ل ناحیا به‌غدادیه باله‌فره‌كا كو هاریكاری دگه‌هاندنه داعشێ ژلایێ هێزێن حه‌شدی شه‌عبی ڤه هاته تێكدان.
ئه‌ڤرۆ هێزێن حه‌شدی شه‌عبی و سوپایێ عیراقێ ل باكوری ناحیا به‌غدادیه باله‌فره‌كا شه‌ری ئێخستیه خوارێ كو ب ژڤان بو هه‌ڤكاری و چه‌كی و ته‌قه‌مه‌نیان بو داعش بهاڤێژیت .
ل گوری ژێده‌رین سه‌ربازی تا نها نه‌هاتیه زانین ئه‌و باله‌فر سه‌ر ب چ لایه‌ن و ده‌وله‌ته‌كێ ڤه‌یه و ڤه‌كولین دوی بیاڤی دا به‌رده‌وامن .
ئه‌ڤرۆ نيوز:
رێڤه‌به‌رێ گشتى يێ كونترول و گه‌هاندنا كاره‌با هه‌رێما كوردستانێ خشتێ كاره‌با نيشتمانى بۆ هه‌يڤا ئادارێ راگه‌هاند.
ئه‌ندازيا ئومێد محه‌مه‌د رێڤه‌به‌رێ گشتى يێ كونترول و گه‌هاندنا كاره‌با هه‌رێما كوردستانێ راگه‌هاند كو ئه‌گه‌ر كه‌ش و هه‌وايێ هه‌رێمێ يێ خوه‌ش بيت، دێ زێده‌تر ژ 20 ده‌مژمێران كاره‌با نيشتمانى ده‌نه وه‌لاتيان، به‌لێ ئه‌ڤ خشته‌يه دێ پشتى 10 بۆ 15 هه‌يڤا سێ ده‌ستپێكه‌ت.
روانگه‌ها سوریا بو مافێن مرۆڤی راگه‌هاند شه‌رڤانێن یه‌په‌گێ ل باژێركێ ته‌ل حه‌میس ژ ده‌ستێن داعشێ ئازادكر و دوی بیاڤی دا رامی عه‌بدولره‌حمان رێڤه‌به‌رێ روانگه‌ها سوری دیاركر پشتی شه‌روپه‌ڤچونێن چه‌ند رۆژێن رابۆری دناڤبه‌را یه‌په‌گێ و چه‌كدارێن داعشێ ل باژێركێ ته‌ل حه‌میس و چه‌ند گونده‌كێن ده‌وروبه‌ر ژ ده‌ستێ تیرۆریستان رزگاركرن .
رامی عه‌بدولره‌حمان دیاركر ئازادكرنا باژێركێ ته‌ل حه‌میس كو كه‌فته سه‌ر پارێزگه‌ها حه‌سه‌كێ ب گرنگترین جهێ تیرۆریستێن داعشێ دهێته زانین و ئه‌ڤه رێخوشكه‌ره بو ئازادكرنا چه‌ند ده‌ڤه‌ره‌كێن دی یێن بن ده‌ستێ تیرۆریستان ل عیراقێ و سوریا .
نه‌واف خه‌لیل به‌رده‌ڤكێ یه‌په‌گێ ب كه‌نالین راگه‌هاندنێ راگه‌هاند:پشتی ئازادكرنا ته‌ل حه‌میس ژلایێ شه‌رڤانێن یه‌په‌گێ نها د خو به‌رهه‌ڤكرنێ و پێشره‌وێ دانه بو ئازادكرنا چه‌ند ده‌ڤه‌ره‌كێن دی ل پارێزگه‌ها حه‌سه‌كێ .
ئه‌ڤرۆ نيوز:
نڤيسه‌رێ ب ناڤ و ده‌نگ يێ توركى و د بنه‌ره‌ت كورد، يه‌شار كه‌مال ئه‌ڤرۆ گيانێ خوه ژ ده‌ستدا، يه‌شار به‌رى نوكه بۆ رۆژناما گارديان گوتبوو: مروڤ ژ روحێ دترسن، ئه‌ڤه چيروكه‌كه دڤێت بنڤيسم.
نڤيسه‌ر يه‌شار نڤيسه‌ر و رۆماننڤيس به‌رى نوكه بۆ نه‌خوشخانا كوليژى نوشدارى ل ئه‌سته‌نبولى هاتبوو ڤه‌گوهاستن و هه‌تا ئه‌ڤرۆ ل ئێڤارى كو تووشى ته‌نگه‌نه‌فه‌سيێ و تێكچوونا لێدانا دلى ببوو.
يه‌شار كه‌مال ل سالا 1923 ل ئه‌ده‌نه ژ دايك بوويه و د ژيانا خوه يا ئه‌ده‌بى دا زێده‌تر ژ 50 رومان و چيروكان نڤيسى يه و رومانێن وى بۆ چه‌ندين زمانێن جيهانى هاتينه وه‌رگێران.
وه‌زاره‌تا ده‌رڤه‌یا توركیا راگه‌هاند پرۆسێسا مه‌شق و راهێنانا ئوپوزسیونا سوریا ل ناڤا ئاخا توركیا ده‌ست ب كارێن خو دكه‌ت.
تانگو بیلگیش به‌رده‌ڤكێ وه‌زره‌تا ده‌رڤه‌یا توركیا راگه‌هاند:ده‌ستپێكا هه‌فتیا بهێت پرۆسێسا مه‌شقپێكرنا هێزێن میانره‌وێن سوریا د ناڤا ئاخا توركیا ب سه‌رپه‌رشتیا پنتاگونێ ده‌ست پێ كه‌ت، لێ به‌رده‌ڤكێ وه‌زاره‌تا ده‌رڤه‌یا توركیا ره‌تكر كو زانیاریێن زێده‌تر ل سه‌ر جهـ و هژمارا ئه‌وێ هیزێ ئاشكه‌را بكه‌ت كو دناڤا بنگه‌هێن سه‌ربازیێن توركیا مه‌شق و راهێنان پێ هێنه‌كرن.
جهی ئاماژه پێ كرنێ یه ژ 18 شوباتێ واشنتون و ئه‌نكه‌رێ ریكه‌ڤتينه بو مه‌شق و راهێنانێ ب ژماره‌یه‌كا چه‌كدارێن ئوپوزسیونا میانره‌وا سوریا ل ناڤ یه‌كه‌یه‌كا سه‌ربازی یا توركیا.
ئه‌ڤرۆ نیوز:
ئه‌ڤرۆ سرى سوره‌یا ئونده‌ر و په‌روین بولدن دو ئه‌ندامێن شاندێ پارتا دیموكراتا گه‌لان HDP و ئه‌فكان ئالا وه‌زیرێ ناڤخو یێ توركیا و پالچن ئاكدوغان، هاریكارێ سه‌رۆك وه‌زیرێن توركیا كومبوون و پشتى كومبوونێ راگه‌هاندنه‌كێ هه‌ڤپشك ل دۆر پرۆسا ئاشتیێ به‌لاڤ كرن،
پێشنیازا ئوجه‌لان بۆ ره‌وشا نوكه ژ ئالیێ سرى سوره‌یا ڤه هاتنه خواندن كو د پشكه‌كێ وێ دا هاتیه” ئارمانجا سه‌ره‌كى ژ ڤێ پروسێ ب دووماهى هاتنا شه‌رێ 30 سالانه و گه‌هاندنا ڤێ پرۆسێ یه ب چاره‌سه‌ریا دیموكراتانه، پێشنیازا په‌كه‌كێ دكه‌م د وه‌رزێ بهارێ دا به‌ره‌ڤ كونگرێ بچیت بۆ بریاردان ل سه‌ر خالێن سراتیژى یێن مێژوویى و ئه‌ڤ داخوازیا من بۆ شوونگرتنا سیاسه‌تا دیموكراسیه ل شوونا به‌رخودانا چه‌كى.
هه‌روه‌سا ئوجه‌لان 10 خال وه‌ك بنه‌ما و پێنگاڤێن گشتى دیاركرینه كو ژ گرنگرین وان خالان، ناساندنا سیاسه‌تا دیموكراسى و ناڤه‌رۆكا وێ، پێناسه‌كرنا ئاسته‌نگێن هه‌رێمی و نه‌ته‌وه‌یى د چوارچوڤێ دیموكراتى دا، ده‌سته‌به‌ریا قانوونى و دیموكراتى بۆ هه‌ڤنیشتیمانیێن ئازاد، بۆ پێكئینانا بزاڤێن دیموكراتى و پێكڤه گرێدانا وان، پێدڤى ب دستووره‌كێ نوو هه‌یه.
ئه‌ڤرۆ نیۆز، هۆشه‌نگ تاجر:
فه‌یروز به‌هرامی چاڤدێرێ سیاسی ل رۆژهه‌لاتێ كوردستانێ د داخۆیانیه‌كێ دا بۆ ئه‌ڤرۆ نیۆز راگه‌هاند كو ب فه‌رمانا وه‌زاره‌تا ناڤخوه یا ئیرانێ نابیت ل نه‌ورۆزێ چو چالاكی وه‌ك به‌رێ بهێنه كرن و داخواز ژ وه‌لاتیان هاتیه كرن كو نابیت ژ به‌ر جه‌ژنا نه‌ورۆزێ كۆمبوونێن جه‌ماوه‌ی و چالاكیێن پیرۆزباهیێ ب گشتی بهێنه كرن، به‌لكو خه‌لك دشێن ل مالێن خوه پیرۆز بكه‌ن یان ژی وه‌ك مالبات سه‌ره‌دانا جهێن گه‌شتیاری بكه‌ن و گۆت: (سالا بۆری ژی هه‌ر ب ڤی ره‌نگی وه‌زاره‌تا ناڤخوه چالاكیێن نه‌ورۆزێ قه‌ده‌غه كربوون به‌س ل رۆژهه‌لاتێ كوردستانێ خه‌لكێ گوه خوه نه‌دا فه‌رمانا وه‌زاره‌تا ناڤخوه و ل پرانیا باژارێن رۆژهه‌لاتێ كوردستانێ چالاكی برێڤه چوون و ژ به‌ر ڤێ یه‌كێ ژی ب ده‌هان وه‌لاتی هاتنه ده‌سته‌سه‌ر كرن).
ئه‌ڤرۆ نيوز:
ب گۆره‌يى ئه‌وان ژێده‌رێن ب ده‌ست ئه‌ڤرۆ نيوز كه‌فتين، رێكخستيا داعش په‌رژانێن فرۆكخانا مووسل يا نێڤده‌وله‌تى هه‌رفاندن ل ده‌ڤه‌را غه‌زلانى باشوورێ باژێرى ئه‌وێ مووسل ب به‌غدا و باژێرێن دى يێن عيراقێ ڤه گرێدده‌ت.
ديسا چه‌كدارێن داعش پرێن كه‌ڤن و نوو و پرا سێ و چار ئه‌وێن هه‌ردو لايێن مووسل پێكڤه گرێدده‌ت مينرێژ كرينه‌و رێ ناده‌ت وه‌لاتى ژێ ده‌ركه‌ڤن وه‌كو مه‌تاله‌كى دێ بۆ خوه ب كار ئينن هه‌كه هات و هێرش كره سه‌ر باژێرێ مووسل.
هه‌ر ب گۆره‌يى ئه‌وان پێزانينان داعش هه‌موو ئه‌و ده‌رگه‌هێن دكه‌ڤنه سه‌ر باژێرى يێن مينرێژ كرين ژ ترسا هێرشا سه‌ر مووسل ئه‌وان بڕياره حوكمه‌تا عيراقێ و پێشمه‌رگه ب پشته‌ڤانيا هێزێن هه‌ڤپه‌يمانان ل ده‌مه‌كێ نێزيك ئه‌نجام بده‌ن.
نيشاندان