ئه‌ڤرۆ نيوز:
عسمه‌ت ره‌جه‌ب به‌رپرسێ لقا 14 يا پارتى ديموكراتى كوردستان ل مووسل بۆ ئه‌ڤرۆ نيوز راگه‌هاند ئه‌ڤرۆ رۆژا 23ى خزيرانا 2015ێ بۆمبه‌ك ل بن ترۆمبێلا وه‌زيرێ دارايى يێ داعش حه‌مه‌د زه‌علان په‌قى كو ب هه‌ڤالينيا رێڤه‌به‌رێ ساخله‌ميا مووسل و رێڤه‌به‌رێ ئاڤێ بوو و تێدا هه‌رسێ كه‌س هاتنه كوشتن.
ئاماژه ب وێ چه‌ندێ ژى كر كو هه‌ر ئه‌ڤرۆ چه‌كدارێن داعش ئێك ژ سه‌ركردێن خوه يێ ب ره‌گه‌ز سورى ب ناڤێ خالد زابيعى ل بازارێ باب توپ يێ ناڤ باژێرێ مووسل ل پێش چاڤێن خه‌لكى سێداره دا.
ئه‌ڤرۆ نيوز:
وه‌زاره‌تا دارايى ل حوكمه‌تا هه‌رێما كوردستانێ راگه‌هاند كو سوبه‌هى رۆژا چارشه‌مبى رێكه‌فتى 24ى خزيرانا 2015ێ دێ مووچێ وه‌زاره‌تا بازرگانى و پێشه‌سازى هێته به‌لاڤكرن.
د نڤيساره‌كا پشكا په‌يوه‌ندى و راگه‌هاندنێ ل وه‌زاره‌تا دارايى و ئابوورى يا حوكمه‌تا هه‌رێما كوردستانێ دا كو دانه‌ك ب ده‌ست ئه‌ڤرۆ نيوز كه‌فتيه دا هاتيه: سوبه‌هى رۆژا چارشه‌مبى رێكه‌فتى 24ى خزيرانا 2015ێ دێ مووچێ وه‌زاره‌تا بازرگانى و پێشه‌سازى هێته به‌لاڤكرن.
ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 23ى خزيرانا 2015ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 1 دولارێ ئه‌مريكى | 1280 |
| 1 يۆرۆيێ ئه‌ورۆپى | 1430 |
| 1 ليرێ توركى | 470 |
ژ به‌ر كو ره‌وشا دراڤى به‌رده‌وام دهێته گوهۆڕين بۆ زانينا نووترين گۆڕانكاريان سه‌ره‌دانا مالپه‌رێ ئه‌ڤرۆ نيوز بكه.
ئه‌ڤرۆ نيوز:
مه‌دحه‌ت سلێمان شيره‌تكارێ قانوونى يێ سه‌رۆكێ په‌رله‌مانێ كوردستانێ راگه‌هاند كو بۆ جارا ئێكێ يه سه‌رۆكێ په‌رله‌مانێ كوردستانێ حه‌ره‌مێ په‌رله‌مانێ كوردستانێ دشكێنيت و زێره‌ڤانێن ب چه‌ك دئينيته ناڤ حه‌ره‌مێ په‌رله‌مانێ كوردستانێ و ب تنێ قونسلێ ئيرانێ ژى ل په‌رله‌مانێ كوردستانێ بوو و يێن دى ب تنێ وه‌رگێرێن خوه هنارتينه هۆلا كۆمبوونێ.
ئه‌ڤرۆ نيوز:
به‌رپرسێ كارگێرى يێ مه‌كته‌با سياسى يا ئێكه‌تى نشتيمانى كوردستان راگه‌هاند كو پرۆژێ راستڤه‌كرنا قانوونا سه‌رۆكاتيا هه‌رێما كوردستانێ راوه‌ستاند و دێ هه‌ر پێنج لايه‌ن حه‌فتيا بهێت سازانێ كه‌ين.
مه‌لا به‌ختيار، به‌رپرسێ ده‌سته‌يا كارگێرى يا مه‌كته‌با سياسى يا ئێكه‌تى نشتيمانى كوردستان، د چارچۆڤێ سه‌ره‌دانا خوه دا بۆ لايێ يه‌كگرتوو ئيسلامى كوردستان كۆنگره‌كێ رۆژنامه‌ڤانى يێ هه‌ڤپشك ل گه‌ل ئه‌ميندارێ گشتيێ يه‌كگرتوو ئه‌نجام دا و تێدا راگه‌هاند كو پرۆژێ راستڤه‌كرنا قانوونا سه‌رۆكاتيا هه‌رێمێ هاته راوه‌ستاندن.
به‌رپرسێ كارگێرى يێ مه‌كته‌با سياسى يا ئێكه‌تى نشتيمانى كوردستان زێده‌تر گۆت: “ل حه‌فتيا بهێت دێ هه‌ر پێنج لايه‌نێن سياسى سازانێ كه‌ن و ل ده‌سپێكێ ژى يا سياسى و پاشان ژى يا قانوونى”.
ئه‌ڤرۆ نيوز:
ئه‌ندامێ لژنا 21 كه‌سى يا نڤيسينا دستوورێ هه‌رێما كوردستانێ راگه‌هاند كو باشتره كۆمبوونا په‌رله‌مانى ب راوه‌ستيت و ژ لايێ قانوونى و دستوورى ڤه يا خه‌له‌ته.
سيروان زه‌هاوى، ئه‌ندامێ لژنا 21 كه‌سى يا نڤيسينا دستوورێ هه‌رێما كوردستانێ، بۆ رووداو گۆت: “هيڤى دكه‌م روونشتنا په‌رله‌مانێ كوردستانێ بهێته راوه‌ستاندن نه‌يا قانوونى يه و دژى دستوورێ هه‌رێما كوردستانێ و عيراقێ يه.
گۆتژى: “ئه‌ڤ كارێ چار لايه‌نێن سياسى شكاندنا ئيرادا سياسى يا لايه‌نه‌كێ سياسى يه كو پارتى يه، د ده‌مه‌كى دا چه‌ندين جاران پارتى و ئێكه‌تى پرۆژێن گه‌له‌ك گرنگ راوه‌ستاندينه، ژ به‌ر پرسێن ئه‌خلاقى و نوكه كاره‌كێ ژ ڤى ره‌نگى دهێته كرن”.
زێده‌تر گۆتژى: “پارتى لايه‌نێن سياسى فێرى تيرهاڤێتنێ كرن، ئه‌وان تيره‌ك ل پارتى دا”، دا زانين ژى كو ئه‌ڤه كۆده‌تايه‌كا مه‌ده‌نى يا سپى يه دژى پارتى ل په‌رله‌مانى دهێته كرن.
دا زانين ژى كو نابيت ل ڤى وه‌لاتى پشتى 17ى شوباتێ كاره‌كێ ژ ڤى ره‌نگێ بێ سازان هه‌بيت، ئه‌ڤێ روونشتنێ سازان ل سه‌ر نينه و گۆت: “ئه‌ڤ روونشتنه شه‌رموزاريكرنا مه يه به‌رامبه‌ر نوونه‌رێن وه‌لاتێن جيهانێ”
ئه‌ڤرۆ نيوز، نيوار محه‌مه‌د سه‌ليم:
ئه‌ندامه‌كێ په‌رله‌مانێ كوردستانێ راگه‌هاند كو ژ روويێ ئه‌خلاقى و سياسى و كوردستانى ڤه نه‌دبوو قونسلێ ئيرانێ ئاماده‌يى روونشتنا ئه‌ڤرۆ يا په‌رله‌مانێ كوردستانێ ببيت و دا زانين كو ئه‌ڤه نيه‌تا خرابا سه‌رۆكێ په‌رله‌مانى نيشا دده‌ت.
د روونشتنا ئه‌ڤرۆ يا په‌رله‌مانێ كوردستانێ دا ئه‌وا خواندنا ئێكێ بۆ پرۆژێ راستڤه‌كرنا قانوونا سه‌رۆكاتيا هه‌رێمێ هاتيه كرن، قونسلێن چه‌ند وه‌لاتێن بيانى ل هه‌رێما كوردستانێ هاتنه داخوازكرن و ب تنێ قونسلێ ئيرانێ ئاماده‌يى روونشتنا په‌رله‌مانى بوو.
ل دۆر ڤێ چه‌ندێ ڤه‌مان فه‌يسه‌ل، ئه‌ندامێ په‌رله‌مانێ كوردستانێ بۆ ئه‌ڤرۆ نيوز گۆت: “ژ لايێ كوردستانى و سياسى و ئه‌خلاقى ڤه نه‌دبوو كو د روونشته‌كا وه‌سا يا ئاسايى دا قونسلێ وه‌لاته‌كێ ب هێز يێ وه‌كو ئيرانێ بهێته گازينكرن كو ب تنێ خواندنا ئێكێ بۆ پرۆژه‌يى هاته كرن”.
زێده‌تر گۆت: “ئه‌ڤه پتر نيه‌تا خرابا يوسف محه‌مه‌د، سه‌رۆكێ په‌رله‌مانێ كوردستانێ نيشان دده‌ت كو پشته‌ڤانيكرنه بۆ وه‌لاته‌كێ خودان هێز يێ وه‌كو ئيرانێ، ژ به‌ر هندێ ژى ريسوا و ئيدانه دكه‌م”.
ئه‌ڤرۆ په‌رله‌مانێ كوردستانێ ب ئاماده‌بوونا 57 ئه‌ندامێن په‌رله‌مانى و بێ ئاماده‌بوونا په‌رله‌مانتارێن پارتى ديموكراتى كوردستان و مه‌سيحى و توركمانى، په‌رله‌مانێ كوردستانێ خواندنا ئێكێ بۆ پرۆژێ قانوونا راستڤه‌كرنا قانوونا سه‌رۆكاتيا هه‌رێما كوردستانێ كر.
نيشاندان
