ئه‌ڤرۆ نيوز، سالار دۆسكى:
ناڤێن گه‌را دويێ يێن وه‌رگرتنا مامۆستايان ب ره‌نگێ گرێبه‌ست بۆ ده‌رچوويێن په‌يمانگه‌هـ و زانكۆيان ل سنورێ په‌روه‌ردا قه‌زا به‌رده‌ره‌ش:
ناڤێن مامۆستايێن دامه‌زراندى ل سنورێ په‌روه‌ردا به‌رده‌ره‌ش و ئامێديێ
نووترين نووچه
- لەیلا قاسم نموونەیا قەهرەمانییا كچا كوردە و سیمبۆلا ئازادیخوازیێیە
- نێچیرڤان بارزانی: پێشوازیێ ل خوە هەلوەشاندنێ و چەكدانانا پەكەكێ دكەین
- نێچیرڤان بارزانی و مەسرور بارزانی پیرۆزباهیێ ل بنگەهێ لالشێ دكەن
- مەسرور بارزانی: پشتەڤانییا حوكمەتێ بۆ ب هێزكرنا ژێرخانەیا ئابۆری دێ بەردەوام بیت
- بنگەهێ لالش خزمەتەكا بەرچاڤ یا جڤاكێ ئێزدیاتیێ كریە
- مەسرور بارزانی: پێدڤییە بەرپرسێن پارتی زێدەتر خزمەتا خەلكی بكەن
- هیڤیدارین حوكمەتا فیدرال مووچەی نەكەتە پرسەكا سیاسی
- بەغدا مووچەی وەك كارەتەكا فشارا سیاسی بەرانبەر هەرێما كوردستانێ ب كار دئینیت
- مافێ چارەنڤـیس، مافـەكێ سروشتیێ نەتـەوەیا كـوردە
- نێچیرڤان بارزانی ب فەرمی بۆ وەلاتێ قەتەرێ دهێتە ڤەخواندن
سهرهكى Facebook
نێچيرڤان بارزانى: سالانه سێ مليار دۆلاران بۆ پێشخستنا سكته‌رێ كاره‌بێ د مه‌زێخين
ئه‌ڤرۆ نيوز:
نێچیرڤان بارزانی سەرۆکی حکوومەتا هەرێما کوردستانێ دياركر كو هه‌كه بودجێ هه‌رێما كوردستانێ نه‌هنێرن دێ پێداچوونێ د رێكه‌فتناما هه‌لويستێ خوه دا كه‌ن.
ئه‌ڤرۆ رۆژا دوشه‌مبى رێكه‌فتى 2015.2.15 سه‌رۆكێ حوكمه‌تا هه‌رێما كوردستانێ و قوباد ته‌له‌بانى جێگرێ سه‌رۆكێ حوكمه‌تێ سه‌ره‌دانا وه‌زاره‌تا كاره‌بێ كر و ل سه‌ر كێشێن وێ وه‌زاره‌تێ ڤه‌كۆليت، راگه‌هاند ژى حوكمه‌تا هه‌رێما كوردستانێ سالانه سێ مليار دولاران بۆ پشته‌ڤانيا سێكته‌رێ كاره‌بێ دمه‌زێخيت.
نێچيرڤان بارزانى ده‌رباره‌يى دانوستاندنێن ل گه‌ل به‌غدا گۆت: “ئه‌م د گرێداينه ب رێكه‌فتنێ ب هنارتنا 550 هزار به‌رميلێن په‌ترۆلێ ب ره‌نگه‌كێ رۆژان، به‌لێ به‌غدا يا گرێدايى رێكه‌فتنێ نينه، چونكو چو پاره نينه، گۆتژى: “هه‌رێما كوردستانێ گرێدانا تمام ب رێكه‌فتنێ هه‌يه، د رێكه‌فتنێ دا هاتيه رۆهنكرن، هه‌كه هه‌ر لايه‌ك گرێدايى رێكه‌فتنێ نه‌بيت، دێ هێته هه‌لوه‌شاندن”.
دووپاتژى كر كو كێشه ئه‌و نينه حوكمه‌تا هه‌رێمێ يا گرێدايى رێكه‌فتنێ نينه، به‌لكو هه‌رێما كوردستانێ هنده‌ك په‌ترۆل هنارتيه، هه‌ژمارتنا وێ ژى دێ ب گۆره‌يى سه‌رجه‌مێ گشتى بيت، به‌لێ به‌غدا ب به‌هانه‌يا نه‌بوونا پاره‌يى، بودجێ ناهنێريت.
دا زانين ژى كو چو جاران وه‌كو ڤێ جارێ هه‌رێما كوردستانێ تووشى قه‌يرانا ئابوورى نه‌بوويه، ژ لايه‌كێ دى ژى ڤه شه‌رێ داعش گه‌له‌ك تێچوو دڤێت و ئه‌ڤه ژى بوويه بارگرانيه‌ك ل سه‌ر ملێن حوكمه‌تێ، هژمارا خه‌لكێ هه‌رێما كوردستانێ ژى ب رێژا 28% زێده بووينه، ژ لايه‌كى ژى ڤه حوكمه‌تا ناڤه‌ندى پاره‌يى ناهنێريت.
پشتى ده‌مه‌كێ كێم دێ لژنا نه‌فت و گازێ ل هه‌رێمێ كۆم بيت
ئەڤرۆ نیۆز، قائید میرۆ:
بڕیارە پشتی دەمەکێ دی لیژنا بلندا نەفت و وزەی ل ھەرێما کوردستانێ کۆمبوونەکێ گرێدەت و جێگرێ سەرۆکێ لیژنا سامانێن سرۆشتی ژی دبێژیت، پێشبینی دکەین بھایێ پانزینێ ببیتە 700 دینار.
بڕیارە ئەڤرۆ لیژنا بلندا نەفتێ و وزەی ل ھەرێما کوردستانێ ب سەرۆکایەتیا نێچیرڤان بارزانی، کۆمبوونەکا گرنگ ل دۆر پرسیێن گرنگێن نەفتێ و بھایێ پانزینێ گرێدەن و تێدا بھایێ پانزینێ بھێتە دیاریکرن.
دلشاد شەعبان، جێگرێ سەرۆکێ لیژنا سامانێن سرۆشتی یا پەرلەمانێ کوردستانێ بۆ ئەڤرۆ نیۆز گۆت” چو بڕیارێن فەرمی نەگەھشتینە پەرلەمانی و مە زانیاری ل دۆر دیارکرنا بھایێ پانزینێ نینە، بەلێ ئەم پێشبینی دکەین بھایێ ئێک لیترا پانزینێ بھێتە ئەرزانکرن بۆ 700 دیاران.
ب ڤى ره‌نگى عه‌بادى دشێت به‌هرا بودجا هه‌رێمێ بهنێريت
ئه‌ڤرۆ نيوز:
ئه‌ندامه‌كێ جڤاتا نوونه‌رێن عراقێ راگه‌هاند كو كێشا ئابوورى يا عيراقێ يا ئاشكه‌رايه، به‌لێ دڤێت ئاليه‌ته‌ك بۆ چاره‌كرنا وێ كێشێ بهێته ديتن و يا گرێدايى بيت ب رێكه‌فتناما د ناڤبه‌را خوه و هه‌ولێر دا.
حاكم سه‌رحان سلێڤانه‌يى ئه‌ندامێ لژنا دارايى جڤاتا نوونه‌رێن عيراقێ بۆ مالپه‌رێ فه‌رمى يێ پارتى ديموكراتى كوردستان راگه‌هاند، كۆمبوونا دوهى يا شاندێ هه‌رێما كوردستانێ و حوكمه‌تا ناڤه‌ندى ل عيراقێ ژ دو لايان ڤه گه‌له‌ك يا گرنگ بوو؛ هه‌ردو ته‌كست ل سه‌ر گرێدانا خوه ب وێ رێكه‌فتنێ كر و هژماره‌كا پرسان ژى هه‌بوون پێدڤى ب دانوستاندنێ بوون بۆ چاره‌كرنێ، نه‌كو د رێيا راگه‌هاندنێ دا بهێنه ئازراندن و به‌حس ل سه‌ر بهێته كرن.
حاكم سه‌رحان گۆت: “پشتى كۆمبوونێ د راگه‌هاندنا هه‌ردو لا دا ئه‌و چه‌ند هاته به‌حسكرن كو كێشا پاره‌يى يا هه‌يى، پارێ به‌ر ده‌ست نينه، نوكه بۆچوونا حوكمه‌تێ ل سه‌ر نه‌هنارتنا بوودجه‌يى يا رۆهن بووى، به‌لێ هێشتا بۆچوونا عيراقێ يا باوه‌ر پێكرى نينه، چونكو نابيت به‌غدا بێژيت پاره نينه، ئه‌و رێكه‌فتن ل سه‌ر چ بنه‌ما كريه، هه‌كه ب ساناهى ژى گوهداريا گۆتارا به‌غدا بهێته كرن، ئه‌رێ د جهێ خوه دايه ئه‌و هه‌موو په‌ترۆل و داهات هه‌يى، بێژيت مه كێشا نه‌بوونا پارێ به‌رده‌ست يا هه‌يى؟”.
ئه‌ندامێ لژنا دارايى ل جڤاتا نوونه‌رێن عيراقێ گۆتژى: “هه‌كه حوكمه‌تا عيراقێ د ڤان كاودانان دا كو قه‌يرانا ئابوورى ل هه‌رێمێ هه‌يه و عيراق تووشى شه‌ره‌كێ مه‌زن بوويه، ژێرخانا ئابوورى وێران بوويه، بۆ ناچيت قه‌ران بكه‌ت، عيراق وه‌لاته‌كه هه‌كه قه‌ران ژى بكه‌ت، كێشه نينه، چونكو په‌ترۆله‌كا زۆر يا هه‌يى و دشێت د داهاتى دا كار بكه‌ت بۆ زێده‌كرنا رێژا په‌ترۆلێ و وان قه‌ران پێ بده‌ت”.
بۆ قاره‌مانا فۆرتس
ئه‌ڤرۆ نيوز:
ئه‌ندريا پيتۆڤێچ ياريكه‌را تێنسێ يا ئه‌لمانى بۆ قاره‌مانا فۆرتس يا ته‌نسى پشتى كارلا يا هه‌ڤركا وێ نه‌شيايێ ژ ئه‌گه‌رێ هنگافتنێ ياريێ بكه‌ت.
د ياريا دووماهيا قاره‌مانيێ دا، پێتۆڤێچ دا ل گه‌ل كارلا سوارێز ياريێ كه‌ت، به‌لێ به‌رى ده‌سپێكرنا ياريێ كارلا تووشى هنگافتنێ بوو و نه‌شيا ياريێ ئه‌نجام بده‌ت و پێتۆڤێچ ب ناسناڤێ قاره‌مانيێ هاته خه‌لاتكرن.
پێتۆڤێچ پله‌دارا سيێ ل سه‌ر ئاستێ جيهانێ ل سه‌ر داخوازا ئاماده‌بوويان ياريه‌كا هه‌ڤالينى ل گه‌ل كيم كليسته‌رز ئه‌نجام دا و پاشان ناسناڤێ قاره‌مانيێ پێ هاته دان.
ل ده‌مێ بلندكرنا ناسناڤێ قاره‌مانيێ خۆشحاليا خوه ب ناسناڤى ده‌ربڕى و هيڤيا ساخبوونه‌كا ب له‌ز بۆ كارلايێ خواست.
ده‌رفه‌ته‌كا نوو ب قوتابيێن دهۆك هاته دان
ئه‌ڤرۆ نيوز:
ژ پێناڤى ب ده‌ستخستنا ده‌رفه‌تا كارى ب سيسته‌مێ پارالێل بۆ قوتابيێن پارێزگه‌ها دهۆك، ناڤه‌ندا وه‌رگرتنا قوتابيان ل ديوانا وه‌زاره‌تا خواندنا بلند و ڤه‌كۆلينێن زانستى راگه‌هاند، بۆ هه‌ر سێ سكۆلێن “نوشدارى، ده‌رمانسازى، نوشدارى ددان” 30 كورسيێن خواندنێ هاتينه ته‌رخانكرن ب سيسته‌مێ خواندنا پارالێل.
ب گۆره‌يى راگه‌هاندنه‌كا وه‌زاره‌تا خواندنا بلند و ڤه‌كۆلينێن زانستى ل حوكمه‌تا هه‌رێما كوردستانێ كو وێنه‌ك بۆ ئه‌ڤرۆ نيوز هنارتيه هاتيه: “پشتى ره‌زامه‌نديا كۆمبوونا جڤاتا وه‌زيران ل 2015.2.2 ل سه‌ر ڤه‌كرنا خواندنا پارالێل ل فاكه‌لتيێن نوشدارى ل زانكۆيا دهۆك ل سكۆلێن “نوشدارى، ده‌رمانسازى، نوشداريا ددان” بۆ هه‌ر سكۆله‌كێ 10 كورسيێن خواندنێ هاتنه ته‌رخانكرن ب گۆره‌يى مه‌رجێن پارلێل.
ب گۆره‌يى ڤێ نڤيسارێ ناڤه‌ندا وه‌رگرتنا قوتابيان، 89% كورسيێن ده‌رچوويێن ئاماده‌يى يێن پارێزگه‌ها دهۆكێ دێ هه‌ڤركيێ ل سه‌ر كه‌ن و 20% ژ كورسيان ژى دێ ده‌رچوويێن ئاماده‌يێن دى يێن پارێزگه‌هێن هه‌رێمێ هه‌ڤركيێ ل سه‌ر كه‌ن.
بۆ ڤێ مه‌ره‌مێ ژى بۆ پێدانا ده‌رفه‌ته‌كا دى ب قوتابيان، ناڤه‌ندا وه‌رگرتنا قوتابيان، قوتابيان ئاگه‌هدار دكه‌ت كو ماوێ پێشكێشكرنێ بۆ دو رۆژێن دى هاته زێده‌كرن ئانكو رۆژێن 17 و 2015.2.18 قوتابى دشێن داخوازيێن خوه پێشكێشك بكه كو ئێسكه‌ر دڤێت ب رێيا فورما ئاماده‌كرى ل زانكۆيا دهۆك بيت.
هێزێن كوردى چوونه د ره‌قه دا
ئه‌ڤرۆ نيوز:
بۆ جارا ئێكێ هێزێن كوردى شيان بچنه د سنورێ پارێزگه‌ها ره‌قه‌دا و شيان ل وێ پارێزگه‌هێ و ده‌وروبه‌رێن وێ نێزيكى 35 كه‌سان ژ داعش كوشتينه.
ب گۆره‌يى چالاكڤانێن ئۆپۆزسيۆن يێن سورى ل سێ ده‌ڤه‌رێن جودا ل ده‌وروبه‌رێن باژێرێ كۆبانێ ئه‌وێ ژ داعش وه‌رگرتى ب هه‌ڤچوون روودان و تێدا چار شه‌رڤان شه‌هيد بوون و هژماره‌ك ژى ژ چه‌كدارێن داعش هاتينه كوشتن.
ل سه‌ر سنورێ د ناڤبه‌را هه‌ردو پارێزگه‌هێن سوريێ حه‌له‌ب و ره‌قه دا 22 كه‌س ژ چه‌كدارێن داعش هاتينه كوشتن، بۆ جارا ئێكێ يه شه‌ر د ناڤبه‌را هێزێن كوردى ل سه‌ر سنورێ پارێزگه‌ها ره‌قه دا روودا و شيان ب سه‌ركه‌ڤنه گره‌كێ ستراتيژى ب ناڤێ تل به‌غده‌ك.
ب گۆره‌يى چالاكڤانان، شه‌ر ل ده‌وروبه‌رێن گرێ به‌غدك دژوارترين شه‌ر بوون ل ده‌ڤه‌رێ ل گه‌ل ئازادكرنا كۆبانێ، فرۆكێن شه‌ركه‌رێن هه‌ڤپه‌يمانان ژى ده‌ڤه‌ر تۆپبارانكرن.
ب گۆره‌يى به‌ياننامه‌كا له‌شكرى، هێزێن هه‌ڤپه‌يمانان سێ هێرش كرنه ده‌وروبه‌رێن كۆبانێ ل رۆژا شه‌مبى و ئێكشه‌مبى و تێدا ئاڤاهى و باره‌گايێن چه‌كى يێن داعش ژناڤبرينه.
هه‌تا نوكه هێزێن كوردى شياينه 163 گوندێن ده‌وروبه‌رێن كۆبانێ ل سێ حه‌فتيێن بۆرى رزگار بكه‌ن.
ره‌وشا زێر و زيڤى ل بازارێن دهۆكێ
ره‌وشا دراڤى ب بازارێن دهۆكێ
بۆ لێدانا داعش به‌حرێن فرۆكێن خوه برنه ئوردن
ئه‌ڤرۆ نيوز:
ئاژانسا ده‌نگوباسێن فه‌رمى يا ئوردنى “بيترا” راگه‌هاند كو هژماره‌كا فرۆكێن شه‌ركه‌رێن به‌ره‌ڤانيا ئه‌سمانى يێن مه‌له‌كى گه‌هشتينه ئوردن بۆ پشكداريكرن د هه‌ڤپه‌يمانيا نێڤده‌وله‌تى دا ژ بوو نه‌هێلانا تيرۆرێ.
ب گۆره‌يى وێ ئاژانسێ پشكداريا هێزێن ئه‌سمانى يێن به‌حرێت ژ چارچۆڤێ هه‌ڤكاريا هه‌ڤپشك يا د ناڤبه‌را هه‌ردو وه‌لاتێن ئوردن و به‌حرێن دا هات، ب پشت به‌ستن ل سه‌ر هه‌ڤبه‌ستا به‌ره‌ڤانيا عه‌ره‌بى يا هه‌ڤپشك، ديسا پابه‌ندبوونه ژى ب هه‌ڤپه‌يمانيا نێڤده‌وله‌تى بۆ ژناڤبرنا تيرۆرێ.
“بيترا” ئاماژه ب وێ چه‌ندێ ژى كريه كو ئه‌ڤ پێنگاڤا به‌حرێن وێ چه‌ندێ نيشان دده‌ت كو ئه‌و يا رژده ل سه‌ر پێنگاڤێن خوه بۆ نه‌هێلانا تيرۆرێ هه‌كه ب چو ره‌نگه‌كێ هه‌بيت بيت.
هه‌ر ئێك ژ وه‌لاتێن ئوردن و سعوديه و به‌حرێن و ئيمارات ئه‌و چار وه‌لاتێن عه‌ره‌بى نه يێن د ناڤ هه‌ڤپه‌يمانيا نێڤده‌وله‌تى دا ئه‌وا ب سه‌رۆكاتيا ئه‌مريكا بۆ نه‌هێلانا داعش هاتيه پێكئينان پشتى ده‌ستێ خوه دانايه سه‌ر ده‌ڤه‌رێن به‌رفره‌هێن عيراق و سوريا.
نيشاندان
WP Facebook Auto Publish Powered By : XYZScripts.com