ئه‌ڤرۆ نیوز: ڤه‌ده‌ر ره‌شاڤایی
وێنه‌گره‌كا رۆمانی دا بۆ جیهانێ بسه‌لمینیت كو كچێن جوان و سرۆشتی ل هه‌می وه‌لاتان هه‌نه، گه‌شت كر بۆ 37 وه‌لاتان و ل هه‌ر وه‌لاته‌كی كچه‌كا دێم سرۆشتی هه‌لبژارت وێنه بۆ گرتن.
وێنان ببینه:
ئه‌ڤرۆ نیوز:
پشتی سێ رۆژان چ ژ چاره‌نڤیسێ وی نه‌هاتیه زانین، گه‌نجێ كورد سامان نه‌سیم ژ ئالێ حكومه‌تا ئیرانێ ڤه هاته سێداره‌دان و پارێزه‌رێ وی ئه‌ڤ ده‌نگوباسه پشتراستكر.
عه‌زیز مژده پارێزه‌رێ سامان نه‌سیم پشتراستكر كو ئه‌ڤرۆ 20 ێ شوباتا 2015 سامان نه‌سیم ب فه‌رمی هاتیه سێداره‌دان، هه‌ڤده‌م دگه‌ل پێنج زیندانێن دی یێن سیاسی.
ئاشكرابوونا ڤێ یه‌كێ كارڤه‌دانێن جیهانی لدووڤ خوه ئینان، جێن ساكی په‌یڤدارا وه‌زاه‌تا ده‌رڤه‌یا ئه‌مریكا دلته‌نگیا خوه ده‌ربری ژ جێبه‌جێكرنا سزایێ سێداره‌دانێ لسه‌ر سامان نه‌سیم ژبه‌ر ئه‌ندامیا وی د پژاكێ دا.
ئه‌ڤرۆ نیوز، ره‌زوان رۆژبه‌یانى
سه‌ردار یه‌حیا قایمقامێ قه‌زا به‌رده‌ره‌ش بۆ ئه‌ڤرۆ نیوز دیاركر كو ل سه‌ر داخازیا مه سه‌روكى حكومه‌تا هه‌رێمێ، لژنه‌كا دووڤچونێ بۆ به‌رده‌ره‌ش هنارت بۆ دووڤچوونا ل سه‌ر سێ پرۆژه‌یێن ئاكنجیبوونێ ل قه‌زا به‌رده‌ره‌ش كو كارێ وه‌به‌رهێنانێ دكه‌ن و گۆت: پشتى كو مه سه‌را وان پرۆژه‌یان كرى، هوشدارى دانه پرۆژێ ئاڤا وه‌لات كو ده‌مێ دروست كرنا پرۆژێ وێ ب سه‌ر ڤه نه‌چیت و گیرو نه‌بیت و پرۆژێ ئاكنجیبوونێ یێ لاوان سیتى ژبه‌ر خرابیا كارێ و ب سه‌رڤه چونا ده‌مێ وى كو گه‌له‌ك ل ده‌مێ خوه پتر گیرو بویه و پێگرى ب گرێبه‌ستێن وه‌لاتیان و یاسایێن وه‌به‌رهێنانێ نه‌كریه و بریار هاته‌دان كو كارێ وى بهێته راگرتن و ب توندى ژى بهێته سزادان.
سه‌ردار دیاركر كو رۆژا ئێك شه‌مبى دگه‌ل وه‌لاتیان دێ گفتوگویێ كه‌ین كا وه‌لاتى چ پێ باشه كو ئه‌و بهێته كرن و ببیته بریار.
ئه‌ڤرۆ نیوز: ڤه‌ده‌ر ره‌شاڤايی:
پشتی به‌رپرسه‌كێ سه‌ربازی پلانا ئوپه‌راسیۆنا ئازادكرنا مووسل ئاشكرا كری، كو دێ ل مه‌ها نیسان یان گۆلانا ئه‌ڤ ساله ژ ئالیێ 25 هزار سه‌ربازێن كورد و ئیراقی ڤه هێته ده‌ستپێكرن، ڤئ یه‌كێ ره‌خنه لدووڤ خوه ئینان.
سێناتورێ ئه‌مریكی تۆم كۆتۆن و به‌رپرسێ لژنا خزمه‌تا سه‌ربارزی ل كۆنگرێسێ ئه‌مریكی كو به‌ریا نها ل ئه‌فغانستانێ و ئیراقێ كارێ سه‌ربازی كریه، ئاشكراكرنا پلانا ئۆپه‌راسیۆنێن ئازادكرنا موسل ژ داعش ره‌خنه‌كر و بتشه‌كێ مه‌ترسیدر دانا.
كۆتۆن گۆت كو ئاشكراكرنا ده‌م و ژمارا ڤێ پلانێ تشته‌كێ هه‌ستیاره دێ پێشمه‌رگه و هێزێن ئیراقی یێن دێ پشكداربن د ئۆپه‌راسیۆنێ دا ئیخیته مه‌ترسیێن مه‌زنتر دا.
ڤه‌ده‌ر ره‌شاڤای:
رێڤه‌به‌رێ ئاژانسا ئێمناهیا فێدرالییا رووسی (FSB) ل كونفرانسێ به‌رهنگاربوونا تیرۆرێ ل واشنتۆنا پایته‌ختێ ئه‌مریكا ژمارا رووسیێن گه‌هشتینه رێزێن رێكخستیا تیرۆرستیا داعشێ ل ئیراقێ بۆ ئێكه‌م جار ئاشكرا كر.
ئه‌لكسانده‌ر بۆرتنیكۆڤ رێڤه‌به‌رێ ئاژانسا ئێمناهیا فێدرالیا رووسی گۆت: نێزیكی 1,700 هزار و حه‌فت سه‌د وه‌لاتیێن رووسی هه‌تا نها گه‌هشتینه داعش ل وه‌لاتێ ئیراقێ.
بۆرتنیكۆڤ دیاركر كو ژمارا رووسییان ل ناڤ داعشێ دوجاركی زێده‌بوویه و دڤێت كاربهێته‌كرن بۆ راگرتنا چوونا چه‌كدارێن بیانی بۆ ناڤ داعش.
ناڤهاتی خویاكر ژی كو پتر ژ 20 هزار چه‌كدارێن بیانی ژ سه‌رانسه‌ری 100 وه‌لاتان بۆ رێكخستیا تیرۆرستیا داعشێ شه‌ری دكه‌ن .
رێڤه‌به‌ريا كه‌شناسى و بيڤه‌له‌رزان ل هه‌رێما كوردستانێ دياركر كو ئه‌ڤرۆ ل هنده‌ك ده‌ڤه‌رێن باشوورێ كوردستانێ به‌فر باريه و هه‌تا نوكه يا به‌رده‌وامه.
رێڤه‌به‌ريا كه‌شناسى و بيڤه‌له‌رزان ل هه‌رێما كوردستانێ دياركريه كو ل كانى ماسێ، ئامێديێ، سەرسنك و زاوێتە يا سه‌ر ب پارێزگه‌ها دهۆك و حاجی ئۆمەران، چۆمان، چیای كۆڕەك، ره‌واندوز و پیرمام ل سنوورێ پارێزگه‌ها هەولێر، چيايێ گۆیژە يا سنوورێ پارێزگه‌ها سلێمانيێ بەفر يێ دباريت.
فوتو: هونه‌ر ئامێدى
ئه‌ڤرۆ نيوز:
پشتى سێ هه‌يڤان ژ ڤه‌قه‌تيانێ ژ ياريگه‌هان ژ ئه‌گه‌رێ هنگاڤتنێ، دوهى بۆ جارا ئێكێ لوكا مودريج ياريكه‌رێ ريال مه‌دريد پشكدارى د مه‌شق و راهێنان دا كر.
يانا ريال ژى ب فه‌رمى د مالپه‌رێ خوه يێ ئه‌نته‌رنێتێ دا به‌حسێ ڤه‌گه‌ريانا مودريج بۆ مه‌شڤێن ب كوم كريه و ب ده‌نگوباسه‌كێ خوه‌ش وه‌سف كريه.
نوكه هه ئێك ژ سێرجیۆ رامۆس و، سامی خزێرە و، جەیمس رۆدریگیزو، فابیۆ كوینتراو، چاره‌سه‌ريا وه‌ردگرن و هاتينه هنگاڤتن.
ئه‌ڤرۆ نيوز:
جون مه‌كين سه‌رۆكێ لژنا به‌ره‌ڤانيێ ل كونگريسێ ئه‌مريكا راگه‌هاند دڤێت ئه‌مريكا 10 هزار سه‌ربازان ره‌وانه‌ى عيراقێ بكه‌ت بۆ شه‌رێ دژى داعش.
جون مه‌كين راگه‌هاند كو دڤێت ئه‌مريكا سه‌ربازان بهنێريته عيراقێ بو روى ب روى بوونا وێ كومه‌لكوژيا داعش ل ده‌ڤه‌رێ خولقاندى و گۆت: چوونا هێزا ئه‌مريكى ب تنێ مفايێ بۆ ژناڤبرنا داعش نينه، به‌لكو دێ دووماهيێ ب ده‌ستهه‌لاتا ئه‌سه‌د ژى هێت.
ئه‌ڤرۆ نيوز:
به‌رپرسه‌كێ پله بلند يێ فه‌رمانده‌يا ناڤه‌نديا هێزێن ئه‌مريكى رادگه‌هينيت كو 20 بۆ 25 هزار سه‌ربازێن عيراقێ د به‌رهه‌ڤن بۆ كونترولكرنا باژێرێ مووسل د ناڤبه‌را هه‌يڤا 4 و 5 يا ئه‌ڤ ساله‌دا.
وى به‌رپرسى كو ناڤێ خوه ئاشكرانه‌كريه راگه‌هانديه كو پروسا كونترولكرنا مووسل د پێشڤه‌چوونێ دايه و هێزێن عيراقى دێ پلانێ دانن و ل گه‌ل هاتنا هه‌يڤا ره‌مه‌زانا ئه‌ڤ ساله مووسل دێ ب تمامى هێته كونترولكرن و پاقژكرن ژ داعش.
وى به‌رپرسى گوتيه: نێزيكى هزار هه‌تا دو هزار چه‌كدارێن داعش دناڤ مووسل دا هه‌نه.
نيشاندان