل ئیراقێ یا هاتیە دان
- مەبەستا وان ئەوە مووچە و قووتێ وەلاتییێن هەرێما كوردستانێ ببڕن
- چالاكییێن مەسرور بارزانی پرسێن كوردستانێ د ئێخیتە سەر نەخشەیێ گرنگیپێدانا نێڤدەولەتی
- پشكا رەوشەنبیری و راگەهاندنا پارتی دیدارا كاریگەرییا ئەدەبێ زارەكی ل سەر مۆزیكا كوردی سازكر
- خەلكێ شنگالێ ژ قانوونا لێبۆرینا گشتی د رازی نینن
- سەرۆك بارزانی: گەلێ كورد دێ هەر گەهیتە سەربخوەییێ
سه‌ره‌كى Facebook
كرێكاره‌ك ل ئاڤاهیه‌كی كه‌فته خوار و گیانێ خوه ژده‌ستدا
ئه‌ڤرۆ نیۆز، قائید میرۆ
به‌ری نیڤرۆیا ئه‌ڤرۆ ل باژێڕێ هه‌ولێرێ كرێكاره‌ك ل ئاڤاهیه‌كێ پێنج نهوكی كه‌فته خوار و ده‌م و ده‌ست گیانێ خوه ژده‌ستدا.
كاروان خۆشناو، په‌یڤدارێ پۆلیسێن هه‌ولێرێ ب ئه‌ڤرۆ نیۆز راگه‌هاند” به‌ری نیڤرۆیا ئه‌ڤرۆ هێزێن پۆلیسان ل روویدانه‌كا مرنێ هاتنه ئاگه‌هداركرن، پشتی گه‌هشتنا پۆلیسان ده‌ركه‌فت ل ئاڤاهیه‌كێ گوندێ لبنانی كرێكاره‌ك بناڤێ سپیان نوره‌دین 17ساله ل قاتێ پێنجێ كه‌فتیه خوارو گیانێ خوه ژده‌ستدایه.
كاروانی گۆتژی” ئه‌ف كرێكار ب ره‌گه‌ز خه‌لكێ وه‌لاتێ سووریایه و ته‌رمێ وی هاتیه هنارتن بۆ نۆشداریا داد و ڤه‌كۆلین به‌رده‌وامن.
ڤیدیو: ترۆمبێلا ئوپترا مودێل 2015
چیرۆكا گرییا ڤی پیره‌مێرێ یونانی میدیا ئه‌ورۆپی هه‌ژاند
ئه‌ڤرۆ نیوز: ڤه‌ده‌ر ره‌شاڤایی:
پیره‌مێره‌كێ یونانی یێ خانه نشینیكری بناڤێ جیورگۆس چازیفوتیدیس هاتیه وێنه‌كرن لده‌مێ لبه‌ر ده‌رگه‌هێ بانكه‌كا یونان دكه‌ته گری و ڤی وێنه‌ی میدیا ئه‌ورۆپی هه‌ژاندیه.
ناڤهاتی ژبۆ وه‌رگرتنا پارێ چاكسازییا خێزانی یا هه‌ڤژینا خوه بۆ چه‌ندین ده‌مژمێران ل پتری سێ بانكان سرا گرت لێ بانكان ره‌تكر وی پاره‌ی بده‌نێ ژبه‌ر قه‌یرانا ئابۆری و قه‌یرانا قه‌ران یا یونان.
لێ تشتێ سه‌یر ئه‌و بوو، گریێ وی نه‌بوو ره‌وشا وی بوو به‌لكو بۆ ره‌وشا وه‌لاتێ وی بوو، پشتی فه‌رمانبه‌ره‌ك و پۆلیسه‌كێ بانكێ داخاز ژێ كری خوه راگریت به‌رسڤا وی ئه‌ڤه بوو: “ئه‌ز كه‌سه‌كێ هه‌ستیارم و ئه‌ز نه‌شێم وه‌لاتێ خوه دڤی حالی دا بینم دلێ من بۆ وه‌لاتێ من دسوژیت.”
تێ زانین یونان كو ئه‌نداما ئێكه‌تیا ئه‌ورۆپایه توشی مه‌زنترین قه‌یرانا ئابۆری بوویه ب ملیاران دۆلار قه‌ر كه‌فتینه سه‌ر ده‌وله‌تێ و نه‌شێت بده‌ت، له‌ورا نها ده‌رگه‌هێن بانكان گرتینه ژبۆ وێ یه‌كێ پارێ كاش گه‌له‌ك ل وی وه‌لاتی ده‌رنه‌كه‌ڤیت هه‌تا راپرسیه‌كێ بكه‌ن و ب ئه‌رێ یان نه ده‌نگ بده‌ن كا رازی ببن لسه‌ر مه‌رجێن قه‌رده‌رێن وی وه‌لاتی یان نه،
خه‌لك ب ده‌مژمێران دمیننه سرایا بانكان دا بتنێ بۆ وه‌رگرتنا 65 یۆرۆیان.
ئه‌ڤی پیره‌مێری گۆت ژی به‌ری ئه‌و بهێت ئێكی خازخازۆكی ژێ كر بتنێ دا بشێت نانه‌كی بكریت و هه‌روه‌سا ئه‌و نه‌شێت بچیته راپرسیێ چونكی وی پارێ هه‌قێ رێكێ نینه بۆ جهێ ده‌نگدانێ لێ هه‌كه‌ر كورێ وی ب ترۆمبێلا خوه وی ببه‌ت چێدبیت ده‌نگێ خوه بده‌ت.
ئه‌ردوگان و هه‌ده‌په بنهێنی كۆمبووینه
ئه‌ڤرۆ نیوز: ڤه‌ده‌ر ره‌شاڤایی:
هاته ئاشكرن كو ره‌جه‌ب ته‌ییب ئه‌ردوگان سه‌رۆكێ توركیا و جێگرێ پارتا كوردی پارتا دیموكراتا گه‌لان هه‌ده‌پێ جه‌لال دوغان كۆمبوونه‌كا نهێنی گرێدایه .
ئه‌ردوگان و دوغان ل قه‌سرا سه‌رۆكاتیێ به‌حسێ پێكئینانا حكومه‌تا نوو یا توركیا كریه و داخازا كۆمبوونێ لسه‌ر داخازا هه‌ده‌پێ بوویه و جیچگرێ هه‌ده‌پێ ئه‌ڤ یه‌ك پشتراستكر.
ئه‌ڤه دده‌مه‌كی دایه كو به‌ریا نها هه‌ده‌پێ پێكئینانا حكومه‌تێ و هه‌ر په‌یوه‌ندیه‌كا بڤی ره‌نگی دگه‌ل ئاكه‌پێ و ئه‌ردوگانی ره‌ت دكر.
ئه‌گه‌ر كه‌سه‌ك بهێته جهێ بارزانى كورد دێ زڤرنه‌ڤه به‌رى سالێن 1991
ئه‌ڤرو نیوز ،بارزان مزوورى:
لیزا فه‌له‌كه‌دین كاكه‌يى ، چالاكڤان دبوارى مافه‌كانى پێك هاتێن كوردستانێ و نظيسه‌ر د بوارێن پرسێن نه‌ته‌وه‌ى دا بو ئه‌ڤرو نیوز دیار كر كو د ره‌وشا نها یا هه‌رێما كوردستانێ پێدڤى ب سه‌روك بارزانى نه وه‌ك مه‌رجه‌عیه‌تێك چونكو بو نمونه بێژم ئه‌گه‌ر ژ رویێ یاسایى ڤه هه‌رێما كوردستانێ رێگێ نه‌ده‌ت ب مانا سه‌روك بارزانى پێتڤیه بیر بكه‌ین كا كى هه‌یه جهێ وى بگریت د ره‌وشا نهادا .
لیزا فه‌له‌كه‌دین گوت ژى : د ڤێ ره‌وشا نهادا كه‌س نینه جهێ سه‌روك بارزانى بگریت چونكو نها بارزانى وه‌ك مه‌رجه‌عیه‌تێكى كورد دهێته سه‌حكرن ، مانا بارزانى وه‌ك مه‌رجه‌عیه‌ته‌كا كورد د نها دا گه‌له‌ك پێدڤى يه چونكو كوردا د ره‌وشا نهادا وه‌ك ناوچه‌یه‌كا ئارام بخو دروست كریه هه‌مى ل سایه و ئه‌و سیاسه‌تا بارزانى بووية و ئه‌گه‌ر مروڤ دویر سه‌حكه‌تێ ئه‌گه‌ر كه‌سه‌ك بهێته جهێ سه‌روك بارزانى كورد دێ زڤرنه پێش سالێن 1991 چونكو ئه‌ڤرو بارزانى وه‌كى مه‌رجه‌عه‌تا كورد دهێته سه‌حكرن .
د روودانه‌كا هاتن وچوونێ دا پێشمه‌رگه‌كى جانێ خوه ژ ده‌ست دا
ئه‌ڤرۆنیوز، ره‌زوان رۆژبه‌یانى:
د روودانه‌كا ترافیكێ دا ل سه‌ر رێیا سه‌ره‌كى یا ناڤبه‌را قه‌زا به‌رده‌ره‌ش و ناحیا كه‌له‌ك كه‌سه‌كى جانێ خوه ژ ده‌ست دا ئێك ژى بریندار بوو.
كومیسه‌ر حازم محه‌مه‌د ژ راگه‌هاندنا هاتن و چوونا قه‌زا به‌رده‌ره‌ش بۆ ئه‌ڤرۆ نیوز خویا كر كو ئیرۆ ل رێكه‌فتێ 4/7/2015 ل ده‌م ژمێر (12:00) ێ نیڤرۆ د رودانه‌كا هاتن چوونێ دا ل سه‌ر رێیا گشتى یا ناڤبه‌را قه‌زا به‌رده‌ره‌ش و ناحیا كه‌له‌ك ل نێزیك گوندێ خێله‌كى ب ئه‌گه‌رێ پێكدا دانان دوو ترومپێلان كو هه‌ردوو ژ جۆرێ مسته‌ربۆشى 4 ته‌ن بون كه‌سه‌كى جانێ خوه ژ ده‌ست دا و كه‌سه‌ك ژى ب دژوارى بریندار بوو و گوت : ئه‌و كه‌سێ كو جانێ خوه ژ ده‌ست دا یه شوفێرێ ترومبێلێ بوو و دهه‌مان ده م دا ژى پێشمه‌رگه بوو كو كه‌ل و په‌لێن خارنێ بۆ پێشمه‌رگه‌ى دبرن.
داعش داواکارێ قەزا حەویجە بدارڤەکر
ئەڤرۆ نیۆز، قائید میرۆ:
چەکدارێن تیرۆرستێن داعش پشتی رەڤاندنێ داواکارێ گشتیێ قەزا حەویجە بدارڤەکر و تەرمێ وی ژی ھاتە رادەستکرن بۆ کەس و کارێن وی.
ئیسماعیل حەمەد، بەرپرسێ لیژنا ناوچای قەراج یا پارتی دیموکراتی کوردستان بو ئەڤرۆ نیۆز راگەھاند” گروپا تیرۆرستیا داعش رۆژا پێنجشەمبی داواکارێ گشتیێ قەزا حەویجە ب ناڤێ (نەزھان عەجم ئەلجبوری) بەرەف جھەکێ نەدیار رەڤاندیە”.
ئیسماعیلی گۆتژی” چەکدارێن داعش دوھی داواکارێ گشتیێ حەویجە بدارڤەکریە و تەرمێ وی رادەستی کەس و کارێن ویکر، لەوڕا ژ لایێ کەس و کارێن وی ل گۆڕستانا گوندێ حەتیرە ھاتیە بن ئاخکرن”.
عیراقێ دانپێدان ب شکەستێن خوە کر
ئەڤرۆ نیۆز، سالار دۆسکی:
ئەندامەکا پەرلەمانێ عیراقێ ئاشکراکر کو پشتی جێگرێ سەرۆک وەزیرێن عیراقێ کو ھەڤدەم سەرۆکێ وزێ یە ل حوکمەتا عیراقێ ل رونشتنا پەرلەمانێ عیراقێ دانپێدان ب ژ کەشتنێن حوکمەتا عیراقێ کرین کو ئەڤە ١٢ سالە چو پلان نەبووینە و کار بەرلایانە دھاتە برێڤەبرن، چەندین راستی ھاتنە دیارکرن.
نەجیبا نەجیب ئەنداما کورد ل پەرلەمانێ عیراقێ بۆ مالپەرێ ئەڤرۆ نیۆز گۆت: “ئەڤی بەرپرسێ عیراقێ ب ئاشکرایی گۆت سالێن بوری مە چو پلان و نەخشە نەبووینە و ژ نوو ل گەل حوکمەتا عەبادی یێ دەست پێ دکەین وەک کەرتێ وزێ ل قوناغێن دەست پێ کێینە”.
نەجیابێ ھێشتا گۆت: “ئەڤ گۆتنە وێ چەندێ ئاشکرا دکەت کو سیاسەتا ھەرێمێ یا سەرکەفتی تربوو و دروست تر بوو ژ بەغدا و ئەو گۆتنێن وان بەرامبەر ھەرێما کوردستانێ دگۆتن د بیاڤێ وزێ دا ب تنێ کەسوکی بوون و ب تنێ ئارمانج ئەو بوو شکەستنێن خوە پێ بەرزەکەن”.
نەجیبایێ ھێشتا گۆت: “حوکمەتا عیراقێ چو قانوون و پیڤەر نەبوون کو ل سەر بچیت و بزانیت کا کوردستان یا پێگیرە یان نە و بەرامبەر کوردستانێ قانوون ھەبوو ل پەرلەمانی دەرچوو”.
ئەوێ ئەنداما پەرلەمانی دا زانين ژی كو ئەڤ دانپێدانە وێ چەندێ دیار دکەت کو ئەو کوژمێن مەزنێن پارەی بۆ کارەب و پەترۆلێ دھاتنە تەرخانکرن ئەڤە 10 سالە ھەموو ب گەندەلیێ چووینە.
کۆمبوونا پارتی و یەکگرتوو یا بەردەوامە
ئەڤرۆ نیوز:
سەرەدانێن پارتی دیموکراتی کوردستان بۆ لایەنێن سیاسی دەسپێکر و ویستگەھێ ئێکێ ژی یێ وان ل گەل یەکگرتوو ئیسلامی کوردستان بوویە کو ئەڤە ماوەکە د کۆمبوونێ دا.
ئەڤرۆ ٤ی تیرمەھا ٢٠١٥ێ سەرەدانا پارتی دیموکراتی کوردستان ب سەرپەرشتیا نێچیرڤان بارزانی جێگرێ سەرۆکێ پارتی دیموکراتی کوردستان دەسپێکر.
پرسا سەرەکا یا کۆمبوونا وان ژی پرسا دستوور و سەرۆکاتیا ھەرێما کوردستانێ بیت و بەری نوکە یەکگتروو ژی تەکست ل سەر وێ چەندێ کربوو کو دڤێت ئەڤ رەنگە بابەتە ب سازانێ بھێنە ئەنجام دان.
نيشاندان
WP Facebook Auto Publish Powered By : XYZScripts.com