ئه‌ڤرۆ نیوز:
حه‌یده‌ر عه‌بادى سه‌رۆك وه‌زیرێن عیراقێ د په‌یجێ خوه یێ تایبه‌ت یێ تورا جڤاكى یا فێسبووكێ به‌لاڤكریه كو وى رۆژا ئێكشه‌مبى پێشوازى ل شاندێ هه‌رێما كوردستانێ كریه ب سه‌رۆكاتیا نێچیرڤان بارزانى و نڤێسیه” مه گوته شاندێ كوردى كو چاره‌كرنا كێشێن د ناڤبه‌را به‌غدا و هه‌رێمێ د به‌رنامێ حكومه‌تا عیراقێ دایه، ل دووڤ قانوون و دستوورى و مه رژدى ل سه‌ر گرنگیا پابه‌ندبوونا هه‌رێم و به‌غدا ل سه‌ر وان خالێن هه‌ردو ئالى رێككه‌ڤتین كریه”
ئه‌ڤرۆ نیوز:
د.عه‌لى سندى وه‌زیرێ پلاندانا حكومه‌تا هه‌رێما كوردستانێ بۆ رووداو دیاركر كو عیراقێ دو ره‌سید یێن هه‌ین، ئێك سندوقه‌كه ب ناڤێ DFI كو یێ ل نیویورك و یا دى بانكا ناوه‌ندیا عیراقێ یه، ئه‌و سندوقا مووچه و پاره پێ دهێته دان، سندوقا DFI هه‌تا دووماهیا سالا 2013 نێزیكى 18 ملیار دولار ره‌سید تێدابوون، به‌لێ وه‌ختێ حه‌یده‌ر عه‌بادى بوویه سه‌رۆك وه‌زیرێن عیراقێ، ئه‌و سندوق به‌تال بوو، نێزیكى ملیاره‌كێ تێدا مایه، حوكمه‌تا عیراقێ ژى ب ژڤانه دووڤچوونا ڤى پاره‌ى بكه‌ت.
ئه‌ڤرۆ نیوز، ڤه‌ده‌ر سوبحى:
حزبوالله یا لبنانی هه‌بوونا ملیشیاێین حزبولله ل ئیراقێ د شه‌رێ دژى داعش دا راگه‌هاند.
بۆ ئێكه‌م جار حه‌سه‌ن نه‌سروالله سه‌رۆكێ حزبوالله یا لوبنانی ئاشكراكر كو گرۆپه‌كێ ملیشیاییێن حزبا وى نوكه یێ ل ئیراقێ و پشكدارن د شه‌رێ دژی داعش دا.
نه‌سرۆالله گۆت: مه به‌ریا نها به‌حس نه‌كریه لێ ژبلی سوریا مه هه‌بوونا خوه یاده‌ستنیشانكری ل ئیراقێ ژی هه‌یه .
تێ زانین حزبوالله پتر ژ هزار ميلیشیاێین خوه برینه سوریا ب تایبه‌ت ناوچا گۆلان و پشته‌ڤانیا رژیما ئه‌سه‌د دكه‌ت.
ئه‌ڤرۆ نیۆز، قائید میرۆ
فڕۆكه‌یێن هه‌ڤپه‌یمانان، ئاڤاهیێ رێڤه‌به‌رایه‌تیا گشتیا چاندنا مووسل بوردومان كرن و د ئه‌نجامدا شه‌ش چه‌كدارێن داعش هاتنه كوشتن و ئاڤاهی ب ته‌مامی هاته تێكدان.
ژێده‌ره‌كێ به‌رپرس بو مالپه‌ڕێ ئه‌ڤرۆ نیۆز راگه‌هاند” ئه‌ڤرۆ فڕۆكه‌یێن شه‌ڕكه‌رێن هه‌ڤپه‌یمانان ل باژێڕێ مووسل رێڤه‌به‌رایه‌تیا چاندنا مووسل بوردۆمانكر، كو باره‌گایه‌كێ سه‌ربازیێ تیرۆرستێن داعش بوو و هاته تێكدان.
ئه‌ڤی ژێده‌ری گۆت ژی” ب ئه‌گه‌رێ ئه‌ڤێ بوردۆمانێ شه‌ش چه‌كدارێن داعش دناڤا ئه‌ڤی باره‌گایێ سه‌ربازی دا هاتنه كوشتن و چوارێن دیژی برینداربوون.
ئه‌ڤرۆ نیوز:
نێچیرڤان بارزانى سه‌رۆكێ حكومه‌تا هه‌رێما كوردستانێ راگه‌هاند ب مه‌ره‌ما چاره‌كرنا قه‌یرانا دارایى یا نوكه، ئه‌و دێ ده‌لیڤه‌كا دى ژى ده‌نه عیراقێ.
ل دووڤ راگه‌هاندنه‌كا سه‌رۆكایه‌تیا حوكمه‌تا هه‌رێما كوردستانێ، ئه‌ڤرۆ پشتى نێچیرڤان بارزانى ل گه‌ل وه‌زیر و به‌رپرسێن وه‌زاره‌تا كاره‌بێ كومبووى، سه‌باره‌ت راگه‌هاندنا نڤیسینگه‌ها حه‌یده‌ر عه‌بادى سه‌رۆك وه‌زیرێن عیراقێ راگه‌هاندیه” نوكه دێ وه‌ختى ده‌ینه حوكمه‌تا عه‌بادى، بۆ چاره‌كرن و ده‌رچوون ژ ئاریشان، ئه‌گه‌ر ئه‌و ل سه‌ر پێشێلكرنا رێككه‌فتنێ د به‌رده‌وام بن، مه ژى دێ هه‌لویست هه‌بیت، ئه‌گه‌ر ئه‌و پاران نه‌هنێرن، ئه‌م ژى نه‌فتێ ناهنێرن، ئه‌ڤه قانوونه و د بودجه‌ى دا ب ره‌نگه‌كێ رون جێگر بوویه.
ئه‌ڤرۆ نیوز:
ده‌رباز كوسره‌ت وه‌زیرێ ئاڤه‌دانكرن و ئاكنجیكرنێ یێ حوكمه‌تا هه‌رێما راگه‌هاند كو هه‌ر چ پرۆژێن هاتیه راوه‌ستاندن و تمام نه‌بوون، دێ بزاڤێ كه‌ن كار تێدا ب دووماهى بهێت و بكه‌ڤنه دخزمه‌تا وه‌لاتیان دا.
ده‌رباز كوسره‌ت ئه‌ڤرۆ ل گه‌ل پارێزگه‌رێ هه‌ولێرێ سه‌را مه‌یدانا پرۆژێ دروستكرنا پرا گوپال كر كو درێژاهیا وێ 928 مترن و كارێن وێ 50% ب دووماهى هاتیه، ته‌كه‌زى ل سه‌ر هندێ كر كو دڤێت پرۆژێن راوه‌ستیایى بهێنه تمامكرن.
ئه‌ڤرۆ نيوز:
ڤەکۆلینەکا نوو یا کونگرێ کومەلا دلی ل سعوودیێ بەلاڤ بووی دیار کر کو روونشتنا درێژ ل سەر تۆرێن جڤاکی د ئنترنێتێ دا نە ب تنێ تە ب جیھانێ ڤە گرێددەت، بەلکو دبیتە ئەگەر مرۆڤی تووشی گەلەک نەخۆشیان ژی بکەت. ل دووڤ ڤەکۆلینێ، ڤەکۆلەران چاڤدێریا وان کاران دکر یێن ئەو کەسێن ب تۆرێن جڤاکی ڤە ھاتینە گرێدان کو ل سالا ٢٠١٤ ھژمارا وان کەسان ژ ٢.٥ ملیار مرۆڤان بۆری.
ڤەکۆلینێ ٤٩٠٠ کەس بخوەڤە گرتن کو چو مێژوو ل گەل نەخۆشیێن دلی نەبوون، ژیێ وان د ناڤبەرا ٢٠ – ٤٠ سالیێ دا بوو و پتر ژ نیڤەکا وان ژن بوون و چارێکا وان نەخۆشیا شەکرێ ھەبوو.
د ڤەکۆلینێ دا ھوکارێن مەترسیێ بلند بوون/ ب رێژا ٢٦% ژ وان دکەڤنە بەر مەترسیا تووشبوونا جەلتا دلی و دبیت د چارچووڤێ دەە سالێن داھاتی دا بمرن.
ھوکارێن مەترسیێ ژی ڤەکۆلەران ب قەلەویێ ڤە گرێدان ئەوا ژ ئەنجامێ روونشتنا درێژ ل بەر شاشا کومپیۆتەری زێدەباری نەخۆشیا شەکرێ و بلندبوونا فشارا خوینێ و کولیسترۆلی و کێمیا لڤینی، ڤەکۆلەران ئاشکرا کر کو کێمبوونا ھشیاریێ دبیت ئەگەرێ نەساخلەمیا وان بیت.
سعوودیێ ل پلا ئێکێ دھێت بۆ بکارئینانا تۆرێن جڤاکی ل رۆژھەلاتا ناڤین و ل سەر ئاستێ جیھانێ ل پلا پێنجێ و ل سەر ئاستێ کەنداڤی ل پلا سیێ ھات بۆ قەلەویێ، ب رێژا ٣٦% ژ خەلکێ وێ د قەلەون و ٥٠% ژ وان دکەڤنە بەر مەترسیا نەخۆشیا شەکرێ.
وەزارەتا ساخلەمیێ ل وی وەلاتی سالانە ١٠ ملیار دۆلاران بۆ چارەرکنا نەخۆشیا شەکرێ د مەزێخیت ئانکو دبیتە ٣٤% ژ بودجا وەزارەتا ناڤبری.
نيشاندان