ئه‌ڤرۆ نیوز:
ل دووڤ راپرسیه‌كا په‌یمانگه‌ها پێوى یا ئه‌مریكى بۆ ڤه‌كولینان، 47% ژ ئه‌مریكیان پشته‌ڤانیا پشكداریا هێزێن وه‌لاتێ خوه دكه‌ن ل شه‌رێ دژى داعش و 49% دژى هنارتنا هێزێن پیاده نه.
ل دووڤ وێ راپرسیێ كو د ناڤبه‌را 18 بۆ 22 ڤێ هه‌یڤێ دا هاتیه كرن و هزار و 504 كه‌سان پشكدارى تێدا كریه 70% ژ كوماریان و 58% ژ دیموكراتان پشته‌ڤانیا په‌نابرن به‌ر شه‌رى دكه‌ن بۆ روى ب روى بوونا داعش.
ئه‌ڤرۆ نیوز، ره‌وان نهێلى
ئه‌ڤرۆ لایه‌نێن سیاسى ل پارێزگه‌ها هه‌له‌بجه، كو ژ 10 لایه‌نێن سیاسى پێكهاتینه، پشتى سێ ده‌مژمێرێن كومبوونێ بۆ دابه‌شكرنا پوستێن پارێزگه‌ها هه‌له‌بجه رێككنه‌كه‌ڤتن.
حه‌سه‌ن شێخ عه‌بدولا به‌رپرسێ مه‌لبه‌ندێ هه‌له‌بجه یێ یه‌كگرتووى ئیسلامى كوردستان راگه‌هاند كو وان ل سه‌ر دو ته‌وه‌ران ئاخفتى یه، ئه‌وژى دانانا جڤاتا پارێزگه‌هێ و رێككه‌فتنێن ئیدارى و گۆت: نه‌گه‌هشتنه رێككه‌فتنێ و كومبوون ب ڤه‌كرى ما و چاڤه‌رێى لژنا بلندا دانوستاندنان یا لایه‌نێن سیاسى دكه‌ین بۆ وێ یه‌كێ بكارن د چه‌ند رۆژێن بهێت دا، پۆستێن ئیدارى و رێڤه‌به‌رێن گشتى یێن هه‌له‌بجه ئێكلا بكه‌ن.
فازل به‌شاره‌تى به‌رپرسێ لقا 12 یا پارتى ل هه‌له‌بجه بۆ ئه‌ڤرۆ نیوز دیاركر كو لایه‌نێن دى سیاسى ته‌كه‌زیێ ل پوستێ قایمقامیا هه‌له‌بجه دكه‌ن، د هه‌مبه‌ر دا ئه‌م د رازى بوون ده‌ستبه‌ردارى وى پۆستى بن، به‌رامبه‌ر پۆستێ جڤاتا پارێزگه‌ها هه‌له‌بجه، لێ لایه‌نێن سیاسى ته‌له‌فونا یێن ل سه‌ر خوه‌دا كرن و هه‌ر رازى نه‌بوون.
ئه‌ڤرۆ نيوز، نيوار محه‌مه‌د سه‌ليم:
شانده‌كێ په‌رله‌مانێ كوردستانێ ب سه‌رۆكاتيا جێگرێ سه‌رۆكێ په‌رله‌مانى، جه‌عفه‌ر ئيبراهيم سه‌ره‌دانا ده‌ڤه‌را شنگال كر و بڕياره دو رۆژان ل وێرێ بمينن.
ئامينا زكرى بڕيارده‌را فراكسيۆنا زه‌ر ل په‌رله‌مانێ كوردستانێ بۆ ئه‌ڤرۆ نيوز گۆت: “شانده‌كێ په‌رله‌مانێ كوردستانێ كو ژ هه‌شت لژنێن به‌رده‌وامێن ناڤا په‌رله‌مانێ كوردستانێ پێك دهێت دێ بۆ ماوێ دو رۆژان ل ڤان ده‌ڤه‌رێن نوو ژ ده‌ستێ داعش ده‌رخستين ل ده‌ڤه‌را بادينان كه‌ت”.
زێده‌تر گۆت: “ئه‌ڤرۆ ل نێزيك سكرێ مووسل ل گه‌ل رێڤه‌به‌رێ ناحيا وانكێ و زۆمار و هنده‌ك ئه‌ندامێن جڤاتا پارێزگه‌ها مووسل و جڤاتێن باژێرڤانيێ و بنگه‌هێن ساخله‌ميێ كۆمبووين و ژ نێزيك ئاگه‌هدارى ره‌وشا وان بووين”.
ئامينا خانێ دا زانين ژى كو سوبه‌هى ئه‌و دێ چنه سنونێ و ل وێرێ ژى ل گه‌ل ده‌زگه‌هێن حكومى يێن وێ ده‌ڤه‌رێ كۆم بن و پاشان سه‌ره‌دانا چيايێ شنگال كه‌ن و ژ نێزيك هايدارى ره‌وشا ئاوارێن سه‌رێ چياێ شنگال بن و پاشان ژى سلاڤه‌كێ ل پێشمه‌رگێ قاره‌مانێن يێ چه‌ندين داستان ب خوينا خوه تۆماركرين كه‌ن و گۆت: “هه‌كه ده‌ليڤه كه‌فتێ دێ هێزێن شه‌رڤانان ژى ب سه‌ر كه‌ين”.
ده‌رباره‌يى مه‌ره‌ما سه‌ره‌دانا شاندێ په‌رله‌مانێ ژى بڕيارده‌را فراكسيۆنا زه‌ر ل په‌رله‌مانێ كوردستانێ گۆت: “هه‌ر لژنه‌كا ئاماده‌بوويى دێ راپۆته‌كێ ل سه‌ر سه‌ره‌دانا خوه ده‌ته سه‌رۆكاتيا په‌رله‌مانى دا كو ژ نێزيك بشێن هاريكارا وێ ده‌ڤه‌رێ بكه‌ن ب تايبه‌ت ژ لايێ خزمه‌تگۆزارى ڤه”.
گۆتژى: “ئه‌ندامه‌كا په‌رله‌مانێ كوردستانێ ل سه‌ر فراكسيۆنا پارتى ل هه‌ڤكاريا ده‌زگه‌هێ خێرخوازى يێ بارزانى چه‌ندين هاريكاريێن پێدڤى بۆ ئاوارێن سه‌رێ چيايێ شنگال به‌رهه‌ڤكرينه دێ گه‌هيننه وان ئاواران”.
بارزان، نەوزاد زادە ھلۆری:
جوتیارەکێ دەڤەرا بارزان وەکو تێست جورەکێ تڤرێ د بن خانوویێ پلاستیکی دا بەرھەمئینایە کو کێشا ھەر تڤرەکێ دگەھیتە 5 کیلویان و پتر.
جەبار بالندی ئەو جوتیارە بو ئەڤرۆ نیوز گۆت: “ئەڤ تڤرە ژ جورێ تڤرا سپی یە و گەلەکا شیرینە و دڤێ گەرێ دا لایەکێ خانوویێ پلاستیکی من وەکو تێست چاندی نە و بەرھەمەکێ باش دایە”.
زێدەتر گۆت: “کێشەیا ڤێ تڤرێ ژ دوو کیلویان دەستپێدکەتن و ھەتا 5 کیلویان پتر دچیت و ئەگەر چاڤدێریەکا باشتر و زانستانەتر بوو بھێتەکرن و دێ کێشەیا وێ پتر ژی بیت کو ئەڤ یەک ژی تشتەکێ نوویە ل دەڤەرا بارزان ھاتیەکرن”.
جەبار بالندی کو د ھەمان دەم دا ھەلبژێرێ گوندێ بالندا یە دیارکر ژی کو ژ مێژە ئەڤ توفکێ تڤرێ لدەڤ وی یە و نوزانیت ل کیڤە ئینایە و گۆت: “رێژەیەکا زورا کێم ژ توفکێ ڤێ تڤرێ لدەڤ من مایە و د گەرا بھێت دا دێ ب بەرفرەھتر و زانستيانەتر و باشتر چینم، بەلێ ئەگەر دووڤچوون ل سەر بھێتەکرن رەنگە مروڤ دەستخوڤە بینیت”.
ئه‌ڤرۆ نيوز:
ل حه‌فتيا بۆرى سه‌رۆكێ هه‌رێما كوردستانێ قانوونا ئيدارا پارێزگه‌ها هه‌له‌بچه په‌سه‌ند كر و ب نڤيسارا هژمار 104 قانوون ره‌وانه‌يى جڤاتا وه‌زيران كر.
لۆقمان عه‌بدولقادر، سه‌رۆكێ كۆمه‌لا قوربانيێن كێمابارانا هه‌له‌بچه د داخۆيانيه‌كێ دا بۆ ئاژانسا ئه‌نادۆل راگه‌هاند: “ژێده‌ره‌كێ ئاگه‌هدار ژ سه‌رۆكاتيا هه‌رێمێ راگه‌هاند كو مه‌سعود بارزانى سه‌رۆكێ هه‌رێما كوردستانێ رۆژا سێشه‌مبيا بۆرى 17ى شياتا 2015ێ قانوونا ئيدارا پارێزگه‌ها هه‌له‌بچه په‌سه‌ند كر و ب نڤيسارا ژماره 104 ره‌وانه‌يى جڤاتا وه‌زيران كريه”.
رۆژا 5ى شياتا 2015 په‌رله‌مانێ كوردستانێ د روونشتنه‌كا نه‌ئاسايى دا ل مۆنۆمێنتێ هه‌له‌بچه پرۆژێ قانوونا ئيدارا هه‌له‌بچه ب پرانيا ده‌نگان په‌سه‌ند كر و پاشان ژى ئاراسته‌يى سه‌رۆكاتيا په‌رله‌مانێ كوردستانێ كر، دا ژ لايێ سه‌رۆكێ هه‌رێمێ ڤه بهێته په‌سه‌ندكرن.
ئه‌ڤرۆ نيوز:
وێنێ ئێك ژ سه‌رۆكێن به‌رێ يێن ئه‌مريكا ل گه‌ل هه‌ڤژينا ئێك ژ خودانێن ئێك ژ بنگه‌هێن بازرگانى يێن مه‌زن ل ويلايه‌تا نيويۆرك يا ئه‌مريكى ب ناڤێ جون كاتسيماتيديس و كچا وى هاتنه گرتن.
مالپه‌رێ فرى بيكون يێ ئه‌مريكى وێنێ ڤان هه‌رسێيان پێكڤه به‌لاڤكر و ئه‌ڤه بوو ئه‌گه‌رێ وێ چه‌ندێ كو گه‌نگه‌شه‌كا مه‌زن ل سه‌ر تۆڕێن جڤاكى په‌يدا ببيت ب تايبه‌ت ژ به‌ر كو بيل كلينتۆن ئێك ژ سه‌رۆكێن به‌رێ يێ ئه‌مريكا ده‌ستێ خوه دانايه سه‌ر ملێن ڤێ كچا جلێن سنگ رووت و ده‌ست رووت ل به‌ر خوه كرين.
كه‌سه‌كى ب ناڤێ ديڤيد بۆرتنوى ل سه‌ر وێنه‌يى ل تويته‌رى نڤيسيه: “ئه‌رێ جاره‌كا دى كلينتۆنى وه‌كر؟”.
كه‌سه‌كێ دژى ب ناڤێ ميشێل كوالى نڤيسيه : “كانێ هيلارى؟”.
ئه‌ڤان هه‌ردو خێزانان په‌يوه‌نديه‌كا خێزانى يا ب هێز يا ل گه‌ل ئێك هه‌يى و ل ده‌مێ بانگه‌شا هيلاريێ ئه‌وان 750 هزار دولار بۆ بانگه‌هشا وێ مه‌زاخت بوون ل سالا 2008ێ پشتى فرۆكه‌كا تايبه‌ت بۆ بيل و هيلارى ئاماده‌كرى كو ل هه‌موو وه‌لاتى پێ هاتنوچوونێ پێ بكه‌ن بۆ بانگه‌شا هه‌لبژارتنان.
ل ده‌مێ سه‌رۆكاتيا خوه بيل كلينتۆن وه‌كو سه‌رۆكێ ئه‌مريكا په‌يوه‌نديه‌كا سكسى ل گه‌ل راهێنه‌را كوشكا سپى “مونيكا لوينسكى” گرێدابوو و ئه‌ڤێ چه‌ندێ كارتێكرن ل كارێ وى يێ ساسى كر هه‌ر چه‌نده كو ل وى سه‌رده‌مى ره‌تكر ژى كو تشته‌كێ وه‌سا هه‌بيت، به‌لێ پشتى ماوێ سه‌رۆكاتيێ ب دووماهى هاتى دانپێدان كر كو ئه‌وى په‌يوه‌نديا سكسى ل گه‌ل ئه‌نجام دا بوو.
ئه‌ڤرۆ نيوز:
ژ بوو ئێكلاكرنا پۆستێن پارێزگه‌ها هه‌له‌بچه و زوو ده‌ست ب كار بوونا كارێن وێ پارێزگه‌هێ، ئه‌ڤرۆ ده‌مژمێر 11:00 لايه‌نێن سياسى يێن هه‌له‌بچه ل مۆنۆمێنتێ شه‌هيدێن هه‌له‌بچه ده‌سپێكر.
بڕياره ئه‌ڤ كۆمبوونه بۆ ئێكلاكرنا پۆستێن پارێزگه‌هێ بيت دا كو ب ده‌مه‌كێ زوو پۆستێن وێ پارێزگه‌هێ بهێنه ئێكلاكرن ب تايبه‌ت خه‌لكێ وێ پارێزگه‌هێ دخوازيت ده‌ستبكاربوونا پارێزگه‌هێ و جڤاتێ ل گه‌ل سالرۆژا كيميا بارانكرنا هه‌له‌بچه بيت.
هه‌تا نوكه پارتى ل سه‌ر ئه‌و پارڤه‌كرنا پۆستێن هه‌ر ئێك ژ بزاڤا گۆڕان و ئێكه‌تى نشتيمانى كوردستان ل سه‌ر رێكه‌فتين يا رازى نينه، ژ به‌ر هندێ ژى دهێته پێشبينيكرن كو ئه‌ڤ كۆمبوونه ب ده‌مه‌كێ زوو ئێكلا نه‌بيت.
پێشتر به‌رپرسێ لقێ 12 يێ پارتى ديموكراتى كوردستان بۆ ئه‌ڤرۆ نيوز گۆتبوو پۆستێ قايمقامێ هه‌له‌بچه ب مافه‌كێ خوه يێ ره‌وا دزانين و گۆت: “هه‌كه مافێن مه بهێنه بنپێكرن، دێ بينه ئۆپۆزسيۆن”.
نيشاندان