ئه‌ڤرۆ نيوز:
ژێده‌ره‌كێ له‌شكرى يێ عيراقێ راگه‌هاند كو گه‌را ئێكێ يا مارينزێن ئه‌مريكى گه‌هشتنه عيراقێ، ژ 30 له‌شكران پێك دهێت كو ئه‌ون يێ ئوسامه بن لادن كوشتين.
ئه‌ڤى ژێده‌رێ له‌شكرى يێ عيراقى بۆ ئاژانسا ده‌نگوباسێن ئه‌لمانى راگه‌هاند: “هێزێن ئه‌مريكى كو ژ 30 مارينزان پێكهاتينه، ژ وان ژى ئه‌ڤێن پشكدارى د كوشتنا ئوسامه بن لادان دا كرى ل سالا 2011 گه‌هشتنه عيراقێ و ل پارێزگه‌ها ئه‌نبار بنگه‌هێ به‌غدادى هاتينه بنه‌جهكرن”.
گۆتژى: “ئه‌ڤ هێز بۆ پشته‌ڤانيكرنا عيراقيان دژى چه‌كدارێن رێكخراوان تيرۆرستى يا داعش هاتينه ده‌ڤه‌رێ”.
ئاماژه ب وێ چه‌ندێ ژى كر كو ئه‌و له‌شكر دێ چنه به‌ره‌يێن شه‌رى كو نوكه د ناڤبه‌را هێزێن عيراقى و حه‌شه‌د شه‌عبى هه‌مبه‌ر رێكخراوا تيرۆرستى يا داعش دهێته كرن، ل ناحيا به‌غدادى مه‌زنترين بنگه‌هێ له‌شكرى يێ هه‌يى و داعش بزاڤێن داگيركرنا وى دده‌ت، د وى بنگه‌هى دا ب سه‌دان شيره‌تكارێن ئه‌مريكى و عيراقى يێن هه‌ين”.
دوهى رۆژا پێنجشه‌مبى چه‌كدارێن داعش هێرشه‌كا به‌فره‌هـ كره سه‌ر ناحيا به‌غدادى، به‌لێ پاشان هێزێن ئه‌منى و حه‌شه‌د شه‌عبى و عه‌شيره‌تێن ده‌ڤه‌رێ، شيان ژ ناحيێ دوور بكه‌ن و هێرشا وان بشكێنن.
نيشاندان