ئه‌ڤرۆ نيوز:
سێ رۆژێن پشتى كونترۆلكرنا گرێ سپى ژ لايێ شه‌رڤانێن يه‌په‌كێ ڤه و تێكشاندنا داعش، ئاوارێن گرێ سپى و ده‌ڤه‌رێن دى يێن ل توركيا ڤه‌گه‌ريانه‌ڤه سه‌ر مالێن خوه.
د چه‌ند حه‌فتيێن بۆرى دا ژ ئه‌گه‌رێ شه‌رێ ناڤبه‌را شه‌رڤانێن يه‌په‌گێ و تيرۆرستێن داعش نێزيكى 20 هزار وه‌لاتيێن گرێ سپى و ده‌ڤه‌رێن سنورى يێن رۆژئاڤايێ باكورێ كوردستانێ ئاواره‌يى وه‌لاتێ توركيا بوون.
پشتى سه‌ركه‌فتنا رۆژا 15ى خزيرانا 2015ێ شه‌رڤانێن يه‌په‌گێ و ڤۆلكانا فورات كو ژ هه‌ردو هێزێن يه‌په‌كێ و يه‌په‌ژێ پێكهاتينه ده‌ست ب سه‌ر داعش دا گرت، وه‌لاتيێن وان ده‌ڤه‌ران كو پتريا وان عه‌ره‌ب و توركمانن، ڤه‌گه‌ريانه ده‌ڤه‌رێن خوه.
هه‌ر چه‌نده به‌رپرسێن تورك به‌حس ل وێ چه‌ندێ دكه‌ن كو هێزێن يه‌په‌گێ سه‌ره‌ده‌ريه‌كا خراب ل گه‌ل ڤان وه‌لاتيان دكه‌ن، يه‌لێ ئه‌و ب خوه ڤێ چه‌ندێ ره‌ت دكه‌ن.
ب گۆره‌يى وان ڤيديۆيێن ئاژانسا ئه‌سوشيه‌تيت پرێس به‌لاڤكرين، ئاوارێن گرێ سپى ئاماژێ ب خرابيا ژيان وژيانا خوه ل توركيا دده‌ن و ئاماژێ ب وێ چه‌ندێ دكه‌ن كو ئه‌و د نه‌چارن ب زوورى ڤه‌گه‌رنه ده‌ڤه‌رێن خوه.
ئه‌ڤرۆ نیۆز، قائید میرۆ
رۆژنامه‌ڤان بارزان عه‌لی حه‌مه، په‌یامه‌ك ئاراسته‌ی سه‌رۆكایه‌تیا هه‌رێمێ و ده‌زگه‌هێن راگه‌هاندنێ كریه، كو ژلایێ ئاسایشا سلێمانیێ هاتیه گازیكرن و گه‌فێن كوشتن و ده‌ركرنا وی دكه‌ن ل باژێڕێ سلێمانیێ.
مه‌حه‌مه‌د گومه‌شینی، په‌یڤدارێ ده‌سته‌یا سه‌ربخۆیا مافێ مرۆڤی ب ئه‌ڤرۆ نیۆز راگه‌هاند” چو سكالا ل دۆر گه‌فێن لسه‌ر رۆژنامه‌ڤان بارزانی عه‌لی نه‌گه‌هشتینه مه، به‌لێ سه‌رۆكێ ده‌سته‌یێ ئه‌م ئاگه‌هداركرینه، دوڤچوونا بابه‌تی بكه‌ین و نابیت ده‌زگه‌هێ ئاسایشێ گه‌فێن بڤی شێوه‌ی ل چو وه‌لاتیه‌كی بكه‌ت، چونكو هه‌موو وه‌لاتیه‌ك یێ ئازاده و دڤێت گوره‌ی قانوونێ سه‌ره‌ده‌ری دگه‌ل رۆژنامه‌ڤانی بهێته‌كرن.
گومه‌شینی گۆتژی” مافێ مرۆڤی دێ دگه‌ل ئاسایشا سلێمانیێ دانوستاندان كه‌ت و مافێ رۆژنامه‌ڤانی یێ پاراستیه وه‌ك مرۆڤ و وه‌ك رۆژنامه‌ڤان، ب هه‌موو شێوه‌یه‌كی زمانێ گه‌فكرنێ لهه‌مبه‌ر هه‌ر وه‌لاتی و رۆژنامه‌ڤانه‌كی ره‌ت دكه‌ین”.
ئه‌ڤرۆ نیۆز، قائید میرۆ
سه‌رۆكێ فڕاكسیۆنا پارتی ل جڤاتا پارێزگه‌ها هه‌ولێرێ، گازندا ل وه‌زیرێن بزاڤا گۆڕان و پارتێن ئیسلامی دكه‌ت، ژبه‌ركو ده‌ستێ خوه تێخن ناڤا رێڤه‌به‌رایه‌تیێن گشتی ئه‌ڤه دده‌مه‌كیداه‌ی ل گور قانوونێ ئه‌و ده‌ستهه‌لات دایه جڤاتێن پارێزگه‌ها.
كه‌نعان خه‌یلانی، سه‌رۆكێ فڕاكسیۆنا پارتی ل جڤاتا پارێزگه‌ها هه‌ولێرێ ب ئه‌ڤرۆ نیۆز راگه‌هاند” وه‌زیرێن گۆڕان و ئیسلامی ده‌ستێ خوه تێخن ناڤا كاروبارێن جڤاتێن پارێزگه‌هان، قانوونا هژماره 3ێ یا سالا 2009ێ ده‌ستهه‌لاتێن پارێزگه‌ر و جڤاتێن پارێزگه‌هان دیاركرینه و دانانا رێڤه‌به‌رێن گشتی د ده‌ستهه‌لاتا جڤاتا پارێزگه‌هێ دایه نه‌ك وه‌زیری، به‌لێ مخابن پشكه‌ك ل وه‌زیرێن گۆڕان و پارتێن ئیسلامی ده‌ست ل كاروبارێن رێڤه‌به‌رێن گشتی وه‌ردده‌ن و ئه‌م ئاگه‌هدارنینه”.
خه‌یلانی گۆتژی” بزاڤا گۆڕان به‌ری بهێته ده‌ستهه‌لاتێ و سه‌رده‌مێ ئوپۆزسیۆنێ گازندا ڤێ چه‌ندێ دكر، پارتی چو ده‌ستهه‌لات نه‌داینه رێڤه‌به‌رێن گشتی و پارێزگه‌هان و دخواست لامه‌ركه‌زیێ بجه بینن، لێ نوكه ئه‌و بخوه چو ده‌ستهه‌لاتا ناده‌نه پارێزه‌هان و رێڤه‌به‌رێن گشتی”.
ئه‌ڤرۆ نیوز:
ئه‌ڤرۆ ده‌سته‌یا بلندا هه‌لبژارتنێن توركیا، ب فه‌رمى ئه‌نجامێن فه‌رمى یێن هه‌لبژارتنێن په‌رله‌مانێ توركیا راگه‌هاندن و بۆ جارا ئێكێ یه پارته‌كا كوردى 80 كورسیێن په‌رله‌مانى بده‌ستڤه بینیت و ئه‌نجام ب ڤى ره‌نگى بوون:
1. پارتا داد و گەشەپێدان (ئاكەپە): 258 کورسی
2. پارتا گەلا کۆماری (جەهەپە): 132 کورسی
3. پارتا دیموکراتا گەلان (هەدەپە) : 80 کورسی
4. پارتا بزووتنەوا ناسیۆنالیست (مەهەپە) : 80 کورسی
ئه‌ڤرۆ نیۆز، قائید میرۆ
به‌رپرسه‌كێ كورد ل نه‌ینه‌وا ئاشكراكر، تیرۆرستێن داعش بۆ هه‌یڤا ره‌مه‌زانێ چه‌ند بڕیاره‌ك بۆ ده‌ڤه‌رێن ژێر كۆنتڕۆلا خوه ده‌ركرینه و ل گوره‌ی بڕیاره‌كا وان نابیت ب چو شێوه‌یه‌كی ژن ده‌مێ رۆژ بچنه ده‌رێ هه‌تا پشتی فتارێ.
غه‌یاس سورچی، كارگێڕێ مه‌لبه‌ندێ ئێكه‌تی نیشتیمانی كوردستان ل نه‌ینه‌وا ب ئه‌ڤرۆ نیۆز راگه‌هاند” گروپا تیرۆرستیا داعش چه‌ند بڕیاره‌كێن نوو بۆ هه‌یڤا ره‌مه‌زانێ ده‌ركرینه، ژوانا هه‌ر كه‌سه‌كێ بهه‌ر به‌هانه‌یه‌كێ رۆژیێ نه‌گریت دێ هێته سزادان، هه‌روه‌سا نابیت دده‌مێ رۆژێ ئافره‌ت بچنه ده‌رڤه و بازاڕی هه‌تا پشتی فتارێ”.
غه‌یاسی گۆتژی” ئێك ژ بڕیارێن دی یێن داعش ئه‌ڤه، نابیت دگه‌ل سعودیێ ره‌مه‌زانێ ده‌ستپێبكه‌ن، بڕیارژی دای بۆ چه‌كدارێن خوه هه‌ر چه‌كداره‌كێ دده‌مێ هه‌یڤا ره‌مه‌زانێ دا ژنێ بینیت یان مه‌هره‌بكه‌ت، دێ تاخمه‌كێ نڤستنێ ب دیاری وه‌رگریت.
ئه‌ڤرۆ نیۆز، قائید میرۆ
ئه‌ڤرۆ ژ ئه‌گه‌رێ بوردۆمانا هێزێن پێشمه‌رگه و فڕۆكه‌یێن هه‌ڤپه‌یمانان ل قه‌زا به‌عاج، سێ ترۆمبێلێن داعش ب چه‌كدارڤه هاتنه ژناڤبرن.
ژێده‌ره‌كێ به‌رپرس ب ئه‌ڤرۆ نیۆز راگه‌هاند” ئه‌ڤرۆ پشتی نیڤرۆ ل قه‌زا به‌عاج هێزێن پێشمه‌رگه‌ی كاروانه‌كێ ترۆمبێلێن داعش بوردۆمانكرن و دوڤدا فڕۆكه‌یێن هه‌ڤپه‌یمانان ژی ئه‌ف ترۆمبێلێن داعش كرنه ئارمانج و د ئه‌نجامدا زیانێن مه‌زن گه‌هشتن تیرۆرستێن داعش.
ژێده‌ری گۆتژی” گوره‌ی زانیاریێن ده‌ستپێكی سێ ترۆمبێلێن تژی چه‌كدارێن داعش و دو هه‌مه‌ر بته‌مامی هاتینه ژناڤبرن و زیانێن زۆر ب وی كاروانێ داعش گه‌هشتینه.
ئه‌ڤرو نیوز،بارزان مزوورى:
ژێده‌ره‌ك ژ رێكخراوا چه‌كدارێن ئازاد ل ناڤ باژێرێ مووسل بو مالپه‌رێ ئه‌ڤرو نیوز ئاشكرا كر كو ئه‌ڤرو سپێدێ 18/6/2015 چه‌كدارێن تیرورستێن داعش بو جارا ئێكێ پارێ خو دناڤ بازارى مووسل به‌لاڤ دكه‌ن .
ژێده‌رى دیار كر داعش به‌رى نها ریكلام بو گه‌له‌ك جورێن پاره‌ى دكر ئێك و نها ئێك ژوانا ل ناڤ بازارى به‌لاڤ كریه.
ئه‌ڤ پاره ره‌نگێ وى وه‌ك زێرى یه ناڤێ ده‌وله‌ت ئیسلامیه سه‌ر نڤیسایه و عه‌یار 21 كه خه‌لكه‌ك ئاگه‌هداركریه دگه‌ل دانانا هنده‌ك تیمێن وان كو كرین و فروتن ب ڤى پاره‌ى بێته‌كرن دا ئه‌و پارێ دى كێم بیت .
ژێده‌رى زێده‌تر گوت : هه‌ركه‌سێ خودانێن دوكان و بازرگانێن مووسل ڤى پاره‌ى نه‌وه‌رگریت دهێته سزادان ب بكوژمه‌كێ مه‌زن یێ پاره‌ى له‌وما خه‌لكه‌ك نه‌چاره ڤى پاره‌ى وه‌رگریت .
ئه‌ڤرۆ، سالار دۆسكى
پشتى نیڤرۆ یا ئه‌ڤرۆ 18/6/2015 پشكا راگه‌هاندنێ ل رێڤه‌به‌ریا گشتى یا پولیسێن پارێزگه‌ها دهۆكێ ئاشكراكر كو قوتابیه‌كێ قوناغا نه‌هێ بنه‌ره‌ت گوله‌ك ل سینگێ خوه دایه.
رائیدێ ماف په‌روه‌ر، هێمن سلێمان محه‌مه‌د به‌رپرسێ راگه‌هاندنا پولیسێن دهۆكێ بۆ مالپه‌رێ ئه‌ڤرۆ نیۆز گۆت: شڤێدى قوتایبه‌كێ قوناغا نه‌هێ بنه‌ره‌ت ل سه‌نته‌رێ پارێزگه‌ها دهۆكێ، بناڤێ (ژ، ب ، م) گوله‌كا كلاشینكوفێ ل خوه دایه، پشتى روودانێ هاتیه ڤه‌گوهاستن بۆ نه‌خوشخانا ته‌نگاڤیان و ل بن چاڤدێرییا نوشداران دایه.
ناڤبرى هێشتا گۆت: قوتابى ژ دایك بوویێ سالا 1994 و پشتى روودانێ ڤه‌كولین ل سه‌ر بوویه‌رێ دبه‌رده‌وامن بۆ زانینا ئه‌گه‌رێن روودانێ، ئاشكراكر كو روودان ل بنگه‌هێ پولیسێن خه‌بات سه‌ر ب پشكا پولیسێن باژێرێ دهۆكێ ل رۆژهه‌لات ڤه هاتیه توماركرن.
نيشاندان