NO IORG
Facebook

ئه‌ڤرۆ نيوز:

جه‌بار ياوه‌ر ئه‌ميندارێ گشتى يێ وه‌زاره‌تا پێشمه‌رگه‌ى رادگه‌هينيت كو وان چ پێزانين ل سه‌ر ئازادكرنا وان پێشمه‌رگێن ده‌سته‌سه‌ركرى نينن كو چه‌ند ده‌زگه‌هێن راگه‌هاندنێ به‌حسێ ئازادكرنا وان كرى.

جه‌بار ياوه‌ر دياركريه‌: ب فه‌رمى چ پێشمه‌رگه‌كێ ده‌سته‌سه‌ركرى ل بن ده‌ستێ داعش نه‌هاتيه‌ ئازادكرن، ئه‌وا به‌لاڤبووى ب تنێ پرۆپاكنده‌نه‌.

چه‌ند ده‌زگه‌هێن راگه‌هاندنێ به‌لاڤ كربوون كو چه‌ند پێشمه‌رگێن ده‌سته‌سه‌ركرى د ده‌ستێ داعش دا، به‌رامبه‌ر ئازادكرنا چه‌ند داعشێن ده‌ستێ پێشمه‌رگه‌ى دا، هاتينه‌ ئازادكرن.

ئه‌ڤرۆ نیوز:
حوكمه‌تا هه‌رێما كوردستانێ راگه‌هاندنه‌ك ل دۆر كومبوونا ئه‌ڤرۆ یا نێچیرڤان بارزانى سه‌روكێ حوكمه‌تا هه‌رێما كوردستانێ و حه‌یده‌ر عه‌بادى سه‌رۆك وه‌زیرێن عیراقێ به‌لاڤكر.
د پشكه‌كا راگه‌هاندنێ دا هاتیه‌” هه‌ردو ئالیان پابه‌ندیا خوه‌ ب رێككه‌فتنا د ناڤبه‌را وان دا هاتیه‌ ئیمزاكرن دووپات كر، به‌لێ كێشا نووكه‌ ل هه‌مبه‌ر رێككه‌فتنێ دروست بووى، ئه‌و قه‌یرانا دارایى یه‌ كو هه‌موو عیراق ڤه‌گرتى، د ڤێ ره‌وشێ دا حوكمه‌تا عیراقێ نه‌شێت وه‌ك پێدڤى بودجا هه‌ردو هه‌یڤێن ئێك و دو یێن سالا 2015 بهنێریت.
نێچیرڤان بارزانى دیاركر به‌غدا رازى بوویه‌ كو هه‌ر سێ هه‌یڤان جاره‌كێ، تێكرایا هنارتنا نه‌فتا هه‌رێمێ كو 250 هزار به‌رمیلن بهێته‌ هژمارتن.

326

ئه‌ڤرۆ نيوز، ڤه‌ده‌ر ره‌شاڤای:

هونه‌رمه‌ند و سترانبێژا بریتانی یا ناڤدار لێلی ئه‌لن چه‌ندین نامه‌ به‌لاڤ كرن تێدا لسه‌ر ناڤێ گرۆپا تیرورستیا داعش گه‌فێن سه‌ربرینێ ژێ هاتینه‌كرن.

ئه‌لن لسه‌ر په‌یجێ خوه‌ ئه‌و نامه‌ نیشاندانه‌ كو تێدا چه‌ند كه‌سه‌ك خوه‌ ب ئه‌ندامێن داعش ده‌نه‌ نیاسین و گه‌فان لێدكه‌ن كو ده‌ستدرێژیێ بكه‌نه‌ سه‌ر و وێ سه‌رببرن.
سترانبێژا بریتانی خویاكر كو ئه‌و چ پیته‌ی ب ڤان نامان ناده‌ت و چێدبیت ڤان كه‌سێن نه‌خۆش ژمارا موبایلا وێ ژ هاككرنا په‌یجێ سترانبێژا ئه‌مریكی تایلۆر سویفت وه‌رگربیت كو به‌ری چه‌نده‌كێ په‌یجێ وێ هاتبوو هاك كرن.

ئه‌ڤرۆ نیوز:

ژێده‌ره‌كێ ژ وه‌زاره‌تا دارایى یا حوكمه‌تا هه‌رێما كوردستانێ ئاماژه‌ ب وێ یه‌كێ كر كو سبه‌ دێ به‌رده‌وامى ب به‌لاڤكرنا مووچێ هه‌یڤا 12 یێ سالا 2014 هێته‌ دان.

ژێده‌ره‌كێ ژ وه‌زاره‌تا دارایى دیاركریه‌ كو رۆژا دوشه‌مبى دێ فه‌رمانبه‌رێن وه‌زاره‌تا كاروبارێن جڤاكى و تورا چاڤدێریا خێزانى و كێم ئه‌ندام مووچه‌ى وه‌رگرن.

ژێده‌ر: باس

142

ئه‌ڤرۆنیوز ، بارزان مزوورى
ئه‌فسه‌ره‌ك ژ هێزێن ئیمناهیێ ل تلسقوف، بۆ ئه‌ڤرۆ نیوز دیار كر كۆ ئه‌ڤرۆ ده‌مژمێر 6 ئیڤارى 15/2 چه‌كدارێن تیرۆرستێن داعش خانیێ پێشه‌نگ فواد عه‌باس ئاغا دگه‌ل كوچكا بابێ وى و برایێ وى كۆ مه‌زنترین كوچكا ئاغایێ شه‌به‌كا بوو ل ناڤ گوندێ بایبوختێ ل میحوه‌رێ ناوران TNT كرو په‌قاند.
ناڤبرى دیار كر كۆ ئه‌و كوچك كه‌ڤنترین كوچكا ئاغایى بۆ دناڤ كوردێن شه‌به‌ك دا.

ئه‌ڤرۆنیوز ، بارزان مزوورى
ژێده‌ره‌ك ژ چه‌كدارێن رێكخراوا ئازاد ل ناڤ باژێرێ مووسل بو ئه‌ڤرو نیوز دیار كر كو چه‌كدارێن تیرورستێن داعش ژبه‌ر لاوازیا بارێ ئابورى دناڤ باژێرێ مووسل دت، خه‌لكێ ناڤ باژێرێ مووسل ئاگه‌هدار كرینه‌ كو هه‌ر كه‌سێ بڤێت ناڤ باژێرى ده‌ركه‌ڤیت بو هه‌رێما كوردستانێ بچیت، دێ وى ده‌رباز كه‌ین حه‌تا سنورێن د ناڤبه‌را هێزێن پێشمه‌رگه‌ى و وان.
ناڤبرى دیار كر كۆ چه‌كدارێن تیرورستێن داعش هه‌ر سه‌روك خێزانه‌كێ ئه‌وێن ناڤ باژێرێ مووسل ده‌ردكه‌ڤیت بو ناڤ ئاخا كوردستانێ بچیت 500 دولارا ژێ وه‌ردگریت و ئه‌و خێزانێن پاره‌ ژى نه‌بیت ئاگه‌هداركرینه‌ كو ڤان روژا بخو كاربكه‌ت حه‌تا پارێ وان بیته‌ 5 وه‌ره‌قه‌ و راده‌ستێ داعش بكه‌ن، دا وان ل ناڤ مووسل ده‌رباز كه‌ت،ل پێنج شه‌مبیا بورى 12/2 پێنج خێزانێن كورد ب رێكا قاچاغ ل ناڤ مووسل ده‌ركه‌فت بون بێ داعش ئاگه‌هدار بكه‌ن و قه‌ستا هه‌رێما كوردستانێ كربوون، لێ دكه‌ڤنه‌ بوسه‌یا چه‌كدارێن تیرورستێن داعشدا ل گوندێ فازلیه‌ سه‌ر ب ناحیا باشیكڤه‌ هه‌ر پێنج خێزان دهێنه‌ ده‌سته‌سه‌ركرن ب زاروك ڤه‌ بو جهه‌كێ نه‌دیار ڤه‌دگوهێزن و هه‌تا نوكه‌ چاره‌ نڤیسێ وان به‌رزه‌یه‌ .

216

ئه‌ڤرۆنیوز ، بارزان مزوورى
به‌رپرسێ پشكا هاتن وچونا قه‌زا شێخان ، پێشه‌نگ به‌درخان محه‌مه‌د سه‌لیم، بۆ ئه‌ڤرۆ نیوز دیار كر كۆ ئه‌ڤرۆ نیڤرو ل سێ ریانا باعه‌درێ رویدانه‌ك د ناڤبه‌را ترومبێله‌ك ژ جورێ بارهه‌لگر ترێله‌ مارسیدس و ترومبێله‌ك تایبه‌ت شوفرلێت ئوپترا رویدا، د ئه‌نجام دا 5 كه‌س برینداربون و بۆ نه‌خوشخانا شێخان هاتن ڤه‌گوهاستن.
ناڤبرى ل دور ئه‌گه‌رێن رویدانێ دیار كر كۆ ترومبێلا تایبه‌ت شوفرلێت نه‌پێگیرى ب رێنمایێن هاتنوچونێ كریه‌ ئێكسه‌ر هاتیه‌ د رێكا ترومبێلا بارهه‌لگر دا و توشى لێكدانێ بوینه‌.

5

192

ئه‌ڤرۆ، یوسف موسـا:
سوبه‌هى دادگه‌ها تێهه‌لچوونا دهۆكێ دووماهى بریار دێ ل سه‌ر كه‌یسا بریندار بوونا به‌رپرسێ سه‌ندیكا هونه‌رمه‌ندێن كوردستانێ لقێ زاخۆ ده‌رئێخیت، كو به‌رى شه‌ش هه‌یڤان ب گرانى بریندار ببوو.
مه‌هدى مونیر به‌رپرسێ سه‌ندیكا هونه‌رمه‌ندێن كوردستانێ لقێ زاخۆ بو ئه‌ڤرۆ نیوز ئاشكرا كر ب ئه‌و ب چو شێوه‌یه‌كێ ژ بكه‌رێ تاوانا خوه‌، نه‌بوورى یه‌، و ل نیاز نینه‌ لێ ببووریت ژى و گۆت: دێ چاڤه‌رێ بڕیارا دادگه‌هێ كه‌ین.
ل 23/8/2014 و ل ده‌مژمێر 8:12 ب شه‌ڤ ژلایه‌كێ كه‌سه‌كێ ڤه‌ د باره‌گایێ تیپا زاخۆ یا هونه‌رى ڤه‌ (مه‌هدى مونیر) كو وى ده‌مى به‌رپرسێ تیپێ بوو ب كێران هاتبوو برینداركرن.

ئه‌ڤرۆ نیوز:
كومبوونا د ناڤبه‌را شاندێ هه‌رێم و حوكمه‌تا عیراقێ ب دووماهى هات، و بریاره‌ ئه‌ڤ شه‌ڤه‌ جاره‌كادى كومببن، سه‌باره‌ت ناڤه‌رۆكا كومبوونا ئێكى، نێچیرڤان بارزانى گۆت: ئه‌م د پابه‌ندین ب رێككه‌فتنا خوه‌ یا به‌رێ ل گه‌ل به‌غدا، به‌لێ نوكه‌ حوكمه‌تا عیراقێ پاره‌ نینه‌، و ژبه‌ر نه‌بوونا پاره‌ى، نه‌شێت پشكا بودجێ هه‌رێمێ و پاره‌ى بۆ هه‌رێمێ بهنێریت.
بارزانى دیاركر كو هه‌ر ئه‌ڤ شه‌ڤه‌ دێ ل گه‌ل حه‌یده‌ر عه‌بادى و به‌رپرسێن حوكمه‌تا عیراقێ كومبن.

website security
WP Facebook Auto Publish Powered By : XYZScripts.com