ئه‌ڤرۆ نیوز:
روزا مه‌حمود ئه‌نداما لژنا دارایى ل په‌رله‌مانێ كوردستانێ راگه‌هاند حكومه‌تا هه‌رێما كوردستانێ ده‌ست ب به‌رهه‌ڤیان كریه بۆ به‌لاڤكرنا مووچێ هه‌یڤا 5 و ناڤه‌راستنا ڤێ هه‌یڤێ ئه‌و به‌رهه‌ڤیه دێ ب دووماهى هێن و ده‌ست ب به‌لاڤكرنا مووچان هێته كرن كو دهێته چاڤه‌رێكرن هه‌تا ناڤه‌راستا ڤێ هه‌یڤێ 800 ملیون دولار بگه‌هنه ده‌ستێ حكومه‌تێ.
ئه‌ڤرۆ نیوز:
وه‌زاره‌تا سامانێن سروشتى یا حكومه‌تا هه‌رێما كوردستانێ ئه‌ڤرۆ د راگه‌هاندنه‌كێ دا دیاركر كو وان ل هه‌یڤا 6 ، رۆژانه 571 هزار و 21 به‌رمیلێن نه‌فتێ ب رێیا به‌نده‌رێ جه‌یهان یێن هنارتین و سه‌رجه‌مێ نه‌فتا هنارتى ل هه‌یڤا خزیرانێ دا دگه‌هته 17 ملیون و 130 هزار و 639 به‌رمیل كو 12 ملیون و 740 هزار و 711 به‌رمیل ل كێلگه‌هێن نه‌فتا حكومه‌تا هه‌رێمێ هنارتینه كو رۆژانه دبیته 424 هزار و 690 به‌رمیل و 4 ملیون و 493 هزار و 334 به‌رمیل ب رێكا سومو هنارتینه كو رۆژانه دبیته 149 هزار و 778 به‌رمیل.
ئه‌ڤرۆ نیوز: ڤه‌ده‌ر ره‌شاڤایی:
شه‌رێ دناڤبه‌را یه‌په‌گێ و داعش ل باژێرێ حه‌سه‌كێ ل رۆژئاڤا كوردستانێ گه‌رم بوویه و رێكخستیا تیرۆریا داعش هێرشان دكه‌ته ناوچێن كوردنشین نێزیكی رووبارێ خابوور .
لدووڤ چه‌ند ژێده‌ران ژ ناڤخۆیا حه‌سه‌كێ دیاردكه‌ن كو ژبه‌ر به‌رهنگاریا هێزێن كوردی یه‌په‌گێ، داعش نه‌شیایه بسه‌ركه‌ڤیت و نه‌شیایه به‌ره‌ڤ ناوچێن كوردی ل وی باژێری پێشڤه بچیت .
ئه‌ڤه دده‌مه‌كی دایه سۆپایێ رژێما ئه‌سه‌د ژی د شه‌ره‌كێ توند دایه لهه‌مبه‌ر داعش ل هه‌مان باژێر.
تێ زانین باژێرێ حه‌سه‌كێ دناڤبه‌را هێزێن پاراستنا گه‌ل یه‌په‌گێ و سۆپایێ رژێما ئه‌سه‌د یێ دابه‌ش كریه و هه‌ر ئێك ئالیێ خوه كۆنترۆل دكه‌ت.
ئه‌ڤرۆ نیوز: ڤه‌ده‌ر ره‌شاڤایی:
هنده‌ك ژ وه‌لاتێن كه‌نداڤێ عه‌ره‌بی د هه‌مان ده‌م دا كو هه‌ڤپه‌یمانێن ئه‌مریكا نه هزر د پرچه‌ككرنا راسته‌راست یا هێزێن پێشمه‌رگه‌هێ هه‌رێما كوردستانێ دا دكه‌ن، سه‌ره‌رای نه‌رازیبوونا ئه‌مریكا و رێگرتنا ئه‌مریكا ژ ڤێ خاستا وه‌لاتێن عه‌ره‌بی و رژدیا وێ لسه‌ر هنارتنا چه‌كی برێا به‌غدا را بۆ پێشمه‌رگه‌ی.
به‌رپرسه‌كێ حكومه‌تا وه‌لاته‌كێ كه‌نداڤی بۆ تێلێگرافا بریتانی گۆتیه : ماده‌م ئه‌مریكا و وه‌لاتێن رۆژئاڤا لبه‌ر نینه چ تشته‌كێ جدی بۆ ژناڤبرنا داعش بكه‌ن دێ ئه‌و ب رۆلێ خوه رابن بۆ به‌رهنگاربوونا ڤێ گه‌فێ.
هه‌روه‌سا گوتیه ژی ئه‌و ل هیڤیا واشنتۆن نامینن هه‌تا ژ خه‌و رادبیت ل هه‌مبه‌ر ڤێ گه‌فا مه‌زن و به‌رده‌وام.
هه‌رچه‌نده پێشمه‌رگه وه‌ك هێزه‌كا سه‌ره‌كی دربێن مه‌زن ل داعش داینه لێ جڤاتا پیرێن ئه‌مریكی لسه‌ر داخازا وه‌زیرێ به‌رگریا ئه‌مریكا، به‌ری چه‌نده‌كێ پرۆژه یاسایا راسته‌راست پرچه‌ككرنا پێشمه‌رگه‌ی ره‌ت كر.
ئەڤرۆ نیۆز، سالار دۆسکی:
پەیڤدارێ فەرمیێ وەزارەتا ئەوقاف و کاروبارێن ئاینی ل حوکمەتا ھەرێما کوردستانێ دیارکر کو د تاقیکرنەکا راستڤەکرنا باوەرنامێن ئاینی دا چەندین مامۆستایێن ئاینی دەرنەچوون.
سەردار قوربانی پەیڤدارێ وەزارەتا ئەوقافێ بۆ مالپەرێ ئەڤرۆ نیۆز گۆت: “بۆ راستڤەکرنا و بلندکرنا باوەرنامێن خوە 49 مامۆستایێن ئاینی ل سەرانسەری ھەرێما کوردستانێ تاقیکرن ل ئەڤ سالە ئەمجام دابوون، (34)دەرچوون و (15) کەفتن”.
ھێشتا گۆت: “ئەڤ مامۆستا یە ھەموو دەرچووێن حوجرا بوون ل سالێن ھەشتێان و نوکە دەست ب تاقیکرنان کرن بۆ راستڤەکرنا باوەرنامێن خوە.
ب گۆره‌يى ئامارێن وه‌زاره‌تا ده‌وقاف و كاروبارێن ئاينى ل هه‌رێما كوردستانێ 1690 گوتار بێژ و پێش نڤێژ ل ھەرێما كوردستانێ ھەنە و ژبلى ده‌رچوويێن زانكۆيێ هنده‌ك ژ وان ل حوجران ده‌رچووينه و نوكه پێشنڤێژ و گۆتار بێژن.
ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 2ىتيرمه‌تا 2015ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 1 دولارێ ئه‌مريكى | 1241 |
| 1 يۆرۆيێ ئه‌ورۆپى | 1375 |
| 1 ليرێ توركى | 460 |
ژ به‌ر كو ره‌وشا دراڤى به‌رده‌وام دهێته گوهۆڕين بۆ زانينا نووترين گۆڕانكاريان سه‌ره‌دانا مالپه‌رێ ئه‌ڤرۆ نيوز بكه.
ئەڤرۆ نیوز،زنار تۆڤی:
سەرۆکوەزیرێن بریتانیا دێڤد کامیرۆن دپرێس کونفراسەکیدا ئەڤرۆ رۆژا پێنجشەمبی 2ى تيرمه‌هێ 2015 راگەهاند کو وەلاتێ وی دێ ل دژی داعشێ ل سوریێ راوەستیت و ژ ئەڤرۆ وێڤە دێ فرۆکێن بریتانی هێرشێ کەنە سەر مولگە و جهێن داعشێ ل سوریێ،ب ڤی رەنگی بۆ جارا ئێکێ یە بریتانیا ڤی هەلویستی بەرامبەر تیرورستێن داعش دیار دکەت،کو هێرشێن فرۆکەڤانی بکەتە سەر داعشێ ل سوریێ.
ئه‌ڤرۆ نيوز، نيوار محه‌مه‌د سه‌ليم:
هه‌ر چه‌نده بڕيار بوو ل ڤێ حه‌فتيێ هه‌ر پێنج لايه‌نێن سياسى ل هه‌رێما كوردستانێ كۆم ببن، به‌لێ كۆمبوون نه‌هاته ئه‌نجام دان و دهێته پێشبينيكرن ل حه‌فتيا بهێت ئه‌ڤ پێنج لايه‌نه كۆم ببن.
پشتى بزاڤا يه‌كگرتوو ئيسلامى كوردستان بۆ كۆمبوونا پێنج لايه‌نێن سياسى يێن سه‌ره‌كى ل هه‌رێما كوردستانێ “پارتى ديموكراتى كوردستان، بزاڤا گۆڕان، ئێكه‌تى نشتيمانى كوردستان، يه‌كگرتوو ئيسلامى كوردستان و كۆمه‌لا ئيسلامى” بۆ سازان و دانوستاندنێ ل سه‌ر پرسێن گرنگ، بڕياره حه‌فتيا بهێت ئه‌و كۆمبوون ل سه‌ر ئاستێ بلند بهێته ئه‌نجام دان و دانوستاندنێ ل سه‌ر وى بابه‌تى بكه‌ن.
كۆمبوون دێ ل سه‌ر ئاستێ بلندێ لايه‌نێن سياسى بيت و ب گۆره‌يى ئه‌و پێزانينێن پێشتر هاتينه به‌لاڤكرن پارتى بۆ ڤى بابه‌تى هه‌ر ئێك ژ نێچيرڤان بارزانى جێگرێ سه‌رۆكێ حزبێ و مه‌سرۆر بارزانى ئه‌ندامێ مه‌كته‌با سياسى و فازل ميرانى سكرتێرێ مه‌كته‌با سياسى راسپاردينه و يه‌كگرتوو ئيسلامى كوردستان ژى دهێته پێشبينيكرن ب ئه‌و لژنا بۆ سه‌ره‌دانا لايه‌نێن سياسى پێكئينايى پشكدار بيت كو ژ هه‌ر ئێك ژ محه‌مه‌د ئه‌حمه‌د جێگرێ ئه‌ميندارێ گشتى هه‌ر ئێك ژ به‌رپرسێ په‌يوه‌نديێن ئێكگتروو، خه‌ليل ئيراهيم و فه‌رهاد مه‌لا سالح سه‌رۆكێ جڤاتا سه‌ركرداتيا ئێكگرتوو ل هه‌ولێر، لايه‌نێن دژى هێشتا ناڤێن شاندێن خوه رانه‌گه‌هاندينه ب تنێ گۆڕان دايه زانين كو نه‌وشيروان مسته‌فا پشكدار نابيت و يا زانايه ژ به‌ر ره‌وشا خوه، سكرتێرێ گشتيێ ئێكه‌تى نشتيمانى كوردستان ژى پشكدارى كۆمبوونێ نه‌بيت، به‌لێ دهێته پێشبينيكرن ئێكه‌تى ب سه‌رۆكاتيا مه‌لا به‌ختيار پشكدارى كۆمبوونێ ببيت.
پشتى ل 23ى خزيرانێ گۆڕان و ئێكه‌تى و يه‌كگرتوو و كۆمه‌لێ ل په‌رله‌مانێ كوردستانێ ب ئاماده‌بوونا قونسلێ ئيرانێ خواندنا ئێكێ بۆ پرۆژێ قانوونا راستڤه‌كرنا قانوونا سه‌رۆكاتيا هه‌رێما كرى، پارتى نه‌رازيبوونا خوه دياركر و راگه‌هاند كو ئه‌گه‌رێ نه‌هێلانا حوكمه‌تێ و ئه‌نجامدانا هه‌لبژارتنێن پێش وه‌خت يا هه‌يى.
سه‌ركراتيا يه‌كگرتوو ژى ل ده‌ڤه‌را بادينان گه‌له‌ك ب هه‌لويستێ فراكسيۆنا يه‌كگرتوو دلگران بوو و گه‌فێن جودابوونێ كرن و ئه‌و بوو سه‌ركرداتيا يه‌كگرتوو ژ وى كارێ خوه لێڤه‌چوو و لژنه‌ك بۆ كۆمكرنا لايه‌نێن سياسى پێكئينا و بڕياره ل سه‌ر داخوازيا وێ لژنێ ئه‌ڤ كۆمبوونه بهێته‌ئ ئه‌نجام دان.
نيشاندان
