ئه‌ڤرۆ نيوز:
ئاخفتنكه‌رێ ب ناڤێ كۆمسيۆنا بلندا سه‌ربه‌خۆيا هه‌لبژارتن و راپرسيێ ل هه‌رێما كوردستانێ راگه‌هاند: د 48 ده‌مژمێرێن بهێت دا، كۆمسيۆن دێ به‌رسڤا سه‌رۆكێ هه‌رێما كوردستانێ ده‌ت.
ژێده‌ر: KNN
نووترين نووچه
- سەرۆك بارزانی و نێچیرڤان بارزانی و مەسرور بارزانی سەرەخوەشیێ ل قوربانیێن ئاگرێ توركیا دكەن
- نێچیرڤان بارزانی دوپاتیێ ل پێشڤەبرنا پەیوەندییان ل گەل هۆلەندا دكەت
- سەرۆكێ حوكمەتا هەرێمێ ل گەل چەندین سەركردە و بەرپرسێن وەلاتێن جیهانێ ل داڤۆسێ كۆم دبیت
- شاندێ هەولێرێ و بەغدایێ دوپاتیێ ل چارەسەركرنا كێشەیا مووچەیێ فەرمانبەرێن هەرێمێ دكەن
- هەلوەشاندنا بڕیارێن ڕژێما بەعسا ژناڤچووی پێنگاڤەكا گرنگ و پێدڤی بوو
- سەرۆک بارزانی داخواز کر کو ئاستەنگێن د ناڤبەرا مە و هەسەدێ دا نەهێلین
- سەرۆك بارزانی دوپاتیێ ل ئێكڕێزییا كوردان ل سووریێ دكەت
- قونسلێ ئیتالیا بۆ نێچیرڤان بارزانی: گرنگییێ ب پەیوەندیێن خوە ل گەل هەرێما كوردستانێ د دەین
- ئارمانجا مە پێشئێخستنا ژێرخانەیا ئابوورییا هەرێما كوردستانێ یە
- دیدار و كۆمبوونێن سەرۆكێ حوكمەتا هەرێما كوردستانێ ل داڤۆس
سهرهكى Facebook
ھەتا نوکە خەلکێ سنوونێ نە ڤەگریاینە سەر باژێرێ خوە
ئه‌ڤرۆ نيوز:
قائیمقامێ قەزا شنگال راگەھاند، نەبوونا خزمەتکاریان ئێکە ژ ئەگەران وەلاتی نەڤەگەریانە سەر مال و مولکێن خوە، ھێزێن پێشمەرگێ کوردستانێ کۆنترولەکا مەزن ل سەر دەڤەرێ یا کری، لێ خەلکەک ھەر ژ عەرەبان دترسیت، چونکو عەرەبان خیانەت کر و نوکە سنوورێ دناڤبەرا مە و تیرورستێن داعش دا دو کیلومەترن. وەلاتی ژی دبێژن، ئێدی پێکڤە ژیان ل گەل عەرەبان گەلەک یا ب زەحمەتە، ھەتا عەرەب نەھێنە دوورکرن، ئەم نەشێین ڤەگەرینە جھێن خوە.
مەیسەر حەجی سالح قائیمقامێ قەزا شنگال بۆ ئەڤرۆ دیار کر، پرۆژێ کارەبا سنوونێ ل تەلەعفەرە، نوکە تەلەعفەر یا دەستێن تیرورستان دا و کارەبا نشتیمانی ل سنوونێ نینە، لێ ھێدی ھێدی موەلیدە یێ دھێنە دانان و بەلێندەرکی ژی پرۆژێ چێکرنا ھێلێن کارەبێ ل سنوونێ یێ گرتی کو چەند ستوونەک یێن ھاتینە ئێخستن، ئەم چاڤەرێنە چێکەن و خزمەتکاری نە د ئاستێ پێدڤی دا نە.
زێدەتر دبێژیت: ل سنوونێ نەبوونا خزمەتکاریان ئێکە ژ ئەگەران وەلاتی نەڤەگەرنە سەر مال و مولکێن خوە و گۆت ژی: وەکو دی ژی ترس بۆ خەلکی یا چێبووی و ئەڤە ژی ئەگەرەکێ گرنگە وەلاتی نەڤەگەریاینە و ھەتا نوکە دۆرین دو ھزار و ٧٠٠ خێزانان ڤەگەریانە.
وەلاتی سلێمان میرزا سەعدو دیار کر، بەری نوکە ئەم ل زاۆیتەی د ھەیکەلێ خانیەکێ دا بووین، نوکە ئەم ڤەگەریانە کۆمەلگەھا شاریا، مە بۆ خوە خیڤەت ل ناڤ پارچە ئەردێ وەلاتیان دا ڤەداینە، بێگومان جھێ مرۆڤی ژ ھەموو دەڤەران بۆ مرۆڤی خوشترە، لێ نەڤەگەریانا وەلاتیان بۆ سەر مال و مولکێن وان ژ بەر ھندێ یە خەلکی باوەری ب عەرەبان نینە و ئێدی پێکڤە ژیان ل گەل عەرەبان یا زەحمەتە، ھەروەسا ژی خەلک نەشێن ڤەگەرن ژ بەر بومبەیان، داخواز دکەین دەمێ دەڤەرێن مە دھێنە رزگارکرن تیمێن ئەندازیاری مینەیان ژی راکەن، چونکو تیرورستێن داعش گەلەک بۆمبە ڤەداینە و مەترسینە ل سەر ژیانا وەلاتیان.
نایف سەیدو رێڤەبەرێ ناحیا سنوونێ زێدەتر گۆت: ل ھندەک کۆمەلگەھێن ناحیا سنوونێ ١٠ ھەتا ١٥ خێزانان ڤەگەریاینە و د سەنتەری دا ژی ھژمارەکا خێزانان یا ڤەگەریای، ل گۆندان ژی ھندەک کەس یێ د ڤەگەریاین، لێ چو ئامارێن دروست نینن، چەند خێزان ڤەگەریاینە، ئەڤە چەند ھەیڤن سنوونێ ب ھەموو کۆمەلگەە و گۆندێن خوەڤە ژ دەستێن تیرورستێن داعش ھاتیە ئازادکرن، نوکە رەوشا دەڤەرێ زۆر یا ئارامە و ھێزێن پێشمەرگێ کوردستانێ کۆنترولەکا مەزن ل سەر دەڤەرێ یا کری، چو لڤینێن تیرورستان نینن، لێ سنۆرێ دناڤبەرا مە و تیرورستان دا دو کیلومەترن و عەرەب ماینە خەلکەک دترسیت نەشێن ڤەگەرنە سەر مال و مولکێن خوە.
ئەو ژی دیار کر، ھێلێن کارەبێ یێن ھاتینە دروستکرن، لێ کارەب ژ تەلەعفەر دھات بۆ ناحیا سنوونێ و ھەتا نوکە تەلەعفەر یا د دەستێن تیرورستێن داعش دایە، لەورا ژی کارەبا نشتیمانی نینە، لێ ب ھەڤکاریا پارێزگەھا دھۆکێ موەلیدێن کارەبێ یێن ھاتینە دابینکرن بۆ ھەموو دام و دەزگەھان ب تنێ، ئاڤ ب تانکەران دھێتە بەلاڤکرن، ئەو ژی چار تانکەرێن ئاڤێ یێن ھاتینە دابینکرن، ئەو خێزانێن ڤەگەریان ئەڤ ب تانکەران بۆ دھێتە دابینکرن، وەکو دیتر پرۆژێ ئاڤێ کارناکەت.
ناڤبری ئەو ژی دیار کر، رەوشا ساخلەمیێ یا باشە، رێڤەبەریا گشتیا ساخلەمیا دھۆکێ چەندین بنگەھێن ساخلەمیێ ل ئەو جھێن ئاوارە لێ ھەبن بنگەھێن ساخلەمیێ ل وێ دەڤەرێ ھاتینە ڤەکرن، لێ دەرمان پیچەکێ دکێمن، گۆت ژی: ل دەستپێکێ دەمێ سنوونێ ھاتیە رزگارکرن، گەلەک رێکخراوان سەرا مەدان و گۆتن دێ ھاریکاریا ھەوە کەین، لێ ھەتا نوکە چو رێکخراوان ھاریکاری نەکرینە و ئێک پرۆژە ژی ل سنوونێ بجە نەئینایە، ب تنێ دەزگای بارزانی یێ خێرخوازی بەردەوام ھاریکاریان دئینیت.
كۆمبوونا چاره‌نڤيسى يا كه‌ركووك ده‌سپێكر
ئه‌ڤرۆ نيوز:
به‌رى ده‌مه‌كێ كێم، كۆمبوونا جڤاتا پارێزگه‌ها كه‌ركووك ل سه‌ر پرسا چاره‌نڤيسى يا باژێرى ده‌سپێكر و دهێته چاڤه‌رێكرن كۆمبوونه‌كا چاره‌نڤسى بيت ده‌رباره‌يى په‌يوه‌نديێن وان و به‌غدا.
جڤاتا پارێزگه‌ها كه‌ركووك دێ به‌رده‌واميا نه‌هاتنا بودجه‌يێ كه‌ركووك ژ به‌غدا و پرۆژێ پارێزگارى د به‌رده‌واميا نه‌هاتنا بودجه‌يى دا ل گه‌ل نه‌جمه‌دين كه‌ريم، پارێزگارێ كه‌ركووك گه‌نگه‌شه كه‌ت.
نه‌جمه‌دين كه‌ريم، پارێزگارێ كه‌ركووكێ، پشتى ده‌سپێكرنا كۆمبوونێ داخواز ژ رۆژنامه‌ڤان و راگه‌هاندنكاران كر هۆلێ ب جهـ بهێلن و بۆ گۆت: “ئه‌نجامێن كۆنفرانسى دێ پشتى كۆمبوونێ د كۆنفرانسه‌كى دا هێنه راگه‌هاندن”.
نەخشێ بەرشەلونە بو وەرزێ نوو
ئەڤرۆ:
یانا بەرشەلونە قارەمانا ھەردو ناسناڤێن خول و کاسا ئسپانیا و قارەمانیا ئوروپا ژی ل ١٣ ھەیڤا بھێت دێ دەست ب بەرھەڤیێن خوە یێن وەرزێ نووکەت و ل دەستپێکێ ژی دێ تاقیکرنێن شیانێن لەشی و نوشداری بن بەری دەست ب راھێنانێن دەستپێکی بکەن ل باژێرێ وەرزشی یێ جوان جامبر و دووڤدا بەر ب کرنا چەند یاریان چن.
زێدەتر د پەیامەکی دا یانا بەرشەلونە سەبارەت پێنج یاریکەرێن وێ یێن نوکە پشکدار د قارەمانیا کوبا ئەمریکا دا کلاودیو براڤو، نیمار، دانی ئالڤێس، لیونێل میسی و خافیێر مارسکیرانوو دێ ل دەمێن بھێت ڤەگەریلان و پشکداریا وان د راعێنانا دا ھێتە دیارکرن.
یانا بەرشەلونە ب تنێ بو ماوێ حەفتیەکێ دێ راھێنانا ل ھەرێما خوە کەت و دووڤدا دێ بەر ب ئەمریکا چیت بو پشکداریێ د قارەمانیا کاسا قارەمانێن نێڤدەولەتی دا و د ڤێ قارەمانیێ دا دێ یاریێ ل گەل یانێن لوس ئەنجلوس گالاکسی یا ئەمریکی و مانچستەر یونایتد و چێلسی یێن ئێنگلیزی و فیورلانتینا یا ئیتالی کەت و ل یازدەی تەپاخا ئەف سالە ب فەرمی دێ کەڤیتە د ھەڤرکیا وەرزێ نوو دا دەمێ ھەڤرکیێ ل سەر ناسناڤێ کاسا سوپەرت ئوروپی ل گەل یانا ئەشبیلیا دکەت ل باژێرێ تبلیس یێ جورجیا، بەری ھەڤرکیا ناسناڤێ کاسا سوپەرا ئسپانی د گەل یانا ئەتلەتیکو مەدرید بکەت ئەوا ژڤانێ وێ نەھاتیە دیارکرن و دێ دووڤدا کەڤیتە د ھەڤرکیا خولا ئسپانیا دا ژبو پاراستنا ناسناڤی.
پێدڤیێن خوە بو ئیمزاکرنا ھەڤبەستان دیارکرن
ئەڤرۆ:
راھێنەرێ نوو یێ یانا ریال مەدرید رافائێل بینیتیز پێدڤیێن خوە بو ناڤا پێکھاتیێ یانا ریال مەدرید یێن سەرەکی بو کارگێریا دیارکرن ئەوژی ب ھێزئێخستنا دو جھان ل گەل ڤەگەراندنا کاسیمیرو و ئینانا دی خیا و دانیلو.
ل دووڤ راپورتەکا روژناما ئاس یا ئسپانی ڤی راھێنەری داخواز ژ سەرکردێن ریال کریە بو پەیداکرنا یاریکەرەکێ ھێلاناڤین و تەکی و ئاماژە کریە وێ چەندە پەیداکرنا یاریکەران بو ڤان دو جھان د بازارێن ڤەگوھاستنا ھاڤینێ دا پێدڤینە.
ل دووڤ ژێدەران و ڤێ روژنامێ بەربژارێ ئێکێ بو ھێلا ناڤین یاریکەرێ ئیتالی یێ یانا پاریس سان جێرمان مارکو فیراتی بویە ئەوێ ھاتیە رەتکرن ژلایێ سەرکردێن یانێ ژ ترسا ھەڤرکیا وێ یانێ و زێدەتر بەرسڤا ناسر خەلیفە خودانێ یانێ یا ب ھێز بیت و یاریکەرێ وێ یێ پرتوگالی ببەت، ژبەر ڤێ چەندێ و نوکە و د ڤی دەمی دا یاریکەرێ ھێلا ناڤینا یانا یوڤانتوس قرەمانا خولا ئیتالیا ئارتورو فیدال و جوفری کوندوجبیا یاریکەرێ موناکو یا فرەنسی ب ھێزترین بەربژارن بو داخوازیێن رافائێلی.
ژلایەکێ دووڤە ژبو ئیمزاکرنا ھەڤبەستا یاریکەرەکێ تەکێ راستێ ب ھێزترین بەربژار رەحیم ستیرلینگ یاریکەرێ لێڤەرپول یا ئێنگلیزی و مارلو رویس یێ یانا بروسیا دورتموند یا ئەلمانی نە و دبیت یێ ئێکی ھەڤبەستا وی ل سەر بگریت، ھەر چەندە ریال رێککەفتنەکل ل گەل یانا بروسیا دورتموند بەری سالەکێ ئیمزاکریە کو رویس ببەت لێ بەرپرسێن ریال تراس ھنگافتنێن بەردەوام دکەن.
باشترین و خرابترینێن ئوروپا ھاتنە دیارکرن
ئەڤرۆ:
پشتی ب دووماھی ھاتنا وەرزێ ٢٠١٤ – ٢٠١٥ یێ خولێن ئوروپی و قارەمانی و خولێن ل سەر ئاستێ گشتی یێ ئوروپا بو یانا د راوەرگرتنەکێ دا ئەوا ژلایێ کەنالی ESPAN یێ وەرزشی ھاتیە ئەنجامدان و نێزیکی ملیونەک و پێنج سەد ھزار کەسان پشکداری تێداکری باشترین و خرابترینێن ڤان خولان ھاتنە دیارکرن.
١- لیونێل میسی ستێرا ھەلبژارتیێ ئەرژەنتین و یانا بەرشەلونە ب باشترین یاریکەر ھاتە ھەلبژارتن.
٢- نیمار دا سێلڤا ستێرا ھەلبژارتیێ بەرازیل و یانا بەرشەلونە ب باشترین یاریکەرێ گەنک ھاتە دەستنیشانکرن.
٣- لویس ئێنرێکی راھێنەرێ بەرشەلونەب باشترین راھێنەر ھاتە ھەلبژارتن پشتی برنا سێ ناسناڤان.
٤- محەمەد سەلاح یاریکەرێ مسری و یانا فیورنتینا یا ئیتالی ب خودانێ جوانترین گول ل سەر یوڤانتوس ھاتنە ھەلبژارتن.
٥- ماریو بالوتێلی یێ ئیتالی و ھێرشبەرێ یانا لێڤەرپول یا ئێنگلیزی ب نەباشترین یاریکەر ھاتە دیارکرن پشتی نەشیای ل ئاستێ پێدڤی بیت.
٦- یانا بروسیا دورتموند یا ئەلمانی خودانا رێزا حەفتێ د لیستا خولا وەلاتێ خوەدا ب نەباشترین یانا ڤی وەرزی ھاتە دەستنیشانکرن پشتی نەشیای ھەڤرکیا ناسناڤی خولا وەلاتێ خوە و قارەمانیا ئوروپا بکەت و ل دووماھیا کاسا ئەلمانیا ژی ل گەل فولفسبورک خوسارەت بووی.
٧- ھەڤبەستا ڤەگوھاستنا ھێرشبەرێ ھەلبژارتیێ ئوروگوای ژ یانا لێڤەرپول یا ئێنگلیزی بو بەرشەلونە یا ئسپانی ب باشترین ھەڤبەستا وەرزی ھاتە نیاسین پشتی شیای چەندین یاریان چارەنڤێسای ئێلای بکەت و د ھەمی قارەمانیان دا کولان تومار بکەت.
٨- ھەتکبەریا فیفایێ ب ھەتکبەریا وەرزی ھاتە ھەلبژارتن.
٩- حنێرا وەرزی و یا نەچاڤەرێکری ل ڤی وەرزێ بورە خوسارەتیا یانا ریال مەدرید بوو ل گەل یانا ئەتلەتیکو مەدرید ب چار گولان بێ بەرامبەر د خولا ئسپانیا دا.
بێژێ من تو نه‌ڤێى
ئه‌ڤرۆ نيوز:
ژنەکا ٢٤ سالی دلێ خوە بۆ ئەڤرۆ ڤەدکەت و دبێژیت: من زارۆیەک ھەیە، ئەڤە پترە ژ سالەکێ من شوی کری، لێ ئاریشا من ئەوە بەری نھا من و گەنجەکێ بۆ ماوێ سالەکێ حەز ژ ئێکدو دکر ، گەلەک جارا من ژێ خواست کو بھێت من بخوازیت، لێ وی بەھانە دگرتن، لەورا دەما خوازگینیێن من ھاتی بۆ کەسەکێ دیتر کو مرۆڤێ منە، ب دلێ من نە بوو، بەس ئەز رازی بووم شوی پێ بکەم، چونکو مالا مە ھەموو د رازی بوون، تشتێ نەخوش و گەلەک کارتێکرنێ ل من دکەت، ئەوە کو ھەتا نھا من ئەو ژبیر نەکریە و ئەز زۆر عاجز دبم دەما کو دھێتە بیرا من، ئەو ئەڤینا من یا ئێکێ بوو، ھەر چەندە من نەڤێت بھێتە سەر ھزرا من بەس نە ب منە، ئەڤجا ھووین بۆ ڤێ ئاریشا من چ دبێژن و ئەز چ بکەم؟.
خانما ھێژا :
وەسا دیارە کو وی گەنجی وەختێ خوە یێ ڤالا دگەل تە دبرە سەری و ب ساناھی تو د سەردا بری و تو ئیستغلال دکری، ژبەر گرێدانا تە پێڤە، لێ بەختێ تە یێ باش بوو، ھەوە خێزان پێکنەئینای، ژ بەر کو وەسا دیارە ئەڤینی ل دەف وی نەبوو، یا وێرەک بە و بێژەیێ “وی ئەز نەڤیام و من ژی ئەو نەڤێت” و ژبیربکە ب تەمامی، ژ بەر کو تو خودان زارۆیی و پەروەردەکرنا زارۆیێ تە یا ب ستویێ تەڤە و دڤێت تو ئەرکێ خوە ب تمامی بجھبینی و ھزرا خوە ڤالا کە بۆ پتر پیتەدان ب خوە و زارۆیێن خوە و یا بەرێ ژبیر بکە و تەماشای سوبەھی بکە و کاری بۆ بکە دا تو ھەست ب خوەشیێ بکەی.
پۆ په‌يوه‌نديكرنێ ب گۆشا دلێ خوه ڤه‌كه په‌يوه‌نديێ ب ڤێ ژمارا تله‌فۆنێ بكه: 07503404123
ل چیایێ باشیک 50 داعش ھاتنە کوشتن
ئەڤرۆ نیۆز، قائید میرۆ:
شەڤا بۆری ل نێزیک چیایێ باشیک فڕۆکەیێن ھەڤپەیمانان ھژمارەکا چەکدارێن داعش کرە ئارمانج و د ئەنجامدا پێنجی داعش ھاتنە کوشتن.
غەیاس سورچی، کارگێڕێ مەلبەندێ ئێکەتیا نیشتیمانی کوردستان ل نەینەوا ب ئەڤرۆ نیۆز راگەھاند، شەڤا بۆری ل چیایێ باشیک وی دەمێ ھژمارەکا زۆرا تیرۆرستان خوە بەرھەڤ دکرن ژبۆی ھێرشکرنێ لسەر چەپەرێن ھێزێن پێشمەرگەیێن کوردستانێ، ژئالیێ فڕۆکەیێن ھەڤپەیمانان ھاتنە بوردۆمانکرن و شکست ب پیلانا داعش ئانی.
سورچی دیارکر د ئەنجامێ ئەڤێ بوردۆمانا شەڤا بۆریا چیایێ باشیک پێنجی چەکدارێن داعش ھاتینە کوشتن و ھژمارەکادیژی برینداربووینە، ئەڤە ژبلی تێکدانا پیلانا وان بۆ سەر ھێزێن پێشمەرگەی.
ژ به‌ر نه‌بوونا كريێ دا خوه و زارۆيێن خوه سۆژيت
ئه‌ڤرۆ نيوز:
سەرۆکێ کۆمەلا کرێنشینان ل پارێزگەھێن ھەولێر و دھۆکێ ئاشکراکر کو، ئێک ژ ئاریشەیێن ڤی سەردەمی دناڤبەرا ژن و زەلامان دا ھەی، ل سەر نەبوونا جھێ ئاکنجیبوونێ یە و گۆت: زۆر حالەتێن تەلاقێ ب ڤێ ئەگەرێ پەیدابووینە، دیسا بجھنەئینانا قانوونا کرێدانا خانیان ئێکە ژ ئەگەرێن پەیدابوونا ڤان ئاریشەیان و زۆر جاران خوەدیێ خانی رەوشا کرێداری بەرچاڤ وەرناگریت.
مەحموود ئیسماعیل، سەرۆکێ کۆمەلا کرێنشینان ل ھەولێر و دھۆکێ بۆ رۆژناما ئەڤرۆ گۆت: ل سەرانسەری ھەرێما کوردستانێ ھەشتێ ھزار کرێداران ناڤێن خوە ل کۆمەلێ تۆمارکرینە و د ئاڤاھیێن کرێدانە، بێگومان خەلک ھەیە نەبوویە ئەندام ل کۆمەلێ و کرێدارە، لەوڕا ھژمارا وان پترە، ب ئەگەرێ ھاتنا قەیرانا دارایی و نەبوونا کریا ھەیڤانە، رۆژانە وەلاتیێن کرێدار تووشی ئاریشەیێن جڤاکی دبن، چەندین حالەتێن تەلاقێ ھەبووینە ب ئەگەرێ کرێداریێ و چەندین ئاریشەیێن ب ڤی شێوەی مە چارەسەرکرینە کو ژن و زەلاما پێکڤە نەژیاینە و ژن چوویە مالا بابێ خوە، ژبەر نەبوونا خانی و جھێ ئاکنجیبوونێ، ئەڤە سەرەرای شەڕێ د ناڤبەرا ژن و زەلامان ل سەر نەبوونا کریا خانی یان ژی نەبوونا خانیەکێ گۆنجایی، ھەتا ل سەر کریا خانی ئاریشەیێن دی ژی د ناڤبەرا خوەدیێ خانی و کرێداری دا پەیدابووینە، بۆ نموونە سالا بۆری حالەتەک ھەبوو، زەلامەکی ژبەر نەبوونا کریێ دخواست خوە ب زارۆ ڤە بسوژیت، بەلێ ئەم زوو گەھشتین ئاریشەیا وی چارەسەر بکەین و نەگەھیتە رادێ روویدانەکا ب ڤی شێوەی.
مەحموودی گۆتژی: دوو ئەگەر بۆ ان ئاریشەیان ھەنە، ئەوژی یا ئێکێ حوکمەت نەشیایە جھێ ئاکنجیبوونێ بۆ خەلکێ ھەژار و کێم دەرامەت ئاڤا بکەت، یا دویێ ژی قانوونا کرێدانا خانی و ئاڤاھیان نەکەفتیە د بیاڤێ بجھئینانێ دا، دەمێ کار ب قانوونێ ناھێتەکرن و چو پیڤەر نینە بۆ دیارکرنا کریا خانی و چارەسەرکرنا ئاریشەیێن د ناڤبەرا کرێداری و خوەدیێ خانی، دێ ئاریشە پەیدابن و چو رێیێن ساناھی بۆ چارەسەرکرنێ نابن، دیسا ئێک ژ ئاریشەیێن د ناڤبەرا ژن و زەلامان دا، د ڤی سەردەمی دا ئاریشە ل سەر نەبوونا خانی و نەبوونا کریا خانیە، زۆرجاران ژی خوەدیێ خانی (خودانێ مولکی) ڤێ چەندێ ب دەلیڤە دزانیت و چو بەرچاڤ نینە ژبلی وەرگرتنا کریا خوە.
ره‌وشا سه‌قايێ سوبه‌هى
ئه‌ڤرۆ نيوز:
رێڤەبەریا گشتیا کەشناسیێ ل ھەرێما کوردستانێ راگەھاند کو سوبه‌هى ئه‌سمان دێ ساهى بيت و پلێن گه‌رمێ دێ هێنه خوار.
پشکا پێشبینیان ل رێڤەبەریا گشتیا کەشنایا ھەرێمێ راگەھاند کو ژ ئه‌نجامێ فشارێن نزمێن ده‌ريا ناڤه‌راست بۆ سەر ھەرێما کوردستانێ ئەو پێشبینی دکەن کو سوبه‌هى رێكه‌فتى 15ى خزيرانا 2015ێ ئه‌سمان دێ ساهى بيت.
رێڤەبەریا گشتیا کەشناسیێ ل ھەرێما کوردستانێ ئاشکەرا ژی کریە کو پلێن گەرماتیێ دێ هێنه خوار وه‌كو هه‌ڤبه‌ركى ل گه‌ل رۆژێن به‌رى نوكه ب رەنگەکی د ناڤبەرا 20 بۆ 35 دا.
ل دۆر پێشبینیا رێژا ھەوایی و مەودایێ دیتنێ ژی دایە زانین کو دێ ئاراستەیێ وی دێ باشوورێ رۆژهه‌لات بیت ب رەنگەکی دێ ل سه‌ر خوه و ناڤه‌ندى بیت د ناڤبەرا 5 بۆ 15 کلم د دەمژمێرەکێ دا، ماوێ دیتنێ ژی دێ 9 بۆ 10 کلم بیت.
نيشاندان
WP Facebook Auto Publish Powered By : XYZScripts.com